484.53
+0.08
528.09
+0.81
8.57
-0.08
+3
Եղանակը Երևանում
Հայ
ՀՀ Քրեական օրենսգրքում փոփոխություններ կատարող խորհրդարանական աշխատանքային խումբը ստացել է միջազգային փորձագետների առաջարկությունները
14:23
12 Մարտի 2009

ՀՀ քրեական օրենսգրքում փոփոխություններ կատարելու նպատակով խորհրդարանում ստեղծված աշխատանքային խումբը ստացել է միջազգային փորձագետների առաջարկությունները, հաղորդում է ՀՀ ԱԺ հասարակայնության հետ կապերի վարչությունը։

ՀՀ Քրեական օրենսգրքի 225-րդ (զանգվածային անկարգություններ) և 300-րդ (պետական իշխանության բռնազավթում) հոդվածներում փոփոխություններ կատարելու նպատակով խորհրդարանում ստեղծված աշխատանքային խումբը երեքշաբթի կայացած նիստում քննարկել է նշված հոդվածներում փոփոխություններ և լրացումներ նախատեսող օրինագծի լրամշակված` երկրորդ ընթերցման ներկայացվելիք տարբերակը:

Նիստը նախագահող՝ աշխատանքային խմբի ղեկավար Դավիթ Հարությունյանը ներկայացրել է փոփոխված հոդվածները` նշելով, որ դրանք որոշակիորեն  արտացոլում են նաև պատգամավոր Արծվիկ Մինասյանի,  արդարադատության նախարարի և գլխավոր դատախազի, ինչպես նաև խորհրդարանի աշխատակազմի առաջարկներն ու  մոտեցումները։

Առաջին ընթերցմամբ ընդունված օրինագծի վերաբերյալ ստացվել են նաև Վենետիկի հանձնաժողովի փորձագետների, ինչպես նաև ԱՄՆ-ի մշտական իրավական խորհրդատուի և Գերմանիայի սահմանադրական իրավունքի մասնագետների եզրակացությունները։

Ստացված առաջարկների և դիտողությունների համադրմամբ` հեղինակային խումբը   հանգել է  հետևյալ  ձևակերպմանը. «Զանգվածային անկարգությունները բռնությամբ, ջարդերով, հրկիզումներով, գույք  ոչնչացնելով կամ վնասելով, հրազեն,  պայթուցիկ նյութեր կամ պայթուցիկ սարքեր գործադրելով կամ իշխանության ներկայացուցչին զինված դիմադրություն ցույց տալով արտահայտված խմբային գործողություններն են, որոնց արդյունքում այդ վայրում վտանգվում է հասարակական անվտանգությունը»։

Նկարագրված գործողությունները կատարելու համար նախագծով նախատեսվել է երեքից ութ տարի ժամկետով ազատազրկում,  զանգվածային անկարգութան կազմակերպչի համար` չորսից տասը տարի ժամկետով ազատազրկում։

Զանգվածային անկարգություն կատարելուն դրդելը կամ օժանդակելը, ըստ քննարկվող նախագծի, կլինի քրեորեն պատժելի արարք. այս դեպքերի համար սահմանվել է տուգանք, կալանք կամ ազատազրկում։

Լրամշակված նախագծում վերականգնվել է այն նորմը, որը պատասխանատվություն էր սահմանում անկարգությանը մասնակցած, բայց բռնարարքներ չկատարած անձի համար:

Իշխանությունը զավթելուն և տարածքային ամբողջականությանը վերաբերող  հոդվածում քրեական պատասխանատվության ենթակա են համարվել միայն այն կոչերը, որոնք  ուղղված կլինեն սահմանադրական կարգի բռնի տապալմանը: 

Հանրապետության նախագահին, ԱԺ-ին, կառավարությանը, Սահմանադրական դատարանին պարտադրելու մասին 301.1 հոդվածում նախատեսվել են տարբերակված պատժատեսակներ՝ առավել ծանր հետևանքներ ունեցող հանցագործությունների համար նախատեսելով առավել խիստ պատիժ: 

Հայ խորհրդարանականները փետրվարի 26-ին առաջին ընթերցմամբ փոփոխություններ և լրացումներ էին կատարել Հայաստանի Քրեական օրենսգրքում, ինչից հետո օրինագիծն ուղարկվել էր միջազգային փորձագետներին։-0-

Loading...
Թեմատիկ նյութեր

Բաժնի այլ նյութեր
14:04
26 Ապրիլի 2017
Մոսկվայում կկայանա Հայաստանի, ՌԴ-ի և Ադրբեջանի ԱԳ նախարարների հանդիպումը
Մոսկվայում կկայանա Ռուսաստանի, Հայաստանի և Ադրբեջանի արտգործնախարարների եռակողմ հանդիպումը։
11:13
26 Ապրիլի 2017
Նախօրեին վիճել են ՀՀ վարչապետ Կարեն Կարապետյանն ու ՀՅԴ բյուրոյի պատասխանատուն
Խոսակցության թեման եղել է նոր կառավարության կազմը և ՀՅԴ-ի պորտֆելները:
13:47
15 Ապրիլի 2017
ՌԴ-ում ՀՀ դեսպան. Անկարան տարածաշրջանային ապակառուցողական քաղաքականություն է վարում
Ռուսաստանում Հայաստանի դեսպան Վարդան Տողանյանը կարծում է, որ Անկարան տարածաշրջանային ապակառուցողական քաղաքականություն է վարում:
14:52
13 Ապրիլի 2017
ՀՀ նախագահն աշխատանքային այցով մեկնել է Ղրղըզստան
ՀՀ նախագահ Սերժ Սարգսյանն այսօր աշխատանքային այցով մեկնել է Ղրղըզստանի Հանրապետություն:
17:26
12 Ապրիլի 2017
Թրամփը, հնարավոր է, ապրիլի 24-ին արտասանի «ցեղասպանություն» բառը
ԱՄՆ նախագահ Դոնալդ Թրամփն ապրիլի 24-ի ելույթում, հնարավոր է, օգտագործի «ցեղասպանություն» եզրը:
12:09
12 Ապրիլի 2017
Դաշնակների ախորժակն էլ ավելի է մեծացել
Խորհրդարանական ընտրություններում ՀՅԴ-ի հաջողություններով պայմանավորված՝ պարզվում է՝ նրանց ախորժակն էլ է մեծացել։
11:14
12 Ապրիլի 2017
Շառլ Ազնավուրն այլևս չի լինելու ՀՀ դեսպանը Շվեյցարիայում. հայտնի է դեսպանի նոր թեկնածուի անունը
93-ամյա աշխարհահռչակ շանսոնյե Շառլ Ազնավուրն այլևս չի լինելու Հայաստանի արտակարգ և լիազոր դեսպանը Շվեյցարիայում և ՄԱԿ-ի Ժնևյան գրասենյակում:
20:17
11 Ապրիլի 2017
ՀՀ նախագահ. Հայաստանի համար բարեկամ Վրաստանի հետ հարաբերությունները թանկ են
ՀՀ նախագահ Սերժ Սարգսյանը երեքշաբթի ընդունել է Վրաստանի արտաքին գործերի նախարար Միխեիլ Ջանելիձեին։
17:10
11 Ապրիլի 2017
Նալբանդյան. Հայաստանի և Վրաստանի միջև խնդիրներ չկան
Երկու երկրների միջև հարաբերությունները զարգանում են փոխշահավետ համագործակցության ոգով, երեքշաբթի լրագրողներին ասաց ՀՀ արտգործնախարարը:
11:14
11 Ապրիլի 2017
Գագիկ Ծառուկյանն անձամբ է գլխավորելու «Ծառուկյան» խմբակցությունը
«ԲՀԿ նախագահ Գագիկ Ծառուկյանը որոշել է անձամբ գլխավորել «Ծառուկյան» խմբակցությունը:
20:45
07 Ապրիլի 2017
Կոնգրես-ՀԺԿ դաշինքը կդիմի ԿԸՀ և ՍԴ ընտրությունները անվավեր ճանաչելու պահանջով
ՀՀ առաջին նախագահ Լևոն Տեր–Պետրոսյանի գլխավորած Կոնգրես-ՀԺԿ դաշինքը կպահանջի անվավեր ճանաչել ապրիլի 2–ին կայացած խորհրդարանական ընտրությունները գրանցված խախտումների պատճառով:
11:15
06 Ապրիլի 2017
Րաֆֆի Հովհաննիսյանն ու Վարդան Օսկանյանը դու՞րս են գալիս քաղաքականությունից
Երկուսն էլ նախկինում ԱՄՆ քաղաքացիներ են եղել։