486.66
-0.08
513.23
+1.81
8.4
-0.01
-3
Եղանակը Երևանում
Հայ
Հայ խորհրդարանակնները խստացնում են կրոնական օրենսդրությունը
16:14
19 Մարտի 2009

ՀՀ ԱԺ պատգամավորները հինգշաբթի նիստի ժամանակ առաջին ընթերցմամբ ընդունեցին «Խղճի ազատության և կրոնական կազմակերպությունների մասին» Հայաստանի Հանրապետության օրենքում փոփոխություններ և լրացումներ կատարելու օրենքի նախագիծը:

Ինչպես հայտնեց օրինագծի հեղինակներից մեկը՝ ՀՀԿ-ից ԱԺ պատգամավոր Արմեն Աշոտյանը, այս փաստաթուղթը կարգավորման կարիք ունեցող կրոնական ոլորտում առավել կարևոր դերի հավակնություն ունի:

««Խղճի ազատության և կրոնական կազմակերպությունների մասին» Հայաստանի Հանրապետության օրենքն ընդունվել է 1991 թվականին և վերջին անգամ վերանայվել 2001 թվականին: Դրանում, մասնավորապես, արտացոլված չեն 2005 թվականի սահմանադրական հանրաքվեի արդյունքները»,- ասաց նա:

Ինչպես նկատեց խորհրդարանականը, ուղղումներով առաջարկվում է ինչպես խմբագրական, այնպես էլ բովանդակային փոփոխություններ կատարել օրենքի տեքստում:

Հիմնական նորարարություններից խորհրդարանականը շեշտեց հոգեորսության սահմանումը:

Ինչպես հստակեցրեց Աշոտյանը, ավելի վաղ օրենքով արգելվում էր այս երևույթը, սակայն չէր տրվում այդ բառի սահմանումը:

«Կարծում եմ, որ Հայաստանում չկա մի քաղաքացի, ում տարբեր կրոնական կազմակերպությունների ներկայացուցիչներ մոտեցած չլինեն, օրինակ, փողոցում, կամ թակած չլինեն նրա բնակարանի դուռը»,- ասաց նա:

Ըստ օրինագծի, հոգեորսություն է համարվում այլ կրոնական կամ դավանաբանական հայացքներ ունեցող կամ դրանք չունեցող քաղաքացիների նկատմամբ այն քարոզչական ներգործությունը, որի ընթացքում առաջարկվում կամ տրամադրվում է նյութական խրախուսանք, գործադրվում է ֆիզիկական, բարոյական կամ հոգեբանական ճնշում կամ  հարկադրանք, ձևավորվում է անվստահություն կամ ատելություն այլ կրոնական կազմակերպությունների, նրանց դավանանքի և գործունեության նկատմամբ, կիրառվում է այլ անձանց կամ կրոնի նկատմամբ վիրավորանքների արտահայտում, անձը հետապնդվում է իր բնակարանում, աշխատավայրում, հանգստի կամ այլ վայրերում, ինչպես նաև հեռախոսազրույցով՝ առանց իր ցանկության կամ խնդրանքի։

Խորհրդարանականի խոսքերով, առաջարկվող այս փոփոխություններին ու լրացումներին զուգահեռ ներկայացվում է Հայաստանի Հանրապետության քրեական օրենսգրքում փոփոխություն  կատարելու մասին օրենքի նախագիծը, որով առաջարկվում է սահմանել քրեական պատիժ անձանց իրավունքների կամ անձի դեմ ոտնձգող միավորումներ կազմելու, ղեկավարելու կամ նրանց աշխատանքներին աջակցելու և  հոգեորսությամբ զբաղվելու համար:

Աշոտյանը նկատեց, որ արգելվում է առանց օրենքով սահմանված կարգով գրանցված և գործող տվյալ կրոնական կազմակերպության  համաձայնության կրոնական խորհրդաբանության, կրոնական շինությունների (անկախ սեփականության ձևից) պատկերների և անվանումների, սրբերի անունների և պատկերների օգտագործումը ապրանքային և սպասարկման նիշերում,  ֆիրմային անվանումներում կամ նշաններում, գովազդում, բացառությամբ՝ սոցիալական գովազդի։ Այդ հարաբերությունները կարող են կարգավորվել պայմանագրային հիմունքներով:

Պատգամավորը նշեց, որ թվարկվածներում պատահական չէ նաև քաղաքացու առողջությանը վերաբերյալ հիշատակումը, որովհետև քիչ չեն դեպքերը, երբ կրոնական կազմակերպությունների անդամները հրաժարվում են արյան փոխներարկումից, վիրահատություններից հենց իրենց կրոնական համոզմունքների պատճառով՝ դրանով իսկ մահվան դատապարտելով իրենց կամ իրենց երեխաներին:

«Ես կարծում եմ, որ սա պասիվ էվթանազիա է, իսկ Հայաստանում այն արգելված է»,- ընդգծեց նա:

Օրինագծի հեղինակը տեղեկացրեց, որ ուղղումներով նախատեսվում է նաև կազմակերպությանը կրոնական կարգավիճակ տալու կարգի վերանայումը. այժմ արդեն այդ կարգավիճակը ստանալու համար անհրաժեշտ է ոչ թե 200, այլ 500 հավատացյալ անդամ, ովքեր չպետք է լինեն մինչև 16 տարեկան երեխաներ՝ անկախ կրոնական արարողություններին ունեցած նրանց մասնակցությունից ու այլ հանգամանքներից:

«Նաև անհրաժեշտ է վերագրանցել Հայաստանում գործող կրոնական կազմակերպությունները, այնպես ինչպես վերագրանցվեցին ԶԼՄ-ները, քաղաքական ու հասարակական կազմակերպությունները»,- ավելացրեց նա:

Ինչպես հայտնեց խորհրդարանականը, Հայաստանի Հանրապետությունը ճանաչում է Հայաստանյայց առաքելական սուրբ եկեղեցու՝  որպես ազգային եկեղեցու բացառիկ առաքելությունը հայ ժողովրդի հոգևոր կյանքում, նրա ազգային մշակույթի զարգացման և ազգային ինքնության պահպանման գործում.--0--

Loading...
Թեմատիկ նյութեր
Բաժնի այլ նյութեր
12:19
22 Փետրվարի 2017
Խաչատուր Սուքիասյան. աջակցում եմ ՀԱԿ–ին, բայց Ծառուկյանի կողքին եմ
Ես նախկինում էլ հայտարարել եմ, որ աջակցել եմ և աջակցելու եմ` հաշվի առնելով այն հանգամանքը, որ նրանց հետ ես քաղաքական դժվար ճանապարհ եմ անցել, նշել է Սուքիասյանը։
10:57
22 Փետրվարի 2017
ԲՀԿ–ում ցայտնոտ է. ԲՀԿ–ականները տարբեր «կանալներով» փորձում են ճշտել ցուցակում իրենց տեղը
Հաշված ԲՀԿ-ականներ են տեսել ցուցակները, հրապարակվել է միայն առաջին տասնյակը։
16:17
21 Փետրվարի 2017
ՀՀ վարչապետը պաշտոնական այցով կմեկնի Վրաստան
Հայաստանի վարչապետ Կարեն Կարապետյանը փետրվարի 23–ին երկօրյա պաշտոնական այցով կմեկնի Վրաստան։
13:25
21 Փետրվարի 2017
Ալիևն իր կնոջը հանրապետության առաջին փոխնախագահ է նշանակել
Ադրբեջանի նախագահ Իլհամ Ալիևը երկրի առաջին տիկին Մեհրիբան Ալիևային նշանակել է հանրապետության առաջին փոխնախագահ:
21:36
20 Փետրվարի 2017
Մահացել է ՄԱԿ–ում ՌԴ մշտական ներկայացուցիչ Վիտալի Չուրկինը
ՄԱԿ–ում ՌԴ մշտական ներկայացուցիչ Վիտալի Չուրկինը մահացել է Նյու Յորքում իր 65–ամյակից մեկ օր առաջ:
11:09
20 Փետրվարի 2017
Զարուհի Փոստանջյան. դադարեցնում եմ իմ անդամակցությունը «Ժառանգություն» կուսակցությանը
«Ժառանգություն» խմբակցության ղեկավար Զարուհի Փոստանջյանը հայտարարել է, որ դադարեցնում է իր անդամակցությունը կուսակցությանը։
18:20
17 Փետրվարի 2017
Օսկանյան. Հայաստանը արտաքին քաղաքականության հետընթաց է ապրում
Հայաստանը հետընթաց է ապրում արտաքին քաղաքականությունում, մասնավորապես, ղարաբաղյան հակամարտության բանակցային գործընթացում, հայտարարել է Վարդան Օսկանյանը։
14:51
15 Փետրվարի 2017
Էդվարդ Նալբանդյանը կայցելի Ռուսաստան` Լավրովի հետ բանակցելու
ՀՀ ԱԳ նախարար Էդվարդ Նալբանդյանը փետրվարի 21-22-ը կայցելի Ռուսաստան` ՌԴ արտգործնախարար Սերգեյ Լավրովի հետ բանակցություններ վարելու նպատակով:
12:02
15 Փետրվարի 2017
ՀՀ ԱԳ նախարարը կմասնակցի Մյունխենի անվտանգության համաժողովին
ՀՀ ԱԳ նախարար Էդվարդ Նալբանդյանը կմասնակցի Մյունխենի անվտանգության համաժողովին։
21:00
14 Փետրվարի 2017
Շարմազանով. վարչապետը չի ներառվել ՀՀԿ–ի համամասնական ցուցակում, սակայն կզբաղվի քարոզչությամբ
ՀՀ վարչապետ Կարեն Կարապետյանը չի ներառվել ՀՀԿ–ի համամասնական ցուցակում, սակայն կզբաղվի նախընտրական քարոզչությամբ։
19:41
14 Փետրվարի 2017
ՀՀԿ–ն հրապարակեց համամասնական ցուցակի առաջին հնգյակը
Հայտնի է, թե ով կգլխավորի ՀՀԿ–ի ընտրական ցուցակը։
10:15
13 Փետրվարի 2017
Հայաստանում նոր նախընտրական դաշինք է ձևավորվելու
Հայաստանում նոր նախընտրական դաշինք է ձևավորվել ապրիլի 2–ին նախատեսված խորհրդարանական ընտրությունների նախաշեմին։