486.95
+0.14
513.34
-3.7
8.4
-0.03
-9
Եղանակը Երևանում
Հայ
Երևանում բացվել է «Առողջապահություն ու դեղագործություն EXPO 2009» ութերորդ միջազգային ցուցահանդեսը
16:46
10 Ապրիլի 2009

Ուրբաթ Երևանում բացվել է «Առողջապահություն ու դեղագործություն EXPO 2009» ութերորդ միջազգային մասնագիտացված ցուցահանդեսը։   

Ցուցահանդեսը կազմակերպվել է «LOGOS EXPO CENTER» ցուցահանդեսային ընկերության կողմից՝ ՀՀ Առողջապահության նախարարության պաշտոնական աջակցությամբ։ 

Ցուցահանդեսի նպատակը բժշկական ապրանքներն ու ծառայությունները ներկայացնելն է, ինչպես նաև նոր գործնական կապերի հաստատումը։

«Ցուցահանդեսին մասնակցում են ավելի քան 50 տեղական ու միջազգային կազմակերպություններ, և սա հերթական անգամ ցույց է տալիս հետաքրքրությունը Հայաստանի առողջապահական համակարգի հանդեպ, ինչի մասին վկայում է վերջին տարիներին արված ներդրումների մակարդակը»,- ասաց առողջապահության փոխնախարար Թաթուլ Հակոբյանը ցուցահանդեսի բացման ժամանակ՝ հնչեցնելով առողջապահության նախարար Հարություն Քուշկյանի ուղերձը։  

Հակոբյանն ավելացրեց, որ վերջին տարիներին հայկական բժշկական հաստատությունների տեխնիկական սպառազինման մակարդակը նկատելիորեն բարձրացվել է, ոլորտում ներդրվել են նոր մեթոդներ ու տեխնոլոգիաներ։  

Նրա խոսքերով՝ միջազգային համագործակցության շրջանակներում բարձրացվել է բժիշկների պրոֆեսիոնալիզմի մակարդակը։

Սակայն, Հակոբյանի խոսքերով, Հայաստանում առողջապահության ոլորտում դեռ մնում են մի շարք խնդիրներ, որոնց լուծման համար Առողջապահության նախարարությունը պետք է մոբիլիզացնի ու միավորի միջազգային կազմակերպությունների, բժշկական ու դեղագործական ընկերությունների, ինչպես նաև անհատների ջանքերը, և այս ցուցահանդեսը մեծապես նպաստում է դրան։

Ցուցահանդեսը նախատեսված է բժշկական հաստատությունների ղեկավարների, գիտական աշխատակիցների, գործող բժիշկների, ինչպես նաև բժշկական ապրանքների ու ծառայությունների շուկայում աշխատող ներդրողների, ձեռներեցների ու մասնագետների համար։

LOGOS EXPO Center-ը Հայաստանում ցուցահանդեսներ կազմակերպող առաջին ընկերությունն է, որը ստեղծվել է 1999 թվականին։ Այն առաջնային է ինչպես Հայաստանում, այնպես էլ արտասահմանում տարբեր ոլորտների, արտադրական, ազգային և միջազգային ցուցահանդեսներ և համաժողովներ կազմակերպելու գործում։ Ամեն տարի LOGOS EXPO Center-ն անցկացնում է 10-12 մասնագիտացված ցուցահանդեսներ, որոնք արտացոլում են տնտեսության դինամիկ զարգացումը։-0-

Loading...
Թեմատիկ նյութեր
Բաժնի այլ նյութեր
16:17
21 Փետրվարի 2017
ՀՀ վարչապետը պաշտոնական այցով կմեկնի Վրաստան
Հայաստանի վարչապետ Կարեն Կարապետյանը փետրվարի 23–ին երկօրյա պաշտոնական այցով կմեկնի Վրաստան։
13:25
21 Փետրվարի 2017
Ալիևն իր կնոջը հանրապետության առաջին փոխնախագահ է նշանակել
Ադրբեջանի նախագահ Իլհամ Ալիևը երկրի առաջին տիկին Մեհրիբան Ալիևային նշանակել է հանրապետության առաջին փոխնախագահ:
21:36
20 Փետրվարի 2017
Մահացել է ՄԱԿ–ում ՌԴ մշտական ներկայացուցիչ Վիտալի Չուրկինը
ՄԱԿ–ում ՌԴ մշտական ներկայացուցիչ Վիտալի Չուրկինը մահացել է Նյու Յորքում իր 65–ամյակից մեկ օր առաջ:
11:09
20 Փետրվարի 2017
Զարուհի Փոստանջյան. դադարեցնում եմ իմ անդամակցությունը «Ժառանգություն» կուսակցությանը
«Ժառանգություն» խմբակցության ղեկավար Զարուհի Փոստանջյանը հայտարարել է, որ դադարեցնում է իր անդամակցությունը կուսակցությանը։
18:20
17 Փետրվարի 2017
Օսկանյան. Հայաստանը արտաքին քաղաքականության հետընթաց է ապրում
Հայաստանը հետընթաց է ապրում արտաքին քաղաքականությունում, մասնավորապես, ղարաբաղյան հակամարտության բանակցային գործընթացում, հայտարարել է Վարդան Օսկանյանը։
14:51
15 Փետրվարի 2017
Էդվարդ Նալբանդյանը կայցելի Ռուսաստան` Լավրովի հետ բանակցելու
ՀՀ ԱԳ նախարար Էդվարդ Նալբանդյանը փետրվարի 21-22-ը կայցելի Ռուսաստան` ՌԴ արտգործնախարար Սերգեյ Լավրովի հետ բանակցություններ վարելու նպատակով:
12:02
15 Փետրվարի 2017
ՀՀ ԱԳ նախարարը կմասնակցի Մյունխենի անվտանգության համաժողովին
ՀՀ ԱԳ նախարար Էդվարդ Նալբանդյանը կմասնակցի Մյունխենի անվտանգության համաժողովին։
21:00
14 Փետրվարի 2017
Շարմազանով. վարչապետը չի ներառվել ՀՀԿ–ի համամասնական ցուցակում, սակայն կզբաղվի քարոզչությամբ
ՀՀ վարչապետ Կարեն Կարապետյանը չի ներառվել ՀՀԿ–ի համամասնական ցուցակում, սակայն կզբաղվի նախընտրական քարոզչությամբ։
19:41
14 Փետրվարի 2017
ՀՀԿ–ն հրապարակեց համամասնական ցուցակի առաջին հնգյակը
Հայտնի է, թե ով կգլխավորի ՀՀԿ–ի ընտրական ցուցակը։
10:15
13 Փետրվարի 2017
Հայաստանում նոր նախընտրական դաշինք է ձևավորվելու
Հայաստանում նոր նախընտրական դաշինք է ձևավորվել ապրիլի 2–ին նախատեսված խորհրդարանական ընտրությունների նախաշեմին։
21:05
12 Փետրվարի 2017
Հայաստանի ԱԳ նախարարը շնորհավորել է Շթայնմայերին
Հայաստանի արտաքին գործերի նախարար Էդվարդ Նալբանդյանը սրտանց շնորհավորել է Ֆրանկ Վալտեր Շթայնմայերին Գերմանիայի նախագահի պաշտոնում ընտրվելու կապակցությամբ:
20:58
12 Փետրվարի 2017
Ընտրվել է Գերմանիայի 12-րդ նախագահը
Գերմանիայի արտաքին գործերի նախկին նախարար Ֆրանկ Վալտեր Շթայնմայերը դարձել է երկրի 12-րդ նախագահը: