487.29
-0.01
568.08
+2.76
8.23
+0.01
+12
Եղանակը Երևանում
Հայ
ՀՀ վարչապետն աշխատանքային այցով մեկնել է Գյումրի
19:35
06 Մայիսի 2009

ՀՀ վարչապետ Տիգրան Սարգսյանն այսօր  աշխատանքային այցով մեկնել է Շիրակի մարզ` Գյումրի, որտեղ  ծանոթացել է «Մուշ»  և «Անի»  թաղամասերի կառուցապատման աշխատանքներին, «Նովոստի-Արմենիա» գործակալությանը տեղեկացրեցին ՀՀ կառավարության մամուլի ծառայությունից։

Այցի շրջանակներում տեղի է ունեցել աշխատանքային խորհրդակցություն` ԼՂՀ վարչապետ Արա Հարությունյանի, ՀՀ փոխվարչապետ, տարածքային կառավարման նախարար Արմեն Գևորգյանի, ՀՀ մարզպետների, համապատասխան  նախարարությունների և գերատեսչությունների ներկայացուցիչների մասնակցությամբ:

Խորհրդակցության ընթացքում քննարկվել է աղետի գոտում բնակարանային շինարարության, ինչպես նաև ՀՀ մարզերի և Լեռնային Ղարաբաղի Հանրապետության վարչական շրջանների միջև համագործակցության  շրջանակներում իրականացվող աշխատանքների ընթացքը:

Առաջին հարցի վերաբերյալ զեկուցել է ՀՀ քաղաքաշինության նախարարի տեղակալ, հանրապետության գլխավոր ճարտարապետ Նարեկ Սարգսյանը, նշելով, որ այս տարի նախատեսվում է ավարտին հասցնել 22 շենքի կամ 1320 բնակարանի, Լոռիում  և Սպիտակում` շուրջ 900 բնակելի տների շինարարությունը:

«Գլենդել Հիլզ» ՓԲԸ-ի  տնօրենների խորհրդի նախագահ Էդվարդ Մելիքյանն իր հերթին տեղեկացրել է, որ  ընկերության կողմից Գյումրու «Մուշ» և «Անի»  թաղամասերի կառուցապատման շրջանակներում ստեղծվել է շուրջ 300 աշխատատեղ` 90-100  հազար դրամ միջին աշխատավարձով, իսկ աշխատանքների  ողջ ծավալի իրացման դեպքում աշխատատեղերի թիվը կհասնի 1500-ի:

Վարչապետը աղետի գոտու բնակարանային շինարարարության  աշխատանքների ընթացքը գնահատել է բավարար` միաժամանակ ուշադրություն հրավիրելով կառուցվող բնակարանների գնագոյացման հանգամանքների վրա, բնակչության համար բնակարանները հնարավորին չափով մատչելի դարձնելու նպատակով:         

Խորհրդակցության օրակարգի հաջորդ հարցի վերաբերյալ հաշվետվություն է ներկայացրել ՀՀ տարածքային կառավարման նախարարի տեղակալ Արտաշես Բախշյանը՝ ներկայացնելով ՀՀ մարզերի և ԼՂՀ վարչական շրջանների միջև համագործակցության շրջանակներում իրականացված և ընթացիկ տարում  նախատեսվող միջոցառումները:

Նշվել է, որ 2008թ. երկրորդ կեսին և այս  տարվա առաջին ամիսներին արդեն իսկ  իրականացվել են պատվիրակությունների փոխայցելություններ, տեղի է ունեցել փորձի փոխանակում, խորհրդատվություն, ինչպես նաև որոշակի աշխատանքներ են  տարվել գյուղատնտեսության,  բնապահպանության, առողջապահության, կրթության, մշակույթի և այլ բնագավառներում համագործակցության ուղղությամբ:

ԼՂՀ վարչապետ Արա Հարությունյանը շնորհակալություն է հայտնել Հայաստանի ղեկավարությանը, մարզպետներին` համագործակցության համար, ինչն, ըստ նրա, մեծապես  նպաստում է ԼՂՀ տնտեսության զարգացմանը:

ԼՂՀ  վարչապետը կարևորել է նաև բուհերի, դպրոցների միջև անմիջական  կապերի  ստեղծումը, մասնագիտական  աջակցությունը, համագործակցությունն  աստիճանաբար նաև զբոսաշրջության, բիզնեսի բնագավառներ տեղափոխելու  խնդիրը:

ՀՀ փոխվարչապետ, տարածքային կառավարման նախարար Արմեն Գևորգյանն, իր հերթին, շնորհակալություն է հայտնել ԼՂՀ ղեկավարությանը` համագործակցության  իրականացմանը շահագրգիռ մոտեցում հանդես բերելու համար:

Փոխվարչապետն ընդգծել է փոխայցելություններին և նման հավաքներին կազմակերպված ընթացք հաղորդելու կարևորությունը, որպեսզի համագործակցությունը դառնա շարունակական:

Ամփոփելով խորհրդակցության արդյունքները՝ վարչապետ Տիգրան Սարգսյանն իրականացված աշխատանքների ընթացքը դրական է գնահատել:

Միաժամանակ, վարչապետն անդրադարձել է մի շարք խնդիրների, որոնք, ըստ նրա, կարևոր են  նաև ՀՀ կառավարության հակաճգնաժամային ծրագրի տրամաբանության  տեսակետից:

Տիգրան Սարգսյանը  կարևորել է ճգնաժամի  պայմաններում  հանրապետության բնակչության  ամառային հանգիստը Հայաստանում  և ԼՂՀ-ում կազմակերպելուն ուղղված  միջոցառումները: Վարչապետը հանձնարարել է ՀՀ մարզպետներին, ինչպես նաև առաջարկել  ԼՂՀ վարչապետին` կարճ ժամկետում տեղեկատվություն ներկայացնել ՀՀ մարզերում և Լեռնային Ղարաբաղում բնակչության հանգստի  և զբոսաշրջության առկա  պայմանների ու հնարավորությունների վերաբերյալ:

ՀՀ մարզպետներին հանձնարարվել է նաև  գնահատել խաղողի մթերման  այս տարվա ծավալներն իրենց մարզերում, խաղողի արտահանումն  առավել արդյունավետ կերպով իրականացնելու համար: Տիգրան Սարգսյանը շեշտադրել է  նաև սոցիալական նպաստների խնդիրը, որը Սյունիքի մարզ կատարած աշխատանքային այցի ժամանակ կարևորվել էր ՀՀ նախագահի կողմից:

Նա հանձնարարել է մարզպետներին` ուշադրության  կենտրոնում պահել այդ խնդիրը, միջոցներ ձեռնարկել նպաստ ստացող ընտանիքների ցուցակները ճշգրտելու, անօրինական նպաստառուներին բացահայտելու  համար, որպեսզի  այդ  միջոցները հասնեն  հենց այն անապահով խավերին, որոնք  իսկապես ունեն դրա  կարիքը:-0-

Loading...
Թեմատիկ նյութեր
Բաժնի այլ նյութեր
20:24
07 Նոյեմբերի 2017
ՀՀ նախագահ. Եվրոպայի խորհրդի հետ համագործակցությունը բխում է Հայաստանի շահերից
ՀՀ նախագահն ընդունել է ԵԽԽՎ մոնիտորինգային հանձնաժողովի Հայաստանի մասով համազեկուցողներին։
19:54
07 Նոյեմբերի 2017
ՀՀ ԱԳ նախարարը Բենիամին Նեթանյահուին է ներկայացրել ղարաբաղյան հիմնախնդիրը (ՎԻԴԵՈ)
Էդվարդ Նալբանդյանն ու Բենիամին Նեթանյահուն քննարկել են նաև հայ-իսրայելական երկկողմ օրակարգին վերաբերող հարցեր։
17:23
06 Նոյեմբերի 2017
Ֆրանսիան հայերի անկեղծ բարեկամն է. Մակրոն
Նա ընդգծել է նաև, որ Ֆրանսիան լիովին հանձնառու է Արցախի խնդրին բանակցությունների միջոցով մնայուն լուծում գտնելու հարցին:
18:09
04 Նոյեմբերի 2017
ՀՀ նախագահն այցելել է Թաջ Մահալ և հանդիպել Հնդկաստանի հայկական համայնքի հետ (ՖՈՏՈ)
Հնդկաստան աշխատանքային այցի շրջանակում ՀՀ նախագահ Սերժ Սարգսյանն այցելել է Հնդկաստանի տեսարժան վայրերից մեկը՝ Թաջ Մահալ:
14:33
01 Նոյեմբերի 2017
Հայաստանը ու Ռուսաստանը աշխատում են նոր 100 մլն դոլարի պաշտպանական վարկային համաձայնագրի իրականացման ուղղությամբ. ՀՀ նախագահ
Առաջիկայում Ռուսաստանը գործող պայմանագրի շրջանակում Երևան զենքի խմբաքանակ կմատակարարի։
18:05
31 Հոկտեմբերի 2017
Ադրբեջանի մասնակցությունը ԵԶԲ–ում չի նշանակում, որ այն կդառնա ԵՏՄ–ի անդամ
Ադրբեջանի հնարավոր մասնակցությունը Եվրասիական զարգազման բանկում այդ երկիրը Եվրասիական տնտեսական միրության անդամ չի դարձնում, ասաց ԵԶԲ վարչության նախագահ Դմիտրի Պանկինը:
11:43
26 Հոկտեմբերի 2017
Դմիտրի Մեդվեդևը ներկայացրել է հայաստանյան այցի տպավորությունները (ՖՈՏՈ)
ՌԴ վարչապետ Դմիտրի Մեդվեդևը ներկայացրել է հայաստանյան այցի տպավորությունները` Instagram–ում  հրապարակելով լուսանկարներ։
16:49
25 Հոկտեմբերի 2017
Հայտնի է Եվրասիական միջկառավարական խորհրդի հաջորդ նիստի անցկացման վայրը
ԵՏՄ անդամ երկրների կառավարության ղեկավարները չորեքշաբթի հավաքվել են Երևանում` մասնակցելու Եվրասիական միջկառավարական խորհրդի նիստին։
19:07
24 Հոկտեմբերի 2017
Ադրբեջանը պատասխան է տալու ամեն մի ռազմական կորստի համար. Սերժ Սարգսյան
«Կամ բանակցում ենք, կամ էլ՝ կրակում: Երկուսին էլ մենք պատրաստ ենք», – նշել է նա։
17:23
24 Հոկտեմբերի 2017
Հայաստան ժամանած ՌԴ վարչապետն ուղևորվել է Ծիծեռնակաբերդի հուշահամալիր
«Զվարթնոց» օդանավակայանում գործընկերոջը դիմավորել է վարչապետ Կարեն Կարապետյանը:
13:51
24 Հոկտեմբերի 2017
Հայաստան–ԵՄ գործընկերության համաձայնագիրը կստորագրվի. ԱԳՆ
Հայաստանը նախատեսում է ստորագրել ԵՄ–ի հետ շրջանակային փաստաթուղթը նոյեմբերին կայանալիք «Արևելյան գործընկերության» գագաթնաժողովում։
19:10
19 Հոկտեմբերի 2017
Թուրք հասարակական գործչին ձերբակալել են Ծիծեռնակաբերդ այցելելու համար
Ստամբուլի Աթաթուրքի անվան միջազգային օդանավակայանում ձերբակալվել է հայտնի թուրք գործարարներից մեկը։