484
-0.04
526.01
+2.91
8.52
+0.08
+10
Եղանակը Երևանում
Հայ
Վրացական եկեղեցին փորձում է պետության հետ մեկտեղ ուծացման քաղաքականություն իրականացնել Ջավախքում. փորձագետ
19:33
02 Հունիսի 2009

Վրաց ուղղափառ եկեղեցին վրացական պետության հետ մեկտեղ փորձում է ուծացման քաղաքականություն իրականացնել հայաբնակ Ջավախքում, կարծում է «Միտք» վերլուծական կենտրոնի փորձագետ Էդուարդ Աբրահամյանը:

«Վրաց եկեղեցու քաղաքականությունը Սամցխե-Ջավախեթի շրջանում զուգակցված է պետականի հետ: Եթե պետությունը ասիմիլյացիոն գործընթացներ է իրականացնում քաղաքական և հասարակական ոլորտներում, ապա եկեղեցին՝ եկեղեցական ու հոգևոր»,- հայտարարեց նա:

Աբրահամյանի խոսքով՝ Վրաց ուղղափառ եկեղեցու եկեղեցական քաղաքականությունը առանձնանում է մեծ ագրեսիվությամբ: «Հայերը նրանց համար կարծես հերետիկոսներ լինեն, և եթե, օրինակ, հայ աղջիկը ամուսնանում է վրացու հետ, ապա նրան երկրորդ անգամ են կնքում»,- նշեց նա:  

Վրացական եկեղեցու նման քաղաքականությունը, նրա կարծիքով, մասնավորապես բացատրվում է նրանով, որ պատրիարք Իլյա 2-րդը ավելի շատ քաղաքական ու հասարակական գործերով է զբաղված, քան հոգևոր: Նա հայտնեց, որ վերջին շրջանում Ջավախքում կտրուկ մեծացել է վրացի հոգևոր ծառայողների թիվը՝ չնայած այն բանին, որ այդ տարածաշրջանում վրացի հավատացյալներ չկան:  

Վրացական եկեղեցին պետության օգնությամբ յուրացնում է մինչև 1800 թ.-ը կառուցված հինավուրց հայկական եկեղեցական համալիրները և եկեղեցիները, ոչնչացնում հայկական արձանագրությունները դրանցում, որպեսզի հետո դրանք ներկայացնեն որպես վրացական և դրա օգնությամբ ապացուցեն, որ հայկական բնակչությունը տարածաշրջանում եկվոր է։  

Աբրահամյանը հավելեց, որ եթե բնակչությունը խոչընդոտում է այդ գործողություններին, ապա տարբեր տեսակի ճնշումների է ենթարկվում։

Որպես օրինակ նա բերեց հայկական հինավուրց եկեղեցական Սամսար համալիրի հետ կապված պատմությունը, երբ եկեղեցում հայկական արձանագրությունները ոչնչացնող վրացի հոգևորականներին խանգարած հայ երիտասարդները մի քանի ամիս հետո տարբեր պատճառներով ձերբակալվեցին։ Աբրահամյանը հայտնեց, որ բնակչությունը տեղեկություն ունի այն մասին, որ որոշ վրացի հոգևորականներ զինված են և որ նրանցից շատերը նախկինում դատված են եղել։  
 
Նա նաև նշեց, որ հայ բնակչությանը թույլ չի տրվում նորոգել հինավուրց հայ եկեղեցիները, այլ միայն նորերը կառուցել։ Աբրահամյանի խոսքով՝ եկեղեցիների  վերակռուցման ու պաշտպանության պատրվակով վրացական իշխանությունները յուրացնում են հին հայկական եկեղեցիները։ 

Մեկնաբանելով Հայ առաքելական եկեղեցու դիրքորոշումը այս հարցում՝ Աբրահամյանը նշեց, որ «մեր եկեղեցին պասիվ չէ, այն շատ պասիվ է»։

Նա հայտարարեց, որ զարմանք է հարուցում այն փաստը, որ 150 հազար հայ բնակչությամբ Ջավախքում մինչև այժմ առանձին հայկական թեմ չի ստեղծված, քանի որ Թբիլիսիի թեմը հեռավորության պատճառով տարածաշրջանի եկեղեցական կյանքի նորմալ կառավարում չի կարող իրականացնել։  

Որպես հակառակ օրինակ նա բերեց մի քանի տասնյակ վրացի ընտանիքների համար Լոռու մարզում առանձին վրացական թեմի ստեղծումը։

Ջավախքը գտնվում է Հայաստանի, Վրաստանի և Թուրքիայի սահմանների հատման կետում։ Այնտեղ բնակչության գերակշիռ մասը (տարբեր տվյալներով՝ 91-ից 97%) հայեր են։ Սամցխե-Ջավախեթի միացյալ երկրամասի բնակչությունը 238 հազար է։--0—

Loading...
Թեմատիկ նյութեր

Բաժնի այլ նյութեր
19:40
27 Մարտի 2017
Հայաստանի և Ադրբեջանի ԱԳՆ ղեկավարները բարձր մակարդակով հանդիպում են նախապատրաստում. Հոգլանդ
Հայաստանի և Ադրբեջանի արտաքին գործերի նախարարները բարձր մակարդակով հանդիպում են նախապատրաստում:
11:16
16 Մարտի 2017
ՀՀԿ–ի ներսում ամեն ինչ հարթ չէ. դժգոհություն է հասունանում
ՀՀԿ-ում իրավիճակն այնքան պարզ եւ հարթ չէ, ինչպես թվում է կողքից։
18:10
13 Մարտի 2017
Լուկյանով. Ռուսաստան–Թուրքիա–Ադրբեջան միություն երբեք չի կարող լինել
Ռուսաստանի, Թուրքիայի և Ադրբեջանի միջև միության մասին երբեք խոսք լինել չի կարող, հայտարարեց քաղաքագետ Ֆյոդոր Լուկյանովը։
11:33
10 Մարտի 2017
ՀՀ նախագահը ՌԴ–ում ՀՀ նոր դեսպան է նշանակել
Ավելի վաղ նախագահի հրամանագրով Օլեգ Եսայանն ազատվել էր ՌԴ–ում ՀՀ դեսպանի պաշտոնից։
11:14
10 Մարտի 2017
Օլեգ Եսայանն ազատվել է ՌԴ–ում ՀՀ դեսպանի պաշտոնից
ՀՀ նախագահ Սերժ Սարգսյանն ուրբաթ հրամանագիր է ստորագրել Օլեգ Եսայանին ՌԴ–ում ՀՀ արտակարգ և լիազոր դեսպանի պաշտոնից ազատելու մասին։
20:19
07 Մարտի 2017
Մեկնարկել է նախագահ Սերժ Սարգսյանի պաշտոնական այցը Ֆրանսիա
ՀՀ նախագահ Սերժ Սարգսյանը Ֆրանսիայի Հանրապետության նախագահ Ֆրանսուա Օլանդի հրավերով այսօր պաշտոնական այցով ժամանել է Ֆրանսիա:
16:48
06 Մարտի 2017
Ռոբերտ Քոչարյան. ընթացիկ քաղաքական գործընթացի մեջ մտնելու ոչ մի ցանկություն չունեմ
Հայաստանի երկրորդ նախագահ Ռոբերտ Քոչարյանը երկուշաբթի հարցազրույց է տվել 2rd.am կայքին:
16:20
06 Մարտի 2017
Ուսումնասիրություն. «Ծառուկյան դաշինքն» առաջ է անցնում ՀՀԿ–ից նախընտրական քարոզարշավի սկզբում
«Ծառուկյան դաշինքն» առաջ է անցնում ՀՀԿ–ից նախընտրական քարոզարշավի սկզբում։
12:55
06 Մարտի 2017
Լևոն Տեր–Պետրոսյանի բացակայությունը իր դաշինքի ակցիաներին կապված չէ առողջական վիճակի հետ
ՀՀ առաջին նախագահ Լևոն Տեր-Պետրոսյանի բացակայությունը դաշինքի վերջին միջոցառումներին կապված չէ նրա առողջական վիճակի հետ:
12:29
01 Մարտի 2017
ՀՀ նախագահը մեկնում է Ռուսաստան` ամրապնդելու տնտեսական համագործակցությունը
ՀՀ նախագահ Սերժ Սարգսյանը մարտի 14–ին երկօրյա պաշտոնական այցով կմեկնի Մոսկվա։
12:19
22 Փետրվարի 2017
Խաչատուր Սուքիասյան. աջակցում եմ ՀԱԿ–ին, բայց Ծառուկյանի կողքին եմ
Ես նախկինում էլ հայտարարել եմ, որ աջակցել եմ և աջակցելու եմ` հաշվի առնելով այն հանգամանքը, որ նրանց հետ ես քաղաքական դժվար ճանապարհ եմ անցել, նշել է Սուքիասյանը։
10:57
22 Փետրվարի 2017
ԲՀԿ–ում ցայտնոտ է. ԲՀԿ–ականները տարբեր «կանալներով» փորձում են ճշտել ցուցակում իրենց տեղը
Հաշված ԲՀԿ-ականներ են տեսել ցուցակները, հրապարակվել է միայն առաջին տասնյակը։