478.82
+0.2
557.59
+7.08
8.14
+0.04
+24
Եղանակը Երևանում
Հայ
Հանրահայտ նկարիչ Մինաս Ավետիսյանի ցուցահանդեսը կբացվի Երևանում ապրիլի 17-ին
14:28
16 Ապրիլի 2009

Հանրահայտ հայ նկարիչ Մինաս Ավետիսյանի 80-ամյակին նվիրված ցուցահանդեսը կբացվի Հայաստանի ազգային պատկերասրահրում ապրիլի 17-ին, տեղեկացրեց ՀՀ մշակույթի նախարարի խորհրդական Սոնա Հարությունյանը:

«Այս ցուցահանդեսը վաղուց էր սպասվում, քանի որ տասը տարվա ընթացքում նման հետահայաց ցուցադրություններ չէին կազմակերպվում, որոնք նվիրված լինեին Մինասի ստեղծագործական գործունեության բոլոր շրջաններին», - ասաց նա հինգշաբթի «Նովոստի» միջազգային մամուլի կենտրոնում։

Հարությունյանը տեղեկացրեց, որ պատրաստվել է նաև վարպետի՝ ցուցահանդեսին ներկայացված աշխատանքների հոբելյանական կատալոգը, որի ներածական հոդվածը գրել է հայտնի եվրոպացի արվեստագետ, Ալբերտ Լյուդվիգի անվան Ֆրայմբուրգի համալսարանի արվեստագիության ամբիոնի վարիչ, պրոֆեսոր Վիլհելմ Շլինգը։

«Նա այնպես է ոգեշնչվել Մինաս Ավեստիյանի արվեստով, որ հոդված է գրել Մինասի ստեղծագործական գործունեության մասին, որը մենք ներառել ենք հոբելյանական կատալոգի մեջ», - պարզաբանեց նա։

Նախարարի խորհրդականի խոսքերով, այս նախագիծը պետական կառույցների և մասնավոր հատվածի միջև համագործակցության վառ օրինակ է։

«Հոբելյանական ցուցադրության կատալոգի հրատարակումը, ինչպես նաև գեղանկարչի աշխատանքների՝ ապագայում ծրագրված միջազգային ցուցահադեսները վկայում են պետության և մասնավոր հատվածի միջև արդյունավետ համագործակցությունը», - ընդգծեց Հարությունյանը։

Միաժամանակ նա ավելացրեց, որ ցուցահանդեսի կազմակերպման և կատալոգի հրաատարակման գործում մեծ ներդրում են կատարել «Մինաս» հիմնադրամը՝ ի դեմս նկարչի ընտանիքի, ինչպես նաև Մոսկվայում հայկական մշակույթի զարգացման հիմնադրամը՝ ի դեմս նախագահի և «Կարոտ» ամենամյա միջազգային փառատոնի նախագահ Մեցո Իգիթյանի։

Այս կապակցությամբ Հիմնադրամի նախագահը նշեց, որ տարվա ընթացքում, Հայաստանում ցուցահանդեսի կազմակերպման շրջանակներում, մեծ ծավալով աշխատանք է իրականացվել, այդ թվում նաև, պատկերների մշակման, խմբագրական աշխատանքի, թեմաների ընտրության հետ կապված։

«Այս գործընթացում բավականին մեծ դեր է խաղացել «Մինաս» հիմնադրամը», - ավելացրեց Իգիթյանը։

Մինաս Ավետիսյանի ծննդավայրում՝ Ջաջուռում, նկարչի թանգարանի տնօրենը, նկարչի որդին Արման Ավետիսյանը, իր հերթին պարզաբանեց, որ հրատարակված կատալոգը յուրօրինակ է իր բովանդակությամբ։

«Փորձ է կատարվել նորովի ներկայացնել Մինասին, և հրատարակության մեջ կարելի է գտնել վարպետի ինչպես վաղ շրջանի գործունեության աշխատանքների, այնպես էլ ամենավերջին աշխատանքների վերարտադրությունը», - ասաց նա։

Ավետիսյանը համոզված է նաև, որ կատալոգը օգտակար ձեռնարկ կդառնա ոչ միայն Մինասի ստեղծագործությունն ուսումնասիրողների, այլև բոլոր արվեստասերների համար։

Հայ գեղանկարիչ, գծանկարիչ, թատրոնի նկարիչ, Հայաստանի վաստակավոր նկարիչ (1968) Մինաս Ավետիսյանը ծնվել է 1928 թվականի հուլիսի 20-ին՝ Շիրակի մարզի Ջաջուռ գյուղում։

Սովորել է Թեռլեմեզյանի անվան ուսումնարանում, ավարտել է Երևանի գեղարվեստաթատերական ինստիտուտը, Լենինգրադի Ռեպինի անվան գեղանկարչության, քանդակագործության և ճարտարապետության  ինստիտուտը։

1960 թվականից ապրել է Երևանում։ Մինասի առաջին ցուցահանդեսը տեղի ունեցել 1960 թվականին, բ այց նրան մեծ ճանաչում է բերել 1962 թվականին Երևանում անցկացված «Հինգ նկարիչների» ցուցահանդեսը։

1960-1975 թվականների ընթացքում Մինասը ստեղծել է 500 մեծ ու փոքր կտավներ, գրեթե նույնքան նկարներ, 20 մեծ որմնանկար ու նախագծեր՝ թատերական մեկ տասնյակից ավելի ներակայացումների համար։ Նկարիչը ողբերգական կերպով մահացել է ավտովթարից՝ 1975 թվականի փետրվարի 24-ին Երևանում։-0-

Loading...
Թեմատիկ նյութեր
Բաժնի այլ նյութեր
12:37
20 Հուլիսի 2017
Բլոգեր Լապշինը դատապարտվեց 3 տարվա ազատազրկման Արցախ այցելելու համար
Բաքվի դատարանը 3 տարվա ազատազրկման դատապարտեց բլոգեր, Ռուսաստանի և Իսրայելի քաղաքացի Ալեքսանդր Լապշինին։
20:14
19 Հուլիսի 2017
Սերժ Սարգսյանը շնորհավորել է արցախցի գործընկերոջը` նախագահի պաշտոնում ընտրվելու կապակցությամբ
Հայաստանի նախագահ Սերժ Սարգսյանն այսօր շնորհավորական ուղերձ է հղել Բակո Սահակյանին:
12:46
17 Հուլիսի 2017
ՀՀ նախագահը խոսել է այն մասին, թե արդյոք 2018 թ–ին հավակնելու՞ է վարչապետի պաշտոնին, թե ոչ
ՀՀ նախագահ Սերժ Սարգսյանը խոսել է այն մասին, թե արդյոք 2018 թ–ին հավակնելու՞ է վարչապետի պաշտոնին, թե ոչ։
01:30
17 Հուլիսի 2017
ՀՀ նախագահը հրապարակեց Ալիևի հետ հանդիպման ամսաթիվն ու խոսեց սպասումների մասին
ՀՀ նախագահ հրապարակեց Ալիևի հետ հանդիպման ամսաթիվն ու խոսեց սպասումների մասին:
09:00
16 Հուլիսի 2017
Հայտնի գրող և լրագրող Սևան Նիշանյանը փախել է թուրքական բանտից
Հայտնի գրող, լրագրող, լեզվաբան և հրապարակախոս Սևան Նիշանյանը, ով Թուրքիայում դատապարտվել էր 17 տարվա ազատազրկման, փախել է բանտից և լքել երկիրը:
12:43
12 Հուլիսի 2017
Հայտնի շոումենի եղբայրը նշանակվել է Կանադայում ՀՀ դեսպան
Հայաստանի նախագահը հրամանագիր է ստորագրել Կանադայում գործող դեսպան Արմեն Եգանյանին պաշտոնից ազատելու մասին։
12:30
12 Հուլիսի 2017
ՀՀ նախկին արտգործնախարարը` Դանիայում երկրի դեսպան
Հայաստանի նախագահը հրամանագիր է ստորագրել Հայաստանում Դանիայի գործող դեսպանին պաշտոնից ազատելու մասին։
11:14
11 Հուլիսի 2017
Հաստատվել է Վրաստանում Հայաստանի դեսպանի թեկնածությունը
Վրաստանում Հայաստանի դեսպանությունը նոր ղեկավար ունի։
18:23
10 Հուլիսի 2017
Ռուսաստանն Ադրբեջանին «Սոլնցեպյոկ» ՏՕՍ-1Ա հրթիռներ է մատակարարել
Հուլիսի 10-ին Ադրբեջանի ՊՆ-ն հրապարակել է տեսանյութ:
17:24
06 Հուլիսի 2017
ՌԴ քաղաքացիները կարող են Բաքվի կամայականությունների զոհ դառնալ հայկական արմատների պատճառով. ՌԴ ԱԳՆ
Ադրբեջան ՌԴ քաղաքացիների մուտքի արգելքի վերաբերյալ ՌԴ ԱԳՆ-ն հայտարարություն է տարածել:
13:04
06 Հուլիսի 2017
Ադրբեջանում արգելափակել են Հայաստանի հանրային ռադիոյի կայքը
Ադրբեջանն արգելափակել է Հայաստանի հանրային ռադիոյի կայքի հասանելիությունը։
14:39
05 Հուլիսի 2017
Մոսկվան պահանջում է Բաքվից դադարեցնել հայկական ազգանուններով ՌԴ քացաքացիների խտրականությունը
Ռուսաստանը պահանջում է Ադրբեջանից դադարեցնել երկիր ժամանող հայկական ազգանուններով ՌԴ քաղաքացիների խտրականությունը: