478.62
+0.08
550.51
-1.2
8.1
+0.01
+35
Եղանակը Երևանում
Հայ
Թուրքական մամուլում հայ-թուրքական «ճանապարհային քարտեզի» մանրամասների արտահոսքը թուրքական քարոզչության արդյունքն է, կարծում է փորձագետը
15:06
30 Ապրիլի 2009

ԵՐԵՎԱՆ, 30 ապրիլի. /Նովոստի-Արմենիա/. Թուրքական «Սաբահ» թերթում հրատարակված տեղեկատվությունը, որում իբր թե բացահայտվում է հայ-թուրքական համաձայնագրի բովանդակությունը, թուրքական քարոզչամեքենայի աշխատանքի արդյունքն է, հինգշաբթի մամուլի ասուլիսի ժամանակ ասաց Հայոց ցեղասպանության թանգարան-ինստիտուտի տնօրեն Հայկ Դեմոյանը։

«Այս արտահոսքի նպատակն էր տարաձայնություն առաջացնել հայկական հասարակության մեջ ինչպես Հայաստանում, այնպես էլ սփյուռքում, և բացի այդ վերահսկել հայկական մամուլի վերլուծական նյութերը տվյալ հարցի շուրջ»,- նշեց Դեմոյանը։

Թուրքիայի և Հայաստանի արտգործնախարարությունները, ինչպես նաև Շվեյցարիայի արտաքին գործերի դաշնային դեպարտամենտը հանդես են եկել հարաբերությունների կարգավորման վերաբերյալ համատեղ հայտարարությամբ։ Հայտարարության մեջ ասվում է, որ կողմերը համաձայնության են հանգել իրենց երկկողմ հարաբերությունների կարգավորման համապարփակ շրջանակի շուրջ երկու կողմերին գոհացնող կերպով:

Թուրքական «Սաբահ» թերթը ապրիլի 26-ին հանդես է եկել հրապարակումով, որն իբր թե պարունակում է ճանապարհային քարտեզի հինգ կետերը։

Մասնավորապես, իբր թե որոշում է ընդունվել այն մասին, որ Հայաստանը ճանաչում է 1921 թ.-ին Թուրքիայի և Խորհրդային Ռուսաստանի միջև կնքված Կարսի պայմանագիրը, և այն այլևս քննարկման առարկա չի դառնա։ Կարսի պայմանագրով սահմանվում էր Թուրքիայի և Անդրկովկասի հանրապետությունների միջև սահմանը։

Պայմանագրի 5-րդ հոդվածի համաձայն՝ Թուրքիայի, Ադրբեջանի և Հայաստանի կառավարությունները համաձայնում էին, որ Նախիջևանի մարզը ինքնավար հանրապետություն է կազմում Ադրբեջանի հովանավորությամբ։

«Հատկապես անհեթեթ է Կարսի պայմանագրի հիշատակումը, քանի որ այն շատ խոցելի է իրավաբանական տեսակետից, որովհետև պայմանագրում ամրագրվում է, որ Նախիջևանը գտնվում է Ադրբեջանի պաշտպանության տակ, այլ ոչ թե նրա կազմում»,- ընդգծեց Դեմոյանը։

Նրա կարծիքով՝ քարոզչական քայլ է նաև Ցեղասպանության փաստի ուսումնասիրությամբ զբաղվող պատմաբանների հայ-թուրքական հանձնաժողովի ստեղծման մասին թուրքական առաջարկը։  

«Սկզբից ևեթ քարոզչական մեքենան հույս ուներ, որ հայկական կողմը կհրաժարվեր այդ գաղափարից»,- նշեց փորձագետը՝ հավելելով, որ առաջարկն արվել է միայն հայկական կողմի արձագանքը ստուգելու նպատակով։

Նա ավելացրեց, որ իրականում Թուրքիային ձեռնտու չէ նման հանձնաժողովի ստեղծումը, քանի որ պատմաբանների արդյունավետ աշխատանքի դեպքում կարող են այնպիսի փաստեր հայտնաբերվել, որոնք երկար տարիներ թաքնվել են Թուրքիայում։  

«Պատմաբանների հանձնաժողովի ստեղծումը կարող է լուրջ վտանգ ներկայացնել Թուրքիայի ազգային անվտանգությանը»,- ընդգծեց Դեմոյանը։    

Ներկայումս Հայաստանի և Թուրքիայի միջև չկան դիվանագիտական հարաբերություններ, իսկ 1993-ից, պաշտոնական Անկարայի նախաձեռնությամբ, փակ է հայ-թուրքական սահմանը։

Առաջին քայլերը հարաբերություններում արվեցին 2008թ. սեպտեմբերի 6-ին, երբ Թուրքիայի նախագահ Աբդուլա Գյուլն առաջին անգամ  ՀՀ նախագահ Սերժ Սարգսյանի հրավերով այցելեց Երևան՝ 2010 թ. աշխարհի առաջնության ընտրական փուլի շրջանակներում երկու երկրների հավաքականների միջև ֆուտբոլային հանդիպումը դիտելու համար։ Այցի ընթացքում երկու պետությունների ղեկավարները քննարկեցին երկկողմ հարաբերությունների հաստատման հնարավորությունները։-0-

Loading...
Թեմատիկ նյութեր
Բաժնի այլ նյութեր
12:37
20 Հուլիսի 2017
Բլոգեր Լապշինը դատապարտվեց 3 տարվա ազատազրկման Արցախ այցելելու համար
Բաքվի դատարանը 3 տարվա ազատազրկման դատապարտեց բլոգեր, Ռուսաստանի և Իսրայելի քաղաքացի Ալեքսանդր Լապշինին։
20:14
19 Հուլիսի 2017
Սերժ Սարգսյանը շնորհավորել է արցախցի գործընկերոջը` նախագահի պաշտոնում ընտրվելու կապակցությամբ
Հայաստանի նախագահ Սերժ Սարգսյանն այսօր շնորհավորական ուղերձ է հղել Բակո Սահակյանին:
12:46
17 Հուլիսի 2017
ՀՀ նախագահը խոսել է այն մասին, թե արդյոք 2018 թ–ին հավակնելու՞ է վարչապետի պաշտոնին, թե ոչ
ՀՀ նախագահ Սերժ Սարգսյանը խոսել է այն մասին, թե արդյոք 2018 թ–ին հավակնելու՞ է վարչապետի պաշտոնին, թե ոչ։
01:30
17 Հուլիսի 2017
ՀՀ նախագահը հրապարակեց Ալիևի հետ հանդիպման ամսաթիվն ու խոսեց սպասումների մասին
ՀՀ նախագահ հրապարակեց Ալիևի հետ հանդիպման ամսաթիվն ու խոսեց սպասումների մասին:
09:00
16 Հուլիսի 2017
Հայտնի գրող և լրագրող Սևան Նիշանյանը փախել է թուրքական բանտից
Հայտնի գրող, լրագրող, լեզվաբան և հրապարակախոս Սևան Նիշանյանը, ով Թուրքիայում դատապարտվել էր 17 տարվա ազատազրկման, փախել է բանտից և լքել երկիրը:
12:43
12 Հուլիսի 2017
Հայտնի շոումենի եղբայրը նշանակվել է Կանադայում ՀՀ դեսպան
Հայաստանի նախագահը հրամանագիր է ստորագրել Կանադայում գործող դեսպան Արմեն Եգանյանին պաշտոնից ազատելու մասին։
12:30
12 Հուլիսի 2017
ՀՀ նախկին արտգործնախարարը` Դանիայում երկրի դեսպան
Հայաստանի նախագահը հրամանագիր է ստորագրել Հայաստանում Դանիայի գործող դեսպանին պաշտոնից ազատելու մասին։
11:14
11 Հուլիսի 2017
Հաստատվել է Վրաստանում Հայաստանի դեսպանի թեկնածությունը
Վրաստանում Հայաստանի դեսպանությունը նոր ղեկավար ունի։
18:23
10 Հուլիսի 2017
Ռուսաստանն Ադրբեջանին «Սոլնցեպյոկ» ՏՕՍ-1Ա հրթիռներ է մատակարարել
Հուլիսի 10-ին Ադրբեջանի ՊՆ-ն հրապարակել է տեսանյութ:
17:24
06 Հուլիսի 2017
ՌԴ քաղաքացիները կարող են Բաքվի կամայականությունների զոհ դառնալ հայկական արմատների պատճառով. ՌԴ ԱԳՆ
Ադրբեջան ՌԴ քաղաքացիների մուտքի արգելքի վերաբերյալ ՌԴ ԱԳՆ-ն հայտարարություն է տարածել:
13:04
06 Հուլիսի 2017
Ադրբեջանում արգելափակել են Հայաստանի հանրային ռադիոյի կայքը
Ադրբեջանն արգելափակել է Հայաստանի հանրային ռադիոյի կայքի հասանելիությունը։
14:39
05 Հուլիսի 2017
Մոսկվան պահանջում է Բաքվից դադարեցնել հայկական ազգանուններով ՌԴ քացաքացիների խտրականությունը
Ռուսաստանը պահանջում է Ադրբեջանից դադարեցնել երկիր ժամանող հայկական ազգանուններով ՌԴ քաղաքացիների խտրականությունը: