482.36
-0.38
568.99
-1.66
8.19
-0.05
+2
Եղանակը Երևանում
Հայ
Տոն կանանց համար և գլխացավանք տղամարդկանց համար. մարտի 8
12:11
09 Մարտի 2009

Մարտի 8-ի տոնը երկար տարիներ շարունակ մնում է միլիոնավոր մարդկանց սիրած տոներից մեկը, և Հայաստանը բացառություն չէ։ Հայ կանանց տոնական տրամադրության վրա չեն ազդում ոչ համաշխարհային ճգնաժամը, ոչ տարադրամի փոխարժեքի մշտական տատանումները, ոչ վերջերս հանրապետության ապրանքի շուկայում առաջացած ծանր իրավիճակը։ Դրա ապացույցը ստանալու համար պետք է պարզապես դուրս գալ գարնանային Երևանի փողոցներ, որտեղ տիրում է ջերմ, տոնական տրամադրություն, իսկ անցորդների՝ սովորաբար մտահոգ դեմքերին, փայլում են իսկապես գարնանային ժպիտներ։

Մարտ 8-ին մրցակից չեղավ նաև 1995թ.-ից տոնվող Մայրության և գեղեցկության տոնը՝ ապրիլի 7-ը։ Սակայն այս տոնը ևս նշվում է հանրապետությունում, և այն բանից հետո, երբ այն դադարեց լինել ոչ աշխատանքային օր, և վերադարձավ մարտ 8-ը տոնելու հին, բարի ավանդույթը, Հայաստանում սկսեցին տոնել միանգամից կանանց երկու տոն, իսկ երկու ամսաթվերի միջև ընկած ժամանակահատվածը սկսեցին կոչել կանանց միամսյակ։

Հայ կանայք բացառություն չեն և իրենց ամուսիններից, գործընկերներից, հարազատներից իսկական տոն, հոգատարություն և ջերմություն են ակնկալում՝ հույս ունենալով ստանալ թեկուզ ոչ մեծ, բայց հաճելի նվերներ։

Այնուամենայնիվ մարտի 8-ը կարելի է «մեծ փորձություն» անվանել տղամարդկանց համար, ովքեր խանութից-խանութ են մտնում՝ իրենց սիրելիների համար նվերներ ընտրելով։

Ավանդաբար հայ տղամարդիկ իրենց կանանց նվիրում են ծաղիկներ, օծանելիք և դիմահարդարման պարագաներ, փոքրիկ հուշանվերներ, իսկ մի մասը  նախապատվություն է տալիս նույնիսկ կենցաղային տեխնիկային և թանկարժեք ոսկե զարդերին։

Ընդհանուր առմամբ տղամարդկանց նվերների ցանկը համընկնում է հայ կանանց սպասելիքների հետ, չնայած կան կանայք, որոնք ցանկանում են որպես նվեր ստանալ որևէ բացառիկ և ռոմանտիկ բան, սակայն տղամարդկանց թիվը, որոնք իրենց կանանց նվիրում են ռոմանտիկ ճամփորդություն կամ վերելք դեպի Էվերեստի գագաթ, չնչին է։

Եթե կազմենք մարտի 8-ի նվերների վարկանիշային ցանկը, ապա, անխոս, առաջին տեղը զբաղեցնում են ծաղիկները։ Մարտի 8-ին շատ ծաղիկների խանութներ հայտարարել էին տոնական ակցիաներ։

Այսպես, մարտի 8-ին ժամը 18։00-ին «Բրաբիոն Ֆլորա Սերվիս» ընկերության ծաղկի սրահ ձիով կամ ավանակով եկողները հնարավորություն էին ստանում անվճար ընտրել յուրաքանչյուր նվեր՝ ինչպես ծաղկեփունջ, այնպես էլ տարբեր հուշանվերներ։

  
Մարտի 8-ի նվերների վարկանիշային ցանկում երկրորդ տեղը զբաղեցնում են օծանելիքն ու հրուշակեղենը։

