486.78
+0.12
515.5
+2.27
8.41
+0.01
-4
Եղանակը Երևանում
Հայ
Հովիկ Աբրահամյանը կարևորում է Հայաստանի և Եվրոպական միության համագործակցության խորհրդարանական չափումը
10:43
06 Ապրիլի 2009

Ապրիլի 2-ին և 3-ին Ազգային ժողովի նախագահ Հովիկ Աբրահամյանն աշխատանքային խորհրդակցություններ էր հրավիրել, որոնց ընթացքում քննարկվեցին ապրիլի 7-ից 8-ը Երևանում կայանալիք Հայաստան-Եվրոպական Միություն խորհրդարանական համագործակցության հանձնաժողովի 10-րդ նիստի նախապատրաստմանը վերաբերող հարցերը:

Այդ քննարկումներին մասնակցեցին հանձնաժողովի հայկական կողմից համանախագահ Ավետ Ադոնցը, հանձնաժողովի այլ անդամներ, ՀՀ արտաքին գործերի նախարարի տեղակալ Կարինե Ղազինյանը, ՀՀ ԱԺ աշխատակազմի և ՀՀ ԱԳՆ պատասխանատուները:

Բացելով նիստը` Ազգային ժողովի նախագահը կարևորեց Հայաստանի և Եվրամիության համագործակցության խորհրդարանական չափումը, որի նպատակն է խթանել մեր երկրի մերձեցումը եվրոպական արժեքներին: Հանձնաժողովի նիստի աշխատանքներն արդյունավետ կազմակերպելու նպատակով` Հովիկ Աբրահամյանը ներկաներին ուղղեց հստակ հանձնարարականներ:

Նիստի ընթացքում Ադոնցը խորհրդարանի նախագահին ներկայացրեց նիստի օրակարգը և քննարկման թեմաները:

ԱԺ նախագահը, հանձնաժողովի անդամներն ու փորձագետները մանրակրկիտ անդրադարձ կատարեցին նիստի ընթացքում քննարկվելիք բոլոր հարցերին` հատուկ ուշադրություն դարձնելով արցախյան հիմնախնդրին:

ԵՄ-Հայաստան խորհրդարանական համագործակցության հանձնաժողովի 10-րդ նիստին մասնակցելու նպատակով ապրիլի 6-ին Երևան կժամանի Եվրոպական խորհրդարանի անդամներից կազմված պատվիրակությունը` ԵՄ-Հայաստան խորհրդարանական համագործակցության հանձնաժողովի համանախագահ Մարի Անն Իզլեր Բեգենի գլխավորությամբ:

 

Ապրիլի 6-ին  պատվիրակությունը կհանդիպի ՀՀ-ում Եվրոպական հանձնաժողովի պատվիրակության ղեկավար Ռաուլ դը Լյուցենբերգերի և ԵՄ դեսպանների, ՀՀ ԱԺ պետական-իրավական հարցերի հանձնաժողովի նախագահ, ԵԽԽՎ-ում ԱԺ պատվիրակության ղեկավար Դավիթ Հարությունյանի, ՀՀ ոստիկանապետ Ալիկ Սարգսյանի, ՀՀ արդարադատության նախարար Գևորգ Դանիելյանի հետ, կայցելի «Կենտրոն» և «Վարդաշեն» քրեակատարողական հիմնարկներ:

Ապրիլի 7-ին  պատվիրակությունը հանդիպում կունենա հասարակական կազմակերպությունների և լրատվամիջոցների ներկայացուցիչների, Երևանում ԵԱՀԿ գրասենյակի ղեկավար Սերգեյ Կապինոսի հետ:-0-

Նույն օրը  տեղի կունենա ԵՄ-Հայաստան խորհրդարանական համագործակցության հանձնաժողովի 10-րդ նիստը, որի ժամանակ ողջույնի խոսքով հանդես կգա ՀՀ ԱԺ նախագահ Հովիկ Աբրահամյանը:

Ապրիլի 8-ին կշարունակվի ԵՄ-Հայաստան խորհրդարանական համագործակցության հանձնաժողովի 10-րդ նիստը:  ՀՀ ԱԺ նախագահ Հովիկ Աբրահամյանը հանդիպում կունենա հանձնաժողովի համանախագահներ Ավետ Ադոնցի եւ Մարի Անն Իզլեր Բեգենի հետ:

ԵՄ-Հայաստան խորհրդարանական համագործակցության հանձնաժողովի 10-րդ նիստի աշխատանքները  կամփոփվեն մամուլի ասուլիսով:

Պատվիրակությանը կընդունի ՀՀ Նախագահ Սերժ Սարգսյանը:

Ապրիլի 9-ին Եվրոպական խորհրդարանի պատվիրակության անդամները  Մեծ եղեռնի զոհերի  հուշահամալիրում ծաղկեպսակ կդնեն ցեղասպանության զոհերի հիշատակին, կայցելեն հայոց ցեղասպանության թանգարան:

 Նույն օրը Եվրոպական խորհրդարանի պատվիրակությունը կմեկնի  Երևանից:-0-

Loading...
Թեմատիկ նյութեր
Բաժնի այլ նյութեր
12:19
22 Փետրվարի 2017
Խաչատուր Սուքիասյան. աջակցում եմ ՀԱԿ–ին, բայց Ծառուկյանի կողքին եմ
Ես նախկինում էլ հայտարարել եմ, որ աջակցել եմ և աջակցելու եմ` հաշվի առնելով այն հանգամանքը, որ նրանց հետ ես քաղաքական դժվար ճանապարհ եմ անցել, նշել է Սուքիասյանը։
10:57
22 Փետրվարի 2017
ԲՀԿ–ում ցայտնոտ է. ԲՀԿ–ականները տարբեր «կանալներով» փորձում են ճշտել ցուցակում իրենց տեղը
Հաշված ԲՀԿ-ականներ են տեսել ցուցակները, հրապարակվել է միայն առաջին տասնյակը։
16:17
21 Փետրվարի 2017
ՀՀ վարչապետը պաշտոնական այցով կմեկնի Վրաստան
Հայաստանի վարչապետ Կարեն Կարապետյանը փետրվարի 23–ին երկօրյա պաշտոնական այցով կմեկնի Վրաստան։
13:25
21 Փետրվարի 2017
Ալիևն իր կնոջը հանրապետության առաջին փոխնախագահ է նշանակել
Ադրբեջանի նախագահ Իլհամ Ալիևը երկրի առաջին տիկին Մեհրիբան Ալիևային նշանակել է հանրապետության առաջին փոխնախագահ:
21:36
20 Փետրվարի 2017
Մահացել է ՄԱԿ–ում ՌԴ մշտական ներկայացուցիչ Վիտալի Չուրկինը
ՄԱԿ–ում ՌԴ մշտական ներկայացուցիչ Վիտալի Չուրկինը մահացել է Նյու Յորքում իր 65–ամյակից մեկ օր առաջ:
11:09
20 Փետրվարի 2017
Զարուհի Փոստանջյան. դադարեցնում եմ իմ անդամակցությունը «Ժառանգություն» կուսակցությանը
«Ժառանգություն» խմբակցության ղեկավար Զարուհի Փոստանջյանը հայտարարել է, որ դադարեցնում է իր անդամակցությունը կուսակցությանը։
18:20
17 Փետրվարի 2017
Օսկանյան. Հայաստանը արտաքին քաղաքականության հետընթաց է ապրում
Հայաստանը հետընթաց է ապրում արտաքին քաղաքականությունում, մասնավորապես, ղարաբաղյան հակամարտության բանակցային գործընթացում, հայտարարել է Վարդան Օսկանյանը։
14:51
15 Փետրվարի 2017
Էդվարդ Նալբանդյանը կայցելի Ռուսաստան` Լավրովի հետ բանակցելու
ՀՀ ԱԳ նախարար Էդվարդ Նալբանդյանը փետրվարի 21-22-ը կայցելի Ռուսաստան` ՌԴ արտգործնախարար Սերգեյ Լավրովի հետ բանակցություններ վարելու նպատակով:
12:02
15 Փետրվարի 2017
ՀՀ ԱԳ նախարարը կմասնակցի Մյունխենի անվտանգության համաժողովին
ՀՀ ԱԳ նախարար Էդվարդ Նալբանդյանը կմասնակցի Մյունխենի անվտանգության համաժողովին։
21:00
14 Փետրվարի 2017
Շարմազանով. վարչապետը չի ներառվել ՀՀԿ–ի համամասնական ցուցակում, սակայն կզբաղվի քարոզչությամբ
ՀՀ վարչապետ Կարեն Կարապետյանը չի ներառվել ՀՀԿ–ի համամասնական ցուցակում, սակայն կզբաղվի նախընտրական քարոզչությամբ։
19:41
14 Փետրվարի 2017
ՀՀԿ–ն հրապարակեց համամասնական ցուցակի առաջին հնգյակը
Հայտնի է, թե ով կգլխավորի ՀՀԿ–ի ընտրական ցուցակը։
10:15
13 Փետրվարի 2017
Հայաստանում նոր նախընտրական դաշինք է ձևավորվելու
Հայաստանում նոր նախընտրական դաշինք է ձևավորվել ապրիլի 2–ին նախատեսված խորհրդարանական ընտրությունների նախաշեմին։