485.33
+0.37
572.16
-1.31
8.2
-0.02
+1
Եղանակը Երևանում
Հայ
Հարավային Կովկասի էներգետիկ նախագծերը բախվում են քաղաքական պատճառներով սահմանափակվող տարանցիկ սխեմաներին. «ՀայՌուսգազարդի» ղեկավար
11:36
06 Մայիսի 2009

Հարավային Կովկասի էներգետիկ նախագծերը μախվում են քաղաքական պատճառներով սահմանափակվող տարանցիկ սխեմաներին և չեն կարող տարածաշրջանային μազմակողմանի համագործակցության օրինակ հանդիսանալ: Այդ մասին հայտարարեց «ՀայՌուսգազարդ» ՓԲԸ վարչության նախագահ – գլխավոր տնօրեն Կարեն Կարապետյանը՝ նախօրեին ելույթ ունենալով Եվրոպայի Խորհրդի Քաղաքական դասընթացների երևանյան դպրոցի սեմինարի ժամանակ:

Նրա խոսքերով` նման իրավիճակի առաջնային պատճառը քաղաքական մրցակցությունն է, էներգետիկ «ծանրքաշայինների» միջև մրցակցությունը հանքավայրերի, հանքահորերի, խողովակաշարերի օգտագործման հնարավորությունների համար:

«Հարավային Կովկասի տարածաշրջանում այդպիսի մրցակցությունը փոխում է իրական գործընկերության պատկերը` մեր երկրներին ներքաշելով ոչ թե տնտեսապես հիմնավորված նախագծերի, այլ քաղաքականապես անիմաստ ու անհեռանկար բանավեճերի մեջ: Այդ ամենն իր հերթին խփում է մեր երկրների յուրաքանչյուր բնակչի գրպանին»,- ասաց Կարապետյանը:

Գլխավոր տնօրենի խոսքերով՝ այդպիսի զուտ քաղաքական և թանկ ծրագրերի օրինակ է Բաքու-Թբիլիսի-Ջեյհան նավթամուղը, ինչպես նաև «Նաբուկո» ծրագրվող նախագիծը:

«Տարբեր, այդ թվում՝ ազգային մակարդակներում չափազանց անբավարար, իսկ հաճախ նաև միակողմանի է լուսաբանվում տարածաշրջանի էներգետիկ իրավիճակը: Այլ խոսքով՝ տարածաշրջանում առկա են չհայտարարված տեղեկատվական պատերազմներ էներգետիկայի բնագավառում»,- կարծում է Կարապետյանը:
 
Նրա խոսքերով՝ տարածաշրջանի երկրների բնակչության ցածր իրազեկությունը բերում է նրան, որ էլիտան առանց հասարակական դիմադրության կյանքի է կոչում պատշաճ տնտեսական հիմնավորում չունեցող քաղաքական ծրագրեր, որոնք «դանդաղ գործողության ռումբ» են դառնում էներգետիկայի համար և սպեկուլյատիվ դրսևորումներ են առաջացնում էներգակիրների միջազգային շուկաներում` դառնալով նաև հերթական ֆինանսական և տնտեսական ճգնաժամերի պատճառ:

Այնուամենայնիվ, ինչպես նշեց ընկերության ղեկավարը, Հայաստանի դիրքորոշումը տարածաշրջանում առկա էներգետիկ ծրագրերի հանդեպ դրական է:

«Անկասկած, ավելի լավ կլիներ, եթե Հայաստանն այդ ծրագրերի մասնակիցը լիներ: Սակայն նույնիսկ եթե դա այդպես չէ, ոչ մի վատ բան չկա, որ այդ ծրագրերն իրականացվում են: Տարածաշրջանում զարգացած էներգետիկ ենթակառուցվածքի առկայությունը նպաստում է տարածաշրջանի էներգետիկ անվտագնության ընդհանուր մակարդակի բարձրացմանը, ինչը չի կարող դրական ներգործություն չունենալ, այդ թվում՝ Հայաստանի վրա»,- ասաց Կարապետյանը:

«ՀայՌուսգազարդ» ՓԲԸ-ն Հայաստանի ներքին շուկայում ռուսական բնական գազի մատակարարման և տեղաբաշխման մենաշնորհային իրավունք ունի։ Ընկերությունը ստեղծվել է 1997 թ.-ին: Ընկերության կանոնադրական կապիտալում «Գազպրոմ» ԲԲԸ-ին է պատկանում բաժնետոմսերի 80 տոկոսը, իսկ ՀՀ կառավարությանը՝ 20 տոկոսը: --0--

Loading...
Թեմատիկ նյութեր
Բաժնի այլ նյութեր
21:20
06 Դեկտեմբերի 2017
Հայաստանի և Ադրբեջանի ԱԳՆ ղեկավարների հանդիպումն է մեկնարկել Վիեննայում
Վիեննայում մեկնարկել է Հայաստանի և Ադրբեջանի ԱԳ նախարարներ Էդվարդ Նալբանդյանի և Էլմար Մամեդյարովի հանդիպումը։
21:07
06 Դեկտեմբերի 2017
Հայտնի են Հայաստանի ԱԳ նախարարի և համանախագահների հանդիպման թեմաները (ՎԻԴԵՈ)
Էդվարդ Նալբանդյանը հանդիպել է ԵԱՀԿ Մինսկի խմբի համանախագահներին։
18:53
06 Դեկտեմբերի 2017
Պուտինն առաջադրվելու է ՌԴ նախագահի պաշտոնում
Ռուսաստանի նախագահ Վլադիմիր Պուտինը հայտարարել է նախագահի պաշտոնում առաջրվելու մտադրության մասին:
10:35
05 Դեկտեմբերի 2017
Հայտնի է Հայաստանի նախագահի ամենահավանական թեկնածուի անունը
«Ժամանակ» թերթը գրում է, թե ով է Հայաստանի հաջորդ նախագահական ընտրությունների ամենահավանական թեկնածուն։
19:17
01 Դեկտեմբերի 2017
Արա Աբրահամյանը պահանջել է եթերից հեռացնել հակահայկական արշավ սկսած լրագրողներին և քաղաքագետներին
ՌՀՄ նախագահը կոչ է արել եթերից հեռացնել ծախու լրագրողներին, քաղաքագետներին և փորձագետներին, ովքեր հակահայկական արշավ են սկսել ռուսական հեռուստատեսությամբ։
18:14
30 Նոյեմբերի 2017
Վրաստանի վարչապետի այցը Հայաստան հետաձգվել է
Գիորգի Կվիրիկաշվիլիի այցը Հայաստան հետաձգվել է անորոշ ժամանակով:
17:48
30 Նոյեմբերի 2017
Հայաստան կժամանի Վրաստանի վարչապետ Գիորգի Կվիրիկաշվիլին
Այցի շրջանակներում նախատեսված են նրա հանդիպումները ՀՀ բարձրագույն ղեկավարության՝ ՀՀ նախագահի, ԱԺ նախագահի և վարչապետի հետ:
13:10
30 Նոյեմբերի 2017
Մարկեդոնովը կոչ է արել դադարեցնել ռուսական հեռուստատեսությամբ Հայաստան–ԵՄ համաձայնագրի շուրջ հնչող հիստերիան
Քաղաքագետ Սերգեյ Մարկեդոնովը կոչ է արել դադարեցնել ռուսական հեռուստատեսությամբ Հայաստան–ԵՄ համաձայնագրի շուրջ հնչող հիստերիան։
11:15
30 Նոյեմբերի 2017
ՀՀԿ–ում անհեթեթ են անվանել ռուս քաղաքագետների վիրավորական հայտարարությունները Հայաստան–ԵՄ համաձայնագրի ստորագրման վերաբերյալ
Էդուարդ Շարմազանովը մեկնաբանել է НТВ ռուսական հեռուստաալիքի talk show–ի ընթացքում Հայաստանի հասցեին հնչած հայտարարությունները։
20:35
28 Նոյեմբերի 2017
ՀՀ նախագահ. Հայաստանը շահագրգռված է բարեկամ Իրանի զարգացմամբ ու տարածաշրջանի կայունությամբ
ՀՀ նախագահն ընդունել է Իրանի Իսլամական Հանրապետության արտաքին գործերի նախարար Մոհամմադ Ջավադ Զարիֆին։
20:26
27 Նոյեմբերի 2017
Հանրապետության քաղաքացիները կզգան Հայաստան–ԵՄ համաձայնագրի օգուտը. Սվիտալսկի
Հայաստանի քաղաքացիները ժամանակի ընթացքում կզգան Հայաստան–Եվրամիություն համաձայնագրի օգուտը։
19:29
24 Նոյեմբերի 2017
Հայաստանն ու ԵՄ–ն ստորագրեցին Համապարփակ և ընդլայնված գործընկերության համաձայնագիրը. ԼՐԱՑՎԱԾ
Փաստաթուղթը ձևավորում է նոր հարթակ Հայաստան–ԵՄ քաղաքական և տնտեսական համագործակցության ամրապնդման համար: