480.45
+0.06
537.05
+0.45
8.13
+0.06
+20
Եղանակը Երևանում
Հայ
Թուրքիայի ԱԳՆ ղեկավարը կողմ է արտահայտվել Հայաստանի հետ հարաբերությունների կարգավորմանը. ԶԼՄ
17:00
15 Հունիսի 2009

Թուրքիան կողմ է Հայաստանի հետ հարաբերությունների կարգավորմանը, երկուշաբթի Բաքվի «Տրենդ» տեղեկատվական գործակալությանը տված հարցազրույցում հայտարարել է Թուրքիայի ԱԳՆ ղեկավար Ահմեդ Դավութօղլին:

Հայաստանի և Թուրքիայի միջև բացակայում են դիվանագիտական հարաբերությունները, երկու երկրի միջև սահմանը փակ է 1993թ.-ից: Թուրքիայի և Հայաստանի արտգործնախարարությունները, ինչպես նաև Շվեյցարիայի արտաքին գործերի դաշնային դեպարտամենտն ապրիլի 23-ի գիշերը հարաբերությունների կարգավորման համատեղ հայտարարություն են արել:

Հայտարարության մեջ ասվում է, որ կողմերը համաձայնության են հանգել իրենց երկկողմ հարաբերությունների կարգավորման համապարփակ շրջանակի շուրջ երկու կողմերին գոհացնող կերպով: Այս համատեքստում սահմանվել է ճանապարհային քարտեզ:

«Հայաստանի հետ երկխոսությունում մենք տեսնում ենք, որ նա նույնպես Կովկասում խաղաղություն և զարգացում է կամենում»,- ասել է Դավութօղլին, հաղորդում է ՌԻԱ Նովոստին։

Միաժամանակ նա նշել է, որ «Հարավային Կովկասում իրավիճակի բարելավման համար կարևոր է և պետք է նաև առաջընթացի հասնել ղարաբաղյան կարգավորման հարցում»։

«Մենք կարծում ենք, որ բոլոր կողմերը պետք է աշխատեն այդ ծրագիրն իրականացնելու համար։ Ես նաև կցանկանայի նշել, որ Թուրքիայի և Հայաստանի փոխհարաբերությունները չեն սահմանափակվում Հարավային Կովկասով։ Նրանք նաև ազդեցություն են ունենում թուրք-ամերիկյան հարաբերությունների վրա, ինչը ճիշտ չէ»,- ասել է Դավութօղլուն՝ նշելով, որ «մեր հարաբերությունները Հայաստանի հետ չպետք է անդրադառնան ԱՄՆ-ի հետ ունեցած մեր կապերի վրա»։

Դիվանագետը չի համաձայնել այն կարծիքին, թե Թուրքիայի վարչապետ Ռեջեփ Թայիփ Էրդողանի՝ Ադրբեջան կատարած այցից հետո ընթացիկ տարվա մայիսին «ճանապարհային քարտեզի» ուղղությամբ բանակցություններն այլևս արդիական չեն։

«Ոչ, դա այդպես չէ: Մենք Հայաստանի հետ բանակցություններում բավականաչափ վճռական ենք: Մենք՝ Թուրքիան, Հայաստանը, Ադրբեջանը և անգամ Ռուսաստանն ու Վրաստանը, համատեղ ապագա ունենք: Մենք բոլորս նույն տարածաշրջանում ենք, և միշտ այդպես է լինելու: Այդ պատճառով մենք պետք է կառուցողական լինենք և որքան հնարավոր է՝ հեռու մնանք մեր բանակցություններին խանգարող գործընթացներից ու գործողություններից»,- ասել է նա:

Դավութօղլին ասել է նաև, որ ՄԱԿ-ի անվտանգության խորհրդի նախագահության շրջանակներում Թուրքիան կողմ է հանդես գալիս խորհրդի նիստերում Լեռնային Ղարաբաղի հակամարտության թեմատիկայի քննարկմանը։

«Այս ամսվա ընթացքում Անվտանգության խորհրդի օրակարգում կքննարկվեն տարբեր հարցեր, և Թուրքիան միջազգային հետաքրքրություն և արդիականություն ներկայացնող հարցերի, դրանց թվում՝ ղարաբաղյան թեմատիկայի քննարկման կողմնակիցն է»,- ասաց նա՝ նշելով, որ «մենք (Թուրքիան) կցանկանայինք, որ հայ-ադրբեջանական բանակցություններն արդյունավետ լինեն»։

«Մենք նույնպես աշխատում ենք այս հարցի շուրջ ԵԱՀԿ Մինսկի խմբի շրջանակներում։ Վաշինգտոն կատարած իմ այցի ընթացքում ես քննարկել եմ այդ թեման ԱՄՆ ղեկավարների հետ, և մենք եկել ենք այն եզրակացությանը, որ մեր համատեղ խնդիրն է ամեն կերպ նպաստել հակամարտության կարգավորմանը»,- եզրափակել է Թուրքիայի ԱԳՆ ղեկավարը։ -0-

Loading...
Թեմատիկ նյութեր
Բաժնի այլ նյութեր
00:46
26 Հունիսի 2017
Հայկական ձևով հնդկահավն իրարանցում է առաջացրել Բաքու մեկնող ինքնաթիռում (ՎԻԴԵՈ)
Հայկական ձևով հնդկահավն ու բրինձը իրարանցում են առաջացրել Բաքու մեկնող ինքնաթիռում։
21:02
22 Հունիսի 2017
Սերժ Սարգսյանը ԵԺԿ–ի գագաթնաժողովում ներկայացրել է Հայաստանի առաջընթացը
Հայաստանի նախագահ Սերժ Սարգսյանը Բրյուսելում մասնակցել է Եվրոպական ժողովրդական կուսակցության` ընդլայնված կազմով գագաթնաժողովին:
14:01
22 Հունիսի 2017
Նիկոլ Փաշինյանը`Վահրամ Բաղդասարյանին. «Պադեզդի մակարդակ եք ուզում, եկեք գնանք...» (ՎԻԴԵՈ)
«Գիշերը երևի վատ է անդրադարձել, երեկ ավելի օբյեկտիվ ելույթներ էին հնչում»,-ասաց Վահրամ Բաղդասարյանը:  
19:09
21 Հունիսի 2017
ՀՀ նախագահն աշխատանքային այցով մեկնել է Բրյուսել
ՀՀ նախագահ Սերժ Սարգսյանն այսօր երեկոյան աշխատանքային այցով մեկնել է Բելգիայի Թագավորություն։
15:20
20 Հունիսի 2017
Ֆրանսահայ համայնքի պատմության նոր էջ. 4 հայ պատգամավորներ ընտրվել են Ֆրանսիայի ԱԺ–ում
Էմանուել Մակրոնի «Առաջ, հանրապետություն» կուսակցությունից չորս ֆրանսահայեր անցել են Ֆրանսիայի խորհրդարան:
15:26
19 Հունիսի 2017
Հայաստանի և Ադրբեջանի նախագահները պատրաստ են շարունակել բանակցությունները ԼՂ հիմնահարցի շուրջ. ռուս միջնորդ
Հայաստանի և Ադրբեջանի նախագահներ Սերժ Սարգսյանն ու Իլհամ Ալիևը պատրաստ են շարունակել ղարաբաղյան հակամարտության կարգավորմանն ուղղված խաղաղ բանակցությունները:
18:54
15 Հունիսի 2017
Մենք կարող ենք ինքներս լուծել և՛ Ղարաբաղում, և՛ Մերձդնեստրում, և՛ Ուկրաինայում առկա խնդիրները. Լուկաշենկո
Բելառուսի նախագահ Ալեքսանդր Լուկաշենկոն անդրադարձել է ՀԱՊԿ տարածաշրջանի երկրների որոշ խնդիրների։
20:00
14 Հունիսի 2017
Հայաստանն ու Տաջիկստանը, հնարավոր է, ուղիղ ավիահաղորդակցություն գործարկեն. Սարգսյան
Հայաստանն ու Տաջիկստանը դիտարկում են երկու երկրների միջև ուղիղ ավիաչվերթի գործարկման հնարավորությունը:
18:41
14 Հունիսի 2017
Տաջիկստանի նախագահը նշել է Հայաստանի հետ համագործակցության հեռանկարային ոլորտները (ՖՈՏՈ)
ՀՀ նախագահի հրավերով պաշտոնական այցով այսօր Հայաստան է ժամանել Տաջիկստանի Հանրապետության նախագահ Էմոմալի Ռահմոնը:
14:43
13 Հունիսի 2017
Նալբանդյանը նշել է ԵՄ-ի հետ շրջանակային համաձայնագրի ստորագրման ժամկետը
Էստոնիան ԵՄ նախագահությունը կստանձնի հուլիսի 1-ից:
13:43
12 Հունիսի 2017
Հայաստան կայցելի Էստոնիայի արտգործնախարար Սվեն Միկսերը
Էստոնիայի արտգործնախարարին կընդունեն հանրապետության նախագահը, Ազգային ժողովի նախագահը և վարչապետը։
15:38
09 Հունիսի 2017
ՀՀ նախագահն աշխատանքային այցով մեկնել է Ղազախստան
ՀՀ նախագահ Սերժ Սարգսյանն այսօր աշխատանքային այցով մեկնել է Ղազախստանի Հանրապետություն: