480.44
-0.05
545.78
+5.04
8.07
-0.08
+26
Եղանակը Երևանում
Հայ
Երևանում մայիսի 22-ին կկայանա լեգենդար բրիտանական Jethro Tull ռոք-խմբի համերգը
13:28
06 Մայիսի 2009

Համաշխարհային ռոքի լեգենդ, բրիտանական Jethro Tull խումբը մայիսի 22-ին համերգ կունենա Երևանում, հայտնեց համերգի կազմակերպիչ «VIBROGRAPHUS» ընկերության նախագահ Գագիկ Գյուլբուդաղյանը։

Jethro Tull խումբը կազմվել է 1968 թ.-ին Մեծ Բրիտանիայում։ Գործունեության ընթացքում թողարկել է շուրջ 40 ալբոմ, վաճառել 60 մլն.-ից ավելի օրինակ, տվել ավելի քան 2500 համերգ 40 երկրներում։

«Առաջին անգամ նման հանրահայտ բրիտանական խումբը գալիս է Հայաստան, և ընդհանրապես Անդրկովկասում նման խմբի համերգ դեռևս չի եղել»,- չորեքշաբթի Գյուլբուդաղյանն ասաց «Նովոստի» միջազգային մամուլի կենտրոնում։  

Նա հայտնեց, որ Հայաստանն առաջին անգամ ընդգրկված է Jethro Tull-ի եվրոպական համերգային շրջագայությունում, որը սկսվել է 2009 թ.-ին և որի շրջանակներում ծրագրվում է շուրջ 100 համերգ։  

Jethro Tull-ը չափազանց հայտնի էր ու մասսայականություն էր վայելում 70-ականներին, այն միշտ զբաղեցրել է 4-5 տեղերեը այնպիսի խմբերից հետո, ինչպիսիք են The Beatles-ը, Rolling Stones-ը և Pink Floyd-ը, և այսօր խումբը շարունակում է իր երաժշտական ու համերգային գործունեությունը»,- պարզաբանեց նա։  

Գյուբուդաղյանը հայտնեց նաև, որ Jethro Tull-ի երաժիշտները Հայաստան կժամանեն մայիսի 21-ի լույս 22-ի գիշերը, հենց նույն օրը կտան մամուլի ասուլիս, հետո կհանդիպեն Հայաստանի բարձրաստիճան պետական այրերի ու ռոք-համայնքի ներկայացուցիչների հետ։  

«VIBROGRAPHUS» ընկերության տնօրեն Վարդան Գրիգորյանն ասաց, որ համերգի կազմակերպիչները նպատակ ունեն զարգացնելու ռոք-մշակույթը Հայաստանում և ընդլայնելու ռոք-լսարանը։

«Jethro Tull-ի ժամանումը կարող է նաև խթան հանդիսանալ հանրապետությունում նոր ռոք խմբերի ի հայտ գալու և զարգացման համար»,- ասաց նա։

Գրիգորյանը հաստատեց, որ լեգենդար խումբը Երևանում հանդես կգա իր հիմնական կազմով՝ բացառությամբ թմբկահարի, որին փոխարինել է ավելի երիտասարդ երաժիշտ։ 

Այսօր խմբի կազմում են Յան Անդերսոնը (Ian Anderson), Մարտին Բարը (Martin Barre), Դեյվիդ Գուդիերը (David Goodier), Ջոն Օ’Հարան (John O'Hara), Մարկ Մոնդեսիրը (Mark Mondesir)։

«Համերգը երկու մասից բաղկացած կլինի և կտևի ավելի քան 2 ժամ»,- ասաց նա՝ ավելացնելով, որ ծրագրում ընդգրկված են ինչպես խմբի հայտնի և լեգենդար երգերը, այնպես էլ նոր ստեղծագործություններ։   

Ամերիաբանկի մարքեթինգի ու PR բաժնի ղեկավար Ռեբեկա Հակոբյանը ողջունեց տվյալ նախաձեռնությունը և կարևորեց այս մասշտաբի խմբի ժամանումը Հայաստան։

«Մեր երիտասարդության համար սա հերթական հնարավորությունը կլինի հաղորդակցվելու իսկապես առաջընթացային երաժշտության հետ, իսկ ինքը՝ համերգը կնպաստի հայկական ռոքի զարգացմանը»,- ասաց նա։

Համերգի գլխավոր հովանավորներն են «Լույս» հիմնադրամն ու Ամերիաբանկը։

Տեղեկատվական հովանավորներն են՝ «Նովոստի-Արմենիա» միջազգային լրատվության գործակալությունը, HAI FM 105.5 ռադիոն, Հայաստանի Հանրային հեռուստաընկերությունը։ -0-

Loading...
Թեմատիկ նյութեր
Բաժնի այլ նյութեր
15:50
28 Հունիսի 2017
Արդարադատության նախարարը մեկնաբանել է Հայաստանում 2018 թ.-ին թավշյա հեղափոխության հավանականությունը
Դավիթ Հարությունյանը չորեքշաբթի մեկնաբանել է երկրում թավշյա հեղափոխություն իրականացնելու հավանականութունը 2018 թ.-ի ապրիլին:
18:38
27 Հունիսի 2017
ԵԽԽՎ ադրբեջանամետ նախագահը կարող է պաշտոնանկ արվել
Եվրախորհրդի Խորհրդարանական վեհաժողովի (ԵԽԽՎ) ադրբեջանամետ նախագահ Պեդրո Ագրամունտը կարող է  պաշտոնանկ արվել:
00:46
26 Հունիսի 2017
Հայկական ձևով հնդկահավն իրարանցում է առաջացրել Բաքու մեկնող ինքնաթիռում (ՎԻԴԵՈ)
Հայկական ձևով հնդկահավն ու բրինձը իրարանցում են առաջացրել Բաքու մեկնող ինքնաթիռում։
21:02
22 Հունիսի 2017
Սերժ Սարգսյանը ԵԺԿ–ի գագաթնաժողովում ներկայացրել է Հայաստանի առաջընթացը
Հայաստանի նախագահ Սերժ Սարգսյանը Բրյուսելում մասնակցել է Եվրոպական ժողովրդական կուսակցության` ընդլայնված կազմով գագաթնաժողովին:
14:01
22 Հունիսի 2017
Նիկոլ Փաշինյանը`Վահրամ Բաղդասարյանին. «Պադեզդի մակարդակ եք ուզում, եկեք գնանք...» (ՎԻԴԵՈ)
«Գիշերը երևի վատ է անդրադարձել, երեկ ավելի օբյեկտիվ ելույթներ էին հնչում»,-ասաց Վահրամ Բաղդասարյանը:  
19:09
21 Հունիսի 2017
ՀՀ նախագահն աշխատանքային այցով մեկնել է Բրյուսել
ՀՀ նախագահ Սերժ Սարգսյանն այսօր երեկոյան աշխատանքային այցով մեկնել է Բելգիայի Թագավորություն։
15:20
20 Հունիսի 2017
Ֆրանսահայ համայնքի պատմության նոր էջ. 4 հայ պատգամավորներ ընտրվել են Ֆրանսիայի ԱԺ–ում
Էմանուել Մակրոնի «Առաջ, հանրապետություն» կուսակցությունից չորս ֆրանսահայեր անցել են Ֆրանսիայի խորհրդարան:
15:26
19 Հունիսի 2017
Հայաստանի և Ադրբեջանի նախագահները պատրաստ են շարունակել բանակցությունները ԼՂ հիմնահարցի շուրջ. ռուս միջնորդ
Հայաստանի և Ադրբեջանի նախագահներ Սերժ Սարգսյանն ու Իլհամ Ալիևը պատրաստ են շարունակել ղարաբաղյան հակամարտության կարգավորմանն ուղղված խաղաղ բանակցությունները:
18:54
15 Հունիսի 2017
Մենք կարող ենք ինքներս լուծել և՛ Ղարաբաղում, և՛ Մերձդնեստրում, և՛ Ուկրաինայում առկա խնդիրները. Լուկաշենկո
Բելառուսի նախագահ Ալեքսանդր Լուկաշենկոն անդրադարձել է ՀԱՊԿ տարածաշրջանի երկրների որոշ խնդիրների։
20:00
14 Հունիսի 2017
Հայաստանն ու Տաջիկստանը, հնարավոր է, ուղիղ ավիահաղորդակցություն գործարկեն. Սարգսյան
Հայաստանն ու Տաջիկստանը դիտարկում են երկու երկրների միջև ուղիղ ավիաչվերթի գործարկման հնարավորությունը:
18:41
14 Հունիսի 2017
Տաջիկստանի նախագահը նշել է Հայաստանի հետ համագործակցության հեռանկարային ոլորտները (ՖՈՏՈ)
ՀՀ նախագահի հրավերով պաշտոնական այցով այսօր Հայաստան է ժամանել Տաջիկստանի Հանրապետության նախագահ Էմոմալի Ռահմոնը:
14:43
13 Հունիսի 2017
Նալբանդյանը նշել է ԵՄ-ի հետ շրջանակային համաձայնագրի ստորագրման ժամկետը
Էստոնիան ԵՄ նախագահությունը կստանձնի հուլիսի 1-ից: