478.04
+0.15
564.85
-3.12
8.3
-0.03
+17
Եղանակը Երևանում
Հայ
Ռուսաստանը Լոնդոնում կներկայացնի ԱՊՀ երկրների միասնական դիրքորոշումը. ՀՀ ֆինանսների նախարարություն
16:22
02 Ապրիլի 2009

Լոնդոնում կայանալիք «մեծ քսանյակի» ղեկավարների հանդիպման ժամանակ Ռուսաստանը կներկայացնի ԱՊՀ անդամ-երկրների միասնական դիրքորոշումը, որը քննարկվել և մշակվել է Համագործակցության պետությունների ֆինանսների, էկոնոմիկայի նախարարների և Կենտրոնական բանկերի ղեկավարների հանդիպման շրջանակներում, հինգշաբթի լրագրողներին հայտնեց ՀՀ ֆինանսների նախարար Տիգրան Դավթյանը։

Մարտի 31-ին Մոսկվայում կայացավ ԱՊՀ երկրների ֆինանսների նախարարների հերթական նիստը, որին այս անգամ մասնակցեցին նաև այդ երկրների էկոնոմիկայի նախարարները և Կենտրոնական բանկերի նախագահները, ինչը պայմանավորված է այսօր Լոնդոնում ընթացող «G-20» հանդիպումով և նրանով, որ Ռուսաստանն այդ հանդիպմանը պետք է ներկայացնի ԱՊՀ երկրների կարծիքներն ու մոտեցումները։

Ամփոփելով տվյալ հանդիպման արդյունքները՝ Դավթյանը նշեց, որ դրա մասնակիցները քննարկել և հստակեցրել են իրենց դիրքորոշումները համաշխարհային ֆինանսատնտեսական ճգնաժամին դիմակայության համատեքստում, ինչպես նաև տնտեսական և ֆինանսական ոլորտների բարեփոխումների խնդիրները։

«Մինչ այդ մենք ստացել էինք Ռուսաստանի առաջարկներն այդ հարցով, որոնք բավական մոտեցված էին մեր դիրքորոշումներին։ Մեր հանդիպման արդյունքներով ձևավորվել է միասնական դիրքորոշում, որը կներկայացվի Ռուսաստանի կողմից»,- ասաց նա։

Բացի այդ, Դավթյանի խոսքերով, ԱՊՀ երկրների ֆինանսների նախարարներին իր նստվայրում ընդունել է ՌԴ նախագահ Դմիտրի Մեդվեդևը, ընդ որում՝ հանդիպումը տեղի է ունեցել ՌԴ ղեկավարի՝ Լոնդոն մեկնելուց անմիջապես առաջ։

«Կայացավ բավականին հետաքրքիր և բովանդակալից հանդիպում, ներկայացվեց Ռուսաստանի դիրքորոշումը, ֆինանսների նախարարներն էլ ներկայացրեցին իրենց մոտեցումները, որոնք համահունչ էին մեկը մյուսին»,- պարզաբանեց նա։

Բերելով Համագործակցության երկրների մոտեցումների միասնականության օրինակը՝ Դավթյանը նշեց, որ հանդիպման մասնակիցները կողմ են արտահայտվել են խաղի ընդհանուր կանոնների հստակեցման անհրաժեշտությանը՝  համաշխարհային տնտեսության և ֆինանսական համակարգի համատեքստում, որոնք պետք է պարտադիր լինեն այդ երկրների համար։

«Որոշ առումով որպես նմանատիպ ընդհանուր կանոններ ներկայացնող կառույց ներկայումս հանդես է գալիս Արժույթի միջազգային հիմնադրամը, սակայն ԱՄՀ-ն միասնական կանոններ է կիրառում այն երկրների նկատմամբ, որոնք ԱՄՀ վարկային միջոցների ռեցիպիենտ երկրներն են»,- հավելեց նախարարը։ -0-

Loading...
Թեմատիկ նյութեր
Բաժնի այլ նյութեր
14:20
26 Սեպտեմբերի 2017
Մեծ Բրիտանիայի եվրահարցերով պետնախարարը կժամանի Երևան
Մեծ Բրիտանիայի` Ամերիկայի և Եվրոպական հարցերով պետնախարար Ալան Դունկանը սեպտեմբերի 26–28–ին ՀՀ ԱԳՆ ղեկավար Էդվարդ Նալբանդյանի հրավերով կժամանի Երևան։
11:21
26 Սեպտեմբերի 2017
Իրաքյան Քուրդիստանում քաղաքացիների 93%-ն «այո» է ասել անկախացմանը
Նախօրեին անկախության հարցով հանրաքվե է անցկացվել Իրաքյան Քուրդիստանում։
17:06
23 Սեպտեմբերի 2017
Հայաստանի և Ադրբեջանի ԱԳՆ ղեկավարները կհանդիպեն Նյու Յորքում
Հայաստանի և Ադրբեջանի ԱԳ նախարարներ Էդվարդ Նալբանդյանը և Էլմար Մամեդյարովի հանդիպումը կկայանա  Նյու Յորքում:
15:38
20 Սեպտեմբերի 2017
Ղարաբաղյան հակամարտությունը կարող է կարգավորվել բացառապես խաղաղ ճանապարհով. Լեհաստանի նախագահ
Ղարաբաղյան հակամարտությունը կարող է կարգավորվել բացառապես խաղաղ ճանապարհով:
12:02
20 Սեպտեմբերի 2017
ՀՀ նախագահ. Հայաստանը հայ–թուրքական արձանագրությունները հայտարարելու է առ ոչինչ
Հայ–թուրքական արձանագրությունների կենսագործման ուղղությամբ որևէ դրական տեղաշարժի բացակայության պայմաններում Հայաստանը այդ արձանագրությունները հայտարարելու է առ ոչինչ, հայտարարել է ՀՀ նախագահ Սերժ Սարգսյանը:
21:05
19 Սեպտեմբերի 2017
Շավարշ Քոչարյանը` ղարաբաղյան հակամարտության մասին. ոչ մեկը ոչ մեկին ոչ մի տարածք չի տալիս
Շավարշ Քոչարյանը տարակուսանք է հայտնել այն իրարանցման կապակցությամբ, որն առաջացրել է ղարաբաղյան հարցի վերաբերյալ ՀՀ ԱԳ նախարարի արված հայտարարությունը։
16:03
19 Սեպտեմբերի 2017
ՀՀԿ–ն դեռ վերջնական որոշում չի ընդունել վարչապետի թեկնածության հարցում
ՀՀԿ–ն դեռ պաշտոնական որոշում չի ընդունել, թե ով է զբաղեցնելու վարչապետի պաշտոնը 2018 թվականի ընտրություններից հետո։
14:25
19 Սեպտեմբերի 2017
Գարո Փայլան. միայն ժողովրդական Թուրքիան կարող է ճանաչել Հայոց ցեղասպանությունը
Միայն ժողովրդական Թուրքիան կարող է ճանաչել Հայոց ցեխասպանությունը և բացել սահմանները:
12:51
19 Սեպտեմբերի 2017
Նալբանդյանը չի բացառում Արցախի անվտանգությանը չսպառնացող տարածքների վերադարձը
Հայաստանի արտաքին գործերի նախարար Էդվարդ Նալբանդյանը չի բացառում Արցախի անվտանգությանը չսպառնացող տարածքների վերադարձը։
19:25
18 Սեպտեմբերի 2017
Նալբանդյան. Հայաստանը մտադիր է դիվանագիտական հարաբերություններ հաստատել վեց երկրների հետ
Հայաստանը մտադիր է դիվանագիտական հարաբերությունների մասին համաձայնագրեր ստորագրել վեց երկրների հետ:
17:39
18 Սեպտեմբերի 2017
ՀՀ պաշտպանության նախարարը ներկայացրել է Ռուսաստանից սպառազինություն գնելու պայմանները
Ռուսաստանը Հայաստանին սպառազինություն է վաճառում ներքին գներով:
16:47
18 Սեպտեմբերի 2017
ԱԳ նախարար. հայկական կողմը ԵՄ-ի հետ շրջանակային համաձայնագրի ստորագրման խոչընդոտներ չի տեսնում
Հայկական կողմից Եվրամիության հետ շրջանակային համաձայնագիր ստորագրելու խոչընդոտներ չկան: