485.25
-0.08
569.44
-2.72
8.18
-0.02
-2
Եղանակը Երևանում
Հայ
Հայաստանը պետք է վերանայի իր մոտեցումները հայ-թուրքական սահմանի բացման հարցում. նախկին արտգործնախարար
19:31
17 Ապրիլի 2009

Հայաստանը պետք է վերանայի իր մոտեցումները հայ-թուրքական սահմանի բացման շուրջ ընթացող բանակցային գործընթացում, որպեսզի սեփական դիրքերի թուլացում թույլ չտա, կարծում է ՀՀ նախկին արտգործնախարար Վարդան Օսկանյանը:

«Պետք է ինչ-որ բան փոխել՝ կամ բանակցությունները կոնֆիդենցիալ դարձնել, կամ սահմանների բացման ժամկետներ հաստատել, կամ էլ հստակություն մտցնել դրանցում»,- ուրբաթ իր «Անավարտ տասնամյակ» գրքի շնորհանդեսի ժամանակ ասաց Օսկանյանը:

Նախկին արտգործնախարարի կարծիքով սահմանների բացման բանակցային գործընթացի ներկա իրավիճակը ձեռնտու է միայն Թուրքիային և կարող է բացասաբար անդրադառնալ Հայաստանի դիրքորոշման վրա՝ ղարաբաղյան հակամարտության հարցում:

Նա նշեց, որ Թուրքիան հայտարարելով, թե սահմանների բացումը հնարավոր է միայն ղարաբաղյան հակամարտության կարգավորումից հետո, կարող է օգտագործել Հայաստանի հետ ընթացող բանակցությունների փաստը ղարաբաղյան հակամարտությունում ԱՄՆ-ի և Եվրոպայի դիրքորոշումների վրա ազդելու նպատակով:

Օսկանյանի կարծիքով, այդ դեպքում ԱՄՆ-ն և Եվրոպան հայ-թուրքական հարաբերությունների կարգավորման համար կարող են ճնշում գործադրել Հայաստանի վրա ղարաբաղյան հակամարտության կարգավորման հարցում, որպեսզի նրանից զիջումներ կորզեն:

Նախկին արտգործնախարարի խոսքերով, «թուրք ղեկավարների հայտարարություններն այն մասին, թե սահմանների բացումը հնարավոր է միայն ղարաբաղյան հակամարտության կարգավորումից հետո, և հայկական կողմի հայտարարությունները, թե սահմանի բացման հարցում առաջխաղացումներ կան, կասկածի տեղիք է տալիս»:

Օսկանյանը կարծում է, որ հայկական իշխանությունները պետք է թուրքական կողմի առջև սահմանների բացման վերջնաժամկետ դնեն, որից հետո դադարեցնեն բանակցային գործընթացը կամ դրանց կոնֆիդենցիալ բնույթ տան:

«Եթե անգամ 10 տոկոս վստահություն կա, որ Թուրքիան շահագրգռված է միայն բանակցություններով և ոչ թե դրանց արդյունքներով, ապա այն պետք է կոնֆիդենցիալ դարձնել: Այդ դեպքում ի հայտ կգա թուրքական կողմի անկեղծությունն այդ հարցում»,- ընդգծեց նա:

Օսկանյանը նկատեց, որ իր արտգործանախարարի պաշտոնում աշխատելու ընթացքում Թուրքիայի հետ բանակցությունները կոնֆիդենցիալ էին, սակայն ավելի իմաստալից էին, քան այսօրվա հրապարակային բանակցությունները:

Հայաստանի և Թուրքիայի միջև չկան դիվանագիտական հարաբերություններ, իսկ 1993-ից, պաշտոնական Անկարայի նախաձեռնությամբ, փակ է հայ-թուրքական սահմանը։

Թուրքիան երկկողմ հարաբերությունների հաստատաման համար առաջ է քաշում մի շարք նախապայմաններ, մասնավորապես, Հայաստանի կողմից Օսմանյան Թուրքիայում 1915թ.  իրագործված Եղեռնի ճանաչմանն ուղղված ջանքերից հրաժարվելը և ղարաբաղյան հիմնախնդրի լուծումը` հօգուտ Ադրբեջանի:

Հարաբերություններում առաջին տեղաշարժերը սկսվեցին 2008 թ.-ի սեպտեմբերի 6-ից, երբ Թուրքիայի նախագահ Աբդուլա Գյուլը ՀՀ նախագահ Սերժ Սարգսյանի հրավերով առաջին անգամ ժամանեց Երևան՝ 2010 թ.-ի աշխարհի առաջնության ընտրական փուլի շրջանակներում Հայաստանի և Թուրքիայի հավաքականների միջև ֆուտբոլային հանդիպումը համատեղ դիտելու նպատակով։ Այցի ընթացքում երկու պետությունների ղեկավարները քննարկեցին երկկողմ հարաբերությունների հաստատման հնարավորությունները։ -0-

Loading...
Թեմատիկ նյութեր
Բաժնի այլ նյութեր
11:07
08 Դեկտեմբերի 2017
Հայաստանի նախագահի պաշտոնում կարող է միասնական թեկնածու առաջադրվել
Սահմանադրության բարեփոխված 125–րդ հոդվածի համաձայն, «հանրապետության նախագահի պաշտոնում թեկնածության առաջադրման իրավունք ունի պատգամավորների ընդհանուր թվի առնվազն ¼–ը»։
21:28
07 Դեկտեմբերի 2017
Կոչ ենք անում կենտրոնանալ ղարաբաղյան հակամարտության փոխզիջումային լուծումների վրա. ՄԽ համանախագահ երկրների ներկայացուցիչներ
ԵԱՀԿ Մինսկի խմբի համանխագահ երկրների պատվիրակությունների ղեկավարները Վիեննայում ԵԱՀԿ նախարարների խորհրդի նիստի ավարտին հանդես են եկել համատեղ հայտարարությամբ։
21:20
06 Դեկտեմբերի 2017
Հայաստանի և Ադրբեջանի ԱԳՆ ղեկավարների հանդիպումն է մեկնարկել Վիեննայում
Վիեննայում մեկնարկել է Հայաստանի և Ադրբեջանի ԱԳ նախարարներ Էդվարդ Նալբանդյանի և Էլմար Մամեդյարովի հանդիպումը։
21:07
06 Դեկտեմբերի 2017
Հայտնի են Հայաստանի ԱԳ նախարարի և համանախագահների հանդիպման թեմաները (ՎԻԴԵՈ)
Էդվարդ Նալբանդյանը հանդիպել է ԵԱՀԿ Մինսկի խմբի համանախագահներին։
18:53
06 Դեկտեմբերի 2017
Պուտինն առաջադրվելու է ՌԴ նախագահի պաշտոնում
Ռուսաստանի նախագահ Վլադիմիր Պուտինը հայտարարել է նախագահի պաշտոնում առաջրվելու մտադրության մասին:
10:35
05 Դեկտեմբերի 2017
Հայտնի է Հայաստանի նախագահի ամենահավանական թեկնածուի անունը
«Ժամանակ» թերթը գրում է, թե ով է Հայաստանի հաջորդ նախագահական ընտրությունների ամենահավանական թեկնածուն։
19:17
01 Դեկտեմբերի 2017
Արա Աբրահամյանը պահանջել է եթերից հեռացնել հակահայկական արշավ սկսած լրագրողներին և քաղաքագետներին
ՌՀՄ նախագահը կոչ է արել եթերից հեռացնել ծախու լրագրողներին, քաղաքագետներին և փորձագետներին, ովքեր հակահայկական արշավ են սկսել ռուսական հեռուստատեսությամբ։
18:14
30 Նոյեմբերի 2017
Վրաստանի վարչապետի այցը Հայաստան հետաձգվել է
Գիորգի Կվիրիկաշվիլիի այցը Հայաստան հետաձգվել է անորոշ ժամանակով:
17:48
30 Նոյեմբերի 2017
Հայաստան կժամանի Վրաստանի վարչապետ Գիորգի Կվիրիկաշվիլին
Այցի շրջանակներում նախատեսված են նրա հանդիպումները ՀՀ բարձրագույն ղեկավարության՝ ՀՀ նախագահի, ԱԺ նախագահի և վարչապետի հետ:
13:10
30 Նոյեմբերի 2017
Մարկեդոնովը կոչ է արել դադարեցնել ռուսական հեռուստատեսությամբ Հայաստան–ԵՄ համաձայնագրի շուրջ հնչող հիստերիան
Քաղաքագետ Սերգեյ Մարկեդոնովը կոչ է արել դադարեցնել ռուսական հեռուստատեսությամբ Հայաստան–ԵՄ համաձայնագրի շուրջ հնչող հիստերիան։
11:15
30 Նոյեմբերի 2017
ՀՀԿ–ում անհեթեթ են անվանել ռուս քաղաքագետների վիրավորական հայտարարությունները Հայաստան–ԵՄ համաձայնագրի ստորագրման վերաբերյալ
Էդուարդ Շարմազանովը մեկնաբանել է НТВ ռուսական հեռուստաալիքի talk show–ի ընթացքում Հայաստանի հասցեին հնչած հայտարարությունները։
20:35
28 Նոյեմբերի 2017
ՀՀ նախագահ. Հայաստանը շահագրգռված է բարեկամ Իրանի զարգացմամբ ու տարածաշրջանի կայունությամբ
ՀՀ նախագահն ընդունել է Իրանի Իսլամական Հանրապետության արտաքին գործերի նախարար Մոհամմադ Ջավադ Զարիֆին։