481.93
+0.2
569.16
+0.19
8.37
-0.02
+9
Եղանակը Երևանում
Հայ
Ռուսաստանին անհանգստացնում է Հայաստանի մասնակցությունը ՆԱՏՕ-ի զորավարժություններին. ռուս պատգամավոր
19:06
22 Ապրիլի 2009

ԵՐԵՎԱՆ, 22 ապրիլի. /Նովոստի-Արմենիա/. Ռուսական կողմին անհանգստացնում է այն, որ Հայաստանը մտադիր է մասնակցել ՆԱՏՕ-ի զորավարություններին, որոնք մեկնարկում են մայիսի 6-ին Վրաստանում, ասաց ՌԴ պետդումայի միջազգային գործերով պատգամավոր Սեմյոն Բաղդասարովը։

ՀՀ պաշտպանության նախարարության մամուլի քարտուղար, գնդապետ Սեյրան Շահսուվարյանըm շաբաթ օրը հաստատեց, որ հայկական կողմը կմասնակցի Վրաստանում անցկացվելիք ՆԱՏՕ-ի զորավարժություններին։

«Հայերից կողմից մասնակիցների կազմն արդեն պարզ է, բայց այն կհրապարակվի զորավարժությունները ծրագրելու համաժողովից հետո»,- ասաց Շահսուվարյանը:

«Զորավարժություններին մինչև վերջերս պետք է մասնակցեր նաև Ղազախստանը, սակայն ղազախ ղեկավարությունը, հասկանալով, որ այդ զորավարժությունները ակնհայտորեն հակառուսական բնույթ են կրում, հետ կանգնեց իր որոշումից։ Իրենց որոշումները փոխեցին նաև Էստոնիան և Լիտվան՝ չցանկանալով վերջնականապես փչացնել հարաբերությունները Ռուսաստանի հետ, իսկ Հայաստանը շարունակում է մնալ։ Ես սա հայկական ղեկավարության խոշոր սխալն եմ համարում,»- չորեքշաբթի «Հայաստան-Թուրքիա. իրական տեղաշարժեր երկկողմ հարաբերություններում, թե՞ գերտերությունների աշխարհաքաղաքական խաղեր» թեմայով «Նովոստի» միջազգային մամուլի կենտրոնում անցկացված Երևան-Մոսկվա տեսակամուրջի ընթացքում ասաց Բաղդասարովը։ ։   

Բաղդասարովի խոսքերով, հայ ժողովուրդն իր պատմության ընթացքում կարող էր բազմաթիվ անգամ համոզվել, որ «Արևմուտքը երբեք չի պաշտպանի իրեն, իսկ Ցեղասպանությանը, որպես այդպիսին Թուրքիայից բացի, մասնակցել են նաև գերմանացի խորհրդականները, և ընդհանրապես, Արևմուտքը այդ հարցին շատ հանգիստ է վերաբերվել, բացառությամբ մի քանի մտավորականի»։ 

«Այժմ, երբ Հայաստանում նոր դաշնակիցների որոնման ինչ-որ տարօրինակ փնտրտուք է գնում, այդ թվում ի դեմս Թուրքիայի, մեզ դա անհանգստացնում է։ Ես այսօր շատ լրջորեն այդ հարցը բարձրացրեցի Դումայում, և մտադիր եմ հետագայում էլ բարձրացնել այն»,- ընդգծեց նա։ 

Ընդ որում պատգամավորը կարծիք հայտնեց, որ «այսօր հայկական ղեկավարությունը պետք է ճիշտ հետևություն անի՝ պե՞տք է արդյոք ճախրել երկնքում»։

«Թուրքիան երբեք Հայաստանի բարեկամը չի կարող  լինել, իսկ Ռուսաստանին դուք կարող եք կորցնել»,- հայտարարեց նա։  

Ընդ որում Բաղդասարովը Վրաստանում ՆԱՏՕ-ի զորավարժություններին Հայաստանի մասնակցության ուրիշ պատճառ չի տեսնում, քան ԱՄՆ և Արևմուտքի այլ երկրների ճնշումը։   

«Վաղը տեղի կունենա ՀՀ և ՌԴ նախագահների հանդիպումը, և ես հուսով եմ, որ հայկական ղեկավարությունը կհրաժարվի դրանից (զորավարժություններին մասնակցելուց. «Նովոստի-Արմենիա»)։ Հայաստանի հանդեպ վերաբերմունքը փոխվում է և բավականին լրջորեն։ Դուք կարող եք բավական դժվարին դրության մեջ հայտնվել, Թուրքիան ու ԱՄՆ-ն երբեք ձեզ չեն օգնի։ Այս մասին պետք է մտածել»,- ամփոփեց նա։   

ՌԴ նախագահ Դմիտրի Մեդվեդևի հրավերով ՀՀ նախագահն ապրիլի 23-ին աշխատանքային այցով կմեկնի Մոսկվա: Նույն օրն էլ նախատեսված է երկու երկրների նախագահների հանդիպումը:

Իր հերթին, ԱԺ արտաքին հարաբերությունների մշտական հանձնաժողովի նախագահ Արմեն Ռուստամյանը Վրաստանում ՆԱՏՕ-ի ապագա զորավարժությունների համատեքստում նշեց, որ այդ հարցը միատարր չէ և դրա հանդեպ պետք է ավելի լայն մոտեցում ցուցաբերել։ 

«Երկրները, որոնք հրաժարվել են, տարածաշրջանային չեն, իսկ Հայաստանը տարածաշրջանի երկիր է»,- ասաց նա՝ ավելացնելով, որ «Հայաստանը չի կարող մասնակցել որևէ նախագծի, եթե այն ուղղված է Ռուսաստանի դեմ... Դա երբեք հնարավոր չէ թույլ տալ անգամ մտովի»,- ասաց նա։   

Կովկասի ինստիտուտի տնօրեն Ալեքսանդր Իսկանդարյանը հիշեցրեց, որ Հայաստան եկող բեռների 70 տոկոսը, այդ թվում ռուսական գազը, Հայաստան են գալիս Վրաստանի տարածքով։ 

«Հայաստանը սահմաններ չունի Լյուքսեմբուրգի և Շվեյցարիայի հետ, այն իրատեսորեն երկու հարևան ունի. Վրաստանը՝ Ռուսաստանի հետ իր հարաբերությունների չափազանց բարդ ձևաչափով, և Իրանը՝ Ամերիկայի հետ իր հարաբերությունների չափազանց բարդ ձևաչափով։ Մենք ստիպված ենք ապրել նման իրավիճակում, մենք այլ ելք չունենք»,- ընդգծեց նա։  

Այս առնչությամբ Իսկանդարյանը նշեց, որ «Հայաստանը պետք է ապրի այն տարածաշրջանում, որտեղ ապրում է»։

«Հայաստանը Ռուսաստան չէ, և իրեն այնպես պահել ինչպես Ռուսաստանն է պահում, պարզապես իրեն չի կարող թույլ տալ։ Կոմպլեմենտարիզմը քմահաճույք չէ, այլ ապրելակերպ, գոյատևման ձև, և մենք պետք է համապատասխանենք դրան՝ ամեն քայլում, հայտարարությունում, տառում, բառում հաշվի առնելով Ռուսաստանի շահերը, ինչն էլ Հայաստանն անում է»,- ամփոփեց քաղաքագետը։ 

Cooperative Longbow 09/Cooperative Lancer 09 բազմազգ զորավարժությունները ՆԱՏՕ-ի հովանու ներքո Վրաստանում կանցկացվեն մայիսի 6-ից հունիսի 1-ը, դրանց կմասնակցի շուրջ 1,3 հազար զինծառայողներ Դաշինքի և դրա դաշնակից 19 երկրներից։ Զորավարժությունները ռազմաշտաբային են և կանցկացվեն առանց զենքի ու ռազմական տեխնիկայի կիրառման։ -0-

Loading...
Թեմատիկ նյութեր
Բաժնի այլ նյութեր
19:10
19 Հոկտեմբերի 2017
Թուրք հասարակական գործչին ձերբակալել են Ծիծեռնակաբերդ այցելելու համար
Ստամբուլի Աթաթուրքի անվան միջազգային օդանավակայանում ձերբակալվել է հայտնի թուրք գործարարներից մեկը։
14:57
19 Հոկտեմբերի 2017
Քսենիա Սոբչակը մտադիր է ՌԴ նախագահ դառնալ
Քսենիա Սոբչակը որոշել է մասնակցել 2018 թ.–ի մարտին կայանալիք ՌԴ նախագահական ընտրություններում։
13:30
19 Հոկտեմբերի 2017
Ադրբեջանցիները հուզվել են Հայաստանի քարտեզում Ղարաբաղի պատկերման պատճառով
Սոչիում անցկացվող Երիտասարդների և ուսանողների փառատոնին ադրբեջանցիները սկանդալ են հրահրել։
18:19
18 Հոկտեմբերի 2017
Անիմաստ է խոսել ղարաբաղյան կարգավորման մասին, քանի դեռ Երևանի և Բաքվի միջև չկա վստահություն
Անիմաստ է խոսել ղարաբաղյան հակամարտության կարգավորման մասին, քանի դեռ երկու երկրների հասարակությունների միջև չհայտնվի «վստահության ինչ–որ կետ»:
17:10
16 Հոկտեմբերի 2017
Հրապարակվել են Սարգսյան–Ալիև հանդիպման արդյունքները
Հրապարակվել են այսօր Ժնևում կայացած Սարգսյան–Ալիև հանդիպման արդյունքները:
16:01
16 Հոկտեմբերի 2017
Ավարտվեցին Սարգսյան–Ալիև բանակցությունները. Ալիևը լքեց բանակցությունների վայրը
Ժնևում քիչ առաջ ավարտվեցին ՀՀ նախագահ Սերժ Սարգսյանի և Ադրբեջանի նախագահ Իլհամ Ալիևի բանակցությունները։
15:38
16 Հոկտեմբերի 2017
Այս պահին ընթանում է Հայաստանի և Ադրբեջանի նախագահների առանձնազրույցը
Ժնևում մեկնարկել է Հայաստանի և Ադրբեջանի նախագահներ Սերժ Սարգսյանի ու Իլհամ Ալիևի առանձնազրույցը։
14:46
16 Հոկտեմբերի 2017
Հայաստանի և Ադրբեջանի նախագահների հանդիպումն է մեկնարկել Ժնևում
Հայաստանի և Ադրբեջանի նախագահներ Սերժ Սարգսյանի և Իլհամ Ալիևի հանդիպումն է մեկնարկել Ժնևում:
13:05
16 Հոկտեմբերի 2017
Սերժ Սարգսյանն արդեն Ժնև է ժամանել` հանդիպելու Ալիևի հետ
Հայաստանի նախագահ Սերժ Սարգսյանը ժամանել է Ժնև` իր ադրբեջանցի գործընկեր Իլհամ Ալիևի հետ հանդիպման։
23:51
15 Հոկտեմբերի 2017
ԵՄ-ն պահանջում է փակել հայկական ատոմակայանը
Հրապարակվել է Հայաստանի և Եվրամիության միջև համապարփակ և ընդլայնված համաձայնագրի տեքստը:
13:44
13 Հոկտեմբերի 2017
Հայտնի է Հայաստանի և Ադրբեջանի նախագահների հանդիպման օրը
ԵԱՀԿ Մինսկի խմբի համանախագահ երկրների նախաձեռնությամբ կկայանա Հայաստանի և Ադրբեջանի նախագահների հանդիպումը։
00:02
13 Հոկտեմբերի 2017
Աշոտյանը հայտնել է Հայաստանի և Ադրբեջանի նախագահների առաջիկա հանդիպման ամսաթիվը
Հայտնի է Հայաստանի և Ադրբեջանի նախագահների առաջիկա հանդիպման ամսաթիվը: