485.25
-0.08
569.44
-2.72
8.18
-0.02
-3
Եղանակը Երևանում
Հայ
Հայաստանը և Իտալիան մաքսային ծառայությունների համագործակցության վերաբերյալ համաձայնագիր են ստորագրել
13:38
09 Մարտի 2009

Իտալիայի փոխարտգործնախարար Ալֆրեդո Մանտիկան ու ՊԵԿ նախագահ Գագիկ Խաչատրյանը ստորագրել են երկկողմ համաձայնագիր երկու երկրների մաքսային ծառայությունների համագործակցության վերաբերյալ:

Փաստաթղթի նախաստորագրումը կայացել էր դեռևս 2007 թ.-ին՝ Իտալիա կատարած Խաչատրյանի այցի շրջանակներում, երկուշաբթի «Նովոստի-Արմենիա» գործակալությանը տեղեկացրեցին Կոմիտեի մամուլի ծառայությունից։

Համաձայնագրի շրջանակներում կողմերը կհամագործակցեն փոխադրումների և փոստային առաքումների  մաքսային հսկողությունը պարզեցնելու, այդ հսկողության մեթոդներն ու ուղիները բարելավելու համար, ինչպես նաև բեռների, տրանսպորտային միջոցների, ուղևորների, փոստային առաքումների, արժութային արժեքների ապօրինի ներմուծումը, արտահանումն ու տարանցումը երկու երկրների տարածքներով կանխելու նպատակով:

границаՀաշվի առնելով այն հանգամանքը, որ Իտալիայի մաքսային ծառայությունն այսօր Եվրոպայում առաջատար է համարվում, ինչպես նաև երկու երկրների միջև առևտրատնտեսական հարաբերությունների զարգացման անհրաժեշտությունը, կարևորվում է այդ պետության և Հայաստանի մաքսային ծառայությունների համագործակցության ընդլայնումն ու փորձի փոխանակումը

Խաչատրյանը մեծապես կարևորել է տարբեր երկրների հետ նման համաձայնագրերի ստորագրումը, որովհետև ներկա փուլում Հայաստանը մեծ ուշադրություն է դարձնում ռիսկերի հիման վրա կառավարման համակարգ ունենալու  և տեղեկատվության փոխանակման մեխանիզմների վրա։

«Մենք խիստ կարևորում ենք այն երկրների հետ համաձայնագրեր կնքելը, որոնցից ներկրումն առավել մեծ ծավալներով է իրականացվում», - ասել է Խաչատրյանը։

Միաժամանակ նա նշել է, որ Իտալիան կարող է Հայաստանին օժանդակել մաքսային լաբորատորիաներ ունենալու հարցում, քանի որ հենց այդ երկրում է լավագույնս կազմակերպվում նման լաբորատորիաների  գործարկումը։

«Մաքսային լաբորատորիա ունենալը թանկ հաճույք է, սակայն անհրաժեշտ, հատկապես բարեփոխումների այս փուլում»,- ընդգծել է  Խաչատրյանը:

Իտալիայի մաքսային ծառայության արտաքին կապերի վարչության պետ Ջուզեպպե Ֆավալեն իր հերթին վստահեցրել է, որ այս փաստաթղթի ստորագրումը  կարևոր քայլ է՝ երկու երկրների միջև առևտրաշրջանառությունն առավել անվտանգ դարձնելու հարցում, հատկապես որ վերջին 10 տարում այն անընդահատ աճի միտումներ է դրսևորում:

«Համաձայնագրով կարգավորվելու է նաև տեղեկատվության փոխանակումը հատկապես այն նյութերի վերաբերյալ, որոնք վտանգավոր են շրջակա միջավայրի համար: Նախատեսվում է նաև առավել պարզեցնել մաքսային հսկողության մեխանիզմները՝ միաժամանակ ուժեղացնելով հետբացթողումային հսկողությունը», - ասել է Ֆավալեն։

«Ստորագրված փաստաթուղթը ևս մեկ քայլ է երկու երկրների միջև մաքսային ընթացակարգերը պարզեցնելու ուղղությամբ: Միաժամանակ այն հնարավորություն է ընձեռում առավել մեծ ուշադրություն դարձնել մաքսային իրավախախտումների դեմ  պայքարին», - ասել է Իտալիայի փոխարտգործնախարար Ալֆրեդո Մանտիկան։

Նրա տրամադրած տվյալների համաձայն` 2008 թվականին  Իտալիայի և Հայաստանի միջև իրականացվել է 200 մլն եվրոյի ապրանքաշրջանառություն: Հայաստանից հիմնականում արտահանվել են պլաստիկ և տեքստիլ արտադրանք: Իտալիայից ներկվել են արդյունաբերական մեքենաներ, տեքստիլ արտադրանք, արդյունաբերական և քիմիական  սարքավորումներ։-0-

Loading...
Թեմատիկ նյութեր
Բաժնի այլ նյութեր
11:07
08 Դեկտեմբերի 2017
Հայաստանի նախագահի պաշտոնում կարող է միասնական թեկնածու առաջադրվել
Սահմանադրության բարեփոխված 125–րդ հոդվածի համաձայն, «հանրապետության նախագահի պաշտոնում թեկնածության առաջադրման իրավունք ունի պատգամավորների ընդհանուր թվի առնվազն ¼–ը»։
21:28
07 Դեկտեմբերի 2017
Կոչ ենք անում կենտրոնանալ ղարաբաղյան հակամարտության փոխզիջումային լուծումների վրա. ՄԽ համանախագահ երկրների ներկայացուցիչներ
ԵԱՀԿ Մինսկի խմբի համանխագահ երկրների պատվիրակությունների ղեկավարները Վիեննայում ԵԱՀԿ նախարարների խորհրդի նիստի ավարտին հանդես են եկել համատեղ հայտարարությամբ։
21:20
06 Դեկտեմբերի 2017
Հայաստանի և Ադրբեջանի ԱԳՆ ղեկավարների հանդիպումն է մեկնարկել Վիեննայում
Վիեննայում մեկնարկել է Հայաստանի և Ադրբեջանի ԱԳ նախարարներ Էդվարդ Նալբանդյանի և Էլմար Մամեդյարովի հանդիպումը։
21:07
06 Դեկտեմբերի 2017
Հայտնի են Հայաստանի ԱԳ նախարարի և համանախագահների հանդիպման թեմաները (ՎԻԴԵՈ)
Էդվարդ Նալբանդյանը հանդիպել է ԵԱՀԿ Մինսկի խմբի համանախագահներին։
18:53
06 Դեկտեմբերի 2017
Պուտինն առաջադրվելու է ՌԴ նախագահի պաշտոնում
Ռուսաստանի նախագահ Վլադիմիր Պուտինը հայտարարել է նախագահի պաշտոնում առաջրվելու մտադրության մասին:
10:35
05 Դեկտեմբերի 2017
Հայտնի է Հայաստանի նախագահի ամենահավանական թեկնածուի անունը
«Ժամանակ» թերթը գրում է, թե ով է Հայաստանի հաջորդ նախագահական ընտրությունների ամենահավանական թեկնածուն։
19:17
01 Դեկտեմբերի 2017
Արա Աբրահամյանը պահանջել է եթերից հեռացնել հակահայկական արշավ սկսած լրագրողներին և քաղաքագետներին
ՌՀՄ նախագահը կոչ է արել եթերից հեռացնել ծախու լրագրողներին, քաղաքագետներին և փորձագետներին, ովքեր հակահայկական արշավ են սկսել ռուսական հեռուստատեսությամբ։
18:14
30 Նոյեմբերի 2017
Վրաստանի վարչապետի այցը Հայաստան հետաձգվել է
Գիորգի Կվիրիկաշվիլիի այցը Հայաստան հետաձգվել է անորոշ ժամանակով:
17:48
30 Նոյեմբերի 2017
Հայաստան կժամանի Վրաստանի վարչապետ Գիորգի Կվիրիկաշվիլին
Այցի շրջանակներում նախատեսված են նրա հանդիպումները ՀՀ բարձրագույն ղեկավարության՝ ՀՀ նախագահի, ԱԺ նախագահի և վարչապետի հետ:
13:10
30 Նոյեմբերի 2017
Մարկեդոնովը կոչ է արել դադարեցնել ռուսական հեռուստատեսությամբ Հայաստան–ԵՄ համաձայնագրի շուրջ հնչող հիստերիան
Քաղաքագետ Սերգեյ Մարկեդոնովը կոչ է արել դադարեցնել ռուսական հեռուստատեսությամբ Հայաստան–ԵՄ համաձայնագրի շուրջ հնչող հիստերիան։
11:15
30 Նոյեմբերի 2017
ՀՀԿ–ում անհեթեթ են անվանել ռուս քաղաքագետների վիրավորական հայտարարությունները Հայաստան–ԵՄ համաձայնագրի ստորագրման վերաբերյալ
Էդուարդ Շարմազանովը մեկնաբանել է НТВ ռուսական հեռուստաալիքի talk show–ի ընթացքում Հայաստանի հասցեին հնչած հայտարարությունները։
20:35
28 Նոյեմբերի 2017
ՀՀ նախագահ. Հայաստանը շահագրգռված է բարեկամ Իրանի զարգացմամբ ու տարածաշրջանի կայունությամբ
ՀՀ նախագահն ընդունել է Իրանի Իսլամական Հանրապետության արտաքին գործերի նախարար Մոհամմադ Ջավադ Զարիֆին։