487.57
+0.28
567.63
-0.45
8.2
-0.03
+7
Եղանակը Երևանում
Հայ
ՀՀ ոստիկանությունը մտադիր է խստացնել անօրենների դեմ պայքարը
10:09
23 Ապրիլի 2009

ՀՀ ոստիկանապետ Ալիկ Սարգսյանը հայտարարեց, որ իր գլխավորած գերատեսչությունը մտադիր է անողոք պայքար մղել օրինախախտների և ընդգծված ցինիզմով կատարված հանցագործությունների դեմ։

Սարգսյանի խոսքերով, նման օրինախախտների ու հանցագործություների դեմ պայքարի խստացումը ՀՀ նախագահ Սերժ Սարգսյանի հանձնարարությունն է։ Նախագահը նշել է, որ Ոստիկանության այս ուղղությամբ կատարվող աշխատաոճը վերանայման կարիք ունի։  

Ոստիկանապետը մասնավորապես նշեց, որ քիչ չեն «անհասկանալի վիճաբանություններում» և հասարակական վայրերում զենքի անօրինական կիրառման դեպքերը։

«Այս ուղղությամբ անհրաժեշտ աշխատանքներ են տարվում։ Մասնավորապես, 2009 թ.-ի երեք ամսում 360 միավոր զենք է բռնագրավվել, ինչը 4 անգամ ավելի է, քան անցյալ տարվա նույն ժամանակահատվածի ցուցանիշը։ 83 միավոր զենքը բռնագրավված է այս կամ այն քրեական գործերի հետաքննության ժամանակ»,- նշեց ոստիկանապետը՝ ավելացնելով, որ հանրապետությունում զգալիորեն նվազել է զենքի կիրառմամբ հանցագործությունների թիվը։

Ոստիկանապետի խոսքերով, մեկ այլ խնդիր է ճանապարհային երթևեկության կանոնների կոպիտ խախտումները։ «Որոշ բարեհաջող, կամ ընդհակառակը, հայտնի մարդկանց անհաջող զավակները, երթևեկության կանոնները խախտելով, փորձում են ինչ-որ բան ցույց տալ՝ նյարդայնացնելով ժողովրդին։ Մենք վճռական կերպով պայքարելու ենք այդ երևույթների դեմ»,- ասաց Սարգսյանը։   

Նրա խոսքերով, մոտ ժամանակներում արմատախիլ կարվի խնդիրը, որ ստեղծում են վրացական պետհամարանիշներով ավտոմեքենաները և այսպես ասաց «գոլդ» համարանիշներով մեքենաները։ ««Գոլդ համարներ» ստացած մարդիկ կամ կհրաժարվեն դրանցից, կամ կփոշմանեն, որ փող են վճարել դրանց համար, քանի որ ճանապարհային ոստիկանության հատուկ ուշադրությունը բևեռված կլինի հենց դրանց»,- ասաց Սարգսյանը։  

Բացի այդ, ոստիկանապետի խոսքերով, իրավապահ մարմինները կպայքարեն նաև մասնավոր պահակազորի անօրինական գործունեության դեմ։ 

Նրա խսոքերով, այսօր պահակազորով շրջում միանգամայն երիտասարդ մարդիկ։ «Օրինակ վերցնելով ծնողներից, նրանք քաղաքով շրջում են 3-4 մեքենա պահակազորայիններով։ Չեմ կարծում, որ դա անվտանգության նպատակով է արվում։ Դա, ավելի շուտ, ինչ-որ իմիջ է, որը նյարդայնացնում է մարդկանց»։

«Բացի այդ, պահակազորայինները այս կամ այն խնդիրը լուծելու համար են, լինի դա խոսքի, թե բռունցքի խնդիր»,- ասաց ոստիկանապետը։ 

Սարգսյանը նաև ավելացրեց, որ պայքար է մղվելու ինքնակամ հրավառությունների դեմ, որոնք խախտում են երկրի բնակիչների հանգիստը։  

Նա հավաստեց, որ Ոստիկանությունն ունի ուժեր և հնարավորություններ հասարակական կարգը պահպանելու համար։  

«Մենք շատ վճռական ենք տրամադրված, քանի որ ներկայացնում ենք պետությունը։ Այս երևույթները պետք է լիովին արմատախիլ արվեն, և մեր ժողովուրդը պետք է հանգիստ ապրի: Ով դա չի հասկացել, թող այսօվանից ընդունի մարտահրավերը: Վստահեցնում եմ ձեզ, այդ մարդիկ ծիծաղելի և խղճուկ իրավիճակում կհայտնվեն, քանի որ փորձում են պայքարել պետության դեմ»,- ասաց ոստիկանապետը:

Նրա խոսքերով, այս վճռական պայքարում ոստիկանությանը լիովին աջակցում է հանրապետության նախագահը, իրավապահ մարմիններին հարկավոր է նաև ժողովրդի աջակցությունը:-0-

Loading...
Թեմատիկ նյութեր
Բաժնի այլ նյութեր
20:24
07 Նոյեմբերի 2017
ՀՀ նախագահ. Եվրոպայի խորհրդի հետ համագործակցությունը բխում է Հայաստանի շահերից
ՀՀ նախագահն ընդունել է ԵԽԽՎ մոնիտորինգային հանձնաժողովի Հայաստանի մասով համազեկուցողներին։
19:54
07 Նոյեմբերի 2017
ՀՀ ԱԳ նախարարը Բենիամին Նեթանյահուին է ներկայացրել ղարաբաղյան հիմնախնդիրը (ՎԻԴԵՈ)
Էդվարդ Նալբանդյանն ու Բենիամին Նեթանյահուն քննարկել են նաև հայ-իսրայելական երկկողմ օրակարգին վերաբերող հարցեր։
17:23
06 Նոյեմբերի 2017
Ֆրանսիան հայերի անկեղծ բարեկամն է. Մակրոն
Նա ընդգծել է նաև, որ Ֆրանսիան լիովին հանձնառու է Արցախի խնդրին բանակցությունների միջոցով մնայուն լուծում գտնելու հարցին:
18:09
04 Նոյեմբերի 2017
ՀՀ նախագահն այցելել է Թաջ Մահալ և հանդիպել Հնդկաստանի հայկական համայնքի հետ (ՖՈՏՈ)
Հնդկաստան աշխատանքային այցի շրջանակում ՀՀ նախագահ Սերժ Սարգսյանն այցելել է Հնդկաստանի տեսարժան վայրերից մեկը՝ Թաջ Մահալ:
14:33
01 Նոյեմբերի 2017
Հայաստանը ու Ռուսաստանը աշխատում են նոր 100 մլն դոլարի պաշտպանական վարկային համաձայնագրի իրականացման ուղղությամբ. ՀՀ նախագահ
Առաջիկայում Ռուսաստանը գործող պայմանագրի շրջանակում Երևան զենքի խմբաքանակ կմատակարարի։
18:05
31 Հոկտեմբերի 2017
Ադրբեջանի մասնակցությունը ԵԶԲ–ում չի նշանակում, որ այն կդառնա ԵՏՄ–ի անդամ
Ադրբեջանի հնարավոր մասնակցությունը Եվրասիական զարգազման բանկում այդ երկիրը Եվրասիական տնտեսական միրության անդամ չի դարձնում, ասաց ԵԶԲ վարչության նախագահ Դմիտրի Պանկինը:
11:43
26 Հոկտեմբերի 2017
Դմիտրի Մեդվեդևը ներկայացրել է հայաստանյան այցի տպավորությունները (ՖՈՏՈ)
ՌԴ վարչապետ Դմիտրի Մեդվեդևը ներկայացրել է հայաստանյան այցի տպավորությունները` Instagram–ում  հրապարակելով լուսանկարներ։
16:49
25 Հոկտեմբերի 2017
Հայտնի է Եվրասիական միջկառավարական խորհրդի հաջորդ նիստի անցկացման վայրը
ԵՏՄ անդամ երկրների կառավարության ղեկավարները չորեքշաբթի հավաքվել են Երևանում` մասնակցելու Եվրասիական միջկառավարական խորհրդի նիստին։
19:07
24 Հոկտեմբերի 2017
Ադրբեջանը պատասխան է տալու ամեն մի ռազմական կորստի համար. Սերժ Սարգսյան
«Կամ բանակցում ենք, կամ էլ՝ կրակում: Երկուսին էլ մենք պատրաստ ենք», – նշել է նա։
17:23
24 Հոկտեմբերի 2017
Հայաստան ժամանած ՌԴ վարչապետն ուղևորվել է Ծիծեռնակաբերդի հուշահամալիր
«Զվարթնոց» օդանավակայանում գործընկերոջը դիմավորել է վարչապետ Կարեն Կարապետյանը:
13:51
24 Հոկտեմբերի 2017
Հայաստան–ԵՄ գործընկերության համաձայնագիրը կստորագրվի. ԱԳՆ
Հայաստանը նախատեսում է ստորագրել ԵՄ–ի հետ շրջանակային փաստաթուղթը նոյեմբերին կայանալիք «Արևելյան գործընկերության» գագաթնաժողովում։
19:10
19 Հոկտեմբերի 2017
Թուրք հասարակական գործչին ձերբակալել են Ծիծեռնակաբերդ այցելելու համար
Ստամբուլի Աթաթուրքի անվան միջազգային օդանավակայանում ձերբակալվել է հայտնի թուրք գործարարներից մեկը։