483.58
+0.74
513.85
-7.76
7.67
+0.05
-2
Եղանակը Երևանում
Հայ
Հայաստանում «յոթի գործով» դատավարությունը հետաձգվել է մեկ օրով՝ ամբաստանյալներից մեկի փաստաբանի չներկայանալու պատճառով
15:21
11 Մարտի 2009

Երևանում 2008 թ.-ի մարտի 1-2-ի զանգվածային անկարգությունների փաստի առթիվ հարուցված քրեական գործի շրջանակներում քննվող, այսպես կոչված, «յոթի գործով» դատական նիստը հետաձգվել է մեկ օրով՝ ամբաստանյալներից մեկի՝ Ստեփան Ոսկանյանի փաստաբանի չներկայանալու պատճառով։

Միասնական գործի շրջանակներում քննվում են ՀՀ ԱԺ պատգամավորներ Մյասնիկ Մալխասյանի, Սասուն Միքայելյանի, Հակոբ Հակոբյանի, նախկին արտգործնախարար Ալեքսանդր Արզումանյանի, Աբովյան քաղաքի նախկին քաղաքապետ Գրիգոր Ոսկերչյանի, Սուրեն Սիրունյանի և Շանթ Հարությունյանի դեմ մեղադրանքները, որոնք, մասնավորապես, մեղադրվում են սպանությամբ զուգորդված զանգվածային անկարգությունների կազմակերպման և մասնակցության, իշխանության բռնազավթման, իշխանության ներկայացուցչի նկատմամբ բռնություն գործադրելու, զենքի անօրինական ձեռքբերման և կրելու մեջ։ Հետագայում դատարանի որոշմամբ ստացիոնար դատահոգեբանական փորձաքննության ուղղարկված Շանթ Հարությունյանի նկատմամբ դատավարությունը դադարեցվել է։

Այսօրվա դատական նիստը տևել է 40 րոպեից քիչ ավել՝ հաշվի առնելով փաստաբանի չներկայանալու պատճառով նիստի տեղափոխման հնարավորության քննարկման համար գործով դատավոր Մնացական Մարտիրոսյանի կողմից վերցված 20-րոպեանոց ընդմիջումը։ Սակայն կարճատև դատական նիստը չխանգարեց դատավորին երկու անգամ զգուշացում ներկայացնել դատական նիստերի դահլիճում ներկա գտնվող միակ ամբաստանյալ Գրիգոր Ոսկերչյանին, ով անհարգալից վերաբերմունք էր ցուցաբերում դատարանի նկատմամբ ՝ ոտքի չկանգնելով Մարտիրոսյանի՝ դատական նիստերի դահլիճ մտնելու ժամանակ։

Մյուս ամբաստանյալները հեռացվել էին դատարանից 10 օրով՝ դեռևս մարտի 9-ի նիստի ընթացքում անհարգալից վերաբերմունք ցուցաբերելու և նիստի ընթացքը խախտելու համար։

Իր որոշման մեջ դատավոր Մարտիրոսյանը հիշեցրեց, որ մարտի 9-ի դատավարության ժամանակ ինքը գործընթացի կողմերին հնարավորություն է ընձեռել ելույթ ունենալ հայտարարություններով և միջնորդություններով, սակայն ամբաստանյալ Գրիգոր Ոսկերչյանի պաշտպանությունն իրականացնող փաստաբան Ոսկանյանը չի հայտարարել դատավարության տեղափոխման անհրաժեշտության մասին։

«Մարտի 10-ի դատական նիստի ընթացքում փաստաբան Հովիկ Արսենյանը դատարանին էր ներկայացրել իր բացակա գործընկեր Ոսկանյանի հայտարարությունը, որում վերջինս տեղեկացնում էր, որ մարտի 11-ից 13-ը Վրաստանի Ախալցխա քաղաքում պետք է տեղի ունենա ավելի վաղ նշանակված դատական նիստ, որին նա պետք է մասնակցի՝ որպես ամբաստանյալներից մեկի փաստաբան։ Այս պատճառով դատական նիստը տեղափոխվել էր մարտի 11-ին», - հիշեցրեց դատավորը։

Մարտիրոսյանը կարծում է, որ առանց հարգելի պատճառների և դատավորի թույլտվության Ոսկանյանի կողմից արդեն դատական երկրորդ նիստի բացթողումը վկայում է փաստաբանի կողմից դատարանի նկատմամբ անհարգալից վերաբերմունքի և դատավարության բնականոն ընթացքին խոչընդոտելու ցանկության մասին։ Այդ պատճառով դատավորը որոշել է դիմել Փաստաբանների պալատ՝ Ոսկանյանին պատասխանատվության ենթարկելու մասին հայտարարությամբ։

Նույն դատական նիստի ընթացքում մեղադրող կողմին աջակցող դատախազ Կորյուն Փիլոյանը տեղեկացրեց, որ փաստաբան Ոսկանյանը, չնայած հայտարարությանը, թե մարտի 10-ին մեկնում է Վրաստան, այդ օրը գտնվել է Երևանում և հատել է Հայաստանի սահմանը միայն չորեքշաբթի առավոտյան ժամը 7։45-ին։

Դատախազի այդ հայտարարությունը լրագրողներին հերքել է ամբաստանյալների փաստաբան Մելանիա Առուստամյանը, ով հայտարարել է, թե Փիլոյանը դատարանին չի ներկայացրել սեփական խոսքերը հաստատող պաշտոնական փաստաթղթեր։ Փաստաբանն ասաց, որ դատավոր Մարտիրոսյանի վարքագիծը վկայում է Ոսկանյանին գործից հեռացնելու նրա ցանկության մասին, քանի որ օրենսդրության նորմերի համաձայն՝ երեք անգամ անընդմեջ դատարան չներկայանալու դեպքում դատարանն իրավունք ունի հեռացնել փաստաբանին գործից։

Փաստաբանների պալատի խորհրդի անդամ հանդիսացող Առուստամյանի խոսքերով, փաստաբան Ոսկանյանին կարգապահական պատասխանատվության ենթարկելու մասին որոշումը կարող է ընդունել միայն Պալատի կարգապահական հանձնաժողովը, որի քննարկմանը դատարանից ստացված նամակը կներկայացնի Խորհուրդը։-0-

Loading...
Թեմատիկ նյութեր
Բաժնի այլ նյութեր
20:43
09 Դեկտեմբերի 2016
Հայաստանի և Ադրբեջանի ղեկավարների հանդիպման հնարավորությունը չի բացառվում. Նալբանդյան
Հայաստանի և Ադրբեջանի նախագահների Սերժ Սարգսյանի և Իլհամ Ալիևի հանդիպումը չի բացառվում:
16:43
09 Դեկտեմբերի 2016
Նախագահ Սարգսյանը կգլխավորի ՀՀԿ նախընտրական ցուցակը
ՀՀ նախագահ, Հայաստանի իշխող կուսակցության նախագահ Սերժ Սարգսյանը կգլխավորի կուսակցության ցուցակը 2017 թ.-ի ապրիլին կայանալիք խորհրդարանական ընտրություններում:
16:32
09 Դեկտեմբերի 2016
Հայաստանի առաջին նախագահը կգլխավորի ՀԱԿ–ի ցուցակը 2017թ.–ի ընտրություններում. խմբակցության ղեկավար
Հայ ազգային կոնգրես կուսակցության նախագահ, ՀՀ առաջին նախագահ Լևոն Տեր-Պետրոսյանը կգլխավորի կուսակցության ցուցակը 2017 թ.-ի ապրիլին կայանալիք խորհրդարանական ընտրություններում:
12:39
09 Դեկտեմբերի 2016
ՀՀԿ-ում բոլորը «փշերի» վրա են
Այսօր մամուլն արդեն գրում է, թե ովքեր են լինելու ՀՀԿ ցուցակում, և ովքեր են դուրս մնալու:
11:22
08 Դեկտեմբերի 2016
Գագիկ Ծառուկյանը մերժել է Սերժ Սարգսյանի առաջարկը
Սերժ Սարգսյան-Գագիկ Ծառուկյան հանդիպման ժամանակ Սերժ Սարգսյանը Գագիկ Ծառուկյանի հետ քննարկել է նախընտրական և հետընտրական զարգացումների հնարավոր բոլոր սցենարները:
16:51
07 Դեկտեմբերի 2016
Ֆրանսիայի ՆԳՆ նոր ղեկավարն Արցախի բարեկամն է և ընդգրկված է Ադրբեջանի «սև ցուցակներում»
Ֆրանսիայի ներքին գործերի նախարար Բրունո Լը Ռուն ներառված է ադրբեջանական արտաքին գերատեսչության «սև ցուցակում»:
11:52
07 Դեկտեմբերի 2016
«Դաշնակցությունը» ընտրություններից հետո հնարավոր է միանա իշխող ՀՀԿ-ին
ՀՅԴ-ն չի բացառում, որ ևս մաս կազմի իշխանական դաշինքին:
11:37
06 Դեկտեմբերի 2016
Չի բացառվում Դալլաքյան–Ծառուկյան քաղաքական տանդեմը
Չի բացառվում, որ Վիկտոր Դալլաքյանը միանալ Գագիկ Ծառուկյանի ստեղծելիք դաշինքին:
18:23
05 Դեկտեմբերի 2016
Քաղաքագետը պատմել է նախընտրական արշավի ընթացքում ՀՀԿ-ի ռազմավարության մասին
Հայաստանի հանրապետական կուսակցությունն արդեն սկսված նախընտրական արշավում ընդունել է երեք բաղկացուցիչներից կազմված ռազմավարություն:
16:02
05 Դեկտեմբերի 2016
ՀՀ ԱԺ խոսնակը սխալմամբ «կողմ» է քվեարկել ժողովրդի ապստամբության իրավունքին
ՀՀ ԱԺ խոսնակ Գալուստ Սահակյանը սխալմամբ «կողմ» է քվեարկել «Ժառանգության» պատգամավոր Զարուհի Փոստանջյանի «Ժողովրդի ապստամբության իրավունքի մասին» օրենքը ԱԺ քառօրյայի օրակարգում ավելացնելուն։
15:07
05 Դեկտեմբերի 2016
Գագիկ Ծառուկյանը վերադառնում է մեծ քաղաքականություն` որպես ընդդիմադիր գործիչ
«Բարգավաճ Հայաստան» կուսակցության հիմնադիր Գագիկ Ծառուկյանը, հազարավոր քաղաքացիների պահանջով, վերադառնում է ակտիվ քաղաքականություն, երկուշաբթի լրագրողներին ասաց «Բարգավաճ Հայաստան» խորհրդարանական խմբակցության ղեկավար Նաիրա Զոհրաբյանը։
15:40
03 Դեկտեմբերի 2016
ԲՀԿ քաղխորհուրդը խնդրում է Ծառուկյանին վերադառնալ ակտիվ քաղաքականություն
Շաբաթ օրը կայացած ԲՀԿ քաղաքական խորհրդի ընդլայնված նիստում քննարկվել է ԲՀԿ հիմնադիր նախագահ Գագիկ Ծառուկյանի ակտիվ քաղաքականություն վերադառնալու հարցը: