483.58
+0.74
513.85
-7.76
7.67
+0.05
-1
Եղանակը Երևանում
Հայ
Հայաստանի վրա գլոբալ տնտեսական ճգնաժամի ազդեցության վերաբերյալ միջազգային համաժողովը տեղի կունենա Երևանում հուլիսի սկզբին
17:46
29 Ապրիլի 2009

 

ԵՐԵՎԱՆ, 29 ապրիլի. /Նովոստի-Արմենիա/. «Գլոբալ տնտեսական ճգնաժամի ազդեցությունը Հայաստանի վրա. կարճաժամկետ և երկարաժամկետ հեռանկարներ» թեմայով միջազգային համաժողովը կանցկացվի Երևանում հուլիսի 7-8-ին։

Համաժողովի կազմակերպիչն է Միջազգային տնտեսական հետազոտությունների հայկական խումբը (AIPRG)՝ ՀՀ կառավարության աջակցությամբ։

«Համաժողովի անցկացման ժամանակն առավել հարմար է ընտրվել նախորդ տարվա արդյունքներն ամփոփելու և ապագայի երկխոսության հաստատման համար»,- չորեքշաբթի լրագրողներին հայտնեց ՀՀ էկոնոմիկայի նախարար Ներսես Երիցյանը։

Համաժողովի նպատակը հասարակական լայն խավերի հետ համատեղ Հայաստանի  վրա համաշխարհային ֆինանսատնտեսական ճգնաժամի ազդեցության վերլուծությունն է, ճգնաժամին դիմակայելու սցենարների մշակումը, ինչպես նաև ճգնաժամի հետևանքները մեղմելու առաջարկների ներկայացումը։

Երիցյանը նշեց, որ Հայաստանի կառավարությունը հրավիրում է բոլոր շահագրգիռ անձանց, ովքեր համապատասխան հետազոտություններ են անցկացրել, այդ թվում՝ ընդդիմախոսներին, տվյալ միջոցառմանը մասնակցելու համար։

«Քննարկումները համաժողովի շրջանակներում կանցկացվեն բաց ձևաչափով, և մենք հրավիրում ենք մեր բոլոր ընդդիմախոսներին մասնակցելու՝ ցույց տալով հետազոտական և ոչ թե զգայական մոտեցում»,- ասաց նա։

Իր հերթին AIPRG-ի գործադիր խորհրդի անդամ, «Հետազոտական ռեսուրսների կովկասյան կենտրոն՝ Հայաստանի» տնօրեն Հեղինե Մանասյանը նշեց, որ քննարկումները համաժողովի շրջանակներում կանցկացվեն մի քանի ուղղություններով։

«Քննարկումները կանցկացվեն այնպիսի թեմաներով, ինչպիսիք են ֆինանսատնտեսական ճգնաժամի հետևանքները զարգացող և անցումային  տնտեսությունների վրա և դասեր Հայաստանի համար, ճգնաժամի ազդեցությունը Հայաստանում և կառավարության քաղաքականության արդյունավետությունը ճգնաժամի հետևանքները հաղթահարելու առումով, տնտեսական աճի հեռանկարները և մրցունակության բարելավումը Հայաստանում, ինչպես նաև հայ-թուրքական սահմանի բացման հետևանքները և Հայաստանի նոր դերը տարածաշրջանում»,- ասաց նա։

AIPRG-ի գործադիր տնօրեն Արման Գաբրիելյանի խոսքերով՝ կազմակերպիչներն ակնկալում  են Հայաստանի և սփյուռքի փորձագետների ակտիվ մասնակցություն, այդ թվում՝ Հայաստանի պետական տնտեսագիտական համալսարանի պրոֆեսորադասախոսական կազմի ներկայացուցիչների, Երևանի պետական համալսարանի մասնակցությունը։

«Միջոցառումը բավականին հեղինակավոր է լինելու, դրան կմասնակցեն, մասնավորապես, Արժույթի միջազգային հիմնադրամի ներկայացուցիչներ, ինչպես նաև փորձագետներ Արևելյան և Կենտրոնական Եվրոպայից և անցումային փուլի այլ երկրներից»,- ասաց նա։

Գաբրիելյանը նշեց, որ համաժողովի շրջանակներում ներկայացված բոլոր գիտական զեկուցումներն ու հետազոտությունները կհրապարակվեն AIPRG-ի «Հասարակական քաղաքականության հայկական ամսագիր» պարբերականում։

Համաժողովին մասնակցելու համար հրավիրված են Ռումինիայի, Ուկրաինայի, Խորվաթիայի, Հունգարիայի, Մակեդոնիայի, Լեհաստանի, Լատվիայի և այլ երկրների համապատասխան տնտեսական և փորձագիտական շրջանակների ներկայացուցիչներ։ -0-

Loading...
Թեմատիկ նյութեր
Բաժնի այլ նյութեր
20:43
09 Դեկտեմբերի 2016
Հայաստանի և Ադրբեջանի ղեկավարների հանդիպման հնարավորությունը չի բացառվում. Նալբանդյան
Հայաստանի և Ադրբեջանի նախագահների Սերժ Սարգսյանի և Իլհամ Ալիևի հանդիպումը չի բացառվում:
16:43
09 Դեկտեմբերի 2016
Նախագահ Սարգսյանը կգլխավորի ՀՀԿ նախընտրական ցուցակը
ՀՀ նախագահ, Հայաստանի իշխող կուսակցության նախագահ Սերժ Սարգսյանը կգլխավորի կուսակցության ցուցակը 2017 թ.-ի ապրիլին կայանալիք խորհրդարանական ընտրություններում:
16:32
09 Դեկտեմբերի 2016
Հայաստանի առաջին նախագահը կգլխավորի ՀԱԿ–ի ցուցակը 2017թ.–ի ընտրություններում. խմբակցության ղեկավար
Հայ ազգային կոնգրես կուսակցության նախագահ, ՀՀ առաջին նախագահ Լևոն Տեր-Պետրոսյանը կգլխավորի կուսակցության ցուցակը 2017 թ.-ի ապրիլին կայանալիք խորհրդարանական ընտրություններում:
12:39
09 Դեկտեմբերի 2016
ՀՀԿ-ում բոլորը «փշերի» վրա են
Այսօր մամուլն արդեն գրում է, թե ովքեր են լինելու ՀՀԿ ցուցակում, և ովքեր են դուրս մնալու:
11:22
08 Դեկտեմբերի 2016
Գագիկ Ծառուկյանը մերժել է Սերժ Սարգսյանի առաջարկը
Սերժ Սարգսյան-Գագիկ Ծառուկյան հանդիպման ժամանակ Սերժ Սարգսյանը Գագիկ Ծառուկյանի հետ քննարկել է նախընտրական և հետընտրական զարգացումների հնարավոր բոլոր սցենարները:
16:51
07 Դեկտեմբերի 2016
Ֆրանսիայի ՆԳՆ նոր ղեկավարն Արցախի բարեկամն է և ընդգրկված է Ադրբեջանի «սև ցուցակներում»
Ֆրանսիայի ներքին գործերի նախարար Բրունո Լը Ռուն ներառված է ադրբեջանական արտաքին գերատեսչության «սև ցուցակում»:
11:52
07 Դեկտեմբերի 2016
«Դաշնակցությունը» ընտրություններից հետո հնարավոր է միանա իշխող ՀՀԿ-ին
ՀՅԴ-ն չի բացառում, որ ևս մաս կազմի իշխանական դաշինքին:
11:37
06 Դեկտեմբերի 2016
Չի բացառվում Դալլաքյան–Ծառուկյան քաղաքական տանդեմը
Չի բացառվում, որ Վիկտոր Դալլաքյանը միանալ Գագիկ Ծառուկյանի ստեղծելիք դաշինքին:
18:23
05 Դեկտեմբերի 2016
Քաղաքագետը պատմել է նախընտրական արշավի ընթացքում ՀՀԿ-ի ռազմավարության մասին
Հայաստանի հանրապետական կուսակցությունն արդեն սկսված նախընտրական արշավում ընդունել է երեք բաղկացուցիչներից կազմված ռազմավարություն:
16:02
05 Դեկտեմբերի 2016
ՀՀ ԱԺ խոսնակը սխալմամբ «կողմ» է քվեարկել ժողովրդի ապստամբության իրավունքին
ՀՀ ԱԺ խոսնակ Գալուստ Սահակյանը սխալմամբ «կողմ» է քվեարկել «Ժառանգության» պատգամավոր Զարուհի Փոստանջյանի «Ժողովրդի ապստամբության իրավունքի մասին» օրենքը ԱԺ քառօրյայի օրակարգում ավելացնելուն։
15:07
05 Դեկտեմբերի 2016
Գագիկ Ծառուկյանը վերադառնում է մեծ քաղաքականություն` որպես ընդդիմադիր գործիչ
«Բարգավաճ Հայաստան» կուսակցության հիմնադիր Գագիկ Ծառուկյանը, հազարավոր քաղաքացիների պահանջով, վերադառնում է ակտիվ քաղաքականություն, երկուշաբթի լրագրողներին ասաց «Բարգավաճ Հայաստան» խորհրդարանական խմբակցության ղեկավար Նաիրա Զոհրաբյանը։
15:40
03 Դեկտեմբերի 2016
ԲՀԿ քաղխորհուրդը խնդրում է Ծառուկյանին վերադառնալ ակտիվ քաղաքականություն
Շաբաթ օրը կայացած ԲՀԿ քաղաքական խորհրդի ընդլայնված նիստում քննարկվել է ԲՀԿ հիմնադիր նախագահ Գագիկ Ծառուկյանի ակտիվ քաղաքականություն վերադառնալու հարցը: