480.39
+0.17
536.6
+0.48
8.07
+0.03
+25
Եղանակը Երևանում
Հայ
Հայաստանի կառավարությունը պատրաստակամ է աջակցելու ոսկեգործության ոլորտի զարգացմանն ուղղված բոլոր նախաձեռնություններին
18:28
29 Ապրիլի 2009

Հայաստանի կառավարությունը  պատրաստակամ է աջակցելու ոսկեգործության ոլորտի զարգացմանն ուղղված բոլոր կառուցողական նախաձեռնություններին, նախագծերին ու ծրագրերին, ասաց վարչապետ Տիգրան Սարգսյանը ոսկեգործական ընկերությունների և միությունների ներկայացուցիչների հետ հանդիպման ժամանակ:

Ինչպես հաղորդում է ՀՀ կառավարության մամուլի ծառայությունը, վարչապետ Տիգրան  Սարգսյանը չորեքշաբթի ընդունել է Համաշխարհային հայ ոսկեգործների միության պատվավոր նախագահ Գագիկ Աբրահամյանին, միության նախագահ Վարդկես Քնաջյանին (Շվեյցարիա), Հայաստանի ոսկեգործների և ադամանդագործների միության նախագահ Էմիլ Գրիգորյանին և արտասահմանյան մի շարք երկրներում ոսկերչության, ադամանդագործության, ժամագործության բնագավառներում առաջատար հայկական մասնավոր ընկերությունների սեփականատերեր Պիեր Աքելյանին (Կանադա), Նազարեթ Սապունջյանին (Լիբանան), Գագիկ Գևորգյանին (ՌԴ), Հակոբ Մինասյանին (ԱՄՆ) և Շահե Արսլանյանին (Բելգիա):

Հանդիպմանը քննարկվել են Հայաստանում ոսկերչության, ադամանդագործության ներկա վիճակն ու զարգացման հեռանկարները:

Կարևորելով երկրում հիշյալ ոլորտի  զարգացման ռազմավարության մշակումն ու իրականացումը,  այդ գործում Հայրենիքի և սփյուռքի գործարար շրջանակների ջանքերի համատեղումը, վարչապետը ողջունել է` հատկապես ներկայիս Համաշխարհային ֆինանսատնտեսական ճգնաժամի պայմաններում, Հայաստանի և արտերկրի հայ ոսկեգործների միությունների միջև արդյունավետ երկխոսության հաստատումն ու խթանումը:

Տիգրան Սարգսյանը գոհունակություն է հայտնել, որ արդեն իսկ կա հիմնախնդրի ընդհանուր ըմբռնում, ոլորտի զարգացմանն ուղղված հետաքրքիր նախաձեռնություններ և առաջարկներ:

Նա նշել է, մասնավորապես,  Գյումրիում տեխնոպարկի, հանրապետությունում ազատ տնտեսական գոտիների ստեղծման նախագծերը, Ռուսաստանի Դաշնության կառավարության, ինչպես նաև ադամանդագործական ոլորտի խոշոր ընկերությունների` «ԱլՌոսաի», «Կրիստալի» հետ ընթացող բանակցությունները` ոլորտում  համագործակցությունը զարգացնելու շուրջ:

Հանդիպման մասնակիցները ՀՀ վարչապետին ներկայացրել են առաջիկա երկու տարիների իրենց ծրագրերը, գործնական համագործակցության վերաբերյալ կարծիքներն ու տեսակետները; 

Ընդգծելով Համաշխարհային տնտեսական ճգնաժամի բացասական ազդեցություններին միասնաբար դիմակայելու անհրաժեշտությունը՝ հանդիպման մասնակիցները կարևորել են փոխգործակցությունը ժամանակակից տեխնոլոգիաների  փոխանակման, սպառման շուկաների յուրացման հարցերում, այդ նպատակով Հայաստանում միջազգային ներկայացուցչական  ցուցահանդեսների կազմակերպումը և այլ երկրներում կազմակերպված ցուցահանդեսներում միասնաբար ներկայանալու հնարավորությունը:

Առաջարկվել է նաև Հայաստանում ստեղծել հիմնադրամ` ոսկեգործության, ադամանդագործության, ժամագործության, մարկետինգի բնագավառներում որակյալ կադրերի պատրաստման, հայկական ոսկերչության երեքհազարամյա պատմությունն ստեղծելու և աշխարհին ներկայացնելու նպատակով:

Արտերկրում ոլորտի խոշորագույն հայկական ընկերությունների ղեկավարները նշել են, որ նախանշվող ծրագրերի իրականացումը հնարավորություն կստեղծի Հայաստանը դարձնելու ոսկեգործության, ադամանդագործության և ժամագործության միջազգային կենտրոն, ապահովելու հազարավոր աշխատատեղեր:

Վարչապետ Տիգրան Սարգսյանը նշել է, որ քննարկված հարցերն ու արված առաջարկությունները ուշադրությամբ կուսումնասիրվեն, դրանց մի մասի իրականացման համար կօգտագործվեն Գյումրու տեխնոպարկի հնարավորությունները, որոշ խնդիրների շուրջ, անհրաժեշտության դեպքում, կլինեն նոր քննարկումներ: --0--

Loading...
Թեմատիկ նյութեր
Բաժնի այլ նյութեր
21:02
22 Հունիսի 2017
Սերժ Սարգսյանը ԵԺԿ–ի գագաթնաժողովում ներկայացրել է Հայաստանի առաջընթացը
Հայաստանի նախագահ Սերժ Սարգսյանը Բրյուսելում մասնակցել է Եվրոպական ժողովրդական կուսակցության` ընդլայնված կազմով գագաթնաժողովին:
14:01
22 Հունիսի 2017
Նիկոլ Փաշինյանը`Վահրամ Բաղդասարյանին. «Պադեզդի մակարդակ եք ուզում, եկեք գնանք...» (ՎԻԴԵՈ)
«Գիշերը երևի վատ է անդրադարձել, երեկ ավելի օբյեկտիվ ելույթներ էին հնչում»,-ասաց Վահրամ Բաղդասարյանը:  
19:09
21 Հունիսի 2017
ՀՀ նախագահն աշխատանքային այցով մեկնել է Բրյուսել
ՀՀ նախագահ Սերժ Սարգսյանն այսօր երեկոյան աշխատանքային այցով մեկնել է Բելգիայի Թագավորություն։
15:20
20 Հունիսի 2017
Ֆրանսահայ համայնքի պատմության նոր էջ. 4 հայ պատգամավորներ ընտրվել են Ֆրանսիայի ԱԺ–ում
Էմանուել Մակրոնի «Առաջ, հանրապետություն» կուսակցությունից չորս ֆրանսահայեր անցել են Ֆրանսիայի խորհրդարան:
15:26
19 Հունիսի 2017
Հայաստանի և Ադրբեջանի նախագահները պատրաստ են շարունակել բանակցությունները ԼՂ հիմնահարցի շուրջ. ռուս միջնորդ
Հայաստանի և Ադրբեջանի նախագահներ Սերժ Սարգսյանն ու Իլհամ Ալիևը պատրաստ են շարունակել ղարաբաղյան հակամարտության կարգավորմանն ուղղված խաղաղ բանակցությունները:
18:54
15 Հունիսի 2017
Մենք կարող ենք ինքներս լուծել և՛ Ղարաբաղում, և՛ Մերձդնեստրում, և՛ Ուկրաինայում առկա խնդիրները. Լուկաշենկո
Բելառուսի նախագահ Ալեքսանդր Լուկաշենկոն անդրադարձել է ՀԱՊԿ տարածաշրջանի երկրների որոշ խնդիրների։
20:00
14 Հունիսի 2017
Հայաստանն ու Տաջիկստանը, հնարավոր է, ուղիղ ավիահաղորդակցություն գործարկեն. Սարգսյան
Հայաստանն ու Տաջիկստանը դիտարկում են երկու երկրների միջև ուղիղ ավիաչվերթի գործարկման հնարավորությունը:
18:41
14 Հունիսի 2017
Տաջիկստանի նախագահը նշել է Հայաստանի հետ համագործակցության հեռանկարային ոլորտները (ՖՈՏՈ)
ՀՀ նախագահի հրավերով պաշտոնական այցով այսօր Հայաստան է ժամանել Տաջիկստանի Հանրապետության նախագահ Էմոմալի Ռահմոնը:
14:43
13 Հունիսի 2017
Նալբանդյանը նշել է ԵՄ-ի հետ շրջանակային համաձայնագրի ստորագրման ժամկետը
Էստոնիան ԵՄ նախագահությունը կստանձնի հուլիսի 1-ից:
13:43
12 Հունիսի 2017
Հայաստան կայցելի Էստոնիայի արտգործնախարար Սվեն Միկսերը
Էստոնիայի արտգործնախարարին կընդունեն հանրապետության նախագահը, Ազգային ժողովի նախագահը և վարչապետը։
15:38
09 Հունիսի 2017
ՀՀ նախագահն աշխատանքային այցով մեկնել է Ղազախստան
ՀՀ նախագահ Սերժ Սարգսյանն այսօր աշխատանքային այցով մեկնել է Ղազախստանի Հանրապետություն:
13:48
08 Հունիսի 2017
Թեհրանի ահաբեկչությունը կհանգեցնի իրանցիների աննախադեպ քաղաքական համախմբման. փորձագետ
Ահաբելիչները սխալ հաշվարկներ են կատարել։