486.67
+0.35
520.49
+1.39
8.22
+0.01
-6
Եղանակը Երևանում
Հայ
Ֆրանսիայի հայերը բողոքի ակցիա կանցկացնեն Փարիզում Վրաստանի դեսպանատան մոտ
11:59
28 Ապրիլի 2009

Ֆրանսիայի հայկական կազմակերպությունները համակարգող խորհուրդը երեքշաբթի բողոքի ցույց կանցկացնի Փարիզում Վրաստանի դեսպանատան մոտ Թբիլիսիի բանտում հայ քաղաքական ակտիվիստ, «Միասնական Ջավախք» շարժման առաջնորդ Վահանգն Չախալյանին ծեծի ենթարկելու առնչությամբ, «Նովոստի-Արմենիա» գործակալությանը հայտնեցին ՖՀԿՀԽ-ից։

««Միասնական Ջավախք» ժողովրդավարական դաշինքի առաջնորդին մտացածին գործի և կեղծված մեղադրանքների հիման վրա (զենքի պահպանում և հանրային կարգը խախտող զանգվածային միջոցառումների կազմակերպում և մասնակցություն) 10 տարի ազատազրկման դատապարտելուց հետո իշխանություններն այժմ մտադիր են ֆիզիկական բռնության միջոցով պատասխանել այս անարդար դատավճռի դեմ առաջացած բողոքի ալիքին»,- ասվում է հաղորդագրության մեջ։

Ավելի վաղ Չախալյանի փաստաբանները հայտնել են, որ 2009թ. ապրիլի 16-ին Վահագն Չախալյանը, որը պահվում է Թբիլիսիի համար 8 բանտում դուրս է տարվել բանտախցից և ծեծվել է բանտի աշխատակիցների կողմից: Ծեծի փաստը Չախալյանի փաստաբանների կողմից գնահատվել է որպես պատասխան` «Չախալյանների գործով վերջերս ընդունված անարդար դատավճռի հետևանքով հասարակական դժգոհության լայն ալիքին և մասնավորապես` ի պաշտպանություն Վահագն Չախալյանի՝ Փարիզում Վրաստանի դեսպանատան առջև ապրիլի 14-ին տեղի ունեցած բողոքի ցույցին»։

«Նման գործընթացներն անընդունելի են օրենքի գերակայություն հռչակած որևէ երկրում և մաս են կազմում ջավախահայերի նկատմամբ տարիների ընթացքում տարվող հալածանքների տրամաբանության ու ներկայացնում են երկրի հայ համայնքի նկատմամբ վրացական կենտրոնական իշխանությունների կողմից իրականացվող թշնամական վերաբերմունքի նոր դրսևորում: Ջավախքում դա արտահայտվում է ժողովրդագրական իրավիճակի փոփոխման փորձերի, տեղական ընտրությունների պարբերաբար կեղծման, բնակչության ժողովրդավարական պահանջների մերժման և երկխոսելու փոխարեն հալածանքների իրականացման տեսքով»,- ասվում է հաղորդագրության մեջ:

ՖՀԿՀԽ-ն պահանջում է անհապաղ ազատ արձակել Վահագն Չախալյանին, հարգել նրա ֆիզիկական անձեռնմխելիությունը և հարգել հայ փոքրամասնության իրավունքները երկխոսության և բանակցությունների միջոցով:

2009թ. ապրիլի 6-7-ին Ախալցխայի շրջանային դատարանում կայացան ջավախահայ քաղաքական ակտիվիստ, «Միասնական Ջավախք» ժողովրդավարական դաշինք» քաղաքական շարժման առաջնորդ Վահագն Չախալյանի, ինչպես նաև նրա հոր՝ Ռուբեն Չախալյանի և կրտսեր եղբոր` Արմեն Չախալյանի գործով դատավարության եզրափակիչ նիստերը: Վահագն Չախալյանը դատապարտվեց 10 տարի ազատազրկման։

Դատարանը մեղավոր ճանաչեց Վահագն Չախալյանին գործի բոլոր դրվագներով` Վրաստանի քր. օրենսգրքի 236-րդ հոդվածի 1-ին մասով (Զենք-զինամթերքի ձեռքբերում և պահպանում), 225 հոդվածի 2-րդ մասով (Մասնակցություն զանգվածային անկարգություններին), հոդված 226-ով (Հանրային կարգը խախտող զանգվածային միջոցառումների կազմակերպում), 353-րդ հոդվածի 2-րդ մասով (Ոստիկանության աշխատակցին կամ պետական պաշտոնյային ցույց տված խմբակային դիմադրություն), 239-րդ հոդվածի 2-րդ մասի «բ» ենթակետերով (Խուլիգանություն` կատարված իշխանության ներկայացուցչի կամ խուլիգանությունը կասեցնող այլ անձի դեմ) դատապարտելով ջավախքահայ ակտիվիստին 10 տարվա ազատազրկման առանց պատժի մի մասի տուգանքով փոխարինման  հնարավորության: -0-

Loading...
Թեմատիկ նյութեր
Բաժնի այլ նյութեր
12:37
18 Հունվարի 2017
Հայաստանի խորհրդարանի աշխատակազմի ղեկավարը ցանկանում է վերադառնալ արդարադատության նախարարի պաշտոնին
Հայաստանի խորհրդարանի աշխատակազմի ղեկավար Հրայր Թովմասյանը ցանկանում է վերադառնալ արդարադատության նախարարի պաշտոնին:
11:43
18 Հունվարի 2017
Գագիկ Ծառուկյանի կողմնակիցների թիվը սրընթաց աճում է
Գագիկ Ծառուկյանի պոտենցիալ կողմնակիցների թիվը սրընթաց աճում է:
17:19
17 Հունվարի 2017
Ծառուկյանի վերադարձը կազդի Հայաստանի խորհրդարանական ընտրությունների արդյունքների վրա. փորձագետ
«Բարգավաճ Հայաստան» կուսակցության հիմնադիր Գագիկ Ծառուկյանի վերադարձը մեծ քաղաքականություն, անկասկած, կազդի առաջիկա խորհրդարանական ընտրությունների արդյունքների վրա։
15:50
17 Հունվարի 2017
Լավրովը` Արցախ այցելած բլոգերի կալանավորման մասին. մենք դեմ ենք այս կամ այն տարածք անհատի այցելության քրեականացմանը
ՌԴ ԱԳ նախարար Սերգեյ Լավրովը, մեկնաբանելով Ադրբեջանի պահանջով Մինսկում բլոգեր Ալեքսանդր Լապշինի կալանավորման մասին տեղեկությունը, հայտարարել է, որ Մոսկվան դեմ է այս կամ այն տարածք անհատի այցելության քրեականացմանը։
13:52
17 Հունվարի 2017
Գագիկ Ծառուկյան. բացում եմ քաղաքական գործունեության փակված էջը և մասնակցելու եմ 2017 թ.–ի խորհրդարանական ընտրություններին
«Բարգավաճ Հայաստան» կուսակցության հիմնադիր և նախկին առաջնորդ Գագիկ Ծառուկյանը հայտարարում է քաղաքականություն վերադառնալու և 2017 թ.–ի խորհրդարանական ընտրություններին մասնակցելու մասին։
13:10
17 Հունվարի 2017
Սեյրան Օհանյանն ու Վարդան Օսկանյանը քննարկել են առաջիկա խորհրդարանական ընտրություններին առնչվող հարցեր
ՀՀ պաշտպանության նախկին նախարար Սեյրան Օհանյանը երեքշաբթի հանդիպել է նախկին արտգործնախարար, «Համախմբում» կուսակցության նախագահ Վարդան Օսկանյանի հետ:
11:03
17 Հունվարի 2017
ՀՀ վարչապետը պաշտոնական այցով կմեկնի ՌԴ
Այցի շրջանակում Կարեն Կարապետյանը Մոսկվայում հանդիպում կունենա ՌԴ վարչապետ Դմիտրի Մեդվեդևի հետ:
16:32
16 Հունվարի 2017
ՀՀ նոր վարչապետից հարկավոր չէ սպասել լուրջ փոփոխություններ. քաղաքագետ
Իրավիճակի լուրջ բարելավում, որին սպասում է Հայաստանի բնակչությունը նոր վարչապետից և կառավարությունից, սկզբունքորեն չի կարող լինել, հայտարարեց քաղաքագետ, Կովկասի ինստիտուտի տնօրեն Ալեքսանդր Իսկանդարյանը:
13:37
13 Հունվարի 2017
Հայաստանի վարչապետը նշում է, որ կարող է չհայտնվել ՀՀԿ ընտրացուցակներում
Հայաստանի վարչապետ Կարեն Կարապետյանը հավանական է համարում, որ կարող է չհայտնվել Հայաստանի հանրապետական կուսակցության ընտրացուցակներում։
11:42
12 Հունվարի 2017
ԱՄՆ դեսպանատունն ու ԵՄ պատվիրակությունը որոշել են չֆինանսավորել Հայաստանի քաղաքական ուժերից և ոչ մեկին
Արևմուտքը, մասնավորապես ԱՄՆ դեսպանատունը և ԵՄ պատվիրակությունը, որոշել են առավելապես չեզոքություն ցուցաբերել և ուղղակի կամ անուղղակի չֆինանսավորել քաղաքական ուժերից և ոչ մեկին:
12:23
11 Հունվարի 2017
ՀՀԿ կանանց շրջանում խռովություն է հասունանում
ՀՀԿ կանայք պատրաստվում են Սերժ Սարգսյանից հանդիպում խնդրել և նրա մոտ բարձրացնել ցուցակի առաջին եռյակը եզրափակող Արփինե Հովհաննիսյանի հարցը:
20:13
10 Հունվարի 2017
ԿԽՄԿ–ն պատրաստ է օգնել Հայաստանի կողմից ադրբեջանցի զինծառայողի մարմնի փոխանցման հարցում
Կարմիր խաչի միջազգային կոմիտեն բանակցություններ է վարում Հայաստանի և Ադրբեջանի հետ ադրբեջանցի զինծառայողի մարմինը Բաքվին փոխանցելու հարցի շուրջ, «Նովոստի–Արմենիա» գործակալությանը երեքշաբթի տեղեկացրեց ԿԽՄԿ երևանյան գրասենյակի ներկայացուցիչ Հասմիկ Գալստյանը։