485.25
-0.08
569.44
-2.72
8.18
-0.02
+2
Եղանակը Երևանում
Հայ
Հայ անվանի գեղանկարիչ Մինասի աշխատանքները կցուցադրվեն Իտալիայում և Մոսկվայում 2010 թվականին
15:24
16 Ապրիլի 2009

ԵՐԵՎԱՆ, 16 ապրիլի. /Նովոստի-Արմենիա/. Հայ հռչակավոր գեղանկարիչ Մինաս Ավետիսյանի աշխատանքների ցուցադրությունը կբացվի 2010 թվականին Իտալիայի հինգ խոշոր քաղաքներում, հայտնեց ՀՀ մշակույթի նախարարի խորհրդական Սոնա Հարությունյանը՝ պատասխանելով «Նովստի-Արմենիա» գործակալության հարցին։

«Մինասի աշխատանքների հոբելյանական ցուցահանդեսը, որի բացումը տեղի կունենա Հայաստանի ազգային պատկերասրահում ապրիլի 17-ին, ինչպես նաև կատալոգի հրատարակումը մեծ արձագանք է գտել ինչպես Հայաստանում, այնպես էլ նրա սահմաններից դուրս»,- ասաց նա հինգշաբթի «Նովոստի» միջազգային մամուլի կենտրոնում։

Նա նշեց, որ ցուցահանդեսի բացմանը ներկա կլինի իտալական բոլոր հինգ ցուցահանդեսների համակարգող և կազմակերպիչ Ֆրանչեսկո Գալոն։

Հարությունյանը նշեց նաև, որ այդ ցուցահանդեսները պետք է բացվեին Իտալիայում արդեն այս տարի, սակայն համաշխարհային տնտեսական ճգնաժամի պատճառով դրանք հետաձգվել են։

Խոսելով Մոսկվայում նախատեսված ցուցահանդեսի մասին՝ մշակույթի նախարարի խորհրդականը հույս հայտնեց, որ տվյալ միջոցառումը հնարավոր կլինի իրականացնել հաջորդ գարնանը։

«Ցուցադրության նախապատրաստումը պահանջում է համապատասխան աշխատանքների անցկացում, և պատշաճ մակարդակով այն կազմակերպելու համար որոշակի ժամանակ է պահանջվում»,- պարզաբանեց նա։

Հարությունյանն ընդգծեց նաև, որ ցուցադրությունները Ռուսաստանում և Եվրոպայում իրենց բովանդակությամբ կտարբերվեն Հայաստանի ազգային պատկերասրահի ցուցահանդեսից։

«Ինչպես Մոսկվայում, այնպես էլ Սանկտ-Պետերբուրգում կան Վարպետի բազմաթիվ աշխատանքներ՝ հավաքված ոչ միայն պետական թանգարաններում, այլև մասնավոր հավաքածուներում, և քանի որ դրանց տեղափոխումը Երևան կապված է էական ծախսերի հետ, մենք հույս ունենք, որ այդ կտավները հնարավոր կլինի տեսնել մոսկովյան ցուցահանդեսի շրջանակներում»,- ասաց նա։

Միաժամանակ Հարությունյանը հավաստիացրեց, որ Մոսկվայի ցուցահանդեսին ներկայացված Մինասի բոլոր աշխատանքները կընդգրկվեն կատալոգում, որը հատուկ կհրատարակվի այդ ցուցադրության առիթով և որը հնարավոր կլինի ձեռք բերել նաև Երևանում։

Իր հերթին նկարչի հայրենի Ջաջուռում գտնվող թանգարանի տնօրեն, նրա որդի Արման Ավետիսյանը պարզաբանեց, որ հայ գեղանկարչի աշխատանքները ցուցադրված են Կերպարվեստի Պուշկինյան թանգարանում, ինչպես նաև Արևելքի ժողովուրդների Թանգարանում։

«Մինասի աշխատանքները ցուցադրված են նաև ԱՄՆ-ի և Ֆրանսիայի թանգարաններում, սակայն դրանց մեծամասնությունը մասնավոր հավաքածուներում է»,- հավելեց նա։

Հայ գեղանկարիչ, գծանկարիչ, թատրոնի նկարիչ, Հայաստանի վաստակավոր նկարիչ (1968) Մինաս Ավետիսյանը ծնվել է 1928 թվականի հուլիսի 20-ին՝ Շիրակի մարզի Ջաջուռ գյուղում։

Սովորել է Թեռլեմեզյանի անվան ուսումնարանում, ավարտել է Երևանի գեղարվեստաթատերական ինստիտուտը, Լենինգրադի Ռեպինի անվան գեղանկարչության, քանդակագործության և ճարտարապետության  ինստիտուտը։

1960 թվականից ապրել է Երևանում։ Մինասի առաջին ցուցահանդեսը տեղի ունեցել 1960 թվականին, բ այց նրան մեծ ճանաչում է բերել 1962 թվականին Երևանում անցկացված «Հինգ նկարիչների» ցուցահանդեսը։

1960-1975 թվականների ընթացքում Մինասը ստեղծել է 500 մեծ ու փոքր կտավներ, գրեթե նույնքան նկարներ, 20 մեծ որմնանկար ու նախագծեր՝ թատերական մեկ տասնյակից ավելի ներակայացումների համար։ Նկարիչը ողբերգական կերպով մահացել է ավտովթարից՝ 1975 թվականի փետրվարի 24-ին Երևանում։-0-

Loading...
Թեմատիկ նյութեր
Բաժնի այլ նյութեր
11:07
08 Դեկտեմբերի 2017
Հայաստանի նախագահի պաշտոնում կարող է միասնական թեկնածու առաջադրվել
Սահմանադրության բարեփոխված 125–րդ հոդվածի համաձայն, «հանրապետության նախագահի պաշտոնում թեկնածության առաջադրման իրավունք ունի պատգամավորների ընդհանուր թվի առնվազն ¼–ը»։
21:28
07 Դեկտեմբերի 2017
Կոչ ենք անում կենտրոնանալ ղարաբաղյան հակամարտության փոխզիջումային լուծումների վրա. ՄԽ համանախագահ երկրների ներկայացուցիչներ
ԵԱՀԿ Մինսկի խմբի համանխագահ երկրների պատվիրակությունների ղեկավարները Վիեննայում ԵԱՀԿ նախարարների խորհրդի նիստի ավարտին հանդես են եկել համատեղ հայտարարությամբ։
21:20
06 Դեկտեմբերի 2017
Հայաստանի և Ադրբեջանի ԱԳՆ ղեկավարների հանդիպումն է մեկնարկել Վիեննայում
Վիեննայում մեկնարկել է Հայաստանի և Ադրբեջանի ԱԳ նախարարներ Էդվարդ Նալբանդյանի և Էլմար Մամեդյարովի հանդիպումը։
21:07
06 Դեկտեմբերի 2017
Հայտնի են Հայաստանի ԱԳ նախարարի և համանախագահների հանդիպման թեմաները (ՎԻԴԵՈ)
Էդվարդ Նալբանդյանը հանդիպել է ԵԱՀԿ Մինսկի խմբի համանախագահներին։
18:53
06 Դեկտեմբերի 2017
Պուտինն առաջադրվելու է ՌԴ նախագահի պաշտոնում
Ռուսաստանի նախագահ Վլադիմիր Պուտինը հայտարարել է նախագահի պաշտոնում առաջրվելու մտադրության մասին:
10:35
05 Դեկտեմբերի 2017
Հայտնի է Հայաստանի նախագահի ամենահավանական թեկնածուի անունը
«Ժամանակ» թերթը գրում է, թե ով է Հայաստանի հաջորդ նախագահական ընտրությունների ամենահավանական թեկնածուն։
19:17
01 Դեկտեմբերի 2017
Արա Աբրահամյանը պահանջել է եթերից հեռացնել հակահայկական արշավ սկսած լրագրողներին և քաղաքագետներին
ՌՀՄ նախագահը կոչ է արել եթերից հեռացնել ծախու լրագրողներին, քաղաքագետներին և փորձագետներին, ովքեր հակահայկական արշավ են սկսել ռուսական հեռուստատեսությամբ։
18:14
30 Նոյեմբերի 2017
Վրաստանի վարչապետի այցը Հայաստան հետաձգվել է
Գիորգի Կվիրիկաշվիլիի այցը Հայաստան հետաձգվել է անորոշ ժամանակով:
17:48
30 Նոյեմբերի 2017
Հայաստան կժամանի Վրաստանի վարչապետ Գիորգի Կվիրիկաշվիլին
Այցի շրջանակներում նախատեսված են նրա հանդիպումները ՀՀ բարձրագույն ղեկավարության՝ ՀՀ նախագահի, ԱԺ նախագահի և վարչապետի հետ:
13:10
30 Նոյեմբերի 2017
Մարկեդոնովը կոչ է արել դադարեցնել ռուսական հեռուստատեսությամբ Հայաստան–ԵՄ համաձայնագրի շուրջ հնչող հիստերիան
Քաղաքագետ Սերգեյ Մարկեդոնովը կոչ է արել դադարեցնել ռուսական հեռուստատեսությամբ Հայաստան–ԵՄ համաձայնագրի շուրջ հնչող հիստերիան։
11:15
30 Նոյեմբերի 2017
ՀՀԿ–ում անհեթեթ են անվանել ռուս քաղաքագետների վիրավորական հայտարարությունները Հայաստան–ԵՄ համաձայնագրի ստորագրման վերաբերյալ
Էդուարդ Շարմազանովը մեկնաբանել է НТВ ռուսական հեռուստաալիքի talk show–ի ընթացքում Հայաստանի հասցեին հնչած հայտարարությունները։
20:35
28 Նոյեմբերի 2017
ՀՀ նախագահ. Հայաստանը շահագրգռված է բարեկամ Իրանի զարգացմամբ ու տարածաշրջանի կայունությամբ
ՀՀ նախագահն ընդունել է Իրանի Իսլամական Հանրապետության արտաքին գործերի նախարար Մոհամմադ Ջավադ Զարիֆին։