486.33
+0.12
521.78
+4.16
8.19
+0.04
-9
Եղանակը Երևանում
Հայ
Հայաստանն ավելի նպատակային աջակցություն է ակնկալում «Արևելյան գործընկերություն» ծրագրի շրջանակներում. ԱԳՆ
19:53
04 Հունիսի 2009

Հայաստանն ավելի նպատակային աջակցություն է ակնկալում «Արևելյան գործընկերություն» ծրագրի շրջանակներում, ասաց ՀՀ փոխարտգործնախարար Արման Կիրակոսյանը։

«Այս տարվանից մենք «Արևելյան գործընկերություն» նախաձեռնության անդամ դարձանք, որը ունի հստակ բովանդակություն, և հուսով ենք, որ այն ծրագրերը, որոնք կիրականացվեն «Արևելյան գործընկերության» շրջանակներում, ավելի նպատակային կլինեն, քանի որ ոչ միայն կարևոր ուղղվածություն ունեն, այլև միջոցների հստակ չափ բոլոր երկրների համար»,- ասաց Կիրակոսյանը՝ ԱԺ-ում ներկայացնելով ԱԳՆ գծով 2008 թ.-ի բյուջեի կատարման հաշվետվությունը։

Ըստ ԱԳՆ ղեկավարի տեղակալի՝ խոսքը բազմակողմ ծրագրերի շրջանակներում 250 մլն եվրո տրամադրելու մասին է, և համանման գումարի մասին՝ 6 երկրների հետ երկկողմ ծրագրերի իրականացնելու համար։  
 
«Արևելյան գործընկերությունը» լեհ-շվեդական նախաձեռնություն է՝ հարևանության քաղաքականության շրջանակներում, որն ուղղված է հետխորհրդային երկրների և ԵՄ-ի միջև հարաբերությունների բարելավմանը։ «Արևելյան գործընկերությունը» պետք է ընդգրկի Եվրամիության վեց հարևան երկրներին՝ Ադրբեջանին, Հայաստանին, Վրաստանին, Մոլդովային, Ուկրաինային և Բելառուսին։ Ծրագրի շրջանակներում ԵՄ-ն այդ երկրներին կհատկացնի 600 միլիոն եվրո 2009-2013 թթ.-ին։

Կիրակոսյանը նշեց, որ ԵՄ-ն Հայաստանին ֆինանսական աջակցություն է ցուցաբերում հիմնականում երկու ծրագրերով՝ ՏԱՍԻՍ և «Եվրոպական հարևանության»։

«ՏԱՍԻՍ-ն ավարտում է իր ծրագիրը Հայաստանում, իսկ Եվրահանձնաժողովի ծրագրերն իրականացվում են հիմնականում «եվրոպական հարևանության» քաղաքականության շրջանակներում։ Հայաստանին տրամադրվող ֆինանսական ու տեխնիկական օգնությունը կանոնակարգվում է «Ազգային ինդիկատիվ» ծրագրով բյուջետային հատկացումների տեսքով»,- ասաց փոխնախարարը։  

Նա հավելեց, որ այս ծրագրում կա երեք հիմնական ուղղություն՝ աջակցություն ժողովրդավարական կառույցներին և կառավարման ամրացմանը, աջակցություն կանոնակարգող բարեփոխումներին և վարչական հնարավորությունների ստեղծում, աջակցություն աղքատության կրճատմանը։  

Կիրակոսյանը նշեց, որ «Ազգային ինդիկատիվ» ծրագրի շրջանակներում 2008 թ.-ի հունիսին Հայաստանը ստացել է առաջին տրանշը 2007 թ.-ին հասատված միջին մասնագիտական կրթության ծրագրով, իսկ 2009 թ.-ի փետրվարին՝ երկրորդ տրանշը՝ 16 մլն եվրո ընդհանուր արժողությամբ ծրագրից։

Ընդ որում նա նշեց, որ 2008 թ.-ին առաջնահերթ են դիտվել արդարադատության ոլորտի բարեփոխումները, սակայն մինչ այժմ Եվրահանձնաժողովը այս նպատակի համար միջոցներ չի հատկացրել։

2006թ. նոյեմբերի 14-ին Բրյուսելում՝ Հայաստան-ԵՄ համագործակցության խորհրդի 7-րդ լիագումար նիստի ընթացքում ընդունվել և ուժի մեջ է մտել «Նոր հարևանություն» ծրագրի շրջանակներում Հայաստան-ԵՄ գործողություների հնգամյա ծրագիրը։

Եվրամիությունը ծրագրում էր տրամադրել Հայաստանին 100 մլն. եվրո՝ առաջնահերթությունների և Հայաստան-ԵՄ համագործակցության միջոցառումերի ծրագրերի իրականացման համար:--0--

Loading...
Թեմատիկ նյութեր
Բաժնի այլ նյութեր
01:14
24 Հունվարի 2017
ԱՄՆ–ն դուրս է գալիս Անդրխաղաղօվկիանոսյան գործընկերությունից
ԱՄՆ նախագահ Դոնալդ Թրամփը հրամանագիր է ստորագրել Անդրխաղաղօվկիանոսյան գործընկերության (ԱԽԳ) համաձայնագրից ԱՄՆ–ի դուրս գալու մասին:
20:51
23 Հունվարի 2017
ՀՀ վարչապետը շնորհավորել է Գլեդիս Բերեջիկլյանին ավստրալական նահանգի կառավարության ղեկավարի պաշտոնում նշանակվելու կապակցությամբ
Հայաստանի վարչապետ Կարեն Կարապետյանը շնորհավորել է հայազգի Գլեդիս Բերեջիկլյանին ավստրալական խոշորագույն նահանգի կառավարության ղեկավարի պաշտոնը ստանձնելու կապակցությամբ:
00:01
22 Հունվարի 2017
ԱՄՆ նախագահի անցումային վարչակազմը գլխավորել է Քեն Նահիգյանը
ԱՄՆ նախագահի վարչակազմի անցումային վարչակազմը նոր ղեկավար ունի:
16:57
20 Հունվարի 2017
Իշխան Զաքարյանը դարձել է Գագիկ Ծառուկյանի դաշինքի շտաբի պետը
Հայաստանի ՀՀ վերահսկիչ պալատի ղեկավար Իշխան Զաքարյանը գլխավորել է Գագիկ Ծառուկյանի դաշինքի նախընտրական շտաբը։
15:30
20 Հունվարի 2017
Մինսկն արտահանձնում է բլոգեր Լապշինին Ադրբեջանին
Բելառուսի Հանրապետությունը որոշել է արտահանձնել Ռուսաստանի Դաշնության և Իսրայելի պետության քաղաքացի Ալեքսանդր Լապշինին։
19:48
19 Հունվարի 2017
Խաչատուր Սուքիասյանը չի պատրաստվում գլխավորել ԲՀԿ շտաբը
Հայ խոշոր գործարար Խաչատուր Սուքիասյանը չի պատրաստվում գլխավորել «Բարգավաճ Հայաստան» կուսակցության շտաբն առաջիկա խորհրդարանական ընտրություններում:
10:57
19 Հունվարի 2017
Խաչատուր Սուքիասյանը կլինի Գագիկ Ծառուկյանի դաշինքի շտաբի պետը
Երկար քննարկումներից հետո Խաչատուր Սուքիասյանը որոշել է առաջիկա ընտրություններին մասնակցել Գագիկ Ծառուկյանի դաշինքով։
12:37
18 Հունվարի 2017
Հայաստանի խորհրդարանի աշխատակազմի ղեկավարը ցանկանում է վերադառնալ արդարադատության նախարարի պաշտոնին
Հայաստանի խորհրդարանի աշխատակազմի ղեկավար Հրայր Թովմասյանը ցանկանում է վերադառնալ արդարադատության նախարարի պաշտոնին:
11:43
18 Հունվարի 2017
Գագիկ Ծառուկյանի կողմնակիցների թիվը սրընթաց աճում է
Գագիկ Ծառուկյանի պոտենցիալ կողմնակիցների թիվը սրընթաց աճում է:
17:19
17 Հունվարի 2017
Ծառուկյանի վերադարձը կազդի Հայաստանի խորհրդարանական ընտրությունների արդյունքների վրա. փորձագետ
«Բարգավաճ Հայաստան» կուսակցության հիմնադիր Գագիկ Ծառուկյանի վերադարձը մեծ քաղաքականություն, անկասկած, կազդի առաջիկա խորհրդարանական ընտրությունների արդյունքների վրա։
15:50
17 Հունվարի 2017
Լավրովը` Արցախ այցելած բլոգերի կալանավորման մասին. մենք դեմ ենք այս կամ այն տարածք անհատի այցելության քրեականացմանը
ՌԴ ԱԳ նախարար Սերգեյ Լավրովը, մեկնաբանելով Ադրբեջանի պահանջով Մինսկում բլոգեր Ալեքսանդր Լապշինի կալանավորման մասին տեղեկությունը, հայտարարել է, որ Մոսկվան դեմ է այս կամ այն տարածք անհատի այցելության քրեականացմանը։
13:52
17 Հունվարի 2017
Գագիկ Ծառուկյան. բացում եմ քաղաքական գործունեության փակված էջը և մասնակցելու եմ 2017 թ.–ի խորհրդարանական ընտրություններին
«Բարգավաճ Հայաստան» կուսակցության հիմնադիր և նախկին առաջնորդ Գագիկ Ծառուկյանը հայտարարում է քաղաքականություն վերադառնալու և 2017 թ.–ի խորհրդարանական ընտրություններին մասնակցելու մասին։