481.93
+0.2
569.16
+0.19
8.37
-0.02
+10
Եղանակը Երևանում
Հայ
Հայաստանը ճգնաժամի ավարտից հետո արագ վերականգնման փուլ անցնելու հնարավորություն ունի. նախագահ
18:52
13 Մայիսի 2009

Հայաստանը ճգնաժամի ավարտից հետո արագ վերականգնման փուլ անցնելու հնարավորություն ունի։ Այս մասին չորեքշաբթի հայտարարեց ՀՀ նախագահ Սերժ Սարգսյանը՝ ելույթ ունենալով ՀՀ արդյունաբերողների և ձեռնարկատերերի (գործատուների) միության 5-րդ նստաշրջանի բացման ժամանակ։

Ինչպես նշեց նախագահը, «Մենք պետք է պաշտպանենք մեր տնտեսությունը» կարգախոսը այսօր ևս ուժ մեջ է, սակայն դրան զուգահեռ արդեն անհրաժեշտ է պատասխանել այն հարցին, թե ինչպես ավելի արագ վերականգնման փուլ անցնել։
 
«2009թ.-ի առաջին ամիսներին տնտեսական արդյունքների վերաբերյալ՝ դեռ անցյալ տարեվերջին ձևավորված սպասումները, ցավոք, հիմնականում իրականացան։ Գրանցվել է լուրջ տնտեսական անկում տնտեսության բոլոր հիմնական ոլորտներում՝ արդյունաբերություն, շինարարություն, էներգետիկա, կրճատվել են արտահանման ծավալները, մասնավոր դրամական փոխանցումները, պետբյուջեի եկամուտները և ներդրումներ ներգրավելու հնարավորությունները։ Ֆինանսատնտեսական ճգնաժամը, որը բացառիկ չարիք դարձավ համաշխարհային տնտեսության համար, արտահայտվեց նաև Հայաստանում»,- ասաց Սարգսյանը։   

Իչպես նշեց պետության ղեկավարը, սրանք հատկապես ծանր ամիսներ էին, որոնք Հայաստանը հաղթահարեց, որքան հնարավոր է, առանց լուրջ խեղաթյուրումների, բարդ, հնարավոր է, նկատելի սխալներով, սակայն կարևոր ու համառ աշխատանքով հագեցած։

«Արդյունքում բնակչության սոցիալապես խոցելի խավերն անբարենպաստ արտաքին ազդակների առաջին զոհը չդարձան, իսկ նպաստները, կենսաթոշակները, բյուջետային աշխատակիցների, ուսուցիչների, բժիշկների աշխատավարձերը ոչ միայն չկրճատվեցին, այլև տրվում են ժամանակին ու տարեսկզբից ավելացված չափով»,- ասաց Սարգսյանը։

Նախագահը նշեց, որ Հայաստանում խախտումներ չեն եղել բանկային համակարգում, իսկ լեռնահանքային հսկաները չեն դադարեցրել իրենց գործունեությունը կամ էլ կարճատև դադարից հետո վերսկսել են աշխատանքը։ Չեն կատարվել նաև հոռետեսական կանխատեսումները ընդհանուր խուճապային իրավիճակի կամ արժույթի շուկայի փլուզման առնչությամբ։    

«Եվ ամենակարևորը, նման պայմաններում, անգամ ՀՀ ազգային արժույթի զգալի արժեզրկման հաշվով հաջողվեց խուսափել սպառողական գների բացառիկ թռիչքից, ինչը ևս լուրջ սոցիալական գործոն դարձավ»,- ասաց Սարգսյանը։ 

Պետության ղեկավարը շնորհակալություն հայտնեց բնակչությանը, որը ըմբռնում ցուցաբերեց, չընկնելով իրադրությունն էլ ավելի բարդացնող խուճապի մեջ, գյուղացիներին, ովքեր սկսեցին գարնանացանը չնայած սահմանափակ ռեսուրսներին, ինչպես նաև բոլոր աշխատողներին, որոնք անգամ աշխատավարձերի կրճատումների պայմաններում, շարունակում են աշխատել։  

Նախագահը շնորհակալություն հայտնեց նաև ձեռնարկատերերին, ովքեր շարունակում են գաղափարների ու նախաձեռնությունների ակտիվ փնտրտուքը, կառավարությանը, որն ամենաանբարենպաստ պայմաններում չի շեղվում ընդունած համարձակ որոշումներից, ԱԺ-ին օպերատիվ համագործակցության համար տնտեսական որոշումներ կայացնելու գործում, ինչպես նաև քաղաքական կուսակցություններին ու հասարակայնությանը աջակցության ու ըմբռնման համար։  

«Ես շատ լավ գիտեմ, որ մեր բնակչության մեծ մասն արդեն սեփական եկամուտների վրա զգացել է տնտեսական ճգնաժամի բացասական ազդեցությունը, գիտեմ, որ կան առանձին ձեռներեցներ, որոնք չեն զգացել բացասական ազդեցություն, ես տեղյակ եմ ինչպես խոշոր բիզնեսների, այնպես էլ մանր ու միջին ձեռնարկությունների առկա խնդիրների մասին»,- ասաց Սարգսյանը։

Պետության ղեկավարը նշեց, որ հրաշալի գիտակցում ու հասկանում է քաղաքացիների ու գործարարների ապրումները և կիսում կառավարության մտահոգությունը։ 

«Սակայն մի փաստ ևս ցանկանում եմ նշել, այո, ճգնաժամի պայմաններում մենք ստիպված ենք դժվար որոշումներ կայացնել, սակայն ակնհայտ է, որ մեր հասարակության մեջ հիասթափություն չկա: Եվ այս դժվար փուլից հետո կրկնապատկված էնտուզիազմով աշխատելու և մյուս երկրների համեմատ ավելի արագ վերականգնման փուլ անցնելու շատ լավ առիթ է»,- ասաց Սարգսյանը:

Հայաստանի տնտեսության մեջ 2009թ. հունվար-մարտին գրանցվել է 6,1 տոկոս անկում նախորդ տարվա նույն ժամանակահատվածի համեմատ: Միաժամանակ առաջին եռամսյակի արյունքներով գնաճը կազմել է 1 տոկոս:-0-

Loading...
Թեմատիկ նյութեր
Բաժնի այլ նյութեր
19:10
19 Հոկտեմբերի 2017
Թուրք հասարակական գործչին ձերբակալել են Ծիծեռնակաբերդ այցելելու համար
Ստամբուլի Աթաթուրքի անվան միջազգային օդանավակայանում ձերբակալվել է հայտնի թուրք գործարարներից մեկը։
14:57
19 Հոկտեմբերի 2017
Քսենիա Սոբչակը մտադիր է ՌԴ նախագահ դառնալ
Քսենիա Սոբչակը որոշել է մասնակցել 2018 թ.–ի մարտին կայանալիք ՌԴ նախագահական ընտրություններում։
13:30
19 Հոկտեմբերի 2017
Ադրբեջանցիները հուզվել են Հայաստանի քարտեզում Ղարաբաղի պատկերման պատճառով
Սոչիում անցկացվող Երիտասարդների և ուսանողների փառատոնին ադրբեջանցիները սկանդալ են հրահրել։
18:19
18 Հոկտեմբերի 2017
Անիմաստ է խոսել ղարաբաղյան կարգավորման մասին, քանի դեռ Երևանի և Բաքվի միջև չկա վստահություն
Անիմաստ է խոսել ղարաբաղյան հակամարտության կարգավորման մասին, քանի դեռ երկու երկրների հասարակությունների միջև չհայտնվի «վստահության ինչ–որ կետ»:
17:10
16 Հոկտեմբերի 2017
Հրապարակվել են Սարգսյան–Ալիև հանդիպման արդյունքները
Հրապարակվել են այսօր Ժնևում կայացած Սարգսյան–Ալիև հանդիպման արդյունքները:
16:01
16 Հոկտեմբերի 2017
Ավարտվեցին Սարգսյան–Ալիև բանակցությունները. Ալիևը լքեց բանակցությունների վայրը
Ժնևում քիչ առաջ ավարտվեցին ՀՀ նախագահ Սերժ Սարգսյանի և Ադրբեջանի նախագահ Իլհամ Ալիևի բանակցությունները։
15:38
16 Հոկտեմբերի 2017
Այս պահին ընթանում է Հայաստանի և Ադրբեջանի նախագահների առանձնազրույցը
Ժնևում մեկնարկել է Հայաստանի և Ադրբեջանի նախագահներ Սերժ Սարգսյանի ու Իլհամ Ալիևի առանձնազրույցը։
14:46
16 Հոկտեմբերի 2017
Հայաստանի և Ադրբեջանի նախագահների հանդիպումն է մեկնարկել Ժնևում
Հայաստանի և Ադրբեջանի նախագահներ Սերժ Սարգսյանի և Իլհամ Ալիևի հանդիպումն է մեկնարկել Ժնևում:
13:05
16 Հոկտեմբերի 2017
Սերժ Սարգսյանն արդեն Ժնև է ժամանել` հանդիպելու Ալիևի հետ
Հայաստանի նախագահ Սերժ Սարգսյանը ժամանել է Ժնև` իր ադրբեջանցի գործընկեր Իլհամ Ալիևի հետ հանդիպման։
23:51
15 Հոկտեմբերի 2017
ԵՄ-ն պահանջում է փակել հայկական ատոմակայանը
Հրապարակվել է Հայաստանի և Եվրամիության միջև համապարփակ և ընդլայնված համաձայնագրի տեքստը:
13:44
13 Հոկտեմբերի 2017
Հայտնի է Հայաստանի և Ադրբեջանի նախագահների հանդիպման օրը
ԵԱՀԿ Մինսկի խմբի համանախագահ երկրների նախաձեռնությամբ կկայանա Հայաստանի և Ադրբեջանի նախագահների հանդիպումը։
00:02
13 Հոկտեմբերի 2017
Աշոտյանը հայտնել է Հայաստանի և Ադրբեջանի նախագահների առաջիկա հանդիպման ամսաթիվը
Հայտնի է Հայաստանի և Ադրբեջանի նախագահների առաջիկա հանդիպման ամսաթիվը: