480.74
+0.03
511.65
+0.46
7.48
-0.03
+3
Եղանակը Երևանում
Հայ
Թուրք-սիրիական մերձեցումն ազդել է հայ-սիրիական հարաբերությունների վրա. փորձագետ
17:34
16 Հունիսի 2009

2000 թ.-ին նախագահ Բաշար Ասադի իշխանության գալուց հետո նկատվող թուրք-սիրիական մերձեցումն ինչ-որ տեղ ազդել է հայ-սիրիական հարաբերությունների վրա, կարծում է հայ արևելագետ Սուրեն Մանուկյանը:

Նրա խոսքերով՝ մինչ այդ թուրք-սիրիական հարաբերությունները լարված էին՝ անգամ հագեցած ռազմական բախումներով:

«2000 թ.-ից, երբ Սիրիայի նախագահ դարձավ Հաֆիզ Ասադի որդի Բաշար Ասադը, Սիրիայի ու Թուրքիայի միջև հարաբերություններն անշեղորեն զարգանում են»,- երեքշաբթի «Նովոստի» միջազգային մամուլի կենտրոնում տված ասուլիսի ժամանակ ասաց մանուկյանը:

Նա ընդգծեց, որ կողմերը լուծում են բոլոր վիճելի հարցերը, անգամ այնպիսի բարդ հարց, ինչպիսին է Եփրատի ջրային ռեսուրսների օգտագործումը:  

«Երկու կողմերն էլ բոլոր խնդիրները մի կողմ են թողել՝ որպես հիմնական խնդիր դիտարկելով քրդերի գործոնը»,- նշեց փորձագետը: Նրա խոսքերով՝ հաշվի առնելով Իրաքի հյուսիսում կիսանկախ քրդական պետության առկայությունը, այդ գործոնը որպես սպառնալիք չի կարող չդիտարկվել երկու երկրում էլ:

Մանուկյանն ընդգծեց, որ հենց թուրք-սիրիական մտերմացման հետ են փորձագետները կապում հայ-թուրքական հարաբերություններում ծագած որոշ հարցեր, մասնավորապես, Հայոց ցեղասպանության հարցում սիրիական դիրքորոշման փոփոխությունը:

Միաժամանակ փորձագետը հիշեցրեց, որ Սիիայի նախագահը ՀՀ ԱԳ նախարար Էդվարդ Նալբանդյանի հետ հանդիպման ժամանակ հատարարել էր, որ բավարարված է հայ-թուրքական հարաբերությունների լավացումից:

Այս առնչությամբ Մանուկյանը նշեց, որ Սիրիայի նախագահի վաղվա այցը Երևան տեղավորվում է հայ-թուրքական հարաբերությունների փոփոխման ձևաչափում: «Սա ամենահարմար պահն է, որ Սիրիայի նախագահը կարող է ժամանել Հայաստան՝ չնեղացնելով Թուրքիային, որը դառնում է սիրիացիների ռազմավարական գործընկերը»,- նշեց փորձագետը:

Նա ասաց, որ սիրիական ու թուրքական մամուլը չեն բացառում այն, որ Սիրիան կարող է միջնորդ դառնալ հայ-թուրքական հարաբերությունների բարելավման գործընթացում:
 
Հայաստանի և Թուրքիայի միջև չկան դիվանագիտական հարաբերություններ, իսկ 1993-ից, պաշտոնական Անկարայի նախաձեռնությամբ, փակ է հայ-թուրքական սահմանը։ Թուրքիան երկկողմ հարաբերությունների հաստատաման համար առաջ է քաշում մի շարք նախապայմաններ, մասնավորապես, Հայաստանի կողմից Օսմանյան Թուրքիայում 1915թ.  իրագործված Եղեռնի ճանաչմանն ուղղված ջանքերից հրաժարվելը և ղարաբաղյան հիմնախնդրի լուծումը` հօգուտ Ադրբեջանի:

Առաջին քայլերը հարաբերություններում արվեցին 2008թ. սեպտեմբերի 6-ին, երբ Թուրքիայի նախագահ Աբդուլա Գյուլն առաջին անգամ  ՀՀ նախագահ Սերժ Սարգսյանի հրավերով այցելեց Երևան՝ 2010 թ. աշխարհի առաջնության ընտրական փուլի շրջանակներում երկու երկրների հավաքականների միջև ֆուտբոլային հանդիպումը դիտելու համար։ Այցի ընթացքում երկու պետությունների ղեկավարները քննարկեցին երկկողմ հարաբերությունների հաստատման հնարավորությունները։

Թուրքիայի և Հայաստանի արտգործնախարարությունները, ինչպես նաև Շվեյցարիայի արտաքին գործերի դաշնային դեպարտամենտը հանդես են եկել հարաբերությունների կարգավորման վերաբերյալ համատեղ հայտարարությամբ, որտեղ խոսվում է «ճանապարհային քարտեզ» սահմանելու մասին։ --0--

Loading...
Թեմատիկ նյութեր
Բաժնի այլ նյութեր
15:40
03 Դեկտեմբերի 2016
ԲՀԿ քաղխորհուրդը խնդրում է Ծառուկյանին վերադառնալ ակտիվ քաղաքականություն
Շաբաթ օրը կայացած ԲՀԿ քաղաքական խորհրդի ընդլայնված նիստում քննարկվել է ԲՀԿ հիմնադիր նախագահ Գագիկ Ծառուկյանի ակտիվ քաղաքականություն վերադառնալու հարցը:
12:34
03 Դեկտեմբերի 2016
ՀՀ նախագահ Սերժ Սարգսյանն ու ԱՄՆ նորընտիր փոխնախագահ Մայք Փենսը հեռախոսազրույց են ունեցել
Հեռախոսազրույցը կայացել է ամերիկյան կողմի նախաձեռնությամբ:
19:55
02 Դեկտեմբերի 2016
Հայ–ռուսական զորախմբի ստեղծումը բխում է Հայաստանի շահերից. պաշտպանության նախկին նախարար
Հայաստանի և Ռուսաստանի Զինված ուժերի միավորված զորախմբի ստեղծումը բխում է Հայաստանի շահերից, ուրբաթ լրագրողներին հայտարարեց ՀՀ պաշտպանության նախկին նախարար Վաղարշակ Հարությունյանը։
17:18
02 Դեկտեմբերի 2016
Ադրբեջանի հետ սահմանագծում լարվածություն չկա. ՀՀ ՊՆ
Հայ-ադրբեջանական սահմանագծում և ղարաբաղա-ադրբեջանական շփման գծում իրավիճակը հանգիստ է, ասաց ՀՀ ՊՆ մամուլի քարտուղար Արծրուն Հովհաննիսյանը:
11:43
02 Դեկտեմբերի 2016
Րաֆֆի Հովհաննիսյանի որոշումը վտանգում է «Ժառանգություն» կուսակցության գոյությունը
Րաֆֆի Հովհաննիսյանը սպասում է քաղաքական դաշտում կատարվելիք փոփոխություններին:
17:22
01 Դեկտեմբերի 2016
Պուտինի ուղերձը. ի՞նչ օգուտ կարող է քաղել իր համար Հայաստանը
Այս տարի ՌԴ նախագահի` Դաշնային ժողովին ուղղված ուղերձը մի շարք առումներով անսովոր էր:
16:49
01 Դեկտեմբերի 2016
ՀԴԿ ղեկավարը վայր է դրել Համաշխարհային հայկական կոնգրեսի փոխնախագահի լիազորությունները
Հայաստանի դեմոկրատական կուսակցության նախագահ Արամ Սարգսյանը վայր է դրել Համաշխարհային հայկական կոնգրեսի փոխնախագահի լիազորությունները:
17:20
30 Նոյեմբերի 2016
Ռուսաստան vs Թուրքիա. ե՞րբ բարեկամության պատրանքը կվերածվի ծեծկռտուքի
Ռուսաստանի գործընկերների, հատկապես` Հայաստանի համար շատ զարմանալի է հետևել, թե ինչպես են զարգանում Մոսկվայի և Անկարայի հարաբերությունները:
15:29
28 Նոյեմբերի 2016
Աշոտյանը պարզաբանել է, թե ինչու է շտապել շնորհավորել նախագահին ՀՀԿ-ի նախագահի պաշտոնում վերընտրվելու կապակցությամբ
ՀՀԿ փոխնախագահ Արմեն Աշոտյանը պարզաբանել է, թե ինչու է շաբաթ օրը ՀՀԿ-ի համագումարին շտապել շնորհավորել ՀՀ նախագահ Սերժ Սարգսյանին կուսակցության նախագահ վերընտրվելու կապակցությամբ:
14:24
28 Նոյեմբերի 2016
Հայաստանի բնակչությունը կզգա նախագահի և վարչապետի համագործակցության արդյունքը
Հայաստանի բնակչությունը որոշ ժամանակ հետո կզգա ՀՀ նախագահ Սերժ Սարգսյանի և վարչապետ Կարեն Կարապետյանի համագործակցության արդյունքը, երկուշաբթի լրագրողներին ասաց ՀՀԿ փոխնախագահ Արմեն Աշոտյանը։
19:37
26 Նոյեմբերի 2016
Հայաստանի քաղաքական ուժերը կհամախմբվեն խորհրդարանական ընտրությունների նախաշեմին. պատգամավոր
Հայաստանի քաղաքական ուժերը խորհրդարանական ընտրությունների նախաշեմին կհամախմբվեն:
15:18
26 Նոյեմբերի 2016
ՀՀԿ–ում կլինի առաջին փոխնախագահի պաշտոն և Ավագանու խորհուրդ
Առաջին փոխնախագահի պաշտոն կգործարկվի ՀՀԿ–ում, շաբաթ օրը լրագրողներին ասաց ՀՀ արդարադատության նախարար, ՀՀԿ անդամ Արփինե Հովհաննիսյանը։