486.33
+0.12
521.78
+4.16
8.19
+0.04
-11
Եղանակը Երևանում
Հայ
Խորվաթիայի նախագահը գոհ է հայ գործընկերոջ հետ բանակցություններից
16:32
22 Մայիսի 2009

ԵՐԵՎԱՆ, 22 մայիսի. /Նովոստի-Արմենիա/. Խորվաթիայի նախագահ Ստյեպան Մեսիչը հայտարարել է, որ գոհ է հայկական պետության ղեկավար Սերժ Սարգսյանի հետ բանակցությունների ընթացքից։

«Բանակցություններն անցել են բաց և բարեկամական մթնոլորտում։ Հուսով եմ, որ իմ առաջին այցը Հայաստան նոր գլուխ կբացի հայ-խորվաթական հարաբերություններում։ Սա Խորվաթիայի նախագահի առաջին պաշտոնական այցն է Հայաստան, և բանակցությունները որոշակի առումով միմյանց հետ ավելի խոր ծանոթության բնույթ էին կրում»,- ուրբաթ մամուլի ասուլիսի ժամանակ ասաց նա նախագահ Սարգսյանի հետ հանդիպումից հետո։  

Մեսիչն առաջին աշխատանքային այցով մայիսի 21-23-ը Երևանում է գտնվում ՀՀ նախագահի հրավերով։ Խորվաթիայի նախագահի՝ Հայաստան առաջին այցի հիմնական նպատակն է ամրապնդել միջպետական կապերը, նախանշել երկու երկրների միջև տնտեսական համագործակցության առաջնային ուղղություններն ու խնդիրները, խթանել գիտակրթական և մշակութային կապերի զարգացումը:

Խորվաթիայի նախագահը նշեց, որ չնայած Հայաստանը պատկանում է աշխարհագրական տեսակետից Եվրոպայի սահմաններից դուրս գտնվող երկրների թվին, այնուամենայնիվ իր երկիրը պատրաստ է փոխշահավետ համագործակցություն հաստատել նման պետությունների հետ։ Նման համագործակցության հիմնական նախադրյալը երկու երկրներում առկա ներուժի հայտնաբերումն ու օգտագործումն է։   

«Ես նախևառաջ նկատի ունեմ տնտեսական համագործակցությունը, և հենց այդ պատճառով մեր պատվիրակության անդամների թվում է Խորվաթիայի տնտեսական պալատի նախագահը և արտահանման ու ներդրումների խրախուսման գործակալության տնօրենը։ Այժմ, այն բանից հետո, երբ մենք՝ քաղաքական գործիչներս, բացենք երկկողմ հարաբերություններ հաստատելու դռները, գործարար մարդկանց, ինչպես նաև այլ ոլորտների՝ սկսած մշակույթից մինչև սպորտ, ներկայացուցիչների հերթը կգա»,- հայտարարեց Մեսիչը՝ նշելով, որ իր այցը դիտարկում է որպես գործողության մղող ազդանշան փոխշահավետ համագործակցություն հաստատելու ներուժի հայտնաբերման ու օգտագործման  համար։

Միևնույն ժամանակ Խորվաթիայի նախագահը հավելեց, որ Հարավային կովկասի տարածաշրջանում որոշակի չլուծված խնդիրներ կան, որոնք, իր խոսքերով, ինչպես դարավոր պատմություն ունեն, այնպես էլ նորագույն ժամանակահատվածի խնդիրներ։ Նրա խոսքերով՝ տվյալ խնդիրները քննարկվել են ՀՀ նախագահի հետ բանակցությունների ժամանակ։ 

«Իհարկե, մենք իրավունք չունենք Հայաստանին որևէ դեղատոմս առաջարկել կամ որևէ կերպ միջամտել նրա ներքին գործերին։ Հարավսլավիայի փլուզմանը հանգեցրած ռազմական գործողությունների ժամանակ Խորվաթիայի ձեռք բերած փորձի հիման վրա կարող եմ ասել, որ վաղ, թե ուշ պետք է նստել բանակցությունների սեղանի շուրջ։ Անլուծելի խնդիրներ չկան, սակայն անհրաժեշտ է, որ բոլոր կողմերը քաղաքական կամք դրսևորեն, վերլուծեն անցյալը,  փոխզիջումներ գտնելու պատրաստակամություն ու կամք ունենան»,- ընդգծեց նա։  

Մեսիչը հավելեց, որ ՀՀ նախագահին տեղեկացրել է իրենց տարածաշրջանում տիրող իրավիճակի մասին, որն իր խոսքով, Հարավսլավիայի անկումից հետո դեռևս լիակատար կայունության վիճակի չի հասել։

Խորվաթական պետության ղեկավարը հայտնեց, որ ՀՀ նախագահին տեղեկացրել է Խորվաթիայի՝ ԵՄ մտնելու բանակցությունների ընթացքին, ինչպես նաև Խորվաթիայի՝ ՆԱՏՕ-ին անդամակցելու գործընթացին։

«Սակայն ես ընդգծել եմ, որ մեր կողմնորոշումը դեպի Եվրոպա չի բացառում համագործակցությունն այն երկրների հետ, որոնք նրա սահմանից դուրս են գտնվում։ Ավելին, մենք կարծում ենք, որ այս երկրներում կարող ենք շուկա գտնել մեր արտադրանքի համար, իսկ մեր կողմից պատրաստ ենք օգնություն ցուցաբերել այդ երկրներին իրենց արտադրանքը եվրոպական շուկա ներկայացնելու համար»,- հայտարարեց Մեսիչը։

Այցի շրջանակում Ստյեպան Մեսիչը հանդիպումներ կունենա նաև ԱԺ նախագահ Հովիկ Աբրահամյանի և վարչապետ Տիգրան Սարգսյանի հետ, կհյուրընկալվի Ամենայն Հայոց Գարեգին Երկրորդ կաթողիկոսին:

Երևանի պետական համալսարանում Ստյեպան Մեսիչը  հանդիպում կունենա պրոֆեսորադասախոսական կազմի և ուսանողների հետ:

Հայաստան այցի օրերին Խորվաթիայի ղեկավարը կլինի նաև Մատենադարանում:

Մայիսի 23-ին նախագահ Մեսիչը կմեկնի Հայաստանից:-0-

Loading...
Թեմատիկ նյութեր
Բաժնի այլ նյութեր
01:14
24 Հունվարի 2017
ԱՄՆ–ն դուրս է գալիս Անդրխաղաղօվկիանոսյան գործընկերությունից
ԱՄՆ նախագահ Դոնալդ Թրամփը հրամանագիր է ստորագրել Անդրխաղաղօվկիանոսյան գործընկերության (ԱԽԳ) համաձայնագրից ԱՄՆ–ի դուրս գալու մասին:
20:51
23 Հունվարի 2017
ՀՀ վարչապետը շնորհավորել է Գլեդիս Բերեջիկլյանին ավստրալական նահանգի կառավարության ղեկավարի պաշտոնում նշանակվելու կապակցությամբ
Հայաստանի վարչապետ Կարեն Կարապետյանը շնորհավորել է հայազգի Գլեդիս Բերեջիկլյանին ավստրալական խոշորագույն նահանգի կառավարության ղեկավարի պաշտոնը ստանձնելու կապակցությամբ:
00:01
22 Հունվարի 2017
ԱՄՆ նախագահի անցումային վարչակազմը գլխավորել է Քեն Նահիգյանը
ԱՄՆ նախագահի վարչակազմի անցումային վարչակազմը նոր ղեկավար ունի:
16:57
20 Հունվարի 2017
Իշխան Զաքարյանը դարձել է Գագիկ Ծառուկյանի դաշինքի շտաբի պետը
Հայաստանի ՀՀ վերահսկիչ պալատի ղեկավար Իշխան Զաքարյանը գլխավորել է Գագիկ Ծառուկյանի դաշինքի նախընտրական շտաբը։
15:30
20 Հունվարի 2017
Մինսկն արտահանձնում է բլոգեր Լապշինին Ադրբեջանին
Բելառուսի Հանրապետությունը որոշել է արտահանձնել Ռուսաստանի Դաշնության և Իսրայելի պետության քաղաքացի Ալեքսանդր Լապշինին։
19:48
19 Հունվարի 2017
Խաչատուր Սուքիասյանը չի պատրաստվում գլխավորել ԲՀԿ շտաբը
Հայ խոշոր գործարար Խաչատուր Սուքիասյանը չի պատրաստվում գլխավորել «Բարգավաճ Հայաստան» կուսակցության շտաբն առաջիկա խորհրդարանական ընտրություններում:
10:57
19 Հունվարի 2017
Խաչատուր Սուքիասյանը կլինի Գագիկ Ծառուկյանի դաշինքի շտաբի պետը
Երկար քննարկումներից հետո Խաչատուր Սուքիասյանը որոշել է առաջիկա ընտրություններին մասնակցել Գագիկ Ծառուկյանի դաշինքով։
12:37
18 Հունվարի 2017
Հայաստանի խորհրդարանի աշխատակազմի ղեկավարը ցանկանում է վերադառնալ արդարադատության նախարարի պաշտոնին
Հայաստանի խորհրդարանի աշխատակազմի ղեկավար Հրայր Թովմասյանը ցանկանում է վերադառնալ արդարադատության նախարարի պաշտոնին:
11:43
18 Հունվարի 2017
Գագիկ Ծառուկյանի կողմնակիցների թիվը սրընթաց աճում է
Գագիկ Ծառուկյանի պոտենցիալ կողմնակիցների թիվը սրընթաց աճում է:
17:19
17 Հունվարի 2017
Ծառուկյանի վերադարձը կազդի Հայաստանի խորհրդարանական ընտրությունների արդյունքների վրա. փորձագետ
«Բարգավաճ Հայաստան» կուսակցության հիմնադիր Գագիկ Ծառուկյանի վերադարձը մեծ քաղաքականություն, անկասկած, կազդի առաջիկա խորհրդարանական ընտրությունների արդյունքների վրա։
15:50
17 Հունվարի 2017
Լավրովը` Արցախ այցելած բլոգերի կալանավորման մասին. մենք դեմ ենք այս կամ այն տարածք անհատի այցելության քրեականացմանը
ՌԴ ԱԳ նախարար Սերգեյ Լավրովը, մեկնաբանելով Ադրբեջանի պահանջով Մինսկում բլոգեր Ալեքսանդր Լապշինի կալանավորման մասին տեղեկությունը, հայտարարել է, որ Մոսկվան դեմ է այս կամ այն տարածք անհատի այցելության քրեականացմանը։
13:52
17 Հունվարի 2017
Գագիկ Ծառուկյան. բացում եմ քաղաքական գործունեության փակված էջը և մասնակցելու եմ 2017 թ.–ի խորհրդարանական ընտրություններին
«Բարգավաճ Հայաստան» կուսակցության հիմնադիր և նախկին առաջնորդ Գագիկ Ծառուկյանը հայտարարում է քաղաքականություն վերադառնալու և 2017 թ.–ի խորհրդարանական ընտրություններին մասնակցելու մասին։