482.84
+0.58
521.61
+4.72
7.62
+0.05
-7
Եղանակը Երևանում
Հայ
Մեդվեդևն ու Սարգսյանը կքննարկեն էներգետիկ համագործակցության և Լեռնային Ղարաբաղի խնդիրը
10:52
23 Ապրիլի 2009

ԵՐԵՎԱՆ, 23 ապրիլի. /Նովոստի-Արմենիա/. Էներգետիկ համագործակցությանը, ինչպես նաև ղարաբաղյան հակամարտությանն առնչվող հարցերը հինգշաբթի «Զավիդովո» մերձմոսկովյան նստավայրում կքննարկեն Ռուսաստանի և Հայաստանի նախագահներ Դմիտրի Մեդվեդևն ու Սերժ Սարգսյանը։

Ինչպես «ՌԻԱ Նովոստիին» է պատմել Կրեմլի աղբյուրը, «երկու պետությունների ղեկավարների միջև կայանալիք հանդիպման օրակարգում ռուս-հայկական հարաբերություններին առնչվող հարցերի լայն շրջանակ է, մասնավորապես, գլոբալ ֆինանսական ճգնաժամի բացասական հետևանքների հաղթահարման միջոցները, Անդրկովկասում տիրող իրավիճակը, մի շարք հրատապ միջազգային խնդիրներ»։

ԷՆԵՐԳԵՏԻԿԱ

«Մեծ ուշադրության կարժանանան էներգետիկ համագործակցության հարցերը», - ասել է Կրեմլի աղբյուրը։

Նա հիշեցրել է, որ «ռուսական տնտեսվարող սուբյեկտները ողջ ծավալով ապահովում են Հայաստանի բնական գազի և միջուկային վառելիքի պահանջները, հաջողությամբ իրագործում են համատեղ գազաէներգետիկ նախագծեր»։

Հայաստանում ակտիվորեն աշխատում են «Գազպրոմ» ԲԲԸ-ն, «Ինտեր ՌԱՕ ԵԷՍ» ՓԲԸ-ն, «ՌԵՈՒ» ԲԲԸ-ն, «Բանկ ՎՏԲ» ԲԲԸ-ն, «Սիստեմա» բաժնետիրական ֆինանսական կորպորացիան, և այլ խոշոր ռուսական ընկերություններ։

«Փոխգործակցության հեռանկարային ուղղությունների թվում են Հայաստանի երկաթուղային ենթակառուցվածքի համալիր կատարելագործումը՝ «ՌԵՈՒ» ԲԲԸ-ի գործարկմամբ», - տեղեկացրել է Կրեմլի ներկայացուցիչը։

2008 թ.-ի վերջին Հայկական երկաթուղին կոնցեսիոն կառավարման է հանձնվել «ՌԵՈՒ» ԲԲԸ-ի դուստր ընկերությանը՝ «Հարավկովկասյան երկաթուղի» ՓԲԸ-ին։

Աղբյուրի խոսքերով, «շարունակվում է Կովկաս-Փոթի-Կովկաս» երկաթուղային լաստանավային միջանցքի ներուժի աճմանն ուղղված աշխատանքը»։

«Բանակցությունների կենտրոնում կլինեն առևտրատնտեսական ոլորտում փոխգործակցության ընդլայնմանն առնչվող հարցերը», - ասել է Կրեմլի ներկայացուցիչը։

Ինչպես նշել է նա, Ռուսաստանն առաջին տեղն է զբաղեցնում Հայաստանի արտաքին-տնտեսական և ներդրումային գործընկերների շրջանում։ 2008թ.-ին ապրանքաշրջանառությունը կազմել է 899,9 միլիոն դոլար (2007թ.-ի համեմատ՝ աճը կազմել է 9,5 տոկոս)։

Հայաստանի տնտեսությունում կուտակված ռուսական ներդրումների ծավալը գերազանցել է 1,8 միլիարդ դոլարը։ Դրանց կիրառման հիմնական ոլորտներն են հայկական տնտեսության էներգետիկ, բանկային, լեռնամետաղագործական և շինարարական հատվածները, կապի ոլորտները։

Ռուսական ընկերությունների ամբողջական կամ մասնակի սեփականությունն են համարվում Հայաստանի վառելիքաէներգետիկ համալիրների մի շարք կարևոր օբյեկտներ՝ «ՀայՌուսգազարդ» ընկերությունը, «Հրազդանի ՋԷԿ»-ը, «Հրազդան-Սևան ՋԷԿ»-ը, «Բաշխիչ ցանցերը», Հայկական ԱԷԿ-ը։ Այս ընկերությունները գազի և էլեկտրաէներգիայի կայուն մատակարարում են ապահովում հանրապետության արդյունաբերական, գյուղատնտեսական և սոցիալական հատվածի օբյեկտներին։

Ռուսաստանը նաև Երևանին 500 մլն դոլարի վարկ է տրամադրում՝ Հայաստանի տնտեսության վրա ֆինանսական ճգնաժամի բացասական ազդեցությունը մեղմելու նպատակով։ Այս որոշման մասին հայտարարվել է այս տարվա փետրվարին Մոսկվայում երկու երկրների վարչապետների միջև տեղի ունեցած բանակցությունների ժամանակ։

ԼԵՌՆԱՅԻՆ ՂԱՐԱԲԱՂ

Պետությունների ղեկավարները կքննարկեն նաև ղարաբաղյան խնդիրը, տեղեկացրել է աղբյուրը։

«Որպես ղարաբաղյան հակամարտության կարգավորման ԵԱՀԿ Մինսկի խմբի համանախագահ-երկիր՝ Ռուսաստանի սկզբունքային դիրքորոշումը անփոփոխ է. Մոսկվան մտադիր է հետագայում ևս անհրաժեշտ աջակցություն ցուցաբերել Բաքվին և Երևանին փոխընդունելի որոշումներ փնտրելու գործում», - ընդգծել է գործակալության զրուցակիցը։

Նախորդ շաբաթ Մոսկվայում Մեդվեդևը հանդիպել է նաև Ադրբեջանի նախագահ Իլհամ Ալիևին, ում հետ ևս քննարկել է Լեռնային Ղարաբաղի խնդիրը։ Բանակցություններից հետո Ալիևը մամուլի ասուլիսի ժամանակ շնորհակալություն է հայտնել Ռուսաստանին ղարաբաղյան խնդրի կարգավորման հարցի շուրջ դիրքորոշումները մոտեցնելու փորձերի համար։

Ավելի վաղ ԵԱՀԿ Մինսկի խումբը հանդես էր եկել Պրահայում մայիսի 7-ին Ալիևի և Սարգսյանի հանդիպումն անցկացնելու առաջարկությամբ։ Սարգսյանը հայտարարել է, որ նման բանակցություններին դեմ չէ, սակայն նա չի հաստատել, որ հանդիպումը կանցկացվի հենց այդ ժամանակ և հենց այդ վայրում։

Մեդվեդևի և Սարգսյանի կայանալիք հանդիպման ժամանակ սպասվում է նաև, որ նախագահները կարծիքներ կփոխանակեն ԱՊՀ տարածքում ինտեգրման ձևաչափերի շրջանակներում բազմապլանային փոխգործակցության վերաբերյալ։

«Հաշվի առնելով այն, որ Հայաստանը նախագահում է Հավաքական անվտանգության պայմանագրի կազմակերպությունում (ՀԱՊԿ), առանձնահատուկ ուշադրության են արժանանալու այդ Կազմակերպության շրջանակներում դաշնակցային փոխգործակցության մակարդակաի բարձրացման հարցերը», - ասել է Կրեմլի աղբյուրը։

ՀԱՊԿ-ի կազմում են Հայաստանը, Բելառուսը, Ղազախստանը, Ղրղզստանը, Ռուսաստանը, Տաջիկստանն ու Ուզբեկստանը։-0-

Loading...
Թեմատիկ նյութեր
Բաժնի այլ նյութեր
11:22
08 Դեկտեմբերի 2016
Գագիկ Ծառուկյանը մերժել է Սերժ Սարգսյանի առաջարկը
Սերժ Սարգսյան-Գագիկ Ծառուկյան հանդիպման ժամանակ Սերժ Սարգսյանը Գագիկ Ծառուկյանի հետ քննարկել է նախընտրական և հետընտրական զարգացումների հնարավոր բոլոր սցենարները:
16:51
07 Դեկտեմբերի 2016
Ֆրանսիայի ՆԳՆ նոր ղեկավարն Արցախի բարեկամն է և ընդգրկված է Ադրբեջանի «սև ցուցակներում»
Ֆրանսիայի ներքին գործերի նախարար Բրունո Լը Ռուն ներառված է ադրբեջանական արտաքին գերատեսչության «սև ցուցակում»:
11:52
07 Դեկտեմբերի 2016
«Դաշնակցությունը» ընտրություններից հետո հնարավոր է միանա իշխող ՀՀԿ-ին
ՀՅԴ-ն չի բացառում, որ ևս մաս կազմի իշխանական դաշինքին:
11:37
06 Դեկտեմբերի 2016
Չի բացառվում Դալլաքյան–Ծառուկյան քաղաքական տանդեմը
Չի բացառվում, որ Վիկտոր Դալլաքյանը միանալ Գագիկ Ծառուկյանի ստեղծելիք դաշինքին:
18:23
05 Դեկտեմբերի 2016
Քաղաքագետը պատմել է նախընտրական արշավի ընթացքում ՀՀԿ-ի ռազմավարության մասին
Հայաստանի հանրապետական կուսակցությունն արդեն սկսված նախընտրական արշավում ընդունել է երեք բաղկացուցիչներից կազմված ռազմավարություն:
16:02
05 Դեկտեմբերի 2016
ՀՀ ԱԺ խոսնակը սխալմամբ «կողմ» է քվեարկել ժողովրդի ապստամբության իրավունքին
ՀՀ ԱԺ խոսնակ Գալուստ Սահակյանը սխալմամբ «կողմ» է քվեարկել «Ժառանգության» պատգամավոր Զարուհի Փոստանջյանի «Ժողովրդի ապստամբության իրավունքի մասին» օրենքը ԱԺ քառօրյայի օրակարգում ավելացնելուն։
15:07
05 Դեկտեմբերի 2016
Գագիկ Ծառուկյանը վերադառնում է մեծ քաղաքականություն` որպես ընդդիմադիր գործիչ
«Բարգավաճ Հայաստան» կուսակցության հիմնադիր Գագիկ Ծառուկյանը, հազարավոր քաղաքացիների պահանջով, վերադառնում է ակտիվ քաղաքականություն, երկուշաբթի լրագրողներին ասաց «Բարգավաճ Հայաստան» խորհրդարանական խմբակցության ղեկավար Նաիրա Զոհրաբյանը։
15:40
03 Դեկտեմբերի 2016
ԲՀԿ քաղխորհուրդը խնդրում է Ծառուկյանին վերադառնալ ակտիվ քաղաքականություն
Շաբաթ օրը կայացած ԲՀԿ քաղաքական խորհրդի ընդլայնված նիստում քննարկվել է ԲՀԿ հիմնադիր նախագահ Գագիկ Ծառուկյանի ակտիվ քաղաքականություն վերադառնալու հարցը:
12:34
03 Դեկտեմբերի 2016
ՀՀ նախագահ Սերժ Սարգսյանն ու ԱՄՆ նորընտիր փոխնախագահ Մայք Փենսը հեռախոսազրույց են ունեցել
Հեռախոսազրույցը կայացել է ամերիկյան կողմի նախաձեռնությամբ:
19:55
02 Դեկտեմբերի 2016
Հայ–ռուսական զորախմբի ստեղծումը բխում է Հայաստանի շահերից. պաշտպանության նախկին նախարար
Հայաստանի և Ռուսաստանի Զինված ուժերի միավորված զորախմբի ստեղծումը բխում է Հայաստանի շահերից, ուրբաթ լրագրողներին հայտարարեց ՀՀ պաշտպանության նախկին նախարար Վաղարշակ Հարությունյանը։
17:18
02 Դեկտեմբերի 2016
Ադրբեջանի հետ սահմանագծում լարվածություն չկա. ՀՀ ՊՆ
Հայ-ադրբեջանական սահմանագծում և ղարաբաղա-ադրբեջանական շփման գծում իրավիճակը հանգիստ է, ասաց ՀՀ ՊՆ մամուլի քարտուղար Արծրուն Հովհաննիսյանը:
11:43
02 Դեկտեմբերի 2016
Րաֆֆի Հովհաննիսյանի որոշումը վտանգում է «Ժառանգություն» կուսակցության գոյությունը
Րաֆֆի Հովհաննիսյանը սպասում է քաղաքական դաշտում կատարվելիք փոփոխություններին: