478.83
-0.02
557.93
-0.17
7.98
-0.01
+24
Եղանակը Երևանում
Հայ
Ղարաբաղյան հակամարտության ռազմական լուծման ցանկացած հնարավորություն պետք է բացառվի. Գերմանիայի ԱԳՆ պետքարտուղար
13:47
30 Մարտի 2009

Ղարաբաղյան հակամարտության ռազմական լուծման ցանկացած հնարավորություն անհրաժեշտ է բացառել, կարծում է ԳԴՀ ԱԳՆ պետքարտուղար Գերնոտ Էրլերը (Gernot Erler)։

«Գերմանիայի կառավարությունն աջակցում է ղարաբաղյան հակամարտության կարգավորման բանակցային գործընթացին, և մեր ջանքերն ուղղված են դրա լուծմանն աջակցելուն», - երկուշաբթի Երևանում մամուլի ասուլիսի ժամանակ ասաց Էրլերը։

ԳԴՀ ԱԳՆ պետքարտուղար Գերնոտ Էրլերը (Gernot Erler) մարտի 29-31-ը այցով գտնվում է Հայաստանում։ Այցի ընթացքում ծրագրված են Էրլերի հանդիպումները ՀՀ նախագահ Սերժ Սարգսյանի, ՀՀ խորհրդարանի խոսնակ Հովիկ Աբրահամյանի, փոխխոսնակ, հայ-գերմանական բարեկամության պատգամավորական խմբի նախագահ Արևիկ Պետրոսյանի հետ։

Պետքարտուղարը նշեց, որ հակամարտությունը լուծելու բազմամյա փորձերը, որոնք հիմնված են միջազգային իրավունքի այնպիսի սկզբունքների վրա, ինչպիսիք են տարածքային ամբողջականությունն ու ազգային ինքնորոշման իրավունքը, դեռևս այնքան էլ արդյունավետ չեն, և «բանակցային գործընթացի նկատմամբ ավելի պրատկիկ մոտեցումներ են» անհրաժեշտ, որոնք ուղղված կլինեն կողմերի տարաձայնությունների հաղթահարմանն ու համաձայնության ձեռքբերմանը։

Էրլերը նշեց, որ հակամարտության կարգավորման համար անհրաժեշտ է հասնել փոխզիջման բանակցային գործընթացում։ Պետքարտուղարը տեղեկացրեց, որ տարածաշրջան իր այցի ընթացքում կներկայացնի ղարաբաղյան հակամարտության կարգավորման վերաբերյալ իր առաջարկությունները։

«Թեև մենք փաստում ենք, որ նախագահների մակարդակով հանդիպումներն արդյունավետ են ընթանում, սակայն անհրաժեշտ է հասարակությանը փոխզիջումների պատրաստել։ Այստեղ պոպուլիզմին և քարոզչությանը տեղ չկա, անհրաժեշտ է մտածել տարածաշրջանում խաղաղության, նրա ապագայի մասին և նման պատասխանատվություն վերցնելու քաղաքական համարձակություն ունենալ», - հայտարարեց նա։

Ղարաբաղյան հակամարտությունը սկիզբ է առել 1988 թ.-ին, երբ հիմնականում հայերով բնակեցված Լեռնային Ղարաբաղը հայտարարեց Ադրբեջանի կազմից  դուրս գալու մասին։

1991 թ. դեկտեմբերի 10-ին, Խորհրդային Միության փլուզումից մի քանի օր առաջ, Լեռնային Ղարաբաղում տեղի ունեցավ հանրաքվե, որի ժամանակ բնակչության ճնշող մեծամասնությունը՝ 99,89 տոկոսը Ադրբեջանից ամբողջովին անկախանալու կողմ քվեարկեց։

Դրանից հետո սկսվեցին լայնամասշտաբ ռազմական գործողություններ, որոնց հետևանքով Ադրբեջանը կորցրեց վերահսկողությունը Լեռնային Ղարաբաղի և նրան հարակից յոթ շրջանների նկատմամբ։

 1994 թ.-ի մայիսի 12-ին՝ զինադադարի մասին համաձայնագրի ուժի մեջ մտնելուց հետո հակամարտության գոտում դադարեցին ռազմական գործողությունները։ Պատերազմի  հետևանքով երկու կողմից զոհվեց մոտավորապես 25-30 հազ մարդ և մոտ  մեկ միլիոնը ստիպված եղավ լքել  բնակավայրերը։

Զինադադարի ռեժիմի մասին համաձայնությունը պահպանվում է մինչ այժմ։

1992 թ.-ից մինչ օրս ընթանում են բանակցություններ հակամարտության խաղաղ կարգավորման ուղղությամբ ԵԱՀԿ Մինսկի խմբի շրջանակներում, որի համանախագահներն են ԱՄՆ-ն, Ռուսաստանը և Ֆրանսիան։-0-  

Loading...
Թեմատիկ նյութեր
Բաժնի այլ նյութեր
12:37
20 Հուլիսի 2017
Բլոգեր Լապշինը դատապարտվեց 3 տարվա ազատազրկման Արցախ այցելելու համար
Բաքվի դատարանը 3 տարվա ազատազրկման դատապարտեց բլոգեր, Ռուսաստանի և Իսրայելի քաղաքացի Ալեքսանդր Լապշինին։
20:14
19 Հուլիսի 2017
Սերժ Սարգսյանը շնորհավորել է արցախցի գործընկերոջը` նախագահի պաշտոնում ընտրվելու կապակցությամբ
Հայաստանի նախագահ Սերժ Սարգսյանն այսօր շնորհավորական ուղերձ է հղել Բակո Սահակյանին:
12:46
17 Հուլիսի 2017
ՀՀ նախագահը խոսել է այն մասին, թե արդյոք 2018 թ–ին հավակնելու՞ է վարչապետի պաշտոնին, թե ոչ
ՀՀ նախագահ Սերժ Սարգսյանը խոսել է այն մասին, թե արդյոք 2018 թ–ին հավակնելու՞ է վարչապետի պաշտոնին, թե ոչ։
01:30
17 Հուլիսի 2017
ՀՀ նախագահը հրապարակեց Ալիևի հետ հանդիպման ամսաթիվն ու խոսեց սպասումների մասին
ՀՀ նախագահ հրապարակեց Ալիևի հետ հանդիպման ամսաթիվն ու խոսեց սպասումների մասին:
09:00
16 Հուլիսի 2017
Հայտնի գրող և լրագրող Սևան Նիշանյանը փախել է թուրքական բանտից
Հայտնի գրող, լրագրող, լեզվաբան և հրապարակախոս Սևան Նիշանյանը, ով Թուրքիայում դատապարտվել էր 17 տարվա ազատազրկման, փախել է բանտից և լքել երկիրը:
12:43
12 Հուլիսի 2017
Հայտնի շոումենի եղբայրը նշանակվել է Կանադայում ՀՀ դեսպան
Հայաստանի նախագահը հրամանագիր է ստորագրել Կանադայում գործող դեսպան Արմեն Եգանյանին պաշտոնից ազատելու մասին։
12:30
12 Հուլիսի 2017
ՀՀ նախկին արտգործնախարարը` Դանիայում երկրի դեսպան
Հայաստանի նախագահը հրամանագիր է ստորագրել Հայաստանում Դանիայի գործող դեսպանին պաշտոնից ազատելու մասին։
11:14
11 Հուլիսի 2017
Հաստատվել է Վրաստանում Հայաստանի դեսպանի թեկնածությունը
Վրաստանում Հայաստանի դեսպանությունը նոր ղեկավար ունի։
18:23
10 Հուլիսի 2017
Ռուսաստանն Ադրբեջանին «Սոլնցեպյոկ» ՏՕՍ-1Ա հրթիռներ է մատակարարել
Հուլիսի 10-ին Ադրբեջանի ՊՆ-ն հրապարակել է տեսանյութ:
17:24
06 Հուլիսի 2017
ՌԴ քաղաքացիները կարող են Բաքվի կամայականությունների զոհ դառնալ հայկական արմատների պատճառով. ՌԴ ԱԳՆ
Ադրբեջան ՌԴ քաղաքացիների մուտքի արգելքի վերաբերյալ ՌԴ ԱԳՆ-ն հայտարարություն է տարածել:
13:04
06 Հուլիսի 2017
Ադրբեջանում արգելափակել են Հայաստանի հանրային ռադիոյի կայքը
Ադրբեջանն արգելափակել է Հայաստանի հանրային ռադիոյի կայքի հասանելիությունը։
14:39
05 Հուլիսի 2017
Մոսկվան պահանջում է Բաքվից դադարեցնել հայկական ազգանուններով ՌԴ քացաքացիների խտրականությունը
Ռուսաստանը պահանջում է Ադրբեջանից դադարեցնել երկիր ժամանող հայկական ազգանուններով ՌԴ քաղաքացիների խտրականությունը: