487.3
+1.08
565.32
+1.55
8.22
+0.02
+9
Եղանակը Երևանում
Հայ
Հայ գիտնականները թվայնացնում են մատենագիտական ժառանգությունը
11:39
31 Մարտի 2009

Մի խումբ հայ գիտնականներ թվայնացնում են մատենագիտական ժառանգությունը։

Ինչպես «Նովոստի-Արմենիա» գործակալությանը տեղեկացրեցին ՀՀ սփյուռքի նախարարության մամուլի ծառայությունից, թվայնացման՝մասնավորապես «Մատենագիրք Հայոց» մատենաշարի 68 հատորյակի ստեղծման գործընթացին ծանոթանալու նպատակով Հայաստանի ամերիկյան համալսարան է այցելել ՀՀ սփյուռքի նախարար Հրանուշ Հակոբյանը։

ՀԱՀ այցելության ընթացքում հայ մատենագիտության թվային գրադարանի տնօրեն պատմաբան-մատենագետ Մերուժան Կարապետյանը մանրամասն ներկայացրել է կատարված աշխատանքները։ Նրա խոսքերով` գիտնականների տասներկու հոգանոց խումբը գործունեությունը սկսել է 10 տարի առաջ և այդ ժամանակամիջոցում հասցրել է կատարել հսկայածավալ աշխատանք։

Նա նշել է, որ գիտական հետազոտությունների արդյունքները թվայնացվել են բարձր տեխնոլոգիաների կիրառմամբ։

Մասնավորապես, նրա խոսքերով, 68 հատորանոց «Մատենագիրք Հայոց» մատենաշարն ընդգրկում է Մաշտոցից մինչև մեր օրերը (5-20-րդ դար), սակայն ժամանակակից տենոլոգիաների կիրառման շնորհիվ այն զետեղված է լազերային մեկ սկավառակի (CD) վրա։

Անչափ կարևորելով հայ պատմագիտական ու մատենագիտական հսկայական ժառանգության մատչելի լինելը համացանցի միջոցով՝ թվային գրադարանի տնօրենը ընդգծել է, որ դա նույնպես իրականացված է և ներկայումս գործող կայքից օրական օգտվում է 2000 մարդ` երկրագնդի ամենատարբեր ծայրերից:

Նա նաև տեղեկացրել է, որ Ամերիկյան համալսարանի իրավագիտության ամբիոնի վարիչ Թոմ Սամուելյանի հետ համագործակցությամբ թողարկվել է «Հայ իրավական գրականության հուշարձաններ (5-18-րդ դար)» մատենաշարի լազերային սկավառակը։

ՀՀ սփյուռքի նախարարն իր հերթին առաջարկել է վերոհիշյալ աշխատանքը հասու դարձնել աշնանը Երևանում կայանալիք իրավաբանների համահայկական համաժողովի մասնակիցներին: Նախարարի խոսքերով՝ իրականացված հսկայածավալ աշխատանքը համահայկական ուղղվածություն ու համահայկական նշանակություն ունեցող ծրագիր է և խիստ արդիական է այն շարունակելն ու զարգացնելը` շահագրգիռ բոլոր անհատների և կազմակերպությունների աջակցությամբ` թե Սփյուռքից և թե Մայր հայրենիքից:

«Հայ նվիրյալ գիտնականների խմբի կողմից կատարվել է հայրենանվեր հսկայածավալ աշխատանք, որի նշանակությունը դժվար է գերագնահատել։ Սակայն մեկ բան հստակ է՝ այս պատմագիտական և մատենագիտական անուրանալի ձեռքբերումները համացանցի միջոցով պետք է հնարավոր լինի մատչելի դարձնել բոլոր հայորդիներին, հատկապես սփյուռքի մեր հայրենակիցներին», - ասել է նախարարը։

Նրա խոսքերով՝ այդ ստեղծագործություններն անփոխարինելի նյութեր կդառնան Սփյուռքի կրթական հաստատություններում։ Հանդիպման ընթացքում պայմանավորվածություն է ձեռք բերվել համագործակցություն սկսել գիտական խմբի հետ, իրականացնել հայկական ձեռագրերի, մատյանների թվայնացման առավել լայն ծրագրեր։-0-

Loading...
Թեմատիկ նյութեր
Բաժնի այլ նյութեր
20:24
07 Նոյեմբերի 2017
ՀՀ նախագահ. Եվրոպայի խորհրդի հետ համագործակցությունը բխում է Հայաստանի շահերից
ՀՀ նախագահն ընդունել է ԵԽԽՎ մոնիտորինգային հանձնաժողովի Հայաստանի մասով համազեկուցողներին։
19:54
07 Նոյեմբերի 2017
ՀՀ ԱԳ նախարարը Բենիամին Նեթանյահուին է ներկայացրել ղարաբաղյան հիմնախնդիրը (ՎԻԴԵՈ)
Էդվարդ Նալբանդյանն ու Բենիամին Նեթանյահուն քննարկել են նաև հայ-իսրայելական երկկողմ օրակարգին վերաբերող հարցեր։
17:23
06 Նոյեմբերի 2017
Ֆրանսիան հայերի անկեղծ բարեկամն է. Մակրոն
Նա ընդգծել է նաև, որ Ֆրանսիան լիովին հանձնառու է Արցախի խնդրին բանակցությունների միջոցով մնայուն լուծում գտնելու հարցին:
18:09
04 Նոյեմբերի 2017
ՀՀ նախագահն այցելել է Թաջ Մահալ և հանդիպել Հնդկաստանի հայկական համայնքի հետ (ՖՈՏՈ)
Հնդկաստան աշխատանքային այցի շրջանակում ՀՀ նախագահ Սերժ Սարգսյանն այցելել է Հնդկաստանի տեսարժան վայրերից մեկը՝ Թաջ Մահալ:
14:33
01 Նոյեմբերի 2017
Հայաստանը ու Ռուսաստանը աշխատում են նոր 100 մլն դոլարի պաշտպանական վարկային համաձայնագրի իրականացման ուղղությամբ. ՀՀ նախագահ
Առաջիկայում Ռուսաստանը գործող պայմանագրի շրջանակում Երևան զենքի խմբաքանակ կմատակարարի։
18:05
31 Հոկտեմբերի 2017
Ադրբեջանի մասնակցությունը ԵԶԲ–ում չի նշանակում, որ այն կդառնա ԵՏՄ–ի անդամ
Ադրբեջանի հնարավոր մասնակցությունը Եվրասիական զարգազման բանկում այդ երկիրը Եվրասիական տնտեսական միրության անդամ չի դարձնում, ասաց ԵԶԲ վարչության նախագահ Դմիտրի Պանկինը:
11:43
26 Հոկտեմբերի 2017
Դմիտրի Մեդվեդևը ներկայացրել է հայաստանյան այցի տպավորությունները (ՖՈՏՈ)
ՌԴ վարչապետ Դմիտրի Մեդվեդևը ներկայացրել է հայաստանյան այցի տպավորությունները` Instagram–ում  հրապարակելով լուսանկարներ։
16:49
25 Հոկտեմբերի 2017
Հայտնի է Եվրասիական միջկառավարական խորհրդի հաջորդ նիստի անցկացման վայրը
ԵՏՄ անդամ երկրների կառավարության ղեկավարները չորեքշաբթի հավաքվել են Երևանում` մասնակցելու Եվրասիական միջկառավարական խորհրդի նիստին։
19:07
24 Հոկտեմբերի 2017
Ադրբեջանը պատասխան է տալու ամեն մի ռազմական կորստի համար. Սերժ Սարգսյան
«Կամ բանակցում ենք, կամ էլ՝ կրակում: Երկուսին էլ մենք պատրաստ ենք», – նշել է նա։
17:23
24 Հոկտեմբերի 2017
Հայաստան ժամանած ՌԴ վարչապետն ուղևորվել է Ծիծեռնակաբերդի հուշահամալիր
«Զվարթնոց» օդանավակայանում գործընկերոջը դիմավորել է վարչապետ Կարեն Կարապետյանը:
13:51
24 Հոկտեմբերի 2017
Հայաստան–ԵՄ գործընկերության համաձայնագիրը կստորագրվի. ԱԳՆ
Հայաստանը նախատեսում է ստորագրել ԵՄ–ի հետ շրջանակային փաստաթուղթը նոյեմբերին կայանալիք «Արևելյան գործընկերության» գագաթնաժողովում։
19:10
19 Հոկտեմբերի 2017
Թուրք հասարակական գործչին ձերբակալել են Ծիծեռնակաբերդ այցելելու համար
Ստամբուլի Աթաթուրքի անվան միջազգային օդանավակայանում ձերբակալվել է հայտնի թուրք գործարարներից մեկը։