478.42
-0.15
561.67
-0.12
8.1
+0.05
+23
Եղանակը Երևանում
Հայ
Հայաստանն ու Իրանը պետք է ամրապնդեն երկկողմ և տարածաշրջանային կապերը տարածաշրջանում անվտանգություն և կայունություն ապահովելու համար. Իրանի նախագահ
10:25
15 Ապրիլի 2009

Իրանի նախագահ Մահմուդ Ահմադինեժադը երեքշաբթի հայտարարել է, որ Հայաստանն ու Իրանը պետք է ամրապնդեն երկկողմ և տարածաշրջանային կապերը ողջ տարածաշրջանում անվտանգություն և կայունություն ապահովելու համար, հաղորդում է IRNA իրանական լրատվական գործակալությունը։

Այս մասին Ահմադինեժադը հայտարարել է Թեհրանում ՀՀ նախագահ Սերժ Սարգսյանի հետ տեղի ունեցած համատեղ մամուլի ասուլիսի ժամանակ։

«Մշակութային ընդհանրություններ ունեցող երկրների միջև փոխգործակցությունը խաղաղության, զարգացման և անվտանգության կհանգեցնի ողջ տարածաշրջանում», - ասել է Իրանի նախագահը։

Նա նաև նշել է, որ տարածաշրջանի երկրները պետք է ամրապնդեն փոխադարձ կապերը սեփական բարեկեցությունն ու զարգացումն ապահովելու համար։

«Իրանի և Հայաստանի միջև գոյություն ունեցող կապերն ունեն խորը արմատներ, դրանք բարեկամական են և շարունակում են զարգանալ», - ընդգծել է Ահմադինեժադը։

Նա ասել է, որ երկու ժողովուրդները պատմության ընթացքում միշտ վստահել են միմյանց և ունեցել են բարեկամական հարաբերություններ։

Շնորհակալություն հայտնելով իր հայ գործընկերոջը Իրան այցելելու համար՝ Ահմադինեժադը կողմերի միջև ընթացող բանակցություններն ու համաձայնությունները որակել է որպես լավ և կառուցողական։

«Մենք պետք է ամրապնդենք մեր համագործակցությունը տարածաշրջանային և միջազգային մակարդակի վրա», - հայտարարել է Ահմադինեժադը՝ ավելացնելով, որ հայ-իրանական հարաբերությունների հեռանկարները խոստումնալից են։

Խոսելով Իրանում հայկական համայնքի կարգավիճակի մասին՝ Իրանի նախագահը նշել է, որ «նրանք կիսում են մշակույթը, քաղաքակրթությունն ու շահերը իրենց մուսուլման հայրենակիցների հետ»։

«Իրանի հայկական համայնքը, ինչպես այլ իրանցիներ, պաշտպանում է երկրի անկախությունը, մշակույթը, քաղաքակրթությունն ու տարածքային ամբողջականությունը», - ասել է նա։

ՀՀ նախագահ Սերժ Սարգսյանն իր հերթին ասել է, որ իր այցը Իրան կօգնի երկու երկրների միջև կապերի ամրապնդմանը։

«Համագործակցության և փոխըմռնման մասին ութ հուշագրերի ստորագրումը Իրան կատարած իմ այցի արդյունքների վառ ապացույցն է», - ասել է Սարգսյանը։

Նա նշել է, որ երկու երկրներն էլ ի վիճակի են ամրապնդել և ընդլայնել տարածաշրջանային համագործակցությունը երկկողմ կապերի ամրապնդման և համախմբման համար։

Հայտարարելով, որ հայ-իրանական հարաբերությունների ապագան խոստումնալից է՝ ՀՀ նախագահը շնորհակալություն է հայտնել Իրանի ղեկավարությանը հայկական համայնքի և նրա մշակութային ժառանգության նկատմամբ ցուցաբերած առանձնահատուկ ուշադրության համար։-0-

Loading...
Թեմատիկ նյութեր
Բաժնի այլ նյութեր
11:27
21 Օգոստոսի 2017
ՀՀ ԱԳՆ–ն մեկնաբանել է ԵՏՄ մաքսային գոտուն միանալու Թուրքիայի մտադրությունը
ՀՀ փոխարտգործնախարար Շավարշ Քոչարյանը ԱԳՆ–ի Twitter–յան էջում մեկնաբանել է ԵՏՄ մաքսային գոտի մուտք գործելու Թուրքիայի ցանկությունը։
21:01
16 Օգոստոսի 2017
Միջնորդները Հայաստանի և Ադրբեջանի առաջնորդների հանդիպման հույս ունեն
ԵԱՀԿ Մինսկի խմբի համանախագահներն աշխատում են Հայաստանի և Ադրբեջանի ԱԳՆ ղեկավարների հանդիպման կազմակերպման ուղղությամբ:
20:55
09 Օգոստոսի 2017
Նալբանդյանը հնչեցրել է Հայաստանի և Ադրբեջանի ԱԳՆ ղեկավարների ծրագրվող հանդիպման վայրը
Հայաստանի արտաքին գործերի նախարար Էդվարդ Նալբանդյանը լրագրողներին հայտնել է Հայաստանի և Ադրբեջանի ԱԳՆ ղեկավարների կայանալիք հանդիպման մասին։

15:41
27 Հուլիսի 2017
Հայաստանի և Ադրբեջանի ԱԳ նախարարներն աշխատում են նախագահների հանդիպման ուղղությամբ
Հայաստանի և Ադրբեջանի ԱԳ նախարարներն աշխատում են երկու երկրների նախագահեր Սերժ Սարգսյանի և Իլհամ Ալիևի հանդիպման ուղղությամբ:
12:37
20 Հուլիսի 2017
Բլոգեր Լապշինը դատապարտվեց 3 տարվա ազատազրկման Արցախ այցելելու համար
Բաքվի դատարանը 3 տարվա ազատազրկման դատապարտեց բլոգեր, Ռուսաստանի և Իսրայելի քաղաքացի Ալեքսանդր Լապշինին։
20:14
19 Հուլիսի 2017
Սերժ Սարգսյանը շնորհավորել է արցախցի գործընկերոջը` նախագահի պաշտոնում ընտրվելու կապակցությամբ
Հայաստանի նախագահ Սերժ Սարգսյանն այսօր շնորհավորական ուղերձ է հղել Բակո Սահակյանին:
12:46
17 Հուլիսի 2017
ՀՀ նախագահը խոսել է այն մասին, թե արդյոք 2018 թ–ին հավակնելու՞ է վարչապետի պաշտոնին, թե ոչ
ՀՀ նախագահ Սերժ Սարգսյանը խոսել է այն մասին, թե արդյոք 2018 թ–ին հավակնելու՞ է վարչապետի պաշտոնին, թե ոչ։
01:30
17 Հուլիսի 2017
ՀՀ նախագահը հրապարակեց Ալիևի հետ հանդիպման ամսաթիվն ու խոսեց սպասումների մասին
ՀՀ նախագահ հրապարակեց Ալիևի հետ հանդիպման ամսաթիվն ու խոսեց սպասումների մասին:
09:00
16 Հուլիսի 2017
Հայտնի գրող և լրագրող Սևան Նիշանյանը փախել է թուրքական բանտից
Հայտնի գրող, լրագրող, լեզվաբան և հրապարակախոս Սևան Նիշանյանը, ով Թուրքիայում դատապարտվել էր 17 տարվա ազատազրկման, փախել է բանտից և լքել երկիրը:
12:43
12 Հուլիսի 2017
Հայտնի շոումենի եղբայրը նշանակվել է Կանադայում ՀՀ դեսպան
Հայաստանի նախագահը հրամանագիր է ստորագրել Կանադայում գործող դեսպան Արմեն Եգանյանին պաշտոնից ազատելու մասին։
12:30
12 Հուլիսի 2017
ՀՀ նախկին արտգործնախարարը` Դանիայում երկրի դեսպան
Հայաստանի նախագահը հրամանագիր է ստորագրել Հայաստանում Դանիայի գործող դեսպանին պաշտոնից ազատելու մասին։
11:14
11 Հուլիսի 2017
Հաստատվել է Վրաստանում Հայաստանի դեսպանի թեկնածությունը
Վրաստանում Հայաստանի դեսպանությունը նոր ղեկավար ունի։