485.25
-0.08
569.44
-2.72
8.18
-0.02
+4
Եղանակը Երևանում
Հայ
Թուրքիայի հետ բանակցությունների ընթացքում Հայաստանի դիրքորոշումը չի փոխվի. ՀՀ վարչապետ
10:31
21 Մայիսի 2009

Թուրքիայի հետ բանակցությունների ընթացքում Հայաստանի դիրքորոշումը չի փոխվի, չորեքշաբթի խորհրդարանում կառավարական ժամի ընթացքում հայտարարել է ՀՀ վարչապետ Տիգրան Սարգսյանը։

«ՀՀ նախագահը հստակ հնչեցրել է մեր դիրքորոշումները՝ ոչ միայն մեր սկբունքային դիրքորոշումների մասին տեղյակ պահելով միջազգային հանրութանն ու գլոբալ խաղացողներին, այլև առաջին հերթին՝ հայ ժողովրդին և հայկական սփյուռքին։ Եվս մեկ անգամ ցանկանում եմ հավաստիացնել, որ մեր դիրքորոշումներն անփոփոխ են, և Թուրքիայի հետ հարաբերությունները կարող են կարգավորվել միայն առանց նախապայմանների», - ասել է Սարգսյանը։

Ավելին, ինչպես նշել է վարչապետը, ցանկացած համաձայնագիր և պայմանագիր, որոնք կդրվեն դիվանագիտական հարաբերությունների կամ սահմանների բացման հիմքում, պետք է վավերացվեն երկրի խորհրդարանի կողմից։

«Դա ենթադրում է, որ տվյալ գործընթացը կլինի հրապարակային, և մենք պաշտպանելու ենք մեր սկզբունքային դիրքորոշումները, մասնավորապես այն, որ մեզ համար որևէ նախապայման ընդունելի չէ», - ասել է Սարգսյանը։

Նա կարծում է, որ Հայաստանը պետք է ակտիվ դիրքորոշում դրսևորի Հայոց ցեղասպանության ճանաչման հարցում։

«Մենք չենք կարող մոռացության մատնել կամ մոռանալ Ցեղասպանության հարցը, և այս համատեքստում այն ազգային շարժումները, որոնք հետևողական են «Հայ Դատի» գործին, պետք է շարունակեն իրենց աշխատանքն ու գործընթացները ողջ ծավալով», - ասել է Սարգսյանը։

Միաժամանակ վարչապետը նշել է, որ Լեռնային Ղարաբաղը Հայաստանի ներքին և արտաքին տնտեսական քաղաքականության կարևոր խնդիրներից մեկը կլինի, և կառավարության ծրագրերն ուղղված կլինեն ԼՂՀ-ում առավել բարձր տնտեսական ցուցանիշների ապահովմանը։

«ԼՂՀ-ում բոլոր ոլորտները պետք է զարգանան ավելի ակտիվ տեմպերով, որպեսզի բնակչության համար ստեղծվեն աշխատանքի և կենսագործունեության բարենպաստ պայմաններ, և մենք այս համատեքստում նախապատվությունը տալու ենք այդ ուղղությանը», - ասել է Սարգսյանը։

Նրա խոսքերով՝ ԼՂՀ-ի նախագահի և վարչապետի հետ ևս քննարկվում է տարածքների բնակեցման հնարավորության հարցը, ինչը նոր հնարավորություններ կստեղծի ճգնաժամի պայմաններում։

Ինչ վերաբերում է Հայաստանի և Թուրքիայի միջև սահմանների բացման ժամկետներին, ապա, ինչպես նշել է վարչապետը, ՀՀ նախագահը բավականին միանշանակ նշել է, որ 2009 թ.-ի աշնանը Թուրքիայում կայանալիք՝ երկու երկրների հավաքականների միջև ֆուտբոլային հանդիպումը այն ժամկետն է, մինչև որը պարզություն կմտցվի բանակցային գործընթացի հարցում։

«Բնականաբար մենք չենք կարող անընդհատ ձգձգել այդ ժամկետները, և ֆուտբոլային դիվանագիտության տեսակետից կայանալիք հանդիպումը լավ առիթ է բոլոր հարցերի վերջնական լուծման համար», - ասել է Սարգսյանը։

Ներկայումս Հայաստանի և Թուրքիայի միջև չկան դիվանագիտական հարաբերություններ, իսկ 1993-ից, պաշտոնական Անկարայի նախաձեռնությամբ, փակ է հայ-թուրքական սահմանը։

Պաշտոնական Երևանը հայտարարում է, որ պատրաստ է հարաբերություններ հաստատել Թուրքիայի հետ՝ առանց նախապայմանների։ Սակայն Թուրքիան երկկողմ հարաբերությունների հաստատաման համար առաջ է քաշում մի շարք նախապայմաններ, մասնավորապես, Հայաստանի կողմից Օսմանյան Թուրքիայում 1915թ.  իրագործված Եղեռնի ճանաչմանն ուղղված ջանքերից հրաժարվելը և ղարաբաղյան հիմնախնդրի լուծումը` հօգուտ Ադրբեջանի:

Առաջին քայլերը հարաբերություններում արվեցին 2008թ. սեպտեմբերի 6-ին, երբ Թուրքիայի նախագահ Աբդուլա Գյուլն առաջին անգամ  ՀՀ նախագահ Սերժ Սարգսյանի հրավերով այցելեց Երևան՝ 2010 թ. աշխարհի առաջնության ընտրական փուլի շրջանակներում երկու երկրների հավաքականների միջև ֆուտբոլային հանդիպումը դիտելու համար։ Այցի ընթացքում երկու պետությունների ղեկավարները քննարկեցին երկկողմ հարաբերությունների հաստատման հնարավորությունները։-0-

Loading...
Թեմատիկ նյութեր
Բաժնի այլ նյութեր
11:07
08 Դեկտեմբերի 2017
Հայաստանի նախագահի պաշտոնում կարող է միասնական թեկնածու առաջադրվել
Սահմանադրության բարեփոխված 125–րդ հոդվածի համաձայն, «հանրապետության նախագահի պաշտոնում թեկնածության առաջադրման իրավունք ունի պատգամավորների ընդհանուր թվի առնվազն ¼–ը»։
21:28
07 Դեկտեմբերի 2017
Կոչ ենք անում կենտրոնանալ ղարաբաղյան հակամարտության փոխզիջումային լուծումների վրա. ՄԽ համանախագահ երկրների ներկայացուցիչներ
ԵԱՀԿ Մինսկի խմբի համանխագահ երկրների պատվիրակությունների ղեկավարները Վիեննայում ԵԱՀԿ նախարարների խորհրդի նիստի ավարտին հանդես են եկել համատեղ հայտարարությամբ։
21:20
06 Դեկտեմբերի 2017
Հայաստանի և Ադրբեջանի ԱԳՆ ղեկավարների հանդիպումն է մեկնարկել Վիեննայում
Վիեննայում մեկնարկել է Հայաստանի և Ադրբեջանի ԱԳ նախարարներ Էդվարդ Նալբանդյանի և Էլմար Մամեդյարովի հանդիպումը։
21:07
06 Դեկտեմբերի 2017
Հայտնի են Հայաստանի ԱԳ նախարարի և համանախագահների հանդիպման թեմաները (ՎԻԴԵՈ)
Էդվարդ Նալբանդյանը հանդիպել է ԵԱՀԿ Մինսկի խմբի համանախագահներին։
18:53
06 Դեկտեմբերի 2017
Պուտինն առաջադրվելու է ՌԴ նախագահի պաշտոնում
Ռուսաստանի նախագահ Վլադիմիր Պուտինը հայտարարել է նախագահի պաշտոնում առաջրվելու մտադրության մասին:
10:35
05 Դեկտեմբերի 2017
Հայտնի է Հայաստանի նախագահի ամենահավանական թեկնածուի անունը
«Ժամանակ» թերթը գրում է, թե ով է Հայաստանի հաջորդ նախագահական ընտրությունների ամենահավանական թեկնածուն։
19:17
01 Դեկտեմբերի 2017
Արա Աբրահամյանը պահանջել է եթերից հեռացնել հակահայկական արշավ սկսած լրագրողներին և քաղաքագետներին
ՌՀՄ նախագահը կոչ է արել եթերից հեռացնել ծախու լրագրողներին, քաղաքագետներին և փորձագետներին, ովքեր հակահայկական արշավ են սկսել ռուսական հեռուստատեսությամբ։
18:14
30 Նոյեմբերի 2017
Վրաստանի վարչապետի այցը Հայաստան հետաձգվել է
Գիորգի Կվիրիկաշվիլիի այցը Հայաստան հետաձգվել է անորոշ ժամանակով:
17:48
30 Նոյեմբերի 2017
Հայաստան կժամանի Վրաստանի վարչապետ Գիորգի Կվիրիկաշվիլին
Այցի շրջանակներում նախատեսված են նրա հանդիպումները ՀՀ բարձրագույն ղեկավարության՝ ՀՀ նախագահի, ԱԺ նախագահի և վարչապետի հետ:
13:10
30 Նոյեմբերի 2017
Մարկեդոնովը կոչ է արել դադարեցնել ռուսական հեռուստատեսությամբ Հայաստան–ԵՄ համաձայնագրի շուրջ հնչող հիստերիան
Քաղաքագետ Սերգեյ Մարկեդոնովը կոչ է արել դադարեցնել ռուսական հեռուստատեսությամբ Հայաստան–ԵՄ համաձայնագրի շուրջ հնչող հիստերիան։
11:15
30 Նոյեմբերի 2017
ՀՀԿ–ում անհեթեթ են անվանել ռուս քաղաքագետների վիրավորական հայտարարությունները Հայաստան–ԵՄ համաձայնագրի ստորագրման վերաբերյալ
Էդուարդ Շարմազանովը մեկնաբանել է НТВ ռուսական հեռուստաալիքի talk show–ի ընթացքում Հայաստանի հասցեին հնչած հայտարարությունները։
20:35
28 Նոյեմբերի 2017
ՀՀ նախագահ. Հայաստանը շահագրգռված է բարեկամ Իրանի զարգացմամբ ու տարածաշրջանի կայունությամբ
ՀՀ նախագահն ընդունել է Իրանի Իսլամական Հանրապետության արտաքին գործերի նախարար Մոհամմադ Ջավադ Զարիֆին։