481.35
+0.03
565.97
-1.55
8.4
-0.01
+7
Եղանակը Երևանում
Հայ
ՀՀ ոստիկանությունը 2008 թվականի մարտի 1-ի ընդդիմադիր հանրահավաքն ուժով ցրելու ծրագիր չի ունեցել. նախկին ոստիկանապետ
19:32
30 Ապրիլի 2009

ԵՐԵՎԱՆ, 30 ապրիլի. /Նովոստի-Արմենիա/. ՀՀ ոստիկանությունը 2008 թվականի մարտի 1-ի ընդդիմադիր հանրահավաքն ուժով ցրելու ծրագիր չի ունեցել, հինգշաբթի տեղեկացրեց նախկին ոստիկանապետ Հայկ Հարությունյանը մարտյան դեպքերի հետաքննության ԱԺ ժամանակավոր հանձնաժողովի նիստի ընթացքում։

Ըստ նրա, մարտի 1-ի վաղ առավոտյան ոստիկանների հիմնական խնդիրը նախօրեին ստացված օպերատիվ տեղեկատվության ստուգումն էր այն մասին, որ Ազատության հրապարակում հավաքվածներին տրամադրվելու են երկաթյա ձողեր, հրազեն, ինչպես նաև այլ միջոցներ սադրիչ գործողություններ իրականացնելու համար։

Նա նշեց, որ ստացված օպերատիվ տեղեկատվությունը քննարկվել է փետրվարի 29-ին, և մարտի 1-ի առավոտյան ստուգում անցկացնելու որոշում է ընդունվել։

«ՀՀ նախագահ Ռոբերտ Քոչարյանը իրազեկվել է անցկացվելիք ստուգման մասին, ինչի կապակցությամբ հանձնարարել է չցրել հավաքվածներին՝ նրանց հնարավորություն ընձեռելով վերադառնալ Ազատության հրապարակ օպերատիվ միջոցառումների ավարտից հետո»,- ասաց Հարությունյանը։

Ինչպես նշեց նախկին ոստիկանապետը, ստուգումը նշանակվել է առավոտյան 7-ին, և համապատասխան կառույցները պետք է տեղում լինեին ժամանակից շուտ՝ տեղակայման և տարածքը ստուգմանը նախապես պատրաստելու համար։

«Սակայն Ոստիկանությունից տեղեկատվության արտահոսք է եղել, ինչի արդյունքում Ազատության հրապարակում հավաքվածներն արդեն պատրաստված են եղել օպերատիվ աշխատակիցների այցին՝ նրանց դիմադրություն ցուցաբերելով և իրավապահ մարմինների ներկայացուցիչների ուղղությամբ երկաթյա ձողեր, «ոզնիներ» և դյուրավառ հեղուկով շշեր նետելով»,- ասաց Հարությունյանը։

Նա ընդգծեց, որ քանի որ օպերատիվ աշխատողները չէին ծրագրել հանրահավաքի ուժային ցրում, հետևաբար իրենց մոտ չեն ունեցել ոչ զենք, ոչ պաշտպանության հատուկ միջոցներ, ինչի արդյունքում նրանցից շատերը լուրջ վնասվածքներ են ստացել, առավելապես՝ գլխի շրջանում։

Ըստ նրա, համաձայն ոստիկանության տվյալների, Ազատության հրապարակում այդ պահին եղել է 800-900 մարդ, և նրանք քնած չեն եղել, երբ ոստիկանները բարձրախոսով հայտարարել են իրենց այցի նպատակը։

«Տեղի ուենցած բախման հետևանքով առկա պահուստային ստորաբաժանումները ստիպված էին խառնվել իրավիճակին և մաքրել Ազատության հրապարակը զննություն անցկացնելու համար»,- ասաց Հարությունյանը։

Նա ընդգծեց, որ չնայած ոստիկանության գործողություններին, հանրահավաքի մասնակիցները շարունակում էին խոչընդոտել անցկացվող ստուգմանը, ինչի արդյունքում ոստիկանները ստիպված եղան նրանց ավելի ետ մղել, ինչպես նաև աշխատանքներ տանել դիմադրության հիմնական կազմակերպիչներին բացահայտելու ուղղությամբ։
 
«Մեր մտքով չէր անցել անգամ, որ նման դիմադրության կհանդիպենք, քանի որ մինչ այդ Ազատության հրապարակում կրկնակի ստուգումներ արդեն տարվել էին և որևէ բարդություն չէին առաջացրել»,- ասաց Հարությունյանը։

Փետրվարի 20-ից Երևանի կենտրոնում, ՀՀ նախկին նախագահ Լևոն Տեր-Պետրոսյանի գլխավորությամբ, ընդդիմությունն անցկացնում էր հանրահավաքներ՝ բողոքելով փետրվարի 19-ի նախագահական ընտրությունների արդյունքների դեմ, որոնցում հաղթանակ էր տարել վարչապետ Սերժ Սարգսյանը։ Մարտի 1-2-ի բողոքի ցույցերը վերածվել են անկարգությունների և ցուցարարների ու իրավապահ մարմինների միջև բախումների, որոնց հետևանքով զոհվել է տասը քաղաքացի և վիրավորվել 265-ը։-0-

Loading...
Թեմատիկ նյութեր
Բաժնի այլ նյութեր
17:10
16 Հոկտեմբերի 2017
Հրապարակվել են Սարգսյան–Ալիև հանդիպման արդյունքները
Հրապարակվել են այսօր Ժնևում կայացած Սարգսյան–Ալիև հանդիպման արդյունքները:
16:01
16 Հոկտեմբերի 2017
Ավարտվեցին Սարգսյան–Ալիև բանակցությունները. Ալիևը լքեց բանակցությունների վայրը
Ժնևում քիչ առաջ ավարտվեցին ՀՀ նախագահ Սերժ Սարգսյանի և Ադրբեջանի նախագահ Իլհամ Ալիևի բանակցությունները։
15:38
16 Հոկտեմբերի 2017
Այս պահին ընթանում է Հայաստանի և Ադրբեջանի նախագահների առանձնազրույցը
Ժնևում մեկնարկել է Հայաստանի և Ադրբեջանի նախագահներ Սերժ Սարգսյանի ու Իլհամ Ալիևի առանձնազրույցը։
14:46
16 Հոկտեմբերի 2017
Հայաստանի և Ադրբեջանի նախագահների հանդիպումն է մեկնարկել Ժնևում
Հայաստանի և Ադրբեջանի նախագահներ Սերժ Սարգսյանի և Իլհամ Ալիևի հանդիպումն է մեկնարկել Ժնևում:
13:05
16 Հոկտեմբերի 2017
Սերժ Սարգսյանն արդեն Ժնև է ժամանել` հանդիպելու Ալիևի հետ
Հայաստանի նախագահ Սերժ Սարգսյանը ժամանել է Ժնև` իր ադրբեջանցի գործընկեր Իլհամ Ալիևի հետ հանդիպման։
23:51
15 Հոկտեմբերի 2017
ԵՄ-ն պահանջում է փակել հայկական ատոմակայանը
Հրապարակվել է Հայաստանի և Եվրամիության միջև համապարփակ և ընդլայնված համաձայնագրի տեքստը:
13:44
13 Հոկտեմբերի 2017
Հայտնի է Հայաստանի և Ադրբեջանի նախագահների հանդիպման օրը
ԵԱՀԿ Մինսկի խմբի համանախագահ երկրների նախաձեռնությամբ կկայանա Հայաստանի և Ադրբեջանի նախագահների հանդիպումը։
00:02
13 Հոկտեմբերի 2017
Աշոտյանը հայտնել է Հայաստանի և Ադրբեջանի նախագահների առաջիկա հանդիպման ամսաթիվը
Հայտնի է Հայաստանի և Ադրբեջանի նախագահների առաջիկա հանդիպման ամսաթիվը:
12:15
12 Հոկտեմբերի 2017
Հայաստանը ՌԴ–ից 100 մլն դոլարի պետական արտահանման վարկ կստանա
Վարկը տրամադրվելում է տարեկան 3% տոկոսադրույքով, 15 տարի մարման ժամկետով։
16:27
09 Հոկտեմբերի 2017
Անկարան կարող է հրաժարվել С-400-ի գնումից, եթե Մոսկվան մերժի համատեղ արտադրությունը
Անկարան կարող է հրաժարվել Մոսկվայից զենիթահրթիռային С-400 կամակարգերի գնումից:
13:59
08 Հոկտեմբերի 2017
Համանախագահներ. Հայաստանը և Ադրբեջանը վերահաստատել են բանակցությունները վերսկսելու պատրաստակամությունը
ԵԱՀԿ Մինսկի խմբի համանախագահները հաղորդագրություն են տարածել:
17:20
06 Հոկտեմբերի 2017
ԵԽԽՎ նախագահ Պեդրո Ագրամունտը հրաժարական է տվել
Պեդրո Ագրամունտը հեռանում է ԵԽԽՎ նախագահի պաշտոնից: