486.81
+0.07
517.04
-0.95
8.4
-0.03
-3
Եղանակը Երևանում
Հայ
ՀՀ պաշտպանության նախարարությունը հերքել է տեղական թերթերից մեկի հրապարակումը
19:04
16 Մարտի 2009

ՀՀ պաշտպանության նախարարությունը երկուշաբթի տարածած հաղորդագրությունում հանդես եկավ հայկական թերթերից մեկում տեղ գտած հոդվածի հերքումով։

«Ի պատասխան  «Առավոտ» օրաթերթի` ս.թ. մարտի 11-ի համարում տեղ գտած «Ջոկատի հրամանատարից մուրացկան» խորագրով հրապարակման, ՀՀ ՊՆ մամլո ծառայությունը տեղեկացնում է, որ վերոնշյալ հրապարակման առնչությամբ կատարված լրագրողական հետաքննության արդյունքում պարզվել է, որ հոդվածում ներկայացված փաստերը չեն համապատասխանում իրականությանը»,- հաղորդում է Պաշտպանության նախարարության մամուլի քարտուղար, գնդապետ Սեյրան Շահսուվարյանը։

«Առավոտ» օրաթերթի հոդվածում խոսվում է ղարաբաղյան պատերազմի իբր մասնակից Ալբերտ Վարդանյանի մասին, ով ռազմական գործողություններում  վնասցածքներ է ստացել  և հաշմանդամության երկրորդ խումբ ունի, ում դուստրը ողնաշարի վնասվածքով տևական ժամանակ գտնվում է հիվանդանոցում։ Հոդվածի հեղինակի խոսքերով, Վարդանյանը զբաղվում է մուրացկանությամբ և իր դստերը Մոսկվա բուժման ուղարկելու միջոցներ չունի։

«Իրականացված աշխատանքի արդյունքում քաղաքացի Ալբերտ Վարդանի Վարդանյանը ՀՀ ՊՆ և ԼՂՀ ՊՆ ԶՍՊ վարչություններում, ինչպես նաև ՀՀ ոստիկանության և ազգային անվտանգության ծառայության համապատասխան ստորաբաժանումներում, Աֆղանական պատերազմի վետերանների միությունում, նույնիսկ ՀՀ աշխատանքի և սոցիալական հարցերի նախարարությունում որպես հաշմանդամ հաշվառված չէ և հաշմանդամության որևէ թոշակ չի ստանում»,- ասվում է Պաշտպանութայն նախարարության հաղորդագրությունում։
 
Ինչպես ասվում է մամուլի հաղորդագրությունում, Վարդանյանը հրավիրվել է ՊՆ ԶՍՊ վարչություն և իր հայտարարության համաձայն նշել, որ հոդվածում նախանշված որոշ փաստեր չեն համապատասխանում իրականությանը, որ ինքը երբևէ ջոկատի հրամանատար չի եղել, չունի «ավագ լեյտենանտ» զինվորական կոչում, ինչպես նաև չունի հաշմանդամության սահմանված որևէ կարգ, սակայն, իր պնդմամբ, «Մեծն Տիգրան» ջոկատի կազմում մասնակցել է մարտական գործողությունների և 1993թ.-ին վիրավորվել Ֆիզուլիում (հրազենային վիրավորում որովայնի շրջանում):

Այս առթիվ «Մեծն Տիգրան»  հասարակական կազմակերպության փոխնախագահ Վլադիմիր Փայլակի Առաքելյանի (Վովա) մասնակցությամբ կատարված առերեսման ժամանակ պարզվել է, որ Ա.Վարդանյանը վերոնշյալ ստորաբաժանման կազմում երբևէ չի եղել և չի մասնակցել որևէ մարտական գործողության:

 

Ինչ վերաբերում է ավտովթարի հետևանքով ողնաշարի կոտրվածքով Երևանի թիվ 3 մանկական հիվանդանոցում գտնվող նրա դստերը` Քրիստիկ Վարդանյանին, ապա հարկ է նշել, որ ՀՀ ՊՆ ռազմաբժշկական վարչության աշխատակցի կողմից կատարված որոնողական աշխատանքների արդյունքում պարզվել է, որ այդպիսի հիվանդ նշված հաստատությունում չկա:

«Ելնելով վերոգրյալից, կարելի է փաստել, որ քաղաքացի Ալբերտ Վարդանյանի` «Առավոտ» օրաթերթին տված հարցազրույցը զուրկ է ճշմարտությունից և համարվում է ՀՀ զինված ուժերը վարկաբեկելու անհաջող փորձ, իսկ վերջինս` խաբեբա, ով արատավորում է հայ զինվորականի պատիվն ու անունը, նաև` համազգեստը»,- ասված է ՊՆ հաղորդարգրության մեջ: -0-

Loading...
Թեմատիկ նյութեր
Բաժնի այլ նյութեր
11:09
20 Փետրվարի 2017
Զարուհի Փոստանջյան. դադարեցնում եմ իմ անդամակցությունը «Ժառանգություն» կուսակցությանը
«Ժառանգություն» խմբակցության ղեկավար Զարուհի Փոստանջյանը հայտարարել է, որ դադարեցնում է իր անդամակցությունը կուսակցությանը։
18:20
17 Փետրվարի 2017
Օսկանյան. Հայաստանը արտաքին քաղաքականության հետընթաց է ապրում
Հայաստանը հետընթաց է ապրում արտաքին քաղաքականությունում, մասնավորապես, ղարաբաղյան հակամարտության բանակցային գործընթացում, հայտարարել է Վարդան Օսկանյանը։
14:51
15 Փետրվարի 2017
Էդվարդ Նալբանդյանը կայցելի Ռուսաստան` Լավրովի հետ բանակցելու
ՀՀ ԱԳ նախարար Էդվարդ Նալբանդյանը փետրվարի 21-22-ը կայցելի Ռուսաստան` ՌԴ արտգործնախարար Սերգեյ Լավրովի հետ բանակցություններ վարելու նպատակով:
12:02
15 Փետրվարի 2017
ՀՀ ԱԳ նախարարը կմասնակցի Մյունխենի անվտանգության համաժողովին
ՀՀ ԱԳ նախարար Էդվարդ Նալբանդյանը կմասնակցի Մյունխենի անվտանգության համաժողովին։
21:00
14 Փետրվարի 2017
Շարմազանով. վարչապետը չի ներառվել ՀՀԿ–ի համամասնական ցուցակում, սակայն կզբաղվի քարոզչությամբ
ՀՀ վարչապետ Կարեն Կարապետյանը չի ներառվել ՀՀԿ–ի համամասնական ցուցակում, սակայն կզբաղվի նախընտրական քարոզչությամբ։
19:41
14 Փետրվարի 2017
ՀՀԿ–ն հրապարակեց համամասնական ցուցակի առաջին հնգյակը
Հայտնի է, թե ով կգլխավորի ՀՀԿ–ի ընտրական ցուցակը։
10:15
13 Փետրվարի 2017
Հայաստանում նոր նախընտրական դաշինք է ձևավորվելու
Հայաստանում նոր նախընտրական դաշինք է ձևավորվել ապրիլի 2–ին նախատեսված խորհրդարանական ընտրությունների նախաշեմին։
21:05
12 Փետրվարի 2017
Հայաստանի ԱԳ նախարարը շնորհավորել է Շթայնմայերին
Հայաստանի արտաքին գործերի նախարար Էդվարդ Նալբանդյանը սրտանց շնորհավորել է Ֆրանկ Վալտեր Շթայնմայերին Գերմանիայի նախագահի պաշտոնում ընտրվելու կապակցությամբ:
20:58
12 Փետրվարի 2017
Ընտրվել է Գերմանիայի 12-րդ նախագահը
Գերմանիայի արտաքին գործերի նախկին նախարար Ֆրանկ Վալտեր Շթայնմայերը դարձել է երկրի 12-րդ նախագահը:
20:16
10 Փետրվարի 2017
Արտահոսք Օհանյան–Օսկանյան դաշինքից
Խորհրդարանական ընտրությունների նախաշեմին պաշտպանության նախկին նախարար Սեյրան Օհանյանի և ԱԳ նախկին նախարար Վարդան Օսկանյանի ձևավորած դաշինքից արտահոսքը շարունակվում է։
18:53
10 Փետրվարի 2017
Ֆրանսիայի նախագահը հրավիրել է հայ գործընկերոջը պաշտոնական այցով այցելել Փարիզ
Ֆրանսիայի նախագահ Ֆրանսուա Օլանդը հրավիրել է իր հայ գործընկեր Սերժ Սարգսյանին պաշտոնական այցով այցելել Փարիզ:
17:20
10 Փետրվարի 2017
Հովիկ Աբրահամյանի որդին չի բացառել, որ կմասնակցի ընտրություններին` ներկայացնելով «Ծառուկյան դաշինքը»
Հովիկ Աբրահամյանի որդին` Արտաշատի քաղաքապետ Արգամ Աբրահամյանը, չի բացառել, որ ապրիլի 2–ին նախատեսված խորհրդարանական ընտրություններին կառաջադրի իր թեկնածությունը` ներկայացնելով «Ծառուկյան դաշինքը»։