483.87
+0.05
519.53
-2.51
8.59
+0.1
+7
Եղանակը Երևանում
Հայ
Մարդու իրավունքների պաշտպանի հայտարարությունները միայն ինքնահաստատման փորձ է. Գլխավոր դատախազություն
10:33
11 Մարտի 2009

ԵՐԵՎԱՆ, 11 մարտի. /Նովոստի-Արմենիա/. Մարդու իրավունքների պաշտպանի հայտարարությունները միայն ինքնահաստատման փորձ է, ասվում է երեքշաբթի «Նովոստի-Արմենիա» գործակալություն ստացված ՀՀ գլխավոր դատախազության հայտարարության մեջ:

«Ցանկացած հայտարարություն, գնահատական՝ առավել ևս մարդու իրավունքների պաշտպանի կողմից հնչեցվող, պետք է հիմնված լինի օրենսդրության և կոնկրետ փաստերի վրա: Սակայն, հավատարիմ մնալով  որդեգրած իր աշխատաոճին, պաշտպանը, մասնավորապես, դատախազության աշխատանքների և գործունեության վերաբերյալ հնչեցվող իր գնահատականներում մշտապես ձեռնպահ է մնում դրանք հիմնավորող կամ նման եզրակացության հանգեցրած կոնկրետ դեպքերի մատնանշումից, ինչը հիմք է տալիս ենթադրելու, որ պաշտպանն ուղղակի զբաղված է անձնական քարոզչությամբ», - ասվում է հայտարարության մեջ։

Ինչպես նշում են Գլխավոր դատախազությունում, այդ մասին է վկայում  պաշտպանի զեկույցում տեղ գտած դատախազության աշխատանքներին վերաբերվող դրույթը:

Զեկույցում, մասնավորապես, նշվում է, որ ՀՀ դատախազության գործողությունների (ներառյալ տարածքային և զինվորական) աշխատակիցների գործողությունների դեմ  հաշվետու ժամանակաշրջանում ՀՀ մարդու իրավունքների պաշտպանին հասցեագրվել է 42 դիմում-բողոք, որոնցից 26-ն ընդունվել է քննարկման։

Նույն զեկույցի համաձայն՝ բողոքները վերաբերել են դատախազության աշխատակիցների կողմից քրեական գործերի քննության ընթացքում հսկողություն իրականացնելու իրենց սահմանադրական գործառույթը թերի կատարելու, նախաքննության մարմինների կողմից թույլ տված խախտումները չվերացնելու հետևանքով մարդու իրավունքների խախտումներին:

Հայտարարության համաձայն՝ դատախազական գործառույթների իրականացման ընթացքում առկա թերությունների մասին դատախազությունն ինքը բազմիցս բարձրաձայնել է՝ ձեռնարկելով կոնկրետ քայլեր՝ թերությունները, խախտումները վերացնելու ուղղությամբ։

«Այսօր ևս դատախազությունը հեռու է այն մտքից, որ դատախազների կողմից հետաքննության և նախաքննության օրինականության նկատմամբ իրականացվող հսկողության ընթացքում թերություններ չեն արձանագրվում: Բայց դատախազությունը հեռու է նաև այն մտքից, որ ամբողջ տարվա ընթացքում դատախազության դեմ ստացված 42 դիմում-բողոքը հիմք է տալիս պաշտպանին դատախազությանը ներկայացնել որպես ռեպրեսիվ կառույց՝ չնշելով կոնկրետ որևէ փաստ և մեթոդ», - ասվում է հայտարարության մեջ։

Ավելին, ինչպես նշում է Գլխավոր դատախազությունից, անգամ տացված դիմում-բողոքների բովանդակությունը մատնանշելիս  պաշտպանն իր տարեկան զեկույցում չի հիշատակել կիրառված «ռեպրեսիվ» մեթոդի որևէ կոնկրետ դեպք:

«Ինչպես ցանկացած որևէ այլ մարմնի, այնպես էլ դատախազության  առանձնին պաշտոնյաների աշխատանքներում հնարավոր են ոչ միայն թերացումներ, այլ նաև չարաշահումներ: Եվ դատախազության ղեկավարությունը բազմիցս հավաստել է իր վճռականությունը՝ պատասխանատվության ենթարկելու պաշտոնեական լիազորությունների չարաշահում թույլ տված յուրաքանչյուր դատախազի՝ ձեռնարկելով նաև կոնկրետ քայլեր (կարգապահական պատասխանատվության ենթարկում, զբաղեցրած պաշտոնից հեռացում, քրեական գործի հարուցում)՝  այդ մասին իրազեկելով նաև հանրությանը», - նշել են Գլխավոր դատախազությունից։

Ավելին, հայտարարության համաձայն, փոխշահավետ համագործակցության ակնկալիքով և նպատակով դատախազությունը պաշտպանին հրապարակավ առաջարկել է՝ տրամադրել իրեն հայտնի՝ ապօրինի ցուցումներ, օրենքի խախտումներ թույլ տված դատախազների անունները և կոնկրետ փաստեր՝ օրենքով սահմանված կարգով դրանց ընթացք տալու եւ ներգործության համապատասխան միջոցներ ձեռնարկելու համար:

«Սակայն առ այսօր որևէ կոնկրետ փաստ, խախտում թույլ տված  դատախազի անուն պաշտպանի գրասենյակը չի տրամադրել։ Մերկապարանոց հայտարարություններով հանդես գալը և այդ ճանապարհով արհեստականորեն պաշտպանի  իր աշխատանքի արժեվորումը հարիր չէ մարդու իրավունքների պաշտպանի ինստիտուտին, և ամենևին էլ չի խոսում պրոֆեսիոնալիզմի մասին: Կարծում ենք ինքնահաստատման ճանապարհը պաշտպանն  արդեն վաղուց  պետք է անցած լիներ», - ասվում է հաղորդագրության մեջ։-0-

Loading...
Թեմատիկ նյութեր

Բաժնի այլ նյութեր
19:02
30 Մարտի 2017
Հայ քաղաքագետը հայտնել է առաջիկա ընտրությունների հիմնական ինտրիգը
Քաղաքագետ Սերգեյ Մինասյանը հայտնել է խորհրդարանական ընտրությունների` փորձագիտական հանրությանը հետաքրքրող հիմնական ինտրիգը։
19:40
27 Մարտի 2017
Հայաստանի և Ադրբեջանի ԱԳՆ ղեկավարները բարձր մակարդակով հանդիպում են նախապատրաստում. Հոգլանդ
Հայաստանի և Ադրբեջանի արտաքին գործերի նախարարները բարձր մակարդակով հանդիպում են նախապատրաստում:
11:16
16 Մարտի 2017
ՀՀԿ–ի ներսում ամեն ինչ հարթ չէ. դժգոհություն է հասունանում
ՀՀԿ-ում իրավիճակն այնքան պարզ եւ հարթ չէ, ինչպես թվում է կողքից։
18:10
13 Մարտի 2017
Լուկյանով. Ռուսաստան–Թուրքիա–Ադրբեջան միություն երբեք չի կարող լինել
Ռուսաստանի, Թուրքիայի և Ադրբեջանի միջև միության մասին երբեք խոսք լինել չի կարող, հայտարարեց քաղաքագետ Ֆյոդոր Լուկյանովը։
11:33
10 Մարտի 2017
ՀՀ նախագահը ՌԴ–ում ՀՀ նոր դեսպան է նշանակել
Ավելի վաղ նախագահի հրամանագրով Օլեգ Եսայանն ազատվել էր ՌԴ–ում ՀՀ դեսպանի պաշտոնից։
11:14
10 Մարտի 2017
Օլեգ Եսայանն ազատվել է ՌԴ–ում ՀՀ դեսպանի պաշտոնից
ՀՀ նախագահ Սերժ Սարգսյանն ուրբաթ հրամանագիր է ստորագրել Օլեգ Եսայանին ՌԴ–ում ՀՀ արտակարգ և լիազոր դեսպանի պաշտոնից ազատելու մասին։
20:19
07 Մարտի 2017
Մեկնարկել է նախագահ Սերժ Սարգսյանի պաշտոնական այցը Ֆրանսիա
ՀՀ նախագահ Սերժ Սարգսյանը Ֆրանսիայի Հանրապետության նախագահ Ֆրանսուա Օլանդի հրավերով այսօր պաշտոնական այցով ժամանել է Ֆրանսիա:
16:48
06 Մարտի 2017
Ռոբերտ Քոչարյան. ընթացիկ քաղաքական գործընթացի մեջ մտնելու ոչ մի ցանկություն չունեմ
Հայաստանի երկրորդ նախագահ Ռոբերտ Քոչարյանը երկուշաբթի հարցազրույց է տվել 2rd.am կայքին:
16:20
06 Մարտի 2017
Ուսումնասիրություն. «Ծառուկյան դաշինքն» առաջ է անցնում ՀՀԿ–ից նախընտրական քարոզարշավի սկզբում
«Ծառուկյան դաշինքն» առաջ է անցնում ՀՀԿ–ից նախընտրական քարոզարշավի սկզբում։
12:55
06 Մարտի 2017
Լևոն Տեր–Պետրոսյանի բացակայությունը իր դաշինքի ակցիաներին կապված չէ առողջական վիճակի հետ
ՀՀ առաջին նախագահ Լևոն Տեր-Պետրոսյանի բացակայությունը դաշինքի վերջին միջոցառումներին կապված չէ նրա առողջական վիճակի հետ:
12:29
01 Մարտի 2017
ՀՀ նախագահը մեկնում է Ռուսաստան` ամրապնդելու տնտեսական համագործակցությունը
ՀՀ նախագահ Սերժ Սարգսյանը մարտի 14–ին երկօրյա պաշտոնական այցով կմեկնի Մոսկվա։
12:19
22 Փետրվարի 2017
Խաչատուր Սուքիասյան. աջակցում եմ ՀԱԿ–ին, բայց Ծառուկյանի կողքին եմ
Ես նախկինում էլ հայտարարել եմ, որ աջակցել եմ և աջակցելու եմ` հաշվի առնելով այն հանգամանքը, որ նրանց հետ ես քաղաքական դժվար ճանապարհ եմ անցել, նշել է Սուքիասյանը։