483.01
-0.2
590.82
-1.55
8.56
-0.01
-4
Եղանակը Երևանում
Հայ
Սերժ Սարգսյանի նախագահության տարին Հայաստանի համար տնտեսական, ներքաղաքական ու արտաքին ռիսկեր երևան հանեց
19:14
08 Ապրիլի 2009

ՀՀ նախագահ Սերժ Սարգսյանի նախագահության տարին երկրի ներքաղաքական ու արտաքին քաղաքական դաշտում երևան հանեց տնտեսական ռիսկեր, ինչպես նաև մարտահրավերներ և բարդություններ, ասաց Կովկասի ինստիտուտի տնօրեն, քաղաքագետ Ալեքսանդր Իսկանդարյանը։  

Սերժ Սարգսյանը ՀՀ նախագահի պաշտոնը զբաղեցրեց 2008 թ.-ի ապրիլի 9-ին ԱԺ հատուկ նիստի շրջանակներում կայացած երդմնակալության արարողությունից հետո։

«Ես չէի ասի, որ որևէ աղետալի բան է պատահել։ Քաղաքական համակարգը դիմանում է, ինչ-որ կերպ գոյատևում է տնտեսական համակարգը, արտաքին քաղաքականությունը ինչ-որ կերպ զարգանում է, բայց ամենուրեք կան կորուստներ, կան ռիսկեր»,- չորեքշաբթի Իսկանդարյանն ասաց «Նովոստի» միջազգային մամուլի կենետրոնում։

Խոսելով ներքին քաղաքականության մասին՝ նա ասաց, որ իշխանությունը «տարի է մտել» լրջորեն թուլացած լիգիտիմությամբ։

«Տխրահռչակ հետընտրական իրադարձություններից հետո հասարակությունը հայտնվեց լրջորեն պառակտված վիճակում, որը ներկայում մի քիչ մեղմացել է, բայց չի կարելի ասել, որ վերացել է»,- ասաց նա։ 

Փետրվարի 20-ից Երևանի կենտրոնում, ՀՀ նախկին նախագահ Լևոն Տեր-Պետրոսյանի գլխավորությամբ, ընդդիմությունն անցկացնում էր հանրահավաքներ՝ բողոքելով փետրվարի 19-ի նախագահական ընտրությունների արդյունքների դեմ, որոնցում հաղթանակ էր տարել վարչապետ Սերժ Սարգսյանը։ Մարտի 1-2-ի բողոքի ցույցերը վերածվել են անկարգությունների և ցուցարարների ու իրավապահ մարմինների միջև բախումների, որոնց հետևանքով զոհվել է տասը քաղաքացի և վիրավորվել 265-ը։

Այս առնչությամբ Իսկանդարյանը նշեց, որ հասարակության ու իշխանության միջև անհամաչափության խնդիրը մնում է, քանի որ խորհրդարանում քաղաքական ուժերը ներկայացված են ոչ այն հարաբերությամբ, որով դրանք առկա են հասարակությունում։

Խոսելով տնտեսական բաղկացուցչի մասին՝ Կովկասի ինստիտուտի տնօրենը նշեց, որ եթե համաշխարհային ֆինանսատնտեսական ճգնաժամը երկար շարունակվի, ապա կանդրադառնա Հայաստանի քաղաքական ոլորտի վրա։

Միևնույն ժամանակ, Իսկանդարյանի խոսքերով, հանրապետության ներքին դաշտում տեղի է ունենում պայքար, և մայրաքաղաքային քաղաքապետի առաջիկա ընտրությունների լույսի տակ ընդդիմադիր ուժերը կարող են տնտեսական խնդիրներն օգտագործել իրենց հռետորության մեջ։

Կենտրոնական ընտրական հանձնաժողովի տվյալներով, Երևանի Ավագանու խորհրդի ընտրություններին կմասնակցեն «Բարգավաճ Հայաստան» կուսակցությունը, ՀՀԿ-ն, «Օրինաց Երկիր» կուսակցությունը, ՀՅԴ-ն, Ժողովրդական կուսակցությունը, ՀՀ Աշխատավորական սոցիալիստական կուսակցությունը և ՀԱԿ նախընտրական դաշինքը։  Ավագանու ընտրություններից հետո կորոշվի, թե ով է զբաղեցնելու Երևանի քաղաքապետի պաշտոնը:

Արտաքին քաղաքականության համատեքստում քաղաքագետն առանձնացրեց Թուրքիայի հետ փոխհարաբերությունների անավարտ սյուժեն։

«Չի բացառվում, որ ինչ-որ բան կարող է արագ տեղի ունենալ, սակայն իրադարձությունները կարող են նաև ձգձգվել, և դա կարող է օգտագործվել քաղաքականության մեջ և ազդել տնտեսության վրա»,- ընդգծեց նա։

Հայաստանի և Թուրքիայի միջև բացակայում են դիվանագիտական հարաբերությունները, իսկ հայ-թուրքական սահմանը փակ է 1993 թ.-ից, պաշտոնական Անկարայի նախաձեռնությամբ։

Թուրքիան մի շարք նախապայմաններ է առաջ քաշում երկկողմ հարաբերությունների կարգավորման համար, մասնավորապես, Թուրքիան պահանջում է Հայաստանից հրաժարվել Հայոց ցեղասպանության միջազգային ճանաչման գործընթացից։ Բացի այդ, Թուրքիան ադրբեջանամետ դիրք է զբաղեցնում ղարաբաղյան հակամարտության կարգավորման հարցում։

Ընդ որում Իսկանդարյանը կարծում է, որ Թուրքիայի հետ փոխհարաբերությունների համատեքստում տեղի ունեցող իրադարձությունները, այսինքն՝ ամերիկաթուրքական ու եվրաթուրքական փոխհարաբերությունները, նոր քաղաքականությունը և այն, թե ինչպես է Թուրքիան իրեն փորձում պահել Հարավային Կովկասում, այդ ամենը բավականին լուրջ մարտահրավեր է Հայաստանի և նրա կառավարության համար։

«Այս հարցում արդեն որոշակի հաջողություններ կան, ընդ որում անկախ այն բանից, թե ինչ տեղի կունենա վաղը, այնուամենայնիվ, սա անավարտ գործընթաց է, և այն կարող է գնալ ինչպես դեպի լավը, այնպես էլ դեպի վատը»,- ամփոփեց Իսկանդարյանը։ -0-

Loading...
Թեմատիկ նյութեր
Բաժնի այլ նյութեր
12:33
16 Հունվարի 2018
Հայտնի է Հայաստանի և Ադրբեջանի ԱԳ նախարարների հանդիպման տեղն ու օրը
Հայաստանի արտաքին գործերի նախարարությունը տեղեկություն է տրամադրել Հայաստանի և Ադրբեջանի ԱԳ նախարարների հանդիպման վերաբերյալ։
10:22
16 Հունվարի 2018
Հայտնի է դարձել Հայաստանի նախագահի պաշտոնի անսպասելի թեկնածությունը
ՀՀԿ վերնախավի ներկայացուցիչները պնդում են, թե Հայաստանի նախագահի պաշտոնի առավել հավանական թեկնածությունն անակնկալ կդառնա հասարակայնության համար:
16:04
15 Հունվարի 2018
Տեղափոխություններ ԵԽԽՎ հայկական պատվիրակությունում. Հերմինե Նաղդալյանը փոխարինվել է
Հայաստանի Ազգային ժողովի խորհուրդը հաստատել է ԵԽԽՎ–ի հայկական պատվիրակության կազմում ՀՀԿ խմբակցության պատգամավոր Հերմինե Նաղդալյանի փոխարինումը։
16:00
15 Հունվարի 2018
ՀՀԿ–ն հայտնել է ՀՀ նախագահի ընտրությունների հավանական ամսաթիվը
Խմբակցությունը դեռ չի կողմնորոշվել նախագահի պաշտոնում հնարավոր թեկնածուի հարցում
20:11
12 Հունվարի 2018
Հայաստանը թևակոխում է լուրջ քաղաքական շրջափուլ. ՀՀ նախագահ
Հայաստանի Հանրապետությունը թևակոխում է լուրջ քաղաքական շրջափուլ, ասել է ՀՀ նախագահը։
15:32
12 Հունվարի 2018
Հայաստանը վերջին տարիների ընթացքում առաջին անգամ կմասնակցի Դավոսի Համաշխարհային տնտեսական ֆորումին
Վարչապետ Կարեն Կարապետյանը կմասնակցի Դավոսում հունվարի 23-ից 26-ը կայանալիք Համաշխարհային տնտեսական ֆորումին:
11:55
12 Հունվարի 2018
ՍԴ նախագահի Գագիկ Հարությունյանի համար նոր պաշտոն են պատրաստում
Այս տարվա մարտի 23-ին լրանում է Գագիկ Հարությունյանի 70-ամյակը, հետևաբար՝ նաև պաշտոնավարման ժամկետը:
11:25
12 Հունվարի 2018
Գեներալական «սխոդկա». զինվորական բարձրագույն շրջանակը ՀՀ պաշտպանության նախարարի իր թեկնածուն ունի
Հայաստանի հանրապետական կուսակցութունը քննարկում է ՀՀ պաշտպանության նախարար Վիգեն Սարգսյանի պաշտոնանկության հարցը:
16:21
11 Հունվարի 2018
ԱՄՆ-ի պետդեպը Հայաստանը ճանաչել է ուղևորությունների համար ամենաանվտանգ երկրներից մեկը
Բացի Հայաստանից, նույն խմբում է ներառվել նաև Վրաստանը: Իսկ Ադրբեջանը ներառվել է երկրորդ խմբում:
13:43
11 Հունվարի 2018
ԶԼՄ-ները հրապարակել են ՀՀ պաշտպանության նախարարի թեկնածուի անունը
Հրապարակվել է ՀՀ պաշտպանության նախարարի հավանական թեկնածուի անունը:
10:41
09 Հունվարի 2018
Հայտնի է ՍԴ նախագահ Գագիկ Հարությունյանի նոր պաշտոնն ապրիլից հետո
Հայտնի է դարձել, թե ՍԴ նախագահ Գագիկ Հարությունյանն ինչ նոր պաշտոն է զբաղեցնելու:
17:14
28 Դեկտեմբերի 2017
ԵՄ–ի հետ գործընկերության համաձայնագիրն ուղղվել է վավերացման
Հայաստանի կառավարությունը հինգշաբթի հավանություն է տվել 2017 թվականի նոյեմբերի 24–ին ստորագրված ԵՄ–ի հետ համապարփակ և ընդլայնված համաձայնագրին։