482.25
+0.32
566.07
-3.09
8.39
+0.02
+9
Եղանակը Երևանում
Հայ
ԱՄՀ-ի հետ Հայաստանի վերջին ծրագիրն աջակցում է Հայաստանի սուվերեն վարկանիշին. Fitch
10:19
06 Մարտի 2009

Fitch վարկանիշային գործակալության կարծիքով ԱՄՀ-ի հետ Հայաստանի վերջին ծրագիրն աջակցում է Հայաստանի սուվերեն վարկանիշին:

2009 թ. մարտի 5-ին Fitch վարկանիշային կազմակերպությունն իր մամուլի հաղորդագրության մեջ նշել է, որ 540 մլն ԱՄՆ դոլար կազմող ԱՄՀ վարկային մեխանիզմը կաջակցի գլոբալ և տարածաշրջանային շոկերի նկատմամբ Հայաստանի տնտեսության դիմադրողականության ավելացմանը, դրանով իսկ նպաստելով երկրի սուվերեն վարկանիշի հեռանկարին:

Ներկայում Հայաստանի սուվերեն վարկանիշն արտարժույթով և ազգային արժույթով երկարաժամկետ պարտավորությունների գծով BB է` «Կայուն» հեռանկարով: Երկրի առաստաղային վարկանիշը ՙBB+՚ է, իսկ կարճաժամկետ վարկանիշը` ՙB՚:

ՙFitch-ի սուվերեն վարկանիշների գծով վերլուծական խմբի տնօրեն Էնդրյու Կոլխաունը նշում է, որ փոքր և համեմատաբար փակ տնտեսություն ունեցող Հայաստանը չի խուսափել գլոբալ վարկային ճգնաժամից, քանի որ Ռուսաստանի տնտեսական անկման արդյունքում զգալիորեն նվազել են դրամական փոխանցումների և ներդրումների ներհոսքը:

Սակայն Հայաստանի որոշումը դիմել ԱՄՀ աջակցությանը և թույլ տալ ազգային արժույթի առավել ազատ լողացող ռեժիմ, ողջունելի ազդանշան է ներկա դժվարությունները հաղթահարելուիշխանությունների զգուշավոր մոտեցմանը:

ԱՄՀ-ի Կառավարիչ-Տնօրեն Դոմինիկ Ատռոս-Կանը կոչ է արել ԱՄՀ-ի Խորհրդին 2009 թ. մարտի 6-ի իր նիստում հավանություն տալ Հայաստանին 540 մլն դոլար 28-ամսյա Stand By վարկ տրամադրելու որոշմանը, որը կազմելու է ԱՄՀ-ում Հայաստանի քվոտայի 400%:

Երկիրը դիմել էր ԱՄՀ-ի օգնությանը, երբ պաշտոնական պահուստները նվազել էին 24%-ով և 2009 թ. հունվարի վերջի դրