481.77
-0.24
540.26
-0.7
8.5
-0.06
+14
Եղանակը Երևանում
Հայ
ՀՀ խորհրդարանի խոսնակն անհրաժեշտ է համարում խրախուսել Հայաստանի և Լեհաստանի տարածքային կառավարման և տեղական ինքնակառավարման մարմինների միջև կապերը
14:16
23 Ապրիլի 2009

ՀՀ ԱԺ խոսնակ Հովիկ Աբրահամյանն անհրաժեշտ է համարում խրախուսել Հայաստանի և Լեհաստանի տարածքային կառավարման և տեղական ինքնակառավարման մարմինների միջև կապերը, հինգշաբթի «Նովոստի-Արմենիա» գործակալությանը տեղեկացրեցին ՀՀ ԱԺ հասարակայնության հետ կապերի վարչությունից։

Ինչպես նշվում է տեղեկատվության մեջ, նախօրեին ՀՀ ԱԺ պատվիրակությունը՝ ՀՀ ԱԺ խոսնակ Հովիկ Աբրահամյանի գլխավորությամբ, պաշտոնական այցի շրջանակներում ժամանել է Կրակով։

Կրակովի օդանավակայանում Ազգային ժողովի պատվիրակությանը դիմավորել է Մալոպոլսկու վոյեվոդա (մարզպետ) Եժի Միլլերը։

Այցի ընթացքում հայկական պատվիրակության անդամները ծանոթացել են Կրակովի հարուստ պատմամշակութային ժառանգության հետ՝ այցելելով Վավելի թագավորական արքունիքի պալատներն ու մայր տաճարը:

Նույն օրն Ազգային ժողովի պատվիրակությունը մեկնել է Օսվենցիմ, որտեղ այցելել է Աուշվից-Բիրկենաու համակենտրոնացման ճամբարի հուշահամալիր-թանգարան: Հովիկ Աբրահամյանը ծաղկեպսակ է դրել` հարգելու այդ համակենտրոնացման ճամբարում տեղի ունեցած ողբերգության զոհերի հիշատակը: Հուշահամալիր-թանգարանում շրջելուց հետո Հայաստանի օրենսդիր իշխանության ղեկավարը գրառում է կատարել պատվո հյուրերի գրքում։

«Ես ուղղակի ցնցված եմ: Այս համակենտրոնացման ճամբարում սպանվել է մոտ մեկ միլիոն մարդ: Նրանք ոչնչացվել են արդյունաբերական մեթոդներով: Պատճառն այն է, որ նրանք այլազգի էին», - ասել է Աբրահամյանը։

ՀՀ ԱԺ խոսնակը դատապարտել է հրեաների ողջակիզման արհավիրքն ու հայտարարել, որ ապրիլի 24-ին ողջ աշխարհի հայերը ոգեկոչելու են Օսմանյան կայսրությունում 20-րդ դարի սկզբին Հայոց ցեղասպանության զոհերի հիշատակը։

«Ես ևս մեկ անգամ համոզվում եմ, որ եթե ժամանակին համայն աշխարհի կողմից դատապարտվեր Հայոց ցեղասպանությունը, միգուցե Երկրորդ աշխարհամարտի ընթացքում այդ ողբերգությունը չիրականացվեր», - ընդգծել է ՀՀ ԱԺ խոսնակը։

 

Հինգշաբթի երեկոյան Ազգային ժողովի նախագահ Հովիկ Աբրահամյանի գլխավորած պատվիրակությունը կվերադառնա Երևան:-0-

 

Loading...
Թեմատիկ նյութեր
Բաժնի այլ նյութեր
15:08
24 Մայիսի 2017
ՀՀ վարչապետն աշխատանքային այցով կմեկնի Կազան
ՀՀ վարչապետ Կարեն Կարապետյանը մայիսի 25–ին աշխատանքային այցով կմեկնի ՌԴ։
18:34
19 Մայիսի 2017
ՀՀ ԱԺ–ն կրճատեց հանձնաժողովների թիվը
ԱԺ պատգամավորներն ուրբաթ նիստի ժամանակ որոշեցին կրճատել մշտական հանձնաժողովների թիվը։
16:58
19 Մայիսի 2017
Կարեն Քոչարյանը ներկայացրել է ԱԺ խոսնակի պաշտոնում Բաբլոյանի ընտրվելու պատճառները
6–րդ գումարման ԱԺ–ի խոսնակ Արա Բաբլոյանը փոխզիջումային ֆիգուր է։
20:55
17 Մայիսի 2017
ՀՀԿ–ն կողմնորոշվել է, թե ում է առաջադրելու Հայաստանի ԱԺ խոսնակի պաշտոնում
Հայաստանի հանրապետական կուսակցությունն իր թեկնածուներին է առաջադրել նորընտիր Ազգային ժողովի խոսնակի, փոխխոսնակների և հանձնաժողովների ղեկավարների պաշտոնում։
18:13
11 Մայիսի 2017
Ադրբեջանի «սև ցուցակը» ֆարսի է վերածվում
Ադրբեջանի «սև ցուցակն» ավելի շատ սկսում է ֆարս հիշեցնել:
16:21
11 Մայիսի 2017
ՀՀԿ–ն ու ՀՅԴ–ն կոալիցիոն հուշագիր ստորագրեցին
Նախագահական նստավայրում ՀՀԿ–ն ու ՀՅԴ–ին կոալիցիոն հուշագիր ստորագրեցին։
11:41
10 Մայիսի 2017
ՀՅԴ-ին հաջողվել է ավելին «պոկել» ՀՀԿ–ից
Առաջիկայում ստորագրվելիք ՀՅԴ-ՀՀԿ կոալիցիոն հուշագրով կպահպանվեն դաշնակցական երեք նախարարների պորտֆելները։
11:16
10 Մայիսի 2017
Հովիկ Աբրահամյան. քաղաքականությունից չեմ հեռացել, շարունակելու եմ հայանպաստ գործունեությունս
Հովիկ Աբրահամյանը նշել է, որ քաղաքականությունից չի հեռացել։
11:04
10 Մայիսի 2017
«Ծառուկյան» դաշինքում իսկական խառնաշփոթ է
«Ծառուկյան» դաշինքի շուրջ ստեղծված ինքնաբացարկների աղմուկը մոտենում է իր տրամաբանական հանգուցալուծմանը։
10:51
06 Մայիսի 2017
Հայտնի է արդարադատության նոր նախարարի անունը
Ըն¬դամենը մի քանի օր առաջ հայտնի դարձավ, որ արդարադատության նախարար Արփինե Հովհաննիսյանին, այնուամենայնիվ, խորհրդարան են տանում
11:43
03 Մայիսի 2017
Աշոտյանին բարձր պաշտոն է սպասվում ԱԺ–ում
Ըստ կուսակիցների` նա ավելի խելացի է, կազմակերպչական առումով ավելի գործունյա:
11:26
03 Մայիսի 2017
Ի՞նչ պաշտոն կզբաղեցնի Արփինե Հովհաննիսյանը և ո՞վ կփոխարինի նրան նախարարի պաշտոնում
Արդարադատության նախարար Արփինե Հովհաննիսյանն առաջիկայում հրաժարական կտա զբաղեցվրած պաշտոնից։