486.21
-0.98
517.62
-1.72
8.15
+0.04
-11
Եղանակը Երևանում
Հայ
ՀՀ նախագահը կարծում է, որ ժամանակն է արագացնել Ղարաբաղի հարցի շուրջ ընթացող բանակցային գործընթացը
17:06
24 Ապրիլի 2009

ՀՀ նախագահ Սերժ Սարգսյանը կարծում է, որ ժամանակն է արագացնել Ղարաբաղի հարցով բանակցային գործընթացն ու որոշումների հանգել, հայտարարել է ՀՀ նախագահը Russia Today հեռուստաալիքին տված հարցազրույցի ժամանակ։  

«Ինչպես հայտնի է, Լեռնային Ղարաբաղի հիմնահարցով զբաղվում է ԵԱՀԿ ՄԽ-ն՝ համանախագահներ ԱՄՆ-ի, Ֆրանսիայի և Ռուսաստանի օգնությամբ։ Պաշտոնս ստանձնելու պահից ես երեք հանդիպում եմ ունեցել Ադրբեջանի նախագահ Իլհամ Ալիևի հետ, և կարծում եմ, որ այս մեկ տարին բավականաչափ ժամանակ է, որպեսզի մենք հասկանայինք իրար, հստակեցնեինք յուրաքանչյուրիս դիրքորոշումներն ու կարծիք կազմեինք»,- ասաց Սարգսյանը։
 
Նրա խոսքերով, առանցքային խնդիրը Լեռնային Ղարաբաղի ժողովրդի ինքնորոշման իրավունքն է, և եթե այս հարցը լուծվի, ապա մյուս բոլոր հարցերը հեշտությամբ կարելի է լուծել։

«Ես ուրախ եմ, որ վերջին ժամանակներում Ադրբեջանի ղեկավարությունը սկսել է խոսել խնդրի կարգավորման մասին բոլոր միջազգային սկզբունքներին համապատասխան։ Օրերս Ադրբեջանի նախագահը, հանդիպելով ՌԴ նախագահի և ռուսական ԶԼՄ-ների ներկայացուցիչների հետ, հաստատել է, որ այո, խնդիրը պետք է լուծել միջազգային սկզբունքներին համահունչ»,- ասաց ՀՀ նախագահը։     

Ընդ որում նա հիշեցրեց, որ Ադրբեջանի ղեկավարությունը երկար տարիներ խոսում էր, որ ԼՂՀ խնդիրը կարող է լուծվել կամ ռազմական ճանապարհով, կամ միայն տարածքային ամբողջականության շրջանակներում։  

«Եվ ես, շատ հանգամանքներում, սկսում եմ մտածել ոչ միայն երկակի, այլև եռակի չափորոշիչների գոյության մասին։ ՄԱԿ-ի 192 անդամ-պետություններից 40-ն այդ կազմակերպության անդամ են դարձել վերջին 20 տարվա ընթացքում։ Ինչպե՞ս կարելի է նման հանգամանքներում խոսել սահմանների անխախտության մասին։ Իհարկե, ես պետությունների տարածքային ամբողջականության կողմնակիցն եմ, և չեմ էլ կարող չլինել, բայց մենք երբեք չենք ունեցել տարածքային պահանջներ Ադրբեջանի նկատմամբ. այստեղ խնդիրը խեղաթյուրվում է, և Լեռնային Ղարաբաղի ինքնորոշման հարցը ներկայացվում է որպես Հայաստանի կողմից Ադրբեջանին առաջադրվող տարածքային պահանջ, ինչն իհարկե, այդպես չէ»,- ասաց նա։

Ղարաբաղը Ադրբեջանի կազմի մեջ է մտել 1921-ին,  Կովկասյան Հեղկոմի կենտկոմի բյուրոյի կողմից, որը որևէ իրավասություն և իրավունք չուներ փոփոխելու այն ժամանակ դեռևս իրավաբանորեն անկախ Հայաստանի և Ադրբեջանի սահմանները։1991-ին Լեռնային-Ղարաբղը դուրս եկավ Ադրբեջանի կազմից, կատարելով ԽՍՀՄ 1990-ի ապրիլի 3-ին ընդունված «ԽՍՀՄ կազմից միության անդամ հանրապետության դուրս գալու հետ կապված հարցերի լուծման կարգավորման մասին» օրենքի բոլոր պահանջները։ Այդ օրենքի համաձայն, ինքնավար հանրապետությունները և ինքնավար միավորումները պահպանում էին ԽՍՀՄ կազմում մնալու կամ նրա կազմից դուրս գալու մասին ինքնուրույն որոշում կայացնելու, ինչպես նաև սեփական պետաիրավական կարգավիճակի մասին խնդրի առաջադրման իրավունքը։Եվ երբ ադրբեջանցիներն այսօր խոսում են «Օկուպացիայի» մասին, նրանք, մեղմ ասած, մոռանում են, թե դեպքերն ինչպես զարգացել։ Ադրբեջանին զուգահեռ, 1991թ.-ին ԼՂՀ անկախություն ձեռք բերեց, որից հետո Ադրբեջանը ագրեսիայի դիմեց, և ռազմական գործողությունների արդյունքում մենք հիմա ունենք այն վիճակն, ինչ որ կա։

Հայկական պետության ղեկավարը համաձայնեց, որ այսօր ԼՂՀ ինքնապաշտպանական ուժերը վերահսկում են նաև տարածքներ, որոնք նախկինում ԼՂՀ ինքնավար մարզի կազմում չեն եղել։

«Բայց մենք պետք է հիշենք, որ այդ տարածքները ԼՂՀ ժողովուրդը կոչում է անվտանգության գոտի, և եթե զինադադար կնքելուց 15 տարի է անցել, դա չի նշանակում, որ պատճառահետևանքային կապը խաթարվել է. այդ տարածքներից ամեն օր հազարավոր արկեր էին նետվում ԼՂՀ խաղաղ բնակչության վրա։ Ուրեմն, հիմա ինչ է, մեղադրե՞նք Լեռնային Ղարաբաղի ժողովրդին, հայ ժողովրդին այն բանում, որ նրանք կարողացան կյանքի գնով, սեփական արյան գնով պաշտպանել իրենց կյանքի իրավունքը, և դա անվանենք օկուպացիայի արդյունք։ Դա ճիշտ չէ»,- նշեց Սարգսյանը։

Նա կրկնեց, որ Ադրբեջանի նախագահը օրերս, խոսելով միջազգային իրավունքի սկզբունքների մասին, ասել է նաև այն մասին, որ ԼՂՀ խնդիրը պետք է լուծվի միջազգային իրավունքի հիմնարար սկզբունքների, ՄԱԿ-ի և ԵԱՀԿ բանաձևերի համաձայն։

«Անկասկած, այդպես էլ պետք է լինի։ Ինչպես մենք բոլորս գիտենք, ԵԱՀԿ արտգործնախարարների վերջին վեհաժողովի ժամանակ, որը կայացավ անցյալ տարվա վերջին Հելսինկիում, որպես խնդրի լուծման սկզբունք առանձնացվել է երեք սկզբունք. Տարածքային ամբողջականության, ինքնորոշման իրավունքի և ուժի չկիրառման։ Եվ այն սկզբունքները, որոնք այսօր բանակցությունների հիմքում են և առաջարկվել են մեզ ՄԽ համանախագահների կողմից, ելնում են հենց այդ երեք սկզբունքից»,- ասաց Սարգսյանը։  

Այս առնչությամբ նախագահը նշեց, որ կողմերը բավականին առաջ են շարժվել և այստեղ ևս իրավիճակը էապես փոփոխելու հնարավորություն կա։-0-

Loading...
Թեմատիկ նյութեր
Բաժնի այլ նյութեր
00:01
22 Հունվարի 2017
ԱՄՆ նախագահի անցումային վարչակազմը գլխավորել է Քեն Նահիգյանը
ԱՄՆ նախագահի վարչակազմի անցումային վարչակազմը նոր ղեկավար ունի:
16:57
20 Հունվարի 2017
Իշխան Զաքարյանը դարձել է Գագիկ Ծառուկյանի դաշինքի շտաբի պետը
Հայաստանի ՀՀ վերահսկիչ պալատի ղեկավար Իշխան Զաքարյանը գլխավորել է Գագիկ Ծառուկյանի դաշինքի նախընտրական շտաբը։
15:30
20 Հունվարի 2017
Մինսկն արտահանձնում է բլոգեր Լապշինին Ադրբեջանին
Բելառուսի Հանրապետությունը որոշել է արտահանձնել Ռուսաստանի Դաշնության և Իսրայելի պետության քաղաքացի Ալեքսանդր Լապշինին։
19:48
19 Հունվարի 2017
Խաչատուր Սուքիասյանը չի պատրաստվում գլխավորել ԲՀԿ շտաբը
Հայ խոշոր գործարար Խաչատուր Սուքիասյանը չի պատրաստվում գլխավորել «Բարգավաճ Հայաստան» կուսակցության շտաբն առաջիկա խորհրդարանական ընտրություններում:
10:57
19 Հունվարի 2017
Խաչատուր Սուքիասյանը կլինի Գագիկ Ծառուկյանի դաշինքի շտաբի պետը
Երկար քննարկումներից հետո Խաչատուր Սուքիասյանը որոշել է առաջիկա ընտրություններին մասնակցել Գագիկ Ծառուկյանի դաշինքով։
12:37
18 Հունվարի 2017
Հայաստանի խորհրդարանի աշխատակազմի ղեկավարը ցանկանում է վերադառնալ արդարադատության նախարարի պաշտոնին
Հայաստանի խորհրդարանի աշխատակազմի ղեկավար Հրայր Թովմասյանը ցանկանում է վերադառնալ արդարադատության նախարարի պաշտոնին:
11:43
18 Հունվարի 2017
Գագիկ Ծառուկյանի կողմնակիցների թիվը սրընթաց աճում է
Գագիկ Ծառուկյանի պոտենցիալ կողմնակիցների թիվը սրընթաց աճում է:
17:19
17 Հունվարի 2017
Ծառուկյանի վերադարձը կազդի Հայաստանի խորհրդարանական ընտրությունների արդյունքների վրա. փորձագետ
«Բարգավաճ Հայաստան» կուսակցության հիմնադիր Գագիկ Ծառուկյանի վերադարձը մեծ քաղաքականություն, անկասկած, կազդի առաջիկա խորհրդարանական ընտրությունների արդյունքների վրա։
15:50
17 Հունվարի 2017
Լավրովը` Արցախ այցելած բլոգերի կալանավորման մասին. մենք դեմ ենք այս կամ այն տարածք անհատի այցելության քրեականացմանը
ՌԴ ԱԳ նախարար Սերգեյ Լավրովը, մեկնաբանելով Ադրբեջանի պահանջով Մինսկում բլոգեր Ալեքսանդր Լապշինի կալանավորման մասին տեղեկությունը, հայտարարել է, որ Մոսկվան դեմ է այս կամ այն տարածք անհատի այցելության քրեականացմանը։
13:52
17 Հունվարի 2017
Գագիկ Ծառուկյան. բացում եմ քաղաքական գործունեության փակված էջը և մասնակցելու եմ 2017 թ.–ի խորհրդարանական ընտրություններին
«Բարգավաճ Հայաստան» կուսակցության հիմնադիր և նախկին առաջնորդ Գագիկ Ծառուկյանը հայտարարում է քաղաքականություն վերադառնալու և 2017 թ.–ի խորհրդարանական ընտրություններին մասնակցելու մասին։
13:10
17 Հունվարի 2017
Սեյրան Օհանյանն ու Վարդան Օսկանյանը քննարկել են առաջիկա խորհրդարանական ընտրություններին առնչվող հարցեր
ՀՀ պաշտպանության նախկին նախարար Սեյրան Օհանյանը երեքշաբթի հանդիպել է նախկին արտգործնախարար, «Համախմբում» կուսակցության նախագահ Վարդան Օսկանյանի հետ:
11:03
17 Հունվարի 2017
ՀՀ վարչապետը պաշտոնական այցով կմեկնի ՌԴ
Այցի շրջանակում Կարեն Կարապետյանը Մոսկվայում հանդիպում կունենա ՌԴ վարչապետ Դմիտրի Մեդվեդևի հետ: