484.91
-0.02
578.89
-2.69
8.49
-0.01
-1
Եղանակը Երևանում
Հայ
Աստանայում բացվել է ԱՊՀ մասնակից-պետությունների կառավարությունների ղեկավարների խորհրդի նիստը
12:11
22 Մայիսի 2009

Աստանայում բացվել է ԱՊՀ մասնակից-պետությունների Կառավարությունների ղեկավարների խորհրդի նիստը, հաղորդում է «Նովոստի-Արմենիա» գործակալության թղթակիցը։

Նիստին մասնակցում է նախօրեին Աստանա ժամանած ՀՀ վարչապետ Տիգրան Սարգսյանը։

Ընդհանուր առմամբ Աստանա են ժամանել ԱՊՀ 11 երկրի պատվիրակություններ։ Վրաստանը չի մասնակցում նիստին,  իսկ Ուզբեկստանը, Ադրբեջանն ու Թուրքմենստանը ներկայացված են փոխվարչապետերի մակարդակով։

Տեղական ժամանակով ժամը 12։05-ին (Երևանի ժամանակով 11։05-ին) նիստը շարունակվել է ընդլայնված կազմով։

Նիստից հետո կստորագրվեն համատեղ համաձայնագրեր։

Կառավարությունների ղեկավարների խորհրդի նիստում նախատեսվում է քննարկել փաստաթղթերի 18 նախագիծ:

ԱՊՀ պետությունների կառավարությունների ղեկավարների խորհրդի նիստի օրակարգի հիմնական կետը կդառնա ԱՊՀ տնտեսական զարգացման մինչև 2020թ. ռազմավարության առաջին փուլի (2009-2011 թթ.) իրագործմանն ուղղված միջոցառումների ծրագրի մասին հարցը։

ԱՊՀ տնտեսական զարգացման ռազմավարությունը համալիր փաստաթուղթ է, որը ընդգրկում է մինչև 2020թ.-ը ընկած ժամանակահատվածը, այն միջպետական տնտեսական հարաբերությունների խորացման պայմաններում ընդհանուր նպատակների, սոցիալ-տնտեսական զարգացման առաջնահերթությունների և հեռանկարների նկատմամբ ԱՊՀ մասնակից-պետությունների կողմից փոխադարձ համաձայնեցված հայացքների համակարգ է ներկայացնում, որոնք Համագործակցությունը միջազգային տնտեսական հարաբերությունների համակարգի կարևոր մասնակցի վերածելու նպատակ ունեն։

Ռազմավարության մեջ գնահատվում է ԱՊՀ-ի տեղը համաշխարհային տնտեսական համակարգում և Համագործակցությունում տնտեսական ընդհանուր իրավիճակը, ներկայացվում են տնտեսական ինտեգրման նպատակներն ու խնդիրները, սահմանվում են տնտեսության ոլորոտում փոխգործակցության հիմնական ոլորտները։

Ռազմավարության նպատակը ԱՊՀ պետությունների տնտեսական զարգացմանը նոր ազդակներ հաղորդելն է, կայուն և հավասարակշիռ տնտեսական աճի, տնտեսական անվտանգության ապահովումը, բնակչության բարեկեցության և կենսակերպի բարձրացում։

Կառավարությունների ղեկավարների քննարկմանը ներկայացվող Ռազմավարության Առաջին փուլի իրագործմանն ուղղված միջոցառումների ծրագիրը համալիր միջոցներ է պարունակում համակարգաստեղծ ոլորտներում և 2009-2011թթ. ԱՊՀ պետությունների տնտեսական փոխգործակցության հիմնական ոլորտներում։

Միջոցառումների ծրագիրը պատրաստվել է՝ հաշվի առնելով համաշխարհային ֆինանսատնտեսական ճգնաժամի հետևանքների նվազեցման անհրաժեշտությունը

ԿՂԽ նիստի ընթացքում կքննարկվի ԱՊՀ պետությունների հումանիտար համագործակցության ոլորտում 2009-2010 թթ.-ին Հեռանկարային միջոցառումների ծրագրի նախագիծը։ Ծրագրի նախագիծը մշակվել է ԱՊՀ պետությունների հումանիտար ոլորտում ոլորտային համագործակցության մարմինների ղեկավարների նախաձեռնությամբ։

Այն 7 բաժնից բաղկացած ծավալուն փաստաթուղթ է, որն արտացոլում է մշակութային կապերի, կրթության, գիտության, տեղեկատվության և զանգվածային հեռահաղորդակցության, գրահրատարակության և տպագրության, երիտասարդական քաղաքականության, սպորտի և զբոսաշրջության զարգացումը։

Ծրագրի նախագծում ներառված են կետեր, որոնք վերաբերում են փառատոների, օլիմպիադաների, համաժողովների, կոնֆերանսների, ցուցահանդեսների, հայրենասիրական ակցիաների, մրցույթների (թրեյնինգների), սեմինարների, որակավորումը բարձրացնող դասընթացների անցկացմանը, ԱՊՀ ինտերնետ-կայքի ստեղծմանը, գրականության, գիտության և նորարարության ոլորտում համագործակցության թեմաներով հեռուստատեսային ծրագրերի ցուցադրմանը, ինչպես նաև համատեղ հեռուստատեսության արտադրության ստեղծմանը, հեռուստամարաթոնների, գրքի տոնավաճառների անցկացմանը։

Նիստի ընթացքում կքննարկվեն ընդհանուր կրթական տարածքի հետագա զարգացմանն ուղղված միջոցառումների և մինչև 2010 թվականը կրթության ոլորտում համագործակցության ծրագիրը, ինչպես նաև Մեծահասակների կրթության զարգացման հայեցակարգի իրագործմանն ուղղված միջոցառումների ծրագիրը, ԱՊՀ պետությունների սահմանամերձ գրադարանների հիման վրա Տեղեկատվական-գրադարանային տարածքի ձևավորման հայեցակարգի նախագիծը։

Նիստի մասնակիցները կքննարկեն հանցավորության դեմ պայքարի ոլորտում Տեղեկատվության փոխանակման մասին համաձայնագրի նախագիծը, որը նախատեսում է, որ Համագործակցության պետությունների իրավասու մարմինները հանցագործությունների կանխման, բացահայտման, կանխարգելման և քննության նպատակով անհատույց հիմունքներով հարցումների հիման վրա պետք է տրամադրեն տեղեկություններ, որոնք գտնվում են օպերատիվ ամփոփագրերում, հետախուզական, քրեական հաշվառումներում։

Նախատեսվում է նաև Երրորդ պետությունների քաղաքացիների և քաղաքացիություն չունեցող անձանց (ովքեր մուտք են գործում ԱՊՀ մասնակից-պետությունների տարածք) հաշվառման միասնական համակարգի ստեղծմանն ուղղված համատեղ աշխատանքների ծրագրի քննարկումը։

Միասնական համակարգը նախատեսված է տեղեկատվության ավտոմատացված հավաքման, մշակման, կուտակման, պահպանման, փոխանցման և օգտագործման համար։ Այդ տեղեկատվությունը թույլ է տալիս ժամանակին հաշվառել Համագործակցության պետությունների սահմանները հատող՝ երրորդ երկրների քաղաքացիներին։

Կառավարությունների ղեկավարների խորհրդի նիստի մասնակիցները կքննարկեն նաև 1941-1945 թթ.-ին Հայրենական Մեծ Պատերազմում հաղթանակի 65-ամյակի պատրաստմանն ու տոնակատարություններին ուղղված հիմնական միջոցառումների ծրագիրը։

Այս ծրագրի իրագործման շրջանակներում Աստանայում կայանալիք նիստի ժամանակ ԱՊՀ կառավարությունների ղեկավարները կընդունեն նաև «1941-1945 թթ.-ին Հայրենական Մեծ Պատերազմում հաղթանակի 65-ամյակ» միասնական հոբելյանական մեդալի պատրաստման կարգի մասին որոշումը։

ԱՊՀ կառավարությունների ղեկավարների խորհուրդը կշարունակի նաև «1979-1989թթ.-ին Աֆղանստանում տեղի ունեցած պատերազմի ընթացքում անհայտ կորած զինծառայողների որոնման, աճյունների ամփոփման վայրերի որոնման, նրանց արտաշիրման, ինքնության պարզման ու Հայրենիքում վերաթաղման շարունակության մասին» որոշման նախագիծը։

Փաստաթղթի նախագծում սահմանված է այդ միջոցառումների ֆինանսավորման նպատակով պետությունների կողմից արվող տարեկան մասնաբաժնային վճարումների գումարը։ Փաստաթղթի ընդունումից հետո ԱՊՀ մասնակից-պետությունների Կառավարությունների ղեկավարների խորհրդին առընթեր Ինտերնացիոնալիստ-մարտիկների գործերով զբաղվող կոմիտեն հնարավորություն կունենա կանոնավոր և համակարգված կերպով անցկացնել վերոնշյալ աշխատանքները։

ԱՊՀ երկրների կառավարությունների ղեկավարները մտադիր են ուրբաթ ստորագրել ԱՊՀ մասնակից-պետությունների պետական օդանավերի մասնակցությամբ ավիացիոն պատահարների հետաքննության ոլորտում համագործակցության մասին համաձայնագիրը։

Նախատեսվում է միասնական մոտեցում ապահովել ԱՊՀ պետություններից մեկի տարածքում մեկ այլ պետության պետական օդանավերի մասնակցությամբ ավիացիոն պատահարների հետաքննության կազմակերպման նկատմամբ՝ ԱՊՀ մասնակից-պետությունների պետական օդանավերի մասնակցությամբ ավիացիոն պատահարների հետաքննության կանոնների համաձայն, որոնք Համաձայնագրի անբաժանելի մասն են։-0-

Loading...
Թեմատիկ նյութեր
Բաժնի այլ նյութեր
10:41
09 Հունվարի 2018
Հայտնի է ՍԴ նախագահ Գագիկ Հարությունյանի նոր պաշտոնն ապրիլից հետո
Հայտնի է դարձել, թե ՍԴ նախագահ Գագիկ Հարությունյանն ինչ նոր պաշտոն է զբաղեցնելու:
17:14
28 Դեկտեմբերի 2017
ԵՄ–ի հետ գործընկերության համաձայնագիրն ուղղվել է վավերացման
Հայաստանի կառավարությունը հինգշաբթի հավանություն է տվել 2017 թվականի նոյեմբերի 24–ին ստորագրված ԵՄ–ի հետ համապարփակ և ընդլայնված համաձայնագրին։
21:39
27 Դեկտեմբերի 2017
Կարեն Կարապետյանը նշել է, թե ով է որոշելու Հայաստանի վարչապետի թեկնածությունը
Հայաստանի հանրապետական կուսակցությունն ապրիլի 9–ին իր կոալիցիոն գործընկերոջ` ՀՅԴ–ի հետ կորոշի, թե ով է զբաղեցնելու վարչապետի պաշտոնը։  
13:48
27 Դեկտեմբերի 2017
Չկա ավելի արժանի առաջնորդ, քան Սերժ Սարգսյանը. Շարմազանով
Չկա Հայաստանի ավելի արժանի ղեկավար, քան նախագահ Սերժ Սարգսյանը, հայտարարել է Էդուարդ Շարմազանովը։
22:00
26 Դեկտեմբերի 2017
Սերժ Սարգսյանը մասնակցել է ԱՊՀ մասնակից պետությունների ղեկավարների ոչ պաշտոնական հանդիպմանը
Սերժ Սարգսյանը հաջողություններ և ակտիվ աշխատանք է մաղթել նաև ԱՊՀ-ում 2018 թվականին նախագահությունը ստանձնող երկրի նախագահին:
18:11
25 Դեկտեմբերի 2017
Սերժ Սարգսյանը կմեկնի Ռուսաստանի Դաշնություն
Նախագահ Սերժ Սարգսյանը դեկտեմբերի 26-ին աշխատանքային այցով կմեկնի Ռուսաստանի Դաշնություն՝ Մոսկվա:
14:43
25 Դեկտեմբերի 2017
Հայաստանում միջգերատեսչական հանձնաժողով է ստեղծվել ԵՄ –ի հետ համաձայնագիրն իրականացնելու նպատակով
ՀՀ նախագահ Սերժ Սարգսյանը դեկտեմբերի 25-ին հրամանագիր է ստորագրել:
14:49
20 Դեկտեմբերի 2017
Հայատյացությունն ադրբեջանական դասագրքերում. Երևանում կայացել է Azerichild.education կայքի շնորհանդեսը
Azerichild.education կայքի շնորհանդեսը կայացել է չորեքշաբթի «Նովոստի–Արմենիա» մամուլի կենտրոնում։
16:47
16 Դեկտեմբերի 2017
Արձանագրությունների ստորագրումից հետո էլ, այսօր էլ գնդակը թուրքական կիսադաշտում է. ՀՀ ԱԳՆ
ՀՀ ԱԳՆ-ն հայտարարություն է տարածելցյուրիխյան արձանագրությունների վերաբերյալ Թուրքիայի վերջին հայտարարության վերաբերյալ:
17:36
15 Դեկտեմբերի 2017
Հայաստանում ԵՄ պատվիրակության ղեկավարը խոսել է ԵՄ–ի հետ ստորագրված համաձայնագրի դրական կողմերի մասին
Նա ընդգծեց նաև, որ հայկական իշխանությունները գործադրում են անհրաժեշտ բոլոր ջանքերը, որպեսզի երկրի քաղաքացիները ավելի շուտ զգան համաձայնագրի դրական ազդեցությունը:
13:09
15 Դեկտեմբերի 2017
Թուրք լրագրողը հարձակվել է հայ քաղաքագետի վրա «Զվեզդա» հեռուստաալիքի եթերում (ՎԻԴԵՈ)
Թուրք լրագրողը «Զվեզդա» հեռուստաալիքի «Process» (Процесс) հաղորդման ժամանակ հարձակվել է հայ քաղաքագետ Սարգիս Ծատուրյանի վրա:
20:09
14 Դեկտեմբերի 2017
Հայաստանի դիրքորոշումը հայ–թուրքական արձանագրությունների հարցում անփոփոխ է. ԱԳՆ
Հայաստանի դիրքորոշումը Թուրքիայի հետ հարաբերությունների բարելավման արձանագրությունների հարցում անփոփոխ է մնում: