485.25
-0.08
569.44
-2.72
8.18
-0.02
+3
Եղանակը Երևանում
Հայ
ԿԱՅԾԱԿ «ԱՄԻ Նովոստի–Արմենիա». երկու տարի վերագործարկումից հետո. ի՞նչ է արվել և դեռ ի՞նչ ենք ուզում անել
ՌԵՈՒ-ն նախատեսում է զարգացնել և համալրել սևծովյան «Կովկաս» նավահանգիստը. փոխնախագահ
11:04
20 Մայիսի 2009

ԵՐԵՎԱՆ, 20 մայիսի. /Նովոստի-Արմենիա/. «Ռուսական երկաթուղիներ» ԲԲԸ-ն նախատեսում է զարգացնել և տեխնիկապես համալրել սևծովյան «Կովկաս» կայանը՝ դրա շահագործման հնարավորությունները բարելավելու և բեռնափոխադրման աճող ծավալներն ապահովելու նպատակով, երեքշաբթի Երևանում տեղեկացրել է ՌԵՈՒ փոխնախագահ Ավթանդիլ Գորգիլաձեն։

Այժմ Հայաստանի և Ռուսաստանի միջև լաստանավային երկաթուղային փոխադրումն իրականացվում է Վրաստանի տարածքով՝ ռուսական «Կովկաս» և վրացական Փոթի նավահանգիստների միջոցով։ Փոխադրումն իրականացնում է «Բլեք Սի Ֆերիս Լիմիթեդ» ընկերությունը, որի մասնաբաժնի 51 տոկոսը պատկանում է ՌԵՈՒ-ին։

Գորգիլաձեի խոսքերով՝ ներդրումային ծրագրի շրջանակներում նախատեսվում է կազմակերպել բեռների ժամանակավոր պահպանման պահեստների ցանց, մասնավորապես, առաջարկվում է անցկացնել նախագծային-հետախուզական աշխատանքներ և «Կովկաս» կայանում կառուցել մինչև 1500 քառակուսի մետր մակերեսով ժամանակավոր պահպանման բաց պահեստ, ինչը թույլ կտա ապահովել լաստանավեր վագոնների տեխափոխման բարձր արդյունավետությունը։

«Կան նաև այլ ծրագրեր և նախաձեռնություններ, սակայն ժամանակավոր պահպանման պահեստի կառուցումն անհրաժեշտություն է», - ասել է Գորգիլաձեն հայ առաքիչների հետ հանդիպման ժամանակ՝ ավելացնելով, որ այդ հարցի վերաբերյալ վերջնական որոշումը կընդունվի մոտակա ամիսների ընթացքում։

Փոխնախագահը նշել է, որ «Կովկաս-Փոթի» լաստանավային փոխադրման աշխատանքներում նուրբ հարցն է այն, որ Ռուսաստանի մաքսային մարմինների հետ համաձայնեցված է ՌԴ տարածք ապրանքային անվանացուցակի միայն ութ տեսակի բեռների ներմուծումը, դրանք են՝ ցեմենտը, խիճը, բետոնիտը, նատրիումի սիլիկատը, շինարարական քարերը, երեսապատման սալիկները, պեռլիտը, սինթետիկ կաուչուկը։ Միաժամանակ «Կովկաս» նավահանագստից Հայաստան թույլատրվում է ներմուծել բեռների ողջ անվանացուցակը։

«Ակցիզային բեռների հետ կապված հարցը դեռևս լուծված չէ։ Վերջերս ՌԴ տրանսպորտի նախարար Իգոր Լևիտինի մոտ խորհրդակցություն է անցկացվել, և այս խնդրով զբաղվող կառույցների՝ մասնավորապես Մաքսային դաշնային ծառայության առջև հստակ խնդիր է դրվել, որպեսզի հարցը լուծվի մոտ ժամանակներս», - ասել է Գորգիլաձեն։

Նրա խոսքերով՝ այդ հարցը լուծելու համար անհրաժեշտ է, առաջին հերթին, մաքսավորների համար համապատասխան պայմաններ ստեղծել։

«Ցավոք, պայմանները դեռևս ստեղծված չեն, սակայն համատեղ ձեռնարկությունը (Բլեք Սի Ֆերիս Լիմիթեդ) և «Ռուսական երկաթուղիներ» ընկերությունը ցանկանում են կառուցել ժամանակավոր պահպանման պահեստ, համապատասխանաբար համալրել այն, որպեսզի մաքսային կառույցները սկսեն աշխատել», - ասել է Գորգիլաձեն։

Նրա խոսքերով՝ հենց այդ ժամանակ ՌԴ կառավարությունը կլուծի ակցիզային բեռների տեղափոխման հետ կապված հարցը, որով Հայաստանը շահագրգռված է. դա  ալկոհոլային և ծխախոտային արտադրանքն է։

«Անկեղծորեն տրամադրվածություն կա, և այն շատ լուրջ է», - նշել է Գորգիլաձեն։

Նրա խոսքերով՝ «Կովկաս-Փոթի» լաստանավային փոխադրման զարգացումը թույլ կտա լրացուցիչ բեռնափոխադրման հոսք ներգրավել Հայաստանի հետ հաղորդակցության հարցում, ինչպես նաև վերաուղղորդել գոյություն ունեցող և հեռանկարային արտաքին առևտրային բեռնահոսքի զգալի մասը, որը տարանցվում է Ուկրաինայի տարածքով։

ՌԵՈՒ փոխնախագահը նշել է, որ այն պայմաններում, երբ «Կովկաս» նավահանգստում չկա ակցիզային ապրանքներ ներկրելու հնարավորություն, հայ առաքիչները օգտվում են Իլյիչևսկ ուկրաինական նավահանգստից՝ Ռուսաստան բեռներ ներկրելու համար։-0-

Loading...
Թեմատիկ նյութեր
Բաժնի այլ նյութեր
11:07
08 Դեկտեմբերի 2017
Հայաստանի նախագահի պաշտոնում կարող է միասնական թեկնածու առաջադրվել
Սահմանադրության բարեփոխված 125–րդ հոդվածի համաձայն, «հանրապետության նախագահի պաշտոնում թեկնածության առաջադրման իրավունք ունի պատգամավորների ընդհանուր թվի առնվազն ¼–ը»։
21:28
07 Դեկտեմբերի 2017
Կոչ ենք անում կենտրոնանալ ղարաբաղյան հակամարտության փոխզիջումային լուծումների վրա. ՄԽ համանախագահ երկրների ներկայացուցիչներ
ԵԱՀԿ Մինսկի խմբի համանխագահ երկրների պատվիրակությունների ղեկավարները Վիեննայում ԵԱՀԿ նախարարների խորհրդի նիստի ավարտին հանդես են եկել համատեղ հայտարարությամբ։
21:20
06 Դեկտեմբերի 2017
Հայաստանի և Ադրբեջանի ԱԳՆ ղեկավարների հանդիպումն է մեկնարկել Վիեննայում
Վիեննայում մեկնարկել է Հայաստանի և Ադրբեջանի ԱԳ նախարարներ Էդվարդ Նալբանդյանի և Էլմար Մամեդյարովի հանդիպումը։
21:07
06 Դեկտեմբերի 2017
Հայտնի են Հայաստանի ԱԳ նախարարի և համանախագահների հանդիպման թեմաները (ՎԻԴԵՈ)
Էդվարդ Նալբանդյանը հանդիպել է ԵԱՀԿ Մինսկի խմբի համանախագահներին։
18:53
06 Դեկտեմբերի 2017
Պուտինն առաջադրվելու է ՌԴ նախագահի պաշտոնում
Ռուսաստանի նախագահ Վլադիմիր Պուտինը հայտարարել է նախագահի պաշտոնում առաջրվելու մտադրության մասին:
10:35
05 Դեկտեմբերի 2017
Հայտնի է Հայաստանի նախագահի ամենահավանական թեկնածուի անունը
«Ժամանակ» թերթը գրում է, թե ով է Հայաստանի հաջորդ նախագահական ընտրությունների ամենահավանական թեկնածուն։
19:17
01 Դեկտեմբերի 2017
Արա Աբրահամյանը պահանջել է եթերից հեռացնել հակահայկական արշավ սկսած լրագրողներին և քաղաքագետներին
ՌՀՄ նախագահը կոչ է արել եթերից հեռացնել ծախու լրագրողներին, քաղաքագետներին և փորձագետներին, ովքեր հակահայկական արշավ են սկսել ռուսական հեռուստատեսությամբ։
18:14
30 Նոյեմբերի 2017
Վրաստանի վարչապետի այցը Հայաստան հետաձգվել է
Գիորգի Կվիրիկաշվիլիի այցը Հայաստան հետաձգվել է անորոշ ժամանակով:
17:48
30 Նոյեմբերի 2017
Հայաստան կժամանի Վրաստանի վարչապետ Գիորգի Կվիրիկաշվիլին
Այցի շրջանակներում նախատեսված են նրա հանդիպումները ՀՀ բարձրագույն ղեկավարության՝ ՀՀ նախագահի, ԱԺ նախագահի և վարչապետի հետ:
13:10
30 Նոյեմբերի 2017
Մարկեդոնովը կոչ է արել դադարեցնել ռուսական հեռուստատեսությամբ Հայաստան–ԵՄ համաձայնագրի շուրջ հնչող հիստերիան
Քաղաքագետ Սերգեյ Մարկեդոնովը կոչ է արել դադարեցնել ռուսական հեռուստատեսությամբ Հայաստան–ԵՄ համաձայնագրի շուրջ հնչող հիստերիան։
11:15
30 Նոյեմբերի 2017
ՀՀԿ–ում անհեթեթ են անվանել ռուս քաղաքագետների վիրավորական հայտարարությունները Հայաստան–ԵՄ համաձայնագրի ստորագրման վերաբերյալ
Էդուարդ Շարմազանովը մեկնաբանել է НТВ ռուսական հեռուստաալիքի talk show–ի ընթացքում Հայաստանի հասցեին հնչած հայտարարությունները։
20:35
28 Նոյեմբերի 2017
ՀՀ նախագահ. Հայաստանը շահագրգռված է բարեկամ Իրանի զարգացմամբ ու տարածաշրջանի կայունությամբ
ՀՀ նախագահն ընդունել է Իրանի Իսլամական Հանրապետության արտաքին գործերի նախարար Մոհամմադ Ջավադ Զարիֆին։