484.68
+0.06
530.14
+2.1
8.5
-0.03
+9
Եղանակը Երևանում
Հայ
Հայ-թուրքական հարաբերությունների «ճանապարհային քարտեզը» կարող է հրապարակվել մայիսին. ԶԼՄ
12:28
24 Ապրիլի 2009

ԵՐԵՎԱՆ, 24 ապրիլի. /Նովոստի-Արմենիա/. Հայ-թուրքական հարաբերությունների նորմալացման «ճանապարհային քարտեզի» մանրամասները, որի մշակման վերաբերյալ պայմանավորվածությունը ձեռք է բերվել չորեքշաբթի Շվեյցարիայում, հայտնի են դարձել թուրքական ԶԼՄ-ներին։

Ինչպես հաղորդում է «ՌԻԱ Նովոստին»՝ հղում անելով «Սաբահ» թերթին, Շվեյցարիայում ընդունված որոշումները կարող են հրապարակվել մայիսին։ «Գործընթացն արդեն սկսված է։ Երկու երկրների միջև հարաբերությունների նորմալացման համար կստեղծվեն բարձր և ցածր մակարդակի հանձնաժողովներ», - տեղեկացրել է հրատարակությանը Թուրքական ԱԳՆ-ի բարձրաստիճան պաշտոնյան, որը ցանկացել է անհայտ մնալ։

Թուրքիայի և Հայաստանի արտգործնախարարությունները, ինչպես նաև Շվեյցարիայի արտաքին գործերի դաշնային դեպարտամենտն ապրիլի 23-ի գիշերը հայտարարել են «ճանապարհային քարտեզի» հաստատման վերաբերյալ՝ հարաբերությունների կարգավորման գործընթացում, որն արդեն երկու տարի ընթանում է Շվեյցարիայի միջնորդությամբ:

Հայաստանի և Թուրքիայի միջև բացակայում են դիվանագիտական հարաբերությունները, իսկ հայ-թուրքական սահմանը պաշտոնական Անկարայի նախաձեռնությամբ փակ է 1993թվից։ Թուրքիան երկկողմ հարաբերությունների հաստատման համար մի շարք նախապայմաններ է առաջ քաշում, մասնավորապես, Օսմանյան կայսրությունում Հայոց ցեղասպանության միջազգային ճանաչման քաղաքականությունից հրաժարում: Պաշտոնական Երևանը հայտարարում է, որ պատրաստ է հարաբերություններ հաստատել Թուրքիայի հետ՝ առանց նախապայմանների:

«Սաբահի» տեղեկատվության համաձայն՝ Շվեյցարիայում տեղի ունեցած բանակցությունների ընթացքում ձեռք են բերվել պայմանավորվածություններ հինգ կետերի շուրջ։

Մասնավորապես, իբրև թե որոշում է ընդունվել, որ Հայաստանը կճանաչի 1921 թ.-ին Թուրքիայի և Խորհրդային Ռուսաստանի միջև ստորագրված Կարսի պայմանագիրը, և այն այլևս քննարկման առարկա չի լինի։

Հայոց ցեղասպանության խնդրի քննարկման նպատակով, իբրև թե, կստեղծվի երկու երկրների պատմաբանների հանձնաժողով, որին կարող են միանալ երրորդ երկրները։ Պայմանավորվածությունները նաև նախատեսում են երկու երկրների միջև սահմանի բացում ու փոխադարձ առևտրի հաստատման վերաբերյալ համաձայնագրի նախապատրաստում։

«Ճանապարհային քարտեզի» համաձայն՝ դիվանագիտական հարաբերությունների հաստատմանն ուղղված աշխատանքների շրջանակներում սկզբնական փուլում երկու երկրները փոխադարձ հիմունքներով կհավատարմագրեն իրենց դեսպաններին Թբիլիսիում, իսկ այնուհետև դեսպանատներ կբացեն Անկարայում և Երևանում։

«Ճանապարհային քարտեզի» իրագործման հետ կապված օրենսդրական ակտերը կներկայացվեն Թուրքիայի խորհրդարանի հաստատմանը։

«Սաբահի» տեղեկատվության համաձայն՝ Լեռնային Ղարաբաղի խնդիրը արտացոլված չէ Շվեյցարիայում ընդունված պայմանավորվածություններում։ Միաժամանակ, ինչպես նշվում է, «ճանապարհային քարտեզը» դե-ֆակտո կապված է այդ բազմամյա հարցի հետ։

Թուրքական ԶԼՄ-ների տեղեկատվության համաձայն՝ Թուրքիայի վարչապետ Թայիպ Էրդողանը մոտ օրերս կարող է մեկնել Բաքու՝ Հայաստանի հետ հարաբերությունների նորմալացման հարցում Անկարայի պաշտոնական դիրքորոշումը Ադրբեջանի ղեկավարությանը ներկայացնելու համար։

Ավելի վաղ Թուրքական կառավարության ղեկավարը հայտարարում էր, որ իր երկիրը չի բացի սահմանները հարևան Հայաստանի հետ մինչև ղարաբաղյան հակամարտության կարգավորումը։ Թուրքիայի ԱԳ նախարար Ալի Բաբաջանն իր հերթին անցյալ շաբաթ Երևանում (որտեղ մասնակցել է ՍԾՏՀ ԱԳ նախարարների հանդիպմանը) տեղեկացրել էր, որ թուրք-հայկական հարաբերությունների կարգավորման գործընթացը կարող է իրականացվել ղարաբաղյան հակամարտության կարգավորման շուրջ Ադրբեջանի և Հայաստանի միջև  բանակցություններին զուգահեռ։

Դիտորդները, մեկնաբանելով «Սաբահի» հրապարակումը, ուշադրություն են դարձնում այն փաստին, որ «ճանապարհային քարտեզի» մանրամասները հրապարակվում են Հայոց ցեղասպանութայն հիշատակի միջազգային օրը։ Թուրքիայի արտգործնախարարությունը դեռևս չի մեկնաբանել թերթի տեղեկատվությունը։-0-

Loading...
Թեմատիկ նյութեր

Բաժնի այլ նյութեր
21:09
27 Ապրիլի 2017
Շարմազանով. տեսանելի ապագայում ՀՀԿ-ն ու ՀՅԴ-ն համագործակցության նոր փաստաթուղթ կստորագրեն
Տեսանելի ապագայում ՀՀԿ-ն ու ՀՅԴ-ն կստորագրեն համագործակցության նոր փաստաթուղթ:
14:04
26 Ապրիլի 2017
Մոսկվայում կկայանա Հայաստանի, ՌԴ-ի և Ադրբեջանի ԱԳ նախարարների հանդիպումը
Մոսկվայում կկայանա Ռուսաստանի, Հայաստանի և Ադրբեջանի արտգործնախարարների եռակողմ հանդիպումը։
11:13
26 Ապրիլի 2017
Նախօրեին վիճել են ՀՀ վարչապետ Կարեն Կարապետյանն ու ՀՅԴ բյուրոյի պատասխանատուն
Խոսակցության թեման եղել է նոր կառավարության կազմը և ՀՅԴ-ի պորտֆելները:
13:47
15 Ապրիլի 2017
ՌԴ-ում ՀՀ դեսպան. Անկարան տարածաշրջանային ապակառուցողական քաղաքականություն է վարում
Ռուսաստանում Հայաստանի դեսպան Վարդան Տողանյանը կարծում է, որ Անկարան տարածաշրջանային ապակառուցողական քաղաքականություն է վարում:
14:52
13 Ապրիլի 2017
ՀՀ նախագահն աշխատանքային այցով մեկնել է Ղրղըզստան
ՀՀ նախագահ Սերժ Սարգսյանն այսօր աշխատանքային այցով մեկնել է Ղրղըզստանի Հանրապետություն:
17:26
12 Ապրիլի 2017
Թրամփը, հնարավոր է, ապրիլի 24-ին արտասանի «ցեղասպանություն» բառը
ԱՄՆ նախագահ Դոնալդ Թրամփն ապրիլի 24-ի ելույթում, հնարավոր է, օգտագործի «ցեղասպանություն» եզրը:
12:09
12 Ապրիլի 2017
Դաշնակների ախորժակն էլ ավելի է մեծացել
Խորհրդարանական ընտրություններում ՀՅԴ-ի հաջողություններով պայմանավորված՝ պարզվում է՝ նրանց ախորժակն էլ է մեծացել։
11:14
12 Ապրիլի 2017
Շառլ Ազնավուրն այլևս չի լինելու ՀՀ դեսպանը Շվեյցարիայում. հայտնի է դեսպանի նոր թեկնածուի անունը
93-ամյա աշխարհահռչակ շանսոնյե Շառլ Ազնավուրն այլևս չի լինելու Հայաստանի արտակարգ և լիազոր դեսպանը Շվեյցարիայում և ՄԱԿ-ի Ժնևյան գրասենյակում:
20:17
11 Ապրիլի 2017
ՀՀ նախագահ. Հայաստանի համար բարեկամ Վրաստանի հետ հարաբերությունները թանկ են
ՀՀ նախագահ Սերժ Սարգսյանը երեքշաբթի ընդունել է Վրաստանի արտաքին գործերի նախարար Միխեիլ Ջանելիձեին։
17:10
11 Ապրիլի 2017
Նալբանդյան. Հայաստանի և Վրաստանի միջև խնդիրներ չկան
Երկու երկրների միջև հարաբերությունները զարգանում են փոխշահավետ համագործակցության ոգով, երեքշաբթի լրագրողներին ասաց ՀՀ արտգործնախարարը:
11:14
11 Ապրիլի 2017
Գագիկ Ծառուկյանն անձամբ է գլխավորելու «Ծառուկյան» խմբակցությունը
«ԲՀԿ նախագահ Գագիկ Ծառուկյանը որոշել է անձամբ գլխավորել «Ծառուկյան» խմբակցությունը:
20:45
07 Ապրիլի 2017
Կոնգրես-ՀԺԿ դաշինքը կդիմի ԿԸՀ և ՍԴ ընտրությունները անվավեր ճանաչելու պահանջով
ՀՀ առաջին նախագահ Լևոն Տեր–Պետրոսյանի գլխավորած Կոնգրես-ՀԺԿ դաշինքը կպահանջի անվավեր ճանաչել ապրիլի 2–ին կայացած խորհրդարանական ընտրությունները գրանցված խախտումների պատճառով: