484.51
-0.37
518.72
-3.16
8.61
-0.05
+9
Եղանակը Երևանում
Հայ
«Մարդու իրավունքների պաշտպանությունը ՀՀ Զինված ուժերում կարգապահական քաղաքականություն իրականացնելիս» զեկույցն է ներկայացվել Երևանում
15:12
27 Մայիսի 2009

ԵԱՀԿ երևանյան գրասենյակի փորձագետների և ՀՀ Օմբուդսմենի պատրաստած «Մարդու իրավունքների պաշտպանությունը ՀՀ ԶՈՒ-ում կարգապահական քաղաքականություն իրականացնելիս» արտահերթ զեկույցը ներկայացվեց չորեքշաբթի Երևանում։

«Օրենքի գերակայության նկատմամբ հարգանքը և մարդու իրավունքների պաշտպանության հանդեպ քաղաքացիական վերահսկողությունը Զինված ուժերում ժողովրդավարական հասարակության հիմնական սկզբունքներն են»,- ասաց ԵԱՀԿ երևանյան գրասենյակի ղեկավարի պաշտոնակատար Կարել Հովստրան (Carel Hofstra) զեկույցի շնորհանդեսի ընթացքում։

Ըստ նրա՝ զեկույցը վերաբերում է կարգապահական պատժամիջոցներին Զինված ուժերում, այն համատեղ ջանքերի արդյունք է և պատրաստված է 2008 թվականի հոկտեմբերին ստորագրված Փոխըմբռնման հուշագրի շրջանակներում։

«Այս ոլորտը այսօրվա դրությամբ չի ենթարկվել լուրջ ուսումնասիրության և հետագա վերլուծության կարիք ունի, որպեսզի կարգապահական պատժամիջոցները ԶՈՒ-ում համապաատասխանեն միջազգային չափորոշիչներին»,- ասաց նա։

Հովստրան նշեց, որ Հայաստանն իր վրա որոշակի պարտավորություններ է վերցրել մարդու իրավունքների պաշտպանության գծով, որոնք վերաբերում են նաև ԶՈՒ անձնակազմի իրավունքներին։

«Հայաստանը 1994 թվականին ստորագրել է ԵԱՀԿ կանոնակարգի կանոնները, որի հոդվածներից մեկով նշվում է, որ անվտանգության համակարգի զինծառայողները և աշխատակիցները պետք է ապահովեն մարդու իրավունքների պաշտպանությունը և մարդու հիմնարար ազատությունները ԵԱՀԿ սկզբունքներին և օրենսդրության դրույթներին համապատասխան»,- ասաց նա։

Միաժամանակ ԵԱՀԿ նախագահն ավելացրեց, որ տվյալ թեման կքննարկվի նաև Հայաստանի պաշտպանության նախարարի հետ, ով հետաքրքրություն է դրսևորել այս հարցում ՝ ելնելով մարդու իրավունքների ապահովման խթանման անհրաժեշտությունից ԶՈՒ շարքերում։

Իր հերթին ՀՀ մարդու իրավունքների պաշտպան Արմեն Հարությունյանը նշեց, որ տվյալ արտահերթ զեկույցը նպատակ ունի բացահայտել այն խնդիրները, որոնք հաճախ վերաբերում են մարդու իրավունքների խախտման պատճառ հանդիսացող կարգապահական օրենսդրությանն ու պրակտիկային Զինված Ուժերում։

«Հույս ունեմ, որ զեկույցում ներկայացված վերլուծությունն ու գնահատականները օգտակար ձեռնարկ են ՀՀ ԶՈՒ համակարգի բարեփոխման համար հանուն մարդու իրավունքների պաշտպանության»,- ասաց նա։

Միաժամանակ Հարությունյանն ընդգծեց, որ բոլոր դրական և բացասական դրսևորումները բանակի շարքերում արտացոլում են նմանատիպ իրավիճակներ հասարակությունում, և դա հաստատում է, որ Զինված ուժերը հասարակության հայելին են։

2008 թվականին Օմբուդսմենի գրասենյակ է ստացվել բանակին առնչվող մոտ 30 բողոք։ Այս առումով Հարությունյանն ասաց, որ զեկույցի հեղինակները այն կազմելիս հիմնվել են ոչ միայն ստացվող բողոքների, այլ սեփական մոնիտորինգի վրա։

«Մեր աշխատանքի ընթացքում մենք խնդիր չենք ունեցել մեզ պահանջվող տեղեկատվության առնչությամբ, ընդ  որում այն դեպքում, երբ խոսքը գաղտնի տեղեկատվութայն մասին էր, զեկույցի հեղինակներն այն պարզապես չեն հրապարակել»,- պարզաբանեց նա։

«Քանի որ զինված ուժերը, ելնելով իրենց գործառույթներից, գործում են հիերարխիկ համակարգի օրենքով և որոշակի առանձնահատկություն ունեն կարգապահական հարցերում, այդ պատճառով պետք է կրեն անձնական պատասխանատվություն»,- նշեց նա։

Զեկույցում ընդգծվում է, որ այն խախտումները, որոնց նկատմամբ նախատեսվում են կարգապահական միջոցներ, պետք է հստակ սահմանված լինեն։

Ներկայացվում են նաև մի շարք առաջարկներ հրամանատարներին պատիժներ նշանակելու վերաբերյալ։ Զեկույցն անդրադառնում է նաև բանակում խախտումների կանխման հարցերին, հրամանատարների պատասխանատվությանը ներքին կարգերը սահմանելիս, ինչպես նաև տեղեկատվության հասանելիությանն ու ռազմական գաղտնիքին։ -0-

Loading...
Թեմատիկ նյութեր

Բաժնի այլ նյութեր
13:47
15 Ապրիլի 2017
ՌԴ-ում ՀՀ դեսպան. Անկարան տարածաշրջանային ապակառուցողական քաղաքականություն է վարում
Ռուսաստանում Հայաստանի դեսպան Վարդան Տողանյանը կարծում է, որ Անկարան տարածաշրջանային ապակառուցողական քաղաքականություն է վարում:
14:52
13 Ապրիլի 2017
ՀՀ նախագահն աշխատանքային այցով մեկնել է Ղրղըզստան
ՀՀ նախագահ Սերժ Սարգսյանն այսօր աշխատանքային այցով մեկնել է Ղրղըզստանի Հանրապետություն:
17:26
12 Ապրիլի 2017
Թրամփը, հնարավոր է, ապրիլի 24-ին արտասանի «ցեղասպանություն» բառը
ԱՄՆ նախագահ Դոնալդ Թրամփն ապրիլի 24-ի ելույթում, հնարավոր է, օգտագործի «ցեղասպանություն» եզրը:
12:09
12 Ապրիլի 2017
Դաշնակների ախորժակն էլ ավելի է մեծացել
Խորհրդարանական ընտրություններում ՀՅԴ-ի հաջողություններով պայմանավորված՝ պարզվում է՝ նրանց ախորժակն էլ է մեծացել։
11:14
12 Ապրիլի 2017
Շառլ Ազնավուրն այլևս չի լինելու ՀՀ դեսպանը Շվեյցարիայում. հայտնի է դեսպանի նոր թեկնածուի անունը
93-ամյա աշխարհահռչակ շանսոնյե Շառլ Ազնավուրն այլևս չի լինելու Հայաստանի արտակարգ և լիազոր դեսպանը Շվեյցարիայում և ՄԱԿ-ի Ժնևյան գրասենյակում:
20:17
11 Ապրիլի 2017
ՀՀ նախագահ. Հայաստանի համար բարեկամ Վրաստանի հետ հարաբերությունները թանկ են
ՀՀ նախագահ Սերժ Սարգսյանը երեքշաբթի ընդունել է Վրաստանի արտաքին գործերի նախարար Միխեիլ Ջանելիձեին։
17:10
11 Ապրիլի 2017
Նալբանդյան. Հայաստանի և Վրաստանի միջև խնդիրներ չկան
Երկու երկրների միջև հարաբերությունները զարգանում են փոխշահավետ համագործակցության ոգով, երեքշաբթի լրագրողներին ասաց ՀՀ արտգործնախարարը:
11:14
11 Ապրիլի 2017
Գագիկ Ծառուկյանն անձամբ է գլխավորելու «Ծառուկյան» խմբակցությունը
«ԲՀԿ նախագահ Գագիկ Ծառուկյանը որոշել է անձամբ գլխավորել «Ծառուկյան» խմբակցությունը:
20:45
07 Ապրիլի 2017
Կոնգրես-ՀԺԿ դաշինքը կդիմի ԿԸՀ և ՍԴ ընտրությունները անվավեր ճանաչելու պահանջով
ՀՀ առաջին նախագահ Լևոն Տեր–Պետրոսյանի գլխավորած Կոնգրես-ՀԺԿ դաշինքը կպահանջի անվավեր ճանաչել ապրիլի 2–ին կայացած խորհրդարանական ընտրությունները գրանցված խախտումների պատճառով:
11:15
06 Ապրիլի 2017
Րաֆֆի Հովհաննիսյանն ու Վարդան Օսկանյանը դու՞րս են գալիս քաղաքականությունից
Երկուսն էլ նախկինում ԱՄՆ քաղաքացիներ են եղել։
19:02
30 Մարտի 2017
Հայ քաղաքագետը հայտնել է առաջիկա ընտրությունների հիմնական ինտրիգը
Քաղաքագետ Սերգեյ Մինասյանը հայտնել է խորհրդարանական ընտրությունների` փորձագիտական հանրությանը հետաքրքրող հիմնական ինտրիգը։
19:40
27 Մարտի 2017
Հայաստանի և Ադրբեջանի ԱԳՆ ղեկավարները բարձր մակարդակով հանդիպում են նախապատրաստում. Հոգլանդ
Հայաստանի և Ադրբեջանի արտաքին գործերի նախարարները բարձր մակարդակով հանդիպում են նախապատրաստում: