478.3
+0.07
574.1
-0.3
8.31
+0.05
+22
Եղանակը Երևանում
Հայ
Հայաստանում նշվում է Մայրության և գեղեցկության օրը
12:17
07 Ապրիլի 2009

Հայաստանում ապրիլի 7-ին նշվում է Մայրության և գեղեցկության օրը: Այս տոնը եզրափակում է, այսպես կոչված, Կանանց միամսյակը, որը Հայաստանում նշվում է մարտի 8-ից ապրիլի 7-ն ընկած ժամանակահատվածում:

Ապրիլի 7-ին Հայաստանյայց Առաքելական Սուրբ Եկեղեցին նշում է իր ամենակարևոր տոներից մեկը՝ Սբ. Աստվածածնի ավետումը: Գաբրիել հրեշտակի կողմից Սբ. Մարիամին Փրկչի ծննդյան ավետման մասին պատմվում է միայն Ղուկասի Ավետարանում (Ղուկ. 1:26-38):

Ըստ ավանդության՝ Գաբրիել հրեշտակապետը Սուրբ Մարիամին հայտնվում է այն ժամանակ, երբ նա կարդում էր Եսայու մարգարեության մի հատված, ուր խոսվում է Կույսից Փրկչի ծննդյան մասին, և մտածում էր, թե ո՞վ է, արդյոք, լինելու այդ երանելի Կույսը: Հրեշտակը ողջունում է Սբ. Մարիամին և հայտնում. «Սուրբ Հոգին կգա քո վրա, և Բարձրյալի զորությունը հովանի կլինի քեզ, որովհետև նա, որ քեզանից է ծնվելու, սուրբ է և Աստծու որդի կկոչվի»:

Ամենայն Հայոց Կաթողիկոս Ն.Ս.Օ.Տ.Տ. Գարեգին Բ կաթողիկոսի բարձր տնօրինությամբ Ավետման տոնը հռչակվել է մայրության օրհնության օր: Հայաստանյայց Առաքելական բոլոր եկեղեցիներում այդ օրն օրհնության կարգ է կատարվում:

1995 թ.-ից ապրիլի 7-ը Հայաստանում նշվում է որպես Մայրության և գեղեցկության օր: Հայաստանում ավանդույթ է ձևավորվել տոնել երկու կանացի տոն՝ մարտի 8-ն ու ապրիլի 7-ը, իսկ այս ամսաթվերի միջև ընկած ժամանակահատվածն ընդունված է կանանց միամսյակ անվանել։

Մի ամբողջ ամիս հայ կանայք ստանում են շնորհավորանքներ, ծաղիկներ, նվերներ։ Տոնական տրամադրության վրա չեն ազդում ոչ գլոբալ ֆինանսատնտեսական ճգնաժամը, ոչ քաղաքական ասպարեզում ստեղծված լարված իրավիճակը։

Տոնը զարդարելու համար «Բրաբիոն Ֆլորա Սերվիս» ծաղկի սրահը երկու յուրօրինակ ակցիա է անցկացնում։

100-ից բարձր տարիք ունեցող կանայք, ովքեր ապրիլի 7-ին մտերիմների ուղեկցությամբ կգան «Բրաբիոն Ֆլորա Սերվիս» ընկերության ծաղկի սրահներ, հնարավորություն կստանան որպես նվեր ընտրել ծաղկային կոմպոզիցիա։

Ինչպես «Նովոստի-Արմենիա» գործակալությանը տեղեկացրել է «Բրաբիոն» ընկերության PR-մենեջեր Ծովինար Սարգսյանը, այն կանանց համար, ովքեր չեն կարող իրենք գալ, ընկերության առաքման ծառայությունը ծաղիկները տուն կտանի։

Երկրորդ ակցիան, անկեղծ ասած, ակամա զարմացնում և շփոթեցնում է։ Կազմակերպիչների պայմանների համաձայն՝ տղամարդիկ պետք է այդ օրը սրահ գան կանացի հանդերձանքով, բարձրակրունկ կոշիկներով և կեղծամով։

Ինչպես նշել է Սարգսյանը՝ նման տեսքով գալով սրահ՝ սիրահարված տղամարդը կապացուցի իր սերը սրտի տիրուհու նկատմամբ և հնարավորություն կստանա ծաղկային կոմպոզիցիա ընտրել իր սիրելիի համար։

Մնում է միայն գուշակել, թե Հայաստանում քանի տղամարդ է պատրաստ նման հերոսության՝ հանուն սիրելի կնոջ։ Կանայք իրենց ընտրյալներից միշտ առանձնահատուկ արարքներ են ակնկալում և, իհարկե, ծաղիկներ, նվերներ և ուշադրության այլ նշաններ։ Չէ՞ որ կանացի երջանկությունն ուժեղ տղամարդն է, որին կարող են ապավինել:

Ցավոք, վիճակագրության չոր թվերն ապացուցում են՝ միշտ չէ, որ այդպես է։ 2008 թ.-ի պաշտոնական տվյալների համաձայն՝ Հայաստանում ամուսնալուծվում է յուրաքանչյուր վեցերորդ զույգը։

Նման վիճակագրությունը որոշակիորեն շփոթեցնում է, եթե հաշվի առնենք այն, որ դարեր շարունակ հայ ժողովրդի համար ընտանիքը գլխավոր արժեքն է եղել, իսկ երեխաները՝ ամենամեծ հարստությունը։

Կանանց իրավունքների հայկական կենտրոնի համաձայն՝ հայուհիների 66 տոկոսը ընտանիքում ենթարկվել է հոգեբանական, ֆիզիկական կամ սեքսուալ բռնության, ընդ որում 39 տոկոսը ենթարկվել են ֆիզիկական բռնության, ընդ որում՝ ֆիզիկական բռնության դեպքերի 12 տոկոսը չափազանց ծանր է եղել։

Կանանց մասին անհրաժեշտ է հոգ տանել ոչ միայն տարին մեկ անգամ, այլ կլոր տարի։ Առավել ևս, որ հայ կանայք բոլոր ժամանակներում եղել են և ընտանեկան օջախի պահապանները, և իրենց ամուսինների հավատարիմ ընկերը։ Ի վերջո, արդարացի է դասականը, ով պնդում է, որ յուրաքանչյուր հասարակության զարգացվածության և քաղաքակրթվածության ցուցանիշը դրա անդամների վերաբերմունքն է կանանց նկատմամբ։-0-

Loading...
Թեմատիկ նյութեր
Բաժնի այլ նյութեր
15:38
20 Սեպտեմբերի 2017
Ղարաբաղյան հակամարտությունը կարող է կարգավորվել բացառապես խաղաղ ճանապարհով. Լեհաստանի նախագահ
Ղարաբաղյան հակամարտությունը կարող է կարգավորվել բացառապես խաղաղ ճանապարհով:
12:02
20 Սեպտեմբերի 2017
ՀՀ նախագահ. Հայաստանը հայ–թուրքական արձանագրությունները հայտարարելու է առ ոչինչ
Հայ–թուրքական արձանագրությունների կենսագործման ուղղությամբ որևէ դրական տեղաշարժի բացակայության պայմաններում Հայաստանը այդ արձանագրությունները հայտարարելու է առ ոչինչ, հայտարարել է ՀՀ նախագահ Սերժ Սարգսյանը:
21:05
19 Սեպտեմբերի 2017
Շավարշ Քոչարյանը` ղարաբաղյան հակամարտության մասին. ոչ մեկը ոչ մեկին ոչ մի տարածք չի տալիս
Շավարշ Քոչարյանը տարակուսանք է հայտնել այն իրարանցման կապակցությամբ, որն առաջացրել է ղարաբաղյան հարցի վերաբերյալ ՀՀ ԱԳ նախարարի արված հայտարարությունը։
16:03
19 Սեպտեմբերի 2017
ՀՀԿ–ն դեռ վերջնական որոշում չի ընդունել վարչապետի թեկնածության հարցում
ՀՀԿ–ն դեռ պաշտոնական որոշում չի ընդունել, թե ով է զբաղեցնելու վարչապետի պաշտոնը 2018 թվականի ընտրություններից հետո։
14:25
19 Սեպտեմբերի 2017
Գարո Փայլան. միայն ժողովրդական Թուրքիան կարող է ճանաչել Հայոց ցեղասպանությունը
Միայն ժողովրդական Թուրքիան կարող է ճանաչել Հայոց ցեխասպանությունը և բացել սահմանները:
12:51
19 Սեպտեմբերի 2017
Նալբանդյանը չի բացառում Արցախի անվտանգությանը չսպառնացող տարածքների վերադարձը
Հայաստանի արտաքին գործերի նախարար Էդվարդ Նալբանդյանը չի բացառում Արցախի անվտանգությանը չսպառնացող տարածքների վերադարձը։
19:25
18 Սեպտեմբերի 2017
Նալբանդյան. Հայաստանը մտադիր է դիվանագիտական հարաբերություններ հաստատել վեց երկրների հետ
Հայաստանը մտադիր է դիվանագիտական հարաբերությունների մասին համաձայնագրեր ստորագրել վեց երկրների հետ:
17:39
18 Սեպտեմբերի 2017
ՀՀ պաշտպանության նախարարը ներկայացրել է Ռուսաստանից սպառազինություն գնելու պայմանները
Ռուսաստանը Հայաստանին սպառազինություն է վաճառում ներքին գներով:
16:47
18 Սեպտեմբերի 2017
ԱԳ նախարար. հայկական կողմը ԵՄ-ի հետ շրջանակային համաձայնագրի ստորագրման խոչընդոտներ չի տեսնում
Հայկական կողմից Եվրամիության հետ շրջանակային համաձայնագիր ստորագրելու խոչընդոտներ չկան:
11:17
18 Սեպտեմբերի 2017
Ամենայն Հայոց Կաթողիկոս. Հայաստան-Սփյուռք համաժողովները կարևոր հարթակ են Հայաստանի, Արցախի և սփյուռքի միասնության զորացման համար
Երևանում մեկնարկել է Հայաստան–Սփյուռք «Փոխադարձ վստահություն, միասնականություն և պատասխանատվություն» վեցերորդ համաժողովը:
21:56
15 Սեպտեմբերի 2017
Լապշինը` հայերին. եթե կորցնեք Ղարաբաղը, ադրբեջանցիները գալու են ձեզ մորթելու
Հայտնի ռուս բլոգեր Ալեքսանդր Լապշինն ուղերձով դիմել է հայերին:
16:46
14 Սեպտեմբերի 2017
ՌԴ վարչապետ Դմիտրի Մեդվեդևը մոտ ապագայում կայցելի Երևան
ՀՀ վարչապետ Կարեն Կարապետյանն այսօր հեռախոսազրույց է ունեցել ՌԴ կառավարության ղեկավար Դմիտրի Մեդվեդևի հետ: