482.36
-0.38
568.99
-1.66
8.19
-0.05
-1
Եղանակը Երևանում
Հայ
Հրդեհ Երևանի քիմիական հսկայում. ԸՆԴՀԱՆՐԱՑՈՒՄ
22:43
14 Մայիսի 2009

Ուժեղ հրդեհ է բռնկվել տարածաշրջանի կաուչուկի խոշորագույն հսկա «Նաիրիտ» գործարանում: Հրդեհին նախորդել է հզոր պայթյուն, որը որոտացել է տեղական ժամանակով ժամը 18:00-ի սահմաններում: Տվյալ պահին առկա պաշտոնական տվյալների համաձայն՝ պատահարի հետևանքով երեք մարդ զոհվել է, 17-ը վիրավոր է, մեկ մարդ համարվում է կորած:

Հրդեհի վայրում աշխատում է 27 մարտական հաշվարկ, հրդեհը մեկուսացվել է, բայց դեռ չի մարվել:

Դեպքի վայրում են գտնվում ուժային կառույցների ղեկավարները՝ գլխավոր դատախազ Աղվան Հովսեփյանը, արտակարգ իրավիճակների նախարար Մհեր Շահգելդյանը, ոստիականապետ Ալիկ Սարգսյանը:

Պայթյունից հետո բուժօգնության համար դիմել է մոտ 20 մարդ՝ թեթև այրվածքներով և ծխից թունավորմամբ: Մոտ ժամը 20:32-ին որոտացել է ևս մեկ ուժեղ պայթյուն:

Փրկարար ծառայության հաղորդման համաձայն՝ պայթյունի և հրդեհի հետևանքով վնասակար և թունավոր արտանետումներ չեն գրանցվել:

Արտակարգ իրավիճակների նախարար Մհեր Շահգելդյանն իր հերթին ասաց, որ  պայթյունի հետևանքով քաղաքացիների տարհանման անհրաժեշտություն չի տեսնում:

Ներկա պահին հրդեհաշիջման և որոնողափրկարարական աշխատանքները շարունակվում են: Դեպքի վայրում աշխատում են քննչական մարմինների ներկայացուցիչները: Քրեական գործ հարուցելու մասին տեղեկատվություն դեռևս չի ստացվել:

Միաժամանակ գործարանը ծրագրում էր մինչև 2009թ. վերջն անցնել քլորոպրենային կաուչուկի արտադրության նոր՝ բութադիենային տեխնոլոգիայով:

Ինչպես ապրիլի 28-ին գործարան այցելության ժամանակ ասաց վարչապետ Տիգրան Սարգսյանը, այսօրվա դրությամբ դա ձեռնարկության հիմնական խնդիրն է:

Սարգսյանը նշեց, որ «Նաիրիտը» բացառիկ կարևորություն ունի տնտեսության զարգացման համար, քանի որ դա ոչ միայն կաուչուկի արտադրություն է, այլև քիմիական արդյունաբերության բազմաթիվ այլ տեսակների արտադրանք: 

«Եթե «Նաիրիտը» աշխատի ողջ հզորությամբ, ապա գործարանը սպասարկող տասնյակ ձեռնարկություններ նույնպես լիարժեք կաշխատեն, իսկ դա հազարավոր աշխատատեղեր են»,- ընդգծեց վարչապետը:

«Նաիրիտը» ծրագրում էր նաև ողջ հզորությամբ սկսել աշխատել 2009թ. մայիսից: Վիճակագրական տվյալներով՝ գործարանի միջին ամսական հզորությունը կազմում է 700-750 տոննա արտադրանք, սակայն իրական ամսական ծավալները տատանվում են 900-950-ից մինչև 500 տոննա քլորոպրենային կաուչուկ։

«Նաիրիտ» գիտաարտարդրական միավորումը ԽՍՀՄ տարածքում քլորոպրենային կաուչուկի մենաշնորհային արտադրողն էր։ «Նաիրիտ» առևտրային անվանումով պոլիքլորոպրենը ձեռնարկությունն արտադրում է 1940 թվականից։ Քլորոպրենից բացի ընկերությունը արտադրում է նաև տարբեր տեսակի քիմիական արտադրանք ացելիտենի, քլորոպրենի հիմքի վրա՝ կարբոնաթթուներ, կաուստիկ սոդա, նատրիումի հիպոքլորիդ, կարբինոլային օշարակ, էթինոլ լաք և այլ քիմիկատներ:  

1989թ.-ին «Նաիրիտը» փակվել էր՝ բնապահպանական նկատառումներով: Տարիների պարապուրդից հետո ձեռնարկության աշխատանքը մասնակիորեն վերսկսվել է 1992-93թթ.-ին:

2006 թ.-ից գործարանի 90 տոկոս բաժնետոմսերի տերը  բրիտանական Rhinoville Property Limited կոնսորցիումն է, մնացած 10 տոկոս բաժնետոմսերը պատկանում են ՀՀ կառավարությանը՝ ի դեմս Էներգետիկայի և բնական ռեսուրսների նախարարության։  Rhinоville Property Limited ընկերությունը հիմնադրվել է լեհական Samex, ամերիկյան Intertex և ռուսական «Եվրոգազ» ընկերությունների կողմից:

2007-2008թթ.՝ նախորդ երեք տարիների համեմատ, «Նաիրիտում» կաուչուկի միջին տարեկան արտադրանքն ավելացել է 20,6 տոկոսով:

Ֆինանսական ճգնաժամի հետևանքով 2008թ. հոկտեմբերից մինչև 2009թ. մարտ իրացման ծավալները կրճատվել են 2,5 անգամ՝ նախորդ կիսամյակի համեմատ, իսկ  2008թ. դեկտեմբերի 1-ից «Նաիրիտի» գործունեությունը դադարեցվել էր՝ արտադրանքի պահանջարկի անկման պատճառով:

Այսօր գործարանում աշխատում է ավելի քան հազար մարդ:

Ներկայումս գործարանում իրականացվում է հակաճգնաժամային ծրագիր, որը առաջին հերթին ուղղված է բիզնեսի կենսունակությանն աջակցմանը, սպառման շուկաների պահպանմանը, արտադրանքի և ծառայությունների իրացման աշխատանքի հզորացմանը, աշխատանքային կոլեկտիվի պահպանությանն ու զարգացմանը, գործունեության բոլոր հատվածներում ծախսերի նվազեցմանը: --0--

Loading...
Թեմատիկ նյութեր
Բաժնի այլ նյութեր
16:47
16 Դեկտեմբերի 2017
Արձանագրությունների ստորագրումից հետո էլ, այսօր էլ գնդակը թուրքական կիսադաշտում է. ՀՀ ԱԳՆ
ՀՀ ԱԳՆ-ն հայտարարություն է տարածելցյուրիխյան արձանագրությունների վերաբերյալ Թուրքիայի վերջին հայտարարության վերաբերյալ:
17:36
15 Դեկտեմբերի 2017
Հայաստանում ԵՄ պատվիրակության ղեկավարը խոսել է ԵՄ–ի հետ ստորագրված համաձայնագրի դրական կողմերի մասին
Նա ընդգծեց նաև, որ հայկական իշխանությունները գործադրում են անհրաժեշտ բոլոր ջանքերը, որպեսզի երկրի քաղաքացիները ավելի շուտ զգան համաձայնագրի դրական ազդեցությունը:
13:09
15 Դեկտեմբերի 2017
Թուրք լրագրողը հարձակվել է հայ քաղաքագետի վրա «Զվեզդա» հեռուստաալիքի եթերում (ՎԻԴԵՈ)
Թուրք լրագրողը «Զվեզդա» հեռուստաալիքի «Process» (Процесс) հաղորդման ժամանակ հարձակվել է հայ քաղաքագետ Սարգիս Ծատուրյանի վրա:
20:09
14 Դեկտեմբերի 2017
Հայաստանի դիրքորոշումը հայ–թուրքական արձանագրությունների հարցում անփոփոխ է. ԱԳՆ
Հայաստանի դիրքորոշումը Թուրքիայի հետ հարաբերությունների բարելավման արձանագրությունների հարցում անփոփոխ է մնում:
19:21
14 Դեկտեմբերի 2017
Թուրքիան հայտարարել է, որ հավատարիմ է Հայաստանի հետ հարաբերությունների բարելավմանն ուղղված արձանագրություններին
Թուրքիան պահպանում է Հայաստանի հետ հարաբերությունների բարելավմանն ուղղված արձանագրությունների նկատմամբ իր հավատարմությունը:
15:29
13 Դեկտեմբերի 2017
Հայաստանը 2018–ը գարունը կդիմավորի առանց հայ-թուրքական արձանագրությունների. ԱԳՆ
Հայաստանի և Թուրքիայի հարաբերությունների կարգավորման գործընթացը 2008 թ.–ի աշնանը նախաձեռնել է ՀՀ նախագահ Սերժ Սարգսյանը։
18:19
12 Դեկտեմբերի 2017
ՄԻԵԴ–ը պարտավորեցրել է Ադրբեջանին 35000 եվրո վճարել հայ փախստականի ընտանիքին
Մարդու իրավունքների եվրոպական դատարանը հրապարակել է «Սարգսյանն ընդդեմ Ադրբեջանի» գործով փոխհատուցման որոշումը։
11:09
12 Դեկտեմբերի 2017
Հայաստանի ԱԳՆ ղեկավարը կմեկնի Հունաստան
Հայաստանի արտաքին գործերի նախարար Էդվարդ Նալբանդյանը դեկտեմբերի 12-13–ին պաշտոնական այցով կմեկնի Հունաստան։
11:07
08 Դեկտեմբերի 2017
Հայաստանի նախագահի պաշտոնում կարող է միասնական թեկնածու առաջադրվել
Սահմանադրության բարեփոխված 125–րդ հոդվածի համաձայն, «հանրապետության նախագահի պաշտոնում թեկնածության առաջադրման իրավունք ունի պատգամավորների ընդհանուր թվի առնվազն ¼–ը»։
21:28
07 Դեկտեմբերի 2017
Կոչ ենք անում կենտրոնանալ ղարաբաղյան հակամարտության փոխզիջումային լուծումների վրա. ՄԽ համանախագահ երկրների ներկայացուցիչներ
ԵԱՀԿ Մինսկի խմբի համանխագահ երկրների պատվիրակությունների ղեկավարները Վիեննայում ԵԱՀԿ նախարարների խորհրդի նիստի ավարտին հանդես են եկել համատեղ հայտարարությամբ։
21:20
06 Դեկտեմբերի 2017
Հայաստանի և Ադրբեջանի ԱԳՆ ղեկավարների հանդիպումն է մեկնարկել Վիեննայում
Վիեննայում մեկնարկել է Հայաստանի և Ադրբեջանի ԱԳ նախարարներ Էդվարդ Նալբանդյանի և Էլմար Մամեդյարովի հանդիպումը։
21:07
06 Դեկտեմբերի 2017
Հայտնի են Հայաստանի ԱԳ նախարարի և համանախագահների հանդիպման թեմաները (ՎԻԴԵՈ)
Էդվարդ Նալբանդյանը հանդիպել է ԵԱՀԿ Մինսկի խմբի համանախագահներին։