Ինչ վերաբերում է հրուշակեղենին, ապա շոկոլադ և տորթ գնելն ավելի է տարածվում է Հայաստանում։ Սակայն տղամարդիկ պետք է ավելի զգույշ մոտենանա նման նվերների ընտրությանը և ավելի վաղ պարզեն, թե, արդյո՞ք, իրենց սիրելին Մեծ Պահք է պահում։

Հայաստանում տարածված նվերներից կարելի է վստահ նշել նաև կենցաղային տեխնիկան։ Թեև համաձայնեք, որ մարտի 8-ին չարժե սիրելի կնոջը խոհանոցային կոմբայն կամ հարիչ նվիրել։

Թերևս տարին մեկ անգամ նա արժանի է իրեն զգալի ոչ թե օրերը խոհանոցում անցկացնող Մոխրոտիկ, այլ թագուհի։ Իսկ տատիկները, մայրիկներն ու քույրերը չեն հրաժարվի նման նվերից։

Տղամարդիկ պետք է հաշվի առնեն, որ ժամանակակից կանայք կրթված են և առաջադեմ, այդ պատճառով նրանք գոհունակությամբ որպես նվեր կընդունեն բջջային հեռախոս, համակարգիչ կամ նոութբուք, և, իհարկե, ոչ ոք չի հրաժարվի նաև ավտոմեքենայից։

Հայաստանում ավելի մեծ թվով կանայք են զբաղվում բիզնեսով, քաղաքական կարիերայով։ Օրինակ Հայաստանի խորհրդարանում 131 պատգամավորական մանդատներից 11-ը պատկանում է կանանց, իսկ փոխխոսնակներից մեկը Արևիկ Պետրոսյանն է։

Հայաստանի խորհրդարանի «ամենականացի» խմբակցությունն է միակ ընդդիմադիր «Ժառանգություն» խմբակցությունը, որտեղ յոթը անդամներից երեք կանայք են։

Կանայք ներկայացված են նաև երկրի կառավարության կազմում՝ ՀՀ մշակույթի նախարարն է Հասմիկ Պողոսյանը, սփյուռքի նախարարը՝ Հրանուշ Հակոբյանը։

Չի բացառվում, որ ժամանակի հետ, միգուցե խորհրդարանական ընտրություններից հետո, երկրի կառավարությունում և խորհրդարանում տեղի ունենան կառուցողական փոփոխություններ, կանանց թիվը իշխանության կազմում կավելանա, և եռանդով լի, տաղանդավոր կանայք իրենց հզոր ներդրումը կանեն երկրի կառավարման գործընթացում։

Ի դեպ, Grant Thornton-ի՝ աշխարհի 36 երկրներին նվիրված զեկույցի համաձայն, Հայաստանը երկրների առաջին տասնյակի ցանկում է, որտեղ կանայք մասնավոր ընկերություններում ղեկավար պաշտոններ են զբաղեցնում։

Եզրափակելով՝ կցանկանայինք հայ կանանց մաղթել երջանկություն և ջերմություն, մեծ եռանդ ու սեր։ Թեև առջևում դեռ փոփոխական մարտն է, որը եղանակային բազմաթիվ անակնկալներ կմատուցի, մաղթում ենք Ձեզ՝ սիրելի կանայք, որպեսզի ձեզ համար միշտ փայլի ջերմ, գարնանային արևը։-0-

Loading...
Թեմատիկ նյութեր
Բաժնի այլ նյութեր
17:36
15 Դեկտեմբերի 2017
Հայաստանում ԵՄ պատվիրակության ղեկավարը խոսել է ԵՄ–ի հետ ստորագրված համաձայնագրի դրական կողմերի մասին
Նա ընդգծեց նաև, որ հայկական իշխանությունները գործադրում են անհրաժեշտ բոլոր ջանքերը, որպեսզի երկրի քաղաքացիները ավելի շուտ զգան համաձայնագրի դրական ազդեցությունը:
13:09
15 Դեկտեմբերի 2017
Թուրք լրագրողը հարձակվել է հայ քաղաքագետի վրա «Զվեզդա» հեռուստաալիքի եթերում (ՎԻԴԵՈ)
Թուրք լրագրողը «Զվեզդա» հեռուստաալիքի «Process» (Процесс) հաղորդման ժամանակ հարձակվել է հայ քաղաքագետ Սարգիս Ծատուրյանի վրա:
20:09
14 Դեկտեմբերի 2017
Հայաստանի դիրքորոշումը հայ–թուրքական արձանագրությունների հարցում անփոփոխ է. ԱԳՆ
Հայաստանի դիրքորոշումը Թուրքիայի հետ հարաբերությունների բարելավման արձանագրությունների հարցում անփոփոխ է մնում:
19:21
14 Դեկտեմբերի 2017
Թուրքիան հայտարարել է, որ հավատարիմ է Հայաստանի հետ հարաբերությունների բարելավմանն ուղղված արձանագրություններին
Թուրքիան պահպանում է Հայաստանի հետ հարաբերությունների բարելավմանն ուղղված արձանագրությունների նկատմամբ իր հավատարմությունը:
15:29
13 Դեկտեմբերի 2017
Հայաստանը 2018–ը գարունը կդիմավորի առանց հայ-թուրքական արձանագրությունների. ԱԳՆ
Հայաստանի և Թուրքիայի հարաբերությունների կարգավորման գործընթացը 2008 թ.–ի աշնանը նախաձեռնել է ՀՀ նախագահ Սերժ Սարգսյանը։
18:19
12 Դեկտեմբերի 2017
ՄԻԵԴ–ը պարտավորեցրել է Ադրբեջանին 35000 եվրո վճարել հայ փախստականի ընտանիքին
Մարդու իրավունքների եվրոպական դատարանը հրապարակել է «Սարգսյանն ընդդեմ Ադրբեջանի» գործով փոխհատուցման որոշումը։
11:09
12 Դեկտեմբերի 2017
Հայաստանի ԱԳՆ ղեկավարը կմեկնի Հունաստան
Հայաստանի արտաքին գործերի նախարար Էդվարդ Նալբանդյանը դեկտեմբերի 12-13–ին պաշտոնական այցով կմեկնի Հունաստան։
11:07
08 Դեկտեմբերի 2017
Հայաստանի նախագահի պաշտոնում կարող է միասնական թեկնածու առաջադրվել
Սահմանադրության բարեփոխված 125–րդ հոդվածի համաձայն, «հանրապետության նախագահի պաշտոնում թեկնածության առաջադրման իրավունք ունի պատգամավորների ընդհանուր թվի առնվազն ¼–ը»։
21:28
07 Դեկտեմբերի 2017
Կոչ ենք անում կենտրոնանալ ղարաբաղյան հակամարտության փոխզիջումային լուծումների վրա. ՄԽ համանախագահ երկրների ներկայացուցիչներ
ԵԱՀԿ Մինսկի խմբի համանխագահ երկրների պատվիրակությունների ղեկավարները Վիեննայում ԵԱՀԿ նախարարների խորհրդի նիստի ավարտին հանդես են եկել համատեղ հայտարարությամբ։
21:20
06 Դեկտեմբերի 2017
Հայաստանի և Ադրբեջանի ԱԳՆ ղեկավարների հանդիպումն է մեկնարկել Վիեննայում
Վիեննայում մեկնարկել է Հայաստանի և Ադրբեջանի ԱԳ նախարարներ Էդվարդ Նալբանդյանի և Էլմար Մամեդյարովի հանդիպումը։
21:07
06 Դեկտեմբերի 2017
Հայտնի են Հայաստանի ԱԳ նախարարի և համանախագահների հանդիպման թեմաները (ՎԻԴԵՈ)
Էդվարդ Նալբանդյանը հանդիպել է ԵԱՀԿ Մինսկի խմբի համանախագահներին։
18:53
06 Դեկտեմբերի 2017
Պուտինն առաջադրվելու է ՌԴ նախագահի պաշտոնում
Ռուսաստանի նախագահ Վլադիմիր Պուտինը հայտարարել է նախագահի պաշտոնում առաջրվելու մտադրության մասին: