480.92
+0.18
511.51
-0.14
7.54
+0.06
-2
Եղանակը Երևանում
Հայ
Եվրոպացի դիտորդները նշում են Երևանի ավագանու խորհրդի ընտրությունների բացթողումները
16:34
01 Հունիսի 2009

Եվրախորհրդի տեղական և տարածաշրջանային իշխանությունների կոնգրեսի դիտորդների առաքելությունը Երևանի ավագանու խորհրդի ընտրությունների ընթացքում լուրջ բացթողումներ է գրանցել, սակայն առաքելության եզրակացությունը կտրվի Կոնգրեսի աշնանային նստաշրջանի ժամանակ՝ ընթացիկ տարվա հոկտեմբերի կեսերին, ասաց ԵԽ Կոնգրեսի դիտորդների պատվիրակության ղեկավար Նայջել Մերմագենը (Nigel Mermagen)։

Երևանում մայիսի 31-ին անցկացվեցին Ավագանու խորհրդի առաջին ընտրությունները։ Խորհուրդը կազմված է լինելու 65 անդամից։

Կենտրոնական ընտրական հանձնաժողովի նախնական տվյալների համաձայն՝ Երևանի Ավագանու խորհուրդ են անցել անհրաժեշտ շեմը հաղթահարած երկու կուսակցություն և մեկ քաղաքական դաշինք։

«Կան բազմաթիվ հարցեր, որոնք այնքան էլ բավարար չէին, սակայն ընդհանուր առմամբ, ընտրությունները մենք դրական ենք գնահատում։ Մենք պետք է ավելի մանրամասն արձանագրություն կազմենք, որում կներկայացնենք մանրամասները»,- ասաց Մերմագենը երկուշաբթի Երևանում տված մամուլի ասուլիսի ժամանակ։

Նա նշեց, որ դիտորդական առաքելության աշխատանքի ընթացքում պատվիրակության անդամները քվեարկության գործընթացի ժամանակ նկատել են կազմակերպչական բնույթի բացթողումներ, սակայն զերծ մնաց «Նովոստի-Արմենիա» գործակալության՝ կոնկրետ օրինակներ հնչեցնելու մասին հարցին պատասխանելուց։

«Եղել են լուրջ բացթողումներ, որոնք կներկայացվեն իշխանություններին։ Իշխանությունները հավաստիացրել են, որ մեր կողմից ներկայացված յուրաքանչյուր կետը մանրամասն ուսումնասիրության կենթարկվի»,- պարզաբանեց նա։

Պատվիրակության ղեկավարը հայտնեց նաև, որ ԵԽ դիտորդների խումբը մինչև ընտրատեղամասերի բացումը, այցելել է այնտեղ, քվեարկության ընթացքում եղել մոտավորապես 200-250 ընտրատեղամասում, մասնակցել նաև ձայների հաշվարկին։  

«Ինձ թվում է, որ մենք կարող էինք անել ավելին մեր հնարավորությունների շրջանակում։ Մենք տեղյակ էինք, թե հատկապես որտեղ էին թեժ կետերը և կրկնակի ենք այցելել այն ընտրատեղամասերը, որոնցում իրավիճակը մեզ կասկածելի էր թվացել։ Մենք ականատես ենք եղել որոշ խնդիրների, որոնք կարձանագրենք ու որոնց մասին կհայտարարենք»,- ընդգծեց նա։

«Մենք չենք կարողացել ականատես լինել այն ամենին, ինչ կատարվել է երեկ, սակայն զրուցել ենք ընտրատեղամասերում եղած ուրիշ դիտորդների ու վստահված անձանց հետ, ինչի շնորհիվ շատ հաշվետվություններ ենք ստացել, որոնք կփորձենք ներկայացնել մեր վերջնական զեկույցում»,- ասաց նա։

Պատասխանելով լրագրողներին ծեծի ենթարկելու փաստերի մասին հարցին՝ Մերմագենը նշեց, որ «այդ հարցը դիտորդների առաքելությանը չի վերաբերում», սակայն ամսվա սկզբում և վերջում քաղաքական կուսակցությունների ներկայացուցիչների հետ հանդիպումների ընթացքում դիտորդները համապատասխան տեղեկատվություն են ստացել, որը հաշվի կառնեն իրենց վերջնական զեկույցում։

Առաքելության ղեկավարը հայտնեց, որ դիտորդները հնարավորություն չեն ունեցել հետևելու, թե ինչպես է նախընտրական արշավը լուսաբանվում հեռուստատեսությամբ, քանի որ «զբաղված էին տարբեր մարդկանց հետ հանդիպումներով, ինչպես նաև չեն տիրապետում հայերեն լեզվին»։  

«Մինչև վերջնական զեկույցը մենք կփորձենք ստանալ քարոզարշավի շրջանակներում հեռուստատեսությամբ հեռարձակված հաղորդումների բառացի թարգմանությունը»,- ավելացրեց նա։

Մերմագենը նաև համագործակցության կոչ արեց այն կազմակերպություններին, որոնք կարող են մեկնաբանություններ անել վերջնական զեկույցի համար։ 

ԿԸՀ նախնական տվյալների համաձայն, Հայաստանի հանրապետական կուսակցությունը Երևանի Ավագանու խորհրդի ընտրություններում հավաքել է 190171 ձայն (47,39 տոկոս)։ 91141 ձայնով (22,71 տոկոս) երկրորդ տեղում է «Բարգավաճ Հայաստան» կոալիցիոն կուսակցությունը, երրորդ տեղում է 69871 ձայն (17,41 տոկոս) հավաքած ընդդիմադիր Հայ ազգային կոնգրեսը:

Մյուս կուսակցությունները հավաքել են 7 տոկոսից պակաս ձայն՝ այդ կերպ չհաղթահարելով Ավագանու խորհուրդ անցնելու համար անհրաժեշտ շեմը։

«Օրինաց երկիր» կուսակցությունը ստացել է 20959 ձայն կամ 5,22 տոկոս, Հայ հեղափոխական դաշնակցությունը ստացել է 18648 ձայն (4,65 տոկոս), Ժողովրդական կուսակցությունը՝ 8569 ձայն (2,14 տոկոս), Հայաստանի աշխատավորական սոցիալիստական կուսակցությունը՝ 1951 ձայն (0,49 տոկոս)։

ԿԸՀ նախնական տվյալների համաձայն՝ ձայնի իրավունք ունեցող 771 477 քաղաքացուց ընտրություններին մասնակցել է 407745 մարդ կամ ընտրողների 52,85 տոկոսը։ --0--

Loading...
Թեմատիկ նյութեր
Բաժնի այլ նյութեր
18:23
05 Դեկտեմբերի 2016
Քաղաքագետը պատմել է նախընտրական արշավի ընթացքում ՀՀԿ-ի ռազմավարության մասին
Հայաստանի հանրապետական կուսակցությունն արդեն սկսված նախընտրական արշավում ընդունել է երեք բաղկացուցիչներից կազմված ռազմավարություն:
16:02
05 Դեկտեմբերի 2016
ՀՀ ԱԺ խոսնակը սխալմամբ «կողմ» է քվեարկել ժողովրդի ապստամբության իրավունքին
ՀՀ ԱԺ խոսնակ Գալուստ Սահակյանը սխալմամբ «կողմ» է քվեարկել «Ժառանգության» պատգամավոր Զարուհի Փոստանջյանի «Ժողովրդի ապստամբության իրավունքի մասին» օրենքը ԱԺ քառօրյայի օրակարգում ավելացնելուն։
15:07
05 Դեկտեմբերի 2016
Գագիկ Ծառուկյանը վերադառնում է մեծ քաղաքականություն` որպես ընդդիմադիր գործիչ
«Բարգավաճ Հայաստան» կուսակցության հիմնադիր Գագիկ Ծառուկյանը, հազարավոր քաղաքացիների պահանջով, վերադառնում է ակտիվ քաղաքականություն, երկուշաբթի լրագրողներին ասաց «Բարգավաճ Հայաստան» խորհրդարանական խմբակցության ղեկավար Նաիրա Զոհրաբյանը։
15:40
03 Դեկտեմբերի 2016
ԲՀԿ քաղխորհուրդը խնդրում է Ծառուկյանին վերադառնալ ակտիվ քաղաքականություն
Շաբաթ օրը կայացած ԲՀԿ քաղաքական խորհրդի ընդլայնված նիստում քննարկվել է ԲՀԿ հիմնադիր նախագահ Գագիկ Ծառուկյանի ակտիվ քաղաքականություն վերադառնալու հարցը:
12:34
03 Դեկտեմբերի 2016
ՀՀ նախագահ Սերժ Սարգսյանն ու ԱՄՆ նորընտիր փոխնախագահ Մայք Փենսը հեռախոսազրույց են ունեցել
Հեռախոսազրույցը կայացել է ամերիկյան կողմի նախաձեռնությամբ:
19:55
02 Դեկտեմբերի 2016
Հայ–ռուսական զորախմբի ստեղծումը բխում է Հայաստանի շահերից. պաշտպանության նախկին նախարար
Հայաստանի և Ռուսաստանի Զինված ուժերի միավորված զորախմբի ստեղծումը բխում է Հայաստանի շահերից, ուրբաթ լրագրողներին հայտարարեց ՀՀ պաշտպանության նախկին նախարար Վաղարշակ Հարությունյանը։
17:18
02 Դեկտեմբերի 2016
Ադրբեջանի հետ սահմանագծում լարվածություն չկա. ՀՀ ՊՆ
Հայ-ադրբեջանական սահմանագծում և ղարաբաղա-ադրբեջանական շփման գծում իրավիճակը հանգիստ է, ասաց ՀՀ ՊՆ մամուլի քարտուղար Արծրուն Հովհաննիսյանը:
11:43
02 Դեկտեմբերի 2016
Րաֆֆի Հովհաննիսյանի որոշումը վտանգում է «Ժառանգություն» կուսակցության գոյությունը
Րաֆֆի Հովհաննիսյանը սպասում է քաղաքական դաշտում կատարվելիք փոփոխություններին:
17:22
01 Դեկտեմբերի 2016
Պուտինի ուղերձը. ի՞նչ օգուտ կարող է քաղել իր համար Հայաստանը
Այս տարի ՌԴ նախագահի` Դաշնային ժողովին ուղղված ուղերձը մի շարք առումներով անսովոր էր:
16:49
01 Դեկտեմբերի 2016
ՀԴԿ ղեկավարը վայր է դրել Համաշխարհային հայկական կոնգրեսի փոխնախագահի լիազորությունները
Հայաստանի դեմոկրատական կուսակցության նախագահ Արամ Սարգսյանը վայր է դրել Համաշխարհային հայկական կոնգրեսի փոխնախագահի լիազորությունները:
17:20
30 Նոյեմբերի 2016
Ռուսաստան vs Թուրքիա. ե՞րբ բարեկամության պատրանքը կվերածվի ծեծկռտուքի
Ռուսաստանի գործընկերների, հատկապես` Հայաստանի համար շատ զարմանալի է հետևել, թե ինչպես են զարգանում Մոսկվայի և Անկարայի հարաբերությունները:
15:29
28 Նոյեմբերի 2016
Աշոտյանը պարզաբանել է, թե ինչու է շտապել շնորհավորել նախագահին ՀՀԿ-ի նախագահի պաշտոնում վերընտրվելու կապակցությամբ
ՀՀԿ փոխնախագահ Արմեն Աշոտյանը պարզաբանել է, թե ինչու է շաբաթ օրը ՀՀԿ-ի համագումարին շտապել շնորհավորել ՀՀ նախագահ Սերժ Սարգսյանին կուսակցության նախագահ վերընտրվելու կապակցությամբ: