478.57
+0.37
561.79
+1.96
8.05
+0.02
+23
Եղանակը Երևանում
Հայ
ՀՀ փրկարար ծառայության պետը դրական է գնահատում փրկարարների եռօրյա վարժանքները
19:50
26 Մարտի 2009

ՀՀ ԱԻՆ Փրկարար ծառայության պետ, գեներալ-լեյտենանտ Էդիկ Բարսեղյանը դրական է գնահատել մարտի 24-26-ին հանրապետությունում անցկացված երկրաշարժի դեպքում արձագանքման միջազգային վարժանքները։

«Անցած ուսումնավարժանքը ես դրական եմ գնահատում։ Մենք ունենք համապատասխան սարքավորումներ ու տեխնիկա, որը թույլ է տալիս մեր փրկարարներին օպերատիվ կարգով իրականացնել որոնողափրկարարական աշխատանքներ»,- հինգշաբթի Բարսեղյանն ասաց լրագրողներին՝ ամփոփելով եռօրյա ուսումնագործնական վարժանքների արդյունքները։   

Նրա խոսքերով, վերջին անգամ նման վարժանքներ անցկացվել են 2008 թ.-ի դեկտեմբերին ՄԱԷ-ում, հենց այն ժամանակ էլ որոշվել է, որ հերթական վարժանքը կանցկացվի Հայաստանում։  

«2009 թ.-ի սեպտեմբերին INSARAG-ը (Միջազգային որոնողափրկարարական խորհրդատվական խումբ) հերթական վարժանքները կանցկացնի Հունգարիայում»,- հայտնեց Բարսեղյանը՝ ավելացնելով, որ ընդհանուր առմամբ մասնագետները շատ բարձր են գնահատում նման վարժանքները։

Նա հիշեցրեց, որ ուսումնավարժանքը Հայաստանում կազմակերպվել է Միջազգային որոնողափրկարարական խորհրդատվական INSARAG խմբի կողմից, որը ՄԱԿ-ի կազմում ստեղծվել է 1991 թ.-ին Հայաստանում 1988 թ.-ի Սպիտակի երկրաշարժի ժամանակ փրկարարական օպերացիաներին մասնակցած տարբեր երկրների որոնողափրկարարական կազմավորումների նախաձեռնությամբ։    

Երկրաշարժի դեպքում արձագանքման եռօրյա միջազգային ուսումնավարժանքը Երևանում մեկնարկեց երեքշաբթի: Ծրագրվեցին բոլոր գործողությունները, սկսվեցին խմբային աշխատանքները, հայտարարվեց ուսումնավարժանքի սցենարը։ Չորեքշաբթի իրավիճակային խմբերում (տեղական կառավարման մարմիններ, միջազգային կազմակերպություններ,աղետի գոտի) սկսվեցին որոնողափրկարարական աշխատանքները, որոնց արդեն մասնակցում էին տարբեր երկրներից ժամանած փրկարարական ջոկատներ։  

Հինգշաբթի գործնական գործողությունները շարունակվեցին Արզնի քաղաքի վարժահրապարակում, որտեղ ՀՀ փրկարար ծառայությունը կազմակերպեց փրկարարական տարաբնույթ ցուցադրական աշխատանքներ 4 սցենարով։  

Առաջին սցենարի համաձայն, բարձրահարկ շենքում հրդեհ է բռնկվել, որի արդյունքում 5 մարդ հայտնվել է շրջափակման մեջ ծխի մեջ կորած շինությունում, նրանցից ոմանք կորցրել են գիտակցությունը։  

Երկրորդ սցենարով փրկարարները փլված բարձրահարկից հանել են շենքի նկուղում շրջափակման մեջ հայտնված մարդկանց։  

Երրորդ սցենարը ենթադրում էր շենքի երրորդ հարկում բազմաթիվ կոտրվածքներով ծանր հիվանդի առկայությունը և պահանջվում էր նրան փրկարարական տեխնիկայի կիրառմամբ ներքև իջեցնել։

Չորրորդ սցենարի համաձայն, փրկարարների օգնությունը պահանջվում էր ՃՏՊ-ի արդյունքում ծռմռված մեքենայից տուժածներին դուրս հանելու համար։

Վարժանքի արդյունքներով Ռուսաստանի, Բելառուսի, Վրաստանի, Իսպանիայի, Իտալիայի, ԱՄՆ-ի, Վենեսուելայի, Կոլումբիայի, Շվեյցարիայի, Ավստրիայի, ԱՄԷ-ի, Հունգարիայի, Նիդեռլանդների, Մեծ Բրիտանիայի, Գերմանիայի, Ֆինլանդիայի, Թունիսի, Էստոնիայի, Նեպալի և այլ երկրների ու միջազգային կազմակերպությունների մասնակիցները ՀՀ Փրկարար ծառայությունից Մասնակցության վկայականներ ստացան։

Ընդհանուր առմամբ վարժանքին մասնակցել է 22 երկրի փրկարարներ և ավելի քան 10 միջազգային կազմակերպության դիտորդներ։ -0-

Loading...
Թեմատիկ նյութեր
Բաժնի այլ նյութեր
21:01
16 Օգոստոսի 2017
Միջնորդները Հայաստանի և Ադրբեջանի առաջնորդների հանդիպման հույս ունեն
ԵԱՀԿ Մինսկի խմբի համանախագահներն աշխատում են Հայաստանի և Ադրբեջանի ԱԳՆ ղեկավարների հանդիպման կազմակերպման ուղղությամբ:
20:55
09 Օգոստոսի 2017
Նալբանդյանը հնչեցրել է Հայաստանի և Ադրբեջանի ԱԳՆ ղեկավարների ծրագրվող հանդիպման վայրը
Հայաստանի արտաքին գործերի նախարար Էդվարդ Նալբանդյանը լրագրողներին հայտնել է Հայաստանի և Ադրբեջանի ԱԳՆ ղեկավարների կայանալիք հանդիպման մասին։

15:41
27 Հուլիսի 2017
Հայաստանի և Ադրբեջանի ԱԳ նախարարներն աշխատում են նախագահների հանդիպման ուղղությամբ
Հայաստանի և Ադրբեջանի ԱԳ նախարարներն աշխատում են երկու երկրների նախագահեր Սերժ Սարգսյանի և Իլհամ Ալիևի հանդիպման ուղղությամբ:
12:37
20 Հուլիսի 2017
Բլոգեր Լապշինը դատապարտվեց 3 տարվա ազատազրկման Արցախ այցելելու համար
Բաքվի դատարանը 3 տարվա ազատազրկման դատապարտեց բլոգեր, Ռուսաստանի և Իսրայելի քաղաքացի Ալեքսանդր Լապշինին։
20:14
19 Հուլիսի 2017
Սերժ Սարգսյանը շնորհավորել է արցախցի գործընկերոջը` նախագահի պաշտոնում ընտրվելու կապակցությամբ
Հայաստանի նախագահ Սերժ Սարգսյանն այսօր շնորհավորական ուղերձ է հղել Բակո Սահակյանին:
12:46
17 Հուլիսի 2017
ՀՀ նախագահը խոսել է այն մասին, թե արդյոք 2018 թ–ին հավակնելու՞ է վարչապետի պաշտոնին, թե ոչ
ՀՀ նախագահ Սերժ Սարգսյանը խոսել է այն մասին, թե արդյոք 2018 թ–ին հավակնելու՞ է վարչապետի պաշտոնին, թե ոչ։
01:30
17 Հուլիսի 2017
ՀՀ նախագահը հրապարակեց Ալիևի հետ հանդիպման ամսաթիվն ու խոսեց սպասումների մասին
ՀՀ նախագահ հրապարակեց Ալիևի հետ հանդիպման ամսաթիվն ու խոսեց սպասումների մասին:
09:00
16 Հուլիսի 2017
Հայտնի գրող և լրագրող Սևան Նիշանյանը փախել է թուրքական բանտից
Հայտնի գրող, լրագրող, լեզվաբան և հրապարակախոս Սևան Նիշանյանը, ով Թուրքիայում դատապարտվել էր 17 տարվա ազատազրկման, փախել է բանտից և լքել երկիրը:
12:43
12 Հուլիսի 2017
Հայտնի շոումենի եղբայրը նշանակվել է Կանադայում ՀՀ դեսպան
Հայաստանի նախագահը հրամանագիր է ստորագրել Կանադայում գործող դեսպան Արմեն Եգանյանին պաշտոնից ազատելու մասին։
12:30
12 Հուլիսի 2017
ՀՀ նախկին արտգործնախարարը` Դանիայում երկրի դեսպան
Հայաստանի նախագահը հրամանագիր է ստորագրել Հայաստանում Դանիայի գործող դեսպանին պաշտոնից ազատելու մասին։
11:14
11 Հուլիսի 2017
Հաստատվել է Վրաստանում Հայաստանի դեսպանի թեկնածությունը
Վրաստանում Հայաստանի դեսպանությունը նոր ղեկավար ունի։
18:23
10 Հուլիսի 2017
Ռուսաստանն Ադրբեջանին «Սոլնցեպյոկ» ՏՕՍ-1Ա հրթիռներ է մատակարարել
Հուլիսի 10-ին Ադրբեջանի ՊՆ-ն հրապարակել է տեսանյութ: