478.3
+0.07
574.1
-0.3
8.31
+0.05
+31
Եղանակը Երևանում
Հայ
ՀՀ նախագահը մեծ հույսեր է կապում Երևանի ավագանու նորընտիր խորհրդի հետ
15:42
11 Հունիսի 2009

ՀՀ նախագահ Սերժ Սարգսյանը հայտարարեց, որ մեծ հույսեր է կապում Երևանի ավագանու նորընտիր խորհրդի հետ։

«Նորընտիր ավագանու առջև այսօր ծառացած են իսկապես բարդ խնդիրներ, որոնց լուծումները պահանջելու են մեծ աշխատանք և նոր մոտեցումներ»,- հինգշաբթի Երևանի քաղաքապետ Գագիկ Բեգլարյանի երդմնակալության ընթացքում ասաց պետության ղեկավարը։

Երևանում մայիսի 31-ին անցկացվեցին Ավագանու խորհրդի առաջին ընտրությունները։ Խորհուրդը կազմված է 65 անդամից։ Ավագանու անդամների տեղերի  50 տոկոսից ավելին  ստացած ՀՀԿ համամասնական ցուցակի առաջին հորիզոնականը զբաղեցնող Գագիկ Բեգլարյանը դարձավ Երևանի առաջին ընտրված քաղաքապետը:

ՀՀԿ-ն խորհրդում ստացավ 35 մանդատ, «Բարգավաճ Հայաստանը»՝ 17, ՀԱԿ-ը՝ 13 մանդատ: Միաժամանակ ՀԱԿ-ը հրաժարվեց իր մանդատներից:

Նախագահի խոսքով, մեծ է Երևանի նշանակությունը Հայաստանի և ողջ հայության համար։ Այդ պատճառով է, որ մայրաքաղաքի զարգացման հետ կապված խնդիրները, լինեն դրանք քաղաքաշինության, թե բնապահպանության վերաբերյալ, միշտ էլ հասարակական մեծ հնչեղություն են ունեցել։

«Ավագանու անդամներին ընտրել են մարդիկ, ում համար Երևանը հարազատ տուն է, մարդիկ, ովքեր սիրում են իրենց քաղաքը և մտահոգ են նրա հիմնահարցերով։ Դուք հաջողություն կունենաք ձեր գործում, եթե առաջնորդվեք նույն սիրով։ Երևանը սիրող մարդիկ չեն կարող վնասել քաղաքին, Երևանը սիրող մարդիկ միայն սեր են տալու մայրաքաղաքին, իսկ սիրո արդյունքում միշտ միայն բարին է ծնվում»,- ասաց Սարգսյանը՝ դիմելով ավագանու խորհրդի անդամներին։

Նախագահը նշեց, որ սպառողական հոգեբանությամբ մոտենալ Երևանին, նրա շենքերին, զբոսայգիներին, հրապարակներին, նշանակում է քամել նրանից ինչ-որ հնարավոր է և դիմացը չտալ ոչինչ։ Նրա խոսքով, վաղուց արդեն եկել է հատուցելու ժամանակը։ Երևանն ակնկալում է ծնողական հոգատարություն ու խնամք, բայց նաև ակնկալում է որդիական ակնածանք։

Երկրի ղեկավարը կարծում է, որ Երևանում ձևավորվել է հարաբերությունների, շփումների որոշակի մշակույթ, որ հատուկ է միայն մեր քաղաքին։ Իսկապես, կան գեղեցիկ ավանդույթներ, որ արժե պահպանել ու զարգացնել, բայց կան նաև տգեղ, մեզ պատիվ չբերող երույթներ, որոնք շարունակվում են իներցիայով։

Մասնավորապես, նախագահի կարծիքով, վերջին շրջանում վարորդների վերաբերմունքը երթևեկության կանոնների նկատմամբ էապես փոխվել է, բայց, ցավոք սրտի, հետիոտների վերաբերմունքը բացարձակապես չի փոխվել:

Սարգսյանը նշեց, որ մայրաքաղաքի հիմնախնդիրների լուծումը երբեք չեն կապվում քաղաքական հայացքների, գաղափարախոսական տարբերությունների հետ:

«Կա նպատակ, և մոտեցումների տարբերություններ այդ նպատակին հասնելու ճանապարհների վերաբերյալ: Սրանից նպատակին հասնելու գործընթացը միայն շահելու էմ և շահելու է Երևանը»,- պարզաբանեց նախագահը:

Երկրի ղեկավարը վստահություն հայտնեց, որ մայրաքաղաքի խնդիրների հետևողական լուծումը դեպի լավը կփոխի հայկական պետության հատկանիշները, իսկ Երևանում տեղի ունեցող փոփոխությունները կազդեն երկրի շրջանների վրա։ -0-

Loading...
Թեմատիկ նյութեր
Բաժնի այլ նյութեր
15:38
20 Սեպտեմբերի 2017
Ղարաբաղյան հակամարտությունը կարող է կարգավորվել բացառապես խաղաղ ճանապարհով. Լեհաստանի նախագահ
Ղարաբաղյան հակամարտությունը կարող է կարգավորվել բացառապես խաղաղ ճանապարհով:
12:02
20 Սեպտեմբերի 2017
ՀՀ նախագահ. Հայաստանը հայ–թուրքական արձանագրությունները հայտարարելու է առ ոչինչ
Հայ–թուրքական արձանագրությունների կենսագործման ուղղությամբ որևէ դրական տեղաշարժի բացակայության պայմաններում Հայաստանը այդ արձանագրությունները հայտարարելու է առ ոչինչ, հայտարարել է ՀՀ նախագահ Սերժ Սարգսյանը:
21:05
19 Սեպտեմբերի 2017
Շավարշ Քոչարյանը` ղարաբաղյան հակամարտության մասին. ոչ մեկը ոչ մեկին ոչ մի տարածք չի տալիս
Շավարշ Քոչարյանը տարակուսանք է հայտնել այն իրարանցման կապակցությամբ, որն առաջացրել է ղարաբաղյան հարցի վերաբերյալ ՀՀ ԱԳ նախարարի արված հայտարարությունը։
16:03
19 Սեպտեմբերի 2017
ՀՀԿ–ն դեռ վերջնական որոշում չի ընդունել վարչապետի թեկնածության հարցում
ՀՀԿ–ն դեռ պաշտոնական որոշում չի ընդունել, թե ով է զբաղեցնելու վարչապետի պաշտոնը 2018 թվականի ընտրություններից հետո։
14:25
19 Սեպտեմբերի 2017
Գարո Փայլան. միայն ժողովրդական Թուրքիան կարող է ճանաչել Հայոց ցեղասպանությունը
Միայն ժողովրդական Թուրքիան կարող է ճանաչել Հայոց ցեխասպանությունը և բացել սահմանները:
12:51
19 Սեպտեմբերի 2017
Նալբանդյանը չի բացառում Արցախի անվտանգությանը չսպառնացող տարածքների վերադարձը
Հայաստանի արտաքին գործերի նախարար Էդվարդ Նալբանդյանը չի բացառում Արցախի անվտանգությանը չսպառնացող տարածքների վերադարձը։
19:25
18 Սեպտեմբերի 2017
Նալբանդյան. Հայաստանը մտադիր է դիվանագիտական հարաբերություններ հաստատել վեց երկրների հետ
Հայաստանը մտադիր է դիվանագիտական հարաբերությունների մասին համաձայնագրեր ստորագրել վեց երկրների հետ:
17:39
18 Սեպտեմբերի 2017
ՀՀ պաշտպանության նախարարը ներկայացրել է Ռուսաստանից սպառազինություն գնելու պայմանները
Ռուսաստանը Հայաստանին սպառազինություն է վաճառում ներքին գներով:
16:47
18 Սեպտեմբերի 2017
ԱԳ նախարար. հայկական կողմը ԵՄ-ի հետ շրջանակային համաձայնագրի ստորագրման խոչընդոտներ չի տեսնում
Հայկական կողմից Եվրամիության հետ շրջանակային համաձայնագիր ստորագրելու խոչընդոտներ չկան:
11:17
18 Սեպտեմբերի 2017
Ամենայն Հայոց Կաթողիկոս. Հայաստան-Սփյուռք համաժողովները կարևոր հարթակ են Հայաստանի, Արցախի և սփյուռքի միասնության զորացման համար
Երևանում մեկնարկել է Հայաստան–Սփյուռք «Փոխադարձ վստահություն, միասնականություն և պատասխանատվություն» վեցերորդ համաժողովը:
21:56
15 Սեպտեմբերի 2017
Լապշինը` հայերին. եթե կորցնեք Ղարաբաղը, ադրբեջանցիները գալու են ձեզ մորթելու
Հայտնի ռուս բլոգեր Ալեքսանդր Լապշինն ուղերձով դիմել է հայերին:
16:46
14 Սեպտեմբերի 2017
ՌԴ վարչապետ Դմիտրի Մեդվեդևը մոտ ապագայում կայցելի Երևան
ՀՀ վարչապետ Կարեն Կարապետյանն այսօր հեռախոսազրույց է ունեցել ՌԴ կառավարության ղեկավար Դմիտրի Մեդվեդևի հետ: