478.55
+0.13
562.3
+0.63
8.1
+0.05
+35
Եղանակը Երևանում
Հայ
Հայաստանը հատուկ նշանակություն է տալիս Խորվաթիայի հետ մշակութային, քաղաքական և տնտեսական համագործակցությանը. նախագահ
15:09
22 Մայիսի 2009

Հայաստանը հատուկ նշանակություն է տալիս Խորվաթիայի հետ մշակութային, քաղաքական և տնտեսական համագործակցությանը, ինչպես նաև երկրների միջև իրավապայմանագրային բազայի ընդլայնմանը, ուրբաթ Խորվաթիայի նախագահ Ստյեպան Մեսիչի հետ կայացած բանակցություններից հետո հայտարարեց ՀՀ նախագահ Սերժ Սարգսյանը։ 

Մեսիչն առաջին աշխատանքային այցով մայիսի 21-23-ը Երևանում է գտնվում ՀՀ նախագահի հրավերով։

«Մենք նախագահ Մեսիչի հետ կառուցողական երկխոսության և փոխըմբռնման մթնոլորտում քննարկեցինք հայ-խորվաթական հարաբերությունների ներկա մակարդակը և դրանց զարգացման հեռանկարները, մտքեր փոխանակեցինք երկկողմ հետաքրքրություն ներկայացնող տարածաշրջանային և միջազգային հարցերի վերաբերյալ»,- ասաց Հայաստանի նախագահը։

Ինչպես տեղեկացրեց Սարգսյանը, նկատի ունենալով, որ Խորվաթիան ԵՄ անդամակցության թեկնածու է, իսկ Հայաստանը ներգրավված է ԵՄ կառույցների հետ համագործակցության նախաձեռնություններում, կողմերը պայմանավորվեցին դիտարկել համագործակցության հնարավորությունները եվրոպական հարևանության և Արևելյան գործընկերության քաղաքականության շրջանակներում։

«Ելնելով ոչ այնքան հեռու անցյալի փորձից՝ մենք  Խորվաթիայի նախագահի հետ եկանք այն եզրակացության, որ տարածաշրջանային հակամարտությունները պետք է լուծցվեն բացառապես խաղաղ ճանապարհով առանց ուժի կիրառման, բանակցությունների ճանապարհով՝ միջազգային սկզբունքներին և նորմերին համապատասխան»,- հայտարարեց նա։

Երկրի ղեկավարը կարծիք հայտնեց նաև, որ այցի շրջանակներում խորվաթական պատվիրակությունը Խորվաթիայի նախագահի գլխավորությամբ Երևանում կանցկացնի կառուցողական հանդիպումներ, ինչը կդառնա հայ-խորվաթական հարաբերությունները որակապես նոր մակարդակի բարձրացնելու գրավական։

Խորվաթիայի նախագահի՝ Հայաստան առաջին այցի հիմնական նպատակն է ամրապնդել միջպետական կապերը, նախանշել երկու երկրների միջև տնտեսական համագործակցության առաջնային ուղղություններն ու խնդիրները, խթանել գիտակրթական և մշակութային կապերի զարգացումը:

Ուրբաթ ՀՀ նախագահի նստավայրում տեղի կունենա նախագահներ Սերժ Սարգսյանի և Ստյեպան Մեսիչի առանձնազրույցը: Այնուհետև կկայանա պաշտոնական պատվիրակությունների ընդլայնված կազմով հանդիպումը, որից հետո կստորագրվեն միջկառավարական փաստաթղթեր:

Հայաստանի և Խորվաթիայի ղեկավարները հանդես կգան համատեղ մամուլի ասուլիսով:

Այցի շրջանակում Ստյեպան Մեսիչը հանդիպումներ կունենա նաև ԱԺ նախագահ Հովիկ Աբրահամյանի և վարչապետ Տիգրան Սարգսյանի հետ, կհյուրընկալվի Ամենայն Հայոց Գարեգին Երկրորդ կաթողիկոսին:

Երևանի պետական համալսարանում Ստյեպան Մեսիչը  հանդիպում կունենա պրոֆեսորադասախոսական կազմի և ուսանողների հետ:

Հայաստան այցի օրերին Խորվաթիայի ղեկավարը կլինի նաև Մատենադարանում:

Մայիսի 23-ին նախագահ Մեսիչը կմեկնի Հայաստանից:-0-

Loading...
Թեմատիկ նյութեր
Բաժնի այլ նյութեր
11:27
21 Օգոստոսի 2017
ՀՀ ԱԳՆ–ն մեկնաբանել է ԵՏՄ մաքսային գոտուն միանալու Թուրքիայի մտադրությունը
ՀՀ փոխարտգործնախարար Շավարշ Քոչարյանը ԱԳՆ–ի Twitter–յան էջում մեկնաբանել է ԵՏՄ մաքսային գոտի մուտք գործելու Թուրքիայի ցանկությունը։
21:01
16 Օգոստոսի 2017
Միջնորդները Հայաստանի և Ադրբեջանի առաջնորդների հանդիպման հույս ունեն
ԵԱՀԿ Մինսկի խմբի համանախագահներն աշխատում են Հայաստանի և Ադրբեջանի ԱԳՆ ղեկավարների հանդիպման կազմակերպման ուղղությամբ:
20:55
09 Օգոստոսի 2017
Նալբանդյանը հնչեցրել է Հայաստանի և Ադրբեջանի ԱԳՆ ղեկավարների ծրագրվող հանդիպման վայրը
Հայաստանի արտաքին գործերի նախարար Էդվարդ Նալբանդյանը լրագրողներին հայտնել է Հայաստանի և Ադրբեջանի ԱԳՆ ղեկավարների կայանալիք հանդիպման մասին։

15:41
27 Հուլիսի 2017
Հայաստանի և Ադրբեջանի ԱԳ նախարարներն աշխատում են նախագահների հանդիպման ուղղությամբ
Հայաստանի և Ադրբեջանի ԱԳ նախարարներն աշխատում են երկու երկրների նախագահեր Սերժ Սարգսյանի և Իլհամ Ալիևի հանդիպման ուղղությամբ:
12:37
20 Հուլիսի 2017
Բլոգեր Լապշինը դատապարտվեց 3 տարվա ազատազրկման Արցախ այցելելու համար
Բաքվի դատարանը 3 տարվա ազատազրկման դատապարտեց բլոգեր, Ռուսաստանի և Իսրայելի քաղաքացի Ալեքսանդր Լապշինին։
20:14
19 Հուլիսի 2017
Սերժ Սարգսյանը շնորհավորել է արցախցի գործընկերոջը` նախագահի պաշտոնում ընտրվելու կապակցությամբ
Հայաստանի նախագահ Սերժ Սարգսյանն այսօր շնորհավորական ուղերձ է հղել Բակո Սահակյանին:
12:46
17 Հուլիսի 2017
ՀՀ նախագահը խոսել է այն մասին, թե արդյոք 2018 թ–ին հավակնելու՞ է վարչապետի պաշտոնին, թե ոչ
ՀՀ նախագահ Սերժ Սարգսյանը խոսել է այն մասին, թե արդյոք 2018 թ–ին հավակնելու՞ է վարչապետի պաշտոնին, թե ոչ։
01:30
17 Հուլիսի 2017
ՀՀ նախագահը հրապարակեց Ալիևի հետ հանդիպման ամսաթիվն ու խոսեց սպասումների մասին
ՀՀ նախագահ հրապարակեց Ալիևի հետ հանդիպման ամսաթիվն ու խոսեց սպասումների մասին:
09:00
16 Հուլիսի 2017
Հայտնի գրող և լրագրող Սևան Նիշանյանը փախել է թուրքական բանտից
Հայտնի գրող, լրագրող, լեզվաբան և հրապարակախոս Սևան Նիշանյանը, ով Թուրքիայում դատապարտվել էր 17 տարվա ազատազրկման, փախել է բանտից և լքել երկիրը:
12:43
12 Հուլիսի 2017
Հայտնի շոումենի եղբայրը նշանակվել է Կանադայում ՀՀ դեսպան
Հայաստանի նախագահը հրամանագիր է ստորագրել Կանադայում գործող դեսպան Արմեն Եգանյանին պաշտոնից ազատելու մասին։
12:30
12 Հուլիսի 2017
ՀՀ նախկին արտգործնախարարը` Դանիայում երկրի դեսպան
Հայաստանի նախագահը հրամանագիր է ստորագրել Հայաստանում Դանիայի գործող դեսպանին պաշտոնից ազատելու մասին։
11:14
11 Հուլիսի 2017
Հաստատվել է Վրաստանում Հայաստանի դեսպանի թեկնածությունը
Վրաստանում Հայաստանի դեսպանությունը նոր ղեկավար ունի։