485.33
+0.37
572.16
-1.31
8.2
-0.02
+2
Եղանակը Երևանում
Հայ
Վրացական իշխանությունները խստացրել են հակահայկական քաղաքականությունը Սամցխե-Ջավախեթիում. փորձագետ
18:03
02 Հունիսի 2009

Հայաստանը պետք է հստակ որոշի իր դիրքորոշումը Սամցխե-Ջավախեթի հայաբնակ տարածաշրջանում վրացական քաղաքականության վերաբերյալ, կարծում է «Միտք» վերլուծական կենտրոնի փորձագետ Էդուարդ Աբրահամյանը։ 

«Հայաստանը պետք է հստակ հայտարարարի, որ ցանկացած հակահայկական քայլ Սամցխե-Ջավախեթիում ուղղված է հայկական պետականության դեմ», -երեքշաբթի լրագրողներին հայտարարեց Աբրահամյանը։ Նրա խոսքերով՝ դա թույլ կտա նվազեցնել լարվածությունը տարածաշրջանում և մեղմացնել վրացական իշխանությունների քաղաքականությունը։ 

Աբրահամյանն ընդգծեց, որ վրացական իշխանություններն, օգտագործելով Վրաստանի ներքաղաքական լարված իրավիճակը և այն, որ Հայաստանում հասարակայնության ուշադրությունը բևեռված է հայ-թուրքական սահմանի բացմանը և ղարաբաղյան կարգավորմանը, ոչ միայն չի նվազեցրել, այլև ուժեղացրել է հակահայկական քաղաքականությունը տարածաշրջանում։

Ըստ նրա՝ դրա վկայություններից մեկը վրացական իշխանությունների քաղաքականությունն է կրթական ոլորտում, ըստ որի՝ այն դպրոցներում, որտեղ սովորում են միայն հայերը, պահանջվում է գրագրություն իրականացնել և մատյաններում նշումներ անել բացառապես վրացերեն։

Աբրահամյանը նշեց, որ վրացական իշխանությունները բացատրում են նմանատիպ քաղաքականությունը նրանով, որ դա համապատասխանում է եվրոպական նորմերին ազգային փոքրամասնությունների կողմից պետական լեզվի պարտադիր իմացության մասին։

Դրան հակառակ Աբրահամյանը բերեց Հարավային Տիրոլ իտալական տարածաշրջանի օրինակը, որը բնակեցված է գերմանախոս բնակչությամբ և այնտեղ նշանակվող իտալացի պաշտոնյաներից պարտադիր պահանջվում է գերմաներենի իմացություն։

Իր հերթին կենտրոնի մեկ այլ փորձագետ՝ Վահե Սարգսյանը, նշեց, որ այս տարի նշվում է Վրաստանի՝ Եվրոպայի Խորհրդին միանալու 10 տարին, և այդ ժամանակահատվածում Վրաստանը ստորագրել է 54 տարբեր եվրոպական կոնվենցիաներ, որոնց մեծամասնությունն այս կամ այն աստիճանով վերաբերում է ազգային փոքրամասնությունների իրավունքներին։ Մասնավորապես, նա նշեց ազգային փոքրամասնությունների մասին կոնվենցիան և հուշարձանների պաշտպանության եվրոպական կոնվենցիան։

Սարգսյանի խոսքերով, Հայաստանի իշխանություններն ու հայկական հասարակական կազմակերպությունները պետք է եվրոպական կառույցների և միջազգային հանրության ուշադրությունը դարձնեն Վրաստանի կողմից ազգային փոքրամասնությունների նկատմամբ՝ իր վերցրած պարտավորությունների չկատարմանը։ 

Ջավախքը գտնվում է Հայաստանի, Վրաստանի և Թուրքիայի սահմանների հատման կետում։ Այնտեղ բնակչության գերակշիռ մասը (տարբեր տվյալներով՝ 91-ից 97%) հայեր են։ Սամցխե-Ջավախեթի միացյալ երկրամասի բնակչությունը 238 հազար է։--0—

Loading...
Թեմատիկ նյութեր
Բաժնի այլ նյութեր
21:20
06 Դեկտեմբերի 2017
Հայաստանի և Ադրբեջանի ԱԳՆ ղեկավարների հանդիպումն է մեկնարկել Վիեննայում
Վիեննայում մեկնարկել է Հայաստանի և Ադրբեջանի ԱԳ նախարարներ Էդվարդ Նալբանդյանի և Էլմար Մամեդյարովի հանդիպումը։
21:07
06 Դեկտեմբերի 2017
Հայտնի են Հայաստանի ԱԳ նախարարի և համանախագահների հանդիպման թեմաները (ՎԻԴԵՈ)
Էդվարդ Նալբանդյանը հանդիպել է ԵԱՀԿ Մինսկի խմբի համանախագահներին։
18:53
06 Դեկտեմբերի 2017
Պուտինն առաջադրվելու է ՌԴ նախագահի պաշտոնում
Ռուսաստանի նախագահ Վլադիմիր Պուտինը հայտարարել է նախագահի պաշտոնում առաջրվելու մտադրության մասին:
10:35
05 Դեկտեմբերի 2017
Հայտնի է Հայաստանի նախագահի ամենահավանական թեկնածուի անունը
«Ժամանակ» թերթը գրում է, թե ով է Հայաստանի հաջորդ նախագահական ընտրությունների ամենահավանական թեկնածուն։
19:17
01 Դեկտեմբերի 2017
Արա Աբրահամյանը պահանջել է եթերից հեռացնել հակահայկական արշավ սկսած լրագրողներին և քաղաքագետներին
ՌՀՄ նախագահը կոչ է արել եթերից հեռացնել ծախու լրագրողներին, քաղաքագետներին և փորձագետներին, ովքեր հակահայկական արշավ են սկսել ռուսական հեռուստատեսությամբ։
18:14
30 Նոյեմբերի 2017
Վրաստանի վարչապետի այցը Հայաստան հետաձգվել է
Գիորգի Կվիրիկաշվիլիի այցը Հայաստան հետաձգվել է անորոշ ժամանակով:
17:48
30 Նոյեմբերի 2017
Հայաստան կժամանի Վրաստանի վարչապետ Գիորգի Կվիրիկաշվիլին
Այցի շրջանակներում նախատեսված են նրա հանդիպումները ՀՀ բարձրագույն ղեկավարության՝ ՀՀ նախագահի, ԱԺ նախագահի և վարչապետի հետ:
13:10
30 Նոյեմբերի 2017
Մարկեդոնովը կոչ է արել դադարեցնել ռուսական հեռուստատեսությամբ Հայաստան–ԵՄ համաձայնագրի շուրջ հնչող հիստերիան
Քաղաքագետ Սերգեյ Մարկեդոնովը կոչ է արել դադարեցնել ռուսական հեռուստատեսությամբ Հայաստան–ԵՄ համաձայնագրի շուրջ հնչող հիստերիան։
11:15
30 Նոյեմբերի 2017
ՀՀԿ–ում անհեթեթ են անվանել ռուս քաղաքագետների վիրավորական հայտարարությունները Հայաստան–ԵՄ համաձայնագրի ստորագրման վերաբերյալ
Էդուարդ Շարմազանովը մեկնաբանել է НТВ ռուսական հեռուստաալիքի talk show–ի ընթացքում Հայաստանի հասցեին հնչած հայտարարությունները։
20:35
28 Նոյեմբերի 2017
ՀՀ նախագահ. Հայաստանը շահագրգռված է բարեկամ Իրանի զարգացմամբ ու տարածաշրջանի կայունությամբ
ՀՀ նախագահն ընդունել է Իրանի Իսլամական Հանրապետության արտաքին գործերի նախարար Մոհամմադ Ջավադ Զարիֆին։
20:26
27 Նոյեմբերի 2017
Հանրապետության քաղաքացիները կզգան Հայաստան–ԵՄ համաձայնագրի օգուտը. Սվիտալսկի
Հայաստանի քաղաքացիները ժամանակի ընթացքում կզգան Հայաստան–Եվրամիություն համաձայնագրի օգուտը։
19:29
24 Նոյեմբերի 2017
Հայաստանն ու ԵՄ–ն ստորագրեցին Համապարփակ և ընդլայնված գործընկերության համաձայնագիրը. ԼՐԱՑՎԱԾ
Փաստաթուղթը ձևավորում է նոր հարթակ Հայաստան–ԵՄ քաղաքական և տնտեսական համագործակցության ամրապնդման համար: