487.57
+0.28
567.63
-0.45
8.2
-0.03
+7
Եղանակը Երևանում
Հայ
ԱՄՆ դեսպանը բացատրեց ԱՄՆ-ի կողմից Բաքվին ու Երևանին ցուցաբերվող անհամաչափ ռազմական աջակցության պատճառները
18:41
12 Մայիսի 2009

Հայաստանում ԱՄՆ արտակարգ և լիազոր դեսպան Մարի Յովանովիչը մեկնաբանել է վաշինգտոնյան վարչակազմի դիրքորոշումը Հայաստանին ֆինանսական աջակցություն ցուցաբերելու հարցում։

Օբամայի վարչակազմի ներկայացրած հայտում 2010 ֆինանսական տարում Հայաստանի  համար պահանջվող գումարը 30 մլն դոլար է՝ 2009 թ.-ին հատկացված 48 մլն. դոլարի դիմաց։

Որպես ռազմական օգնություն Հայաստանին կտրամադրվի 4 մլն. դոլար, իսկ միջազգային ռազմական ու կրթական դասընթացների համար Հայաստանը կստանա 450 հազար դոլար։

Ադրբեջանին նախատեսվում է հատկացնել 5 մլն դոլար՝ որպես ռազմական օգնություն և 900 հազար դոլար կրթական դասընթացների համար։ Լեռնային Ղարաբաղին ֆինանսական օգնություն չի նախատեսվում։

«Նովոստի-Արմենիա» գործակալությանը ԱՄՆ դեսպանատնից տրամադրած հայտարարության մեջ Յովանովիչը նշել է, որ կցանկանար որոշ պարզաբանումներ տալ այս առնչությամբ մամուլում հայտնված հրապարակումների վերաբերյալ։

«Հայաստանին միջազգային օժանդակության ցուցաբերումը սկսվեց 20 տարի առաջ՝ 1988թ. դեկտեմբերյան երկրաշարժից հետո, և այդ ժամանակվանից ի վեր Միացյալ Նահանգները հատկացրել է ավելի քան երկու միլիարդ դոլարի մարդասիրական օգնության ու զարգացման օժանդակություն, որն ուղղվել է Հայաստանի տնտեսական, սոցիալական ու կառավարման ոլորտներին»,- հիշեցրեց դիվանագետը։

«Օբամայի վարչակազմի ներկայացրած հայտում 2010 ֆինանսական տարում Հայաստանի համար պահանջվող գումարը (30 մլն դոլար) 25 տոկոսով ավելի է 2009 ֆինանսական տարում Հայաստանի  համար Բուշի վարչակազմի պահանջած գումարից (պահանջվել էր 24 մլն դոլար, իսկ Կոնգրեսն այդ գումարը կրկնապատկեց): Հայաստանին 2010 ֆինանսական տարում հատկացվելիք օժանդակության փաստացի ծավալների մասին Կոնգրեսը դեռ որոշում չի ընդունել»,- նշել է Յովանովիչը:

Ինչ վերաբերում է ԼՂՀ-ին ֆինանսավորում տրամադրելուն,ապա, դեսպանի խոսքերով, բյուջետային հայտ Կոնգրեսին երբևէ չի ներկայացվում, քանի որ բյուջետային գործընթացում այդպիսի մեխանիզմ նախատեսված չէ:

«Լեռնային Ղարաբաղին մարդասիրական օգնության տրամադրման հարցը կարգավորվում է ավելի ուշ` Կոնգրեսի ու Վարչակազմի միջև բյուջեի բանակցման ընթացքում»,- պարզաբանել է Յովանովիչը:

Նա նշել է, որ ռազմական օժանդակության մասով Վարչակազմի 2010 ֆինանսական տարվա համար ներկայացրած հայտով Օտարերկրյա ռազմական ֆինանսավորման շրջանակում Հայաստանի համար պահանջվել է նույնքան գումար, որքան 2009 ֆինանսական տարվա համար: Նվազում չի եղել:

«Ադրբեջանի հետ կապված ավելացումը պայմանավորված է խաղաղապահ ու ռազմածովային անվտանգության ասպարեզում ԱՄՆ գերակայությունների հետ, մասնավորապես` Կասպից ծովում տարածման և թմրադեղերի անօրինական փոխադրումների դեմ պայքարի հետ»,- նշել է դեսպանը:
 
«Հայաստանի և Ադրբեջանի համար պահանջվող օժանդակության ծավալները մանրակրկիտ քննության են առնված ու կշռադատված, որպեսզի բացասաբար չանդրադառնան տարածաշրջանում ռազմական հավասարակշռվածության ու  Լեռնային Ղարաբաղի հակամարտության խաղաղ կարգավորման վրա. այնուհանդերձ, հարկ է նշել, որ յուրաքանչյուր երկիր ստանում է համապատասխան օժանդակություն, որը կմեծացնի նրանց փոխգործակցելիությունն ու ռազմական պրոֆեսիոնալիզմը»,- ասել է Յովանովիչը:

Նա հավաստել է, որ Միացյալ Նահանգները շարունակում է հավատարիմ մնալ Հայաստանի և հայ ժողովրդի հետ իր վաղեմի գործընկերությանը: Հայ ժողովրդին օգնելը եղել և մնում է բարձր առաջնահերթության խնդիր:-0-

Loading...
Թեմատիկ նյութեր
Բաժնի այլ նյութեր
20:24
07 Նոյեմբերի 2017
ՀՀ նախագահ. Եվրոպայի խորհրդի հետ համագործակցությունը բխում է Հայաստանի շահերից
ՀՀ նախագահն ընդունել է ԵԽԽՎ մոնիտորինգային հանձնաժողովի Հայաստանի մասով համազեկուցողներին։
19:54
07 Նոյեմբերի 2017
ՀՀ ԱԳ նախարարը Բենիամին Նեթանյահուին է ներկայացրել ղարաբաղյան հիմնախնդիրը (ՎԻԴԵՈ)
Էդվարդ Նալբանդյանն ու Բենիամին Նեթանյահուն քննարկել են նաև հայ-իսրայելական երկկողմ օրակարգին վերաբերող հարցեր։
17:23
06 Նոյեմբերի 2017
Ֆրանսիան հայերի անկեղծ բարեկամն է. Մակրոն
Նա ընդգծել է նաև, որ Ֆրանսիան լիովին հանձնառու է Արցախի խնդրին բանակցությունների միջոցով մնայուն լուծում գտնելու հարցին:
18:09
04 Նոյեմբերի 2017
ՀՀ նախագահն այցելել է Թաջ Մահալ և հանդիպել Հնդկաստանի հայկական համայնքի հետ (ՖՈՏՈ)
Հնդկաստան աշխատանքային այցի շրջանակում ՀՀ նախագահ Սերժ Սարգսյանն այցելել է Հնդկաստանի տեսարժան վայրերից մեկը՝ Թաջ Մահալ:
14:33
01 Նոյեմբերի 2017
Հայաստանը ու Ռուսաստանը աշխատում են նոր 100 մլն դոլարի պաշտպանական վարկային համաձայնագրի իրականացման ուղղությամբ. ՀՀ նախագահ
Առաջիկայում Ռուսաստանը գործող պայմանագրի շրջանակում Երևան զենքի խմբաքանակ կմատակարարի։
18:05
31 Հոկտեմբերի 2017
Ադրբեջանի մասնակցությունը ԵԶԲ–ում չի նշանակում, որ այն կդառնա ԵՏՄ–ի անդամ
Ադրբեջանի հնարավոր մասնակցությունը Եվրասիական զարգազման բանկում այդ երկիրը Եվրասիական տնտեսական միրության անդամ չի դարձնում, ասաց ԵԶԲ վարչության նախագահ Դմիտրի Պանկինը:
11:43
26 Հոկտեմբերի 2017
Դմիտրի Մեդվեդևը ներկայացրել է հայաստանյան այցի տպավորությունները (ՖՈՏՈ)
ՌԴ վարչապետ Դմիտրի Մեդվեդևը ներկայացրել է հայաստանյան այցի տպավորությունները` Instagram–ում  հրապարակելով լուսանկարներ։
16:49
25 Հոկտեմբերի 2017
Հայտնի է Եվրասիական միջկառավարական խորհրդի հաջորդ նիստի անցկացման վայրը
ԵՏՄ անդամ երկրների կառավարության ղեկավարները չորեքշաբթի հավաքվել են Երևանում` մասնակցելու Եվրասիական միջկառավարական խորհրդի նիստին։
19:07
24 Հոկտեմբերի 2017
Ադրբեջանը պատասխան է տալու ամեն մի ռազմական կորստի համար. Սերժ Սարգսյան
«Կամ բանակցում ենք, կամ էլ՝ կրակում: Երկուսին էլ մենք պատրաստ ենք», – նշել է նա։
17:23
24 Հոկտեմբերի 2017
Հայաստան ժամանած ՌԴ վարչապետն ուղևորվել է Ծիծեռնակաբերդի հուշահամալիր
«Զվարթնոց» օդանավակայանում գործընկերոջը դիմավորել է վարչապետ Կարեն Կարապետյանը:
13:51
24 Հոկտեմբերի 2017
Հայաստան–ԵՄ գործընկերության համաձայնագիրը կստորագրվի. ԱԳՆ
Հայաստանը նախատեսում է ստորագրել ԵՄ–ի հետ շրջանակային փաստաթուղթը նոյեմբերին կայանալիք «Արևելյան գործընկերության» գագաթնաժողովում։
19:10
19 Հոկտեմբերի 2017
Թուրք հասարակական գործչին ձերբակալել են Ծիծեռնակաբերդ այցելելու համար
Ստամբուլի Աթաթուրքի անվան միջազգային օդանավակայանում ձերբակալվել է հայտնի թուրք գործարարներից մեկը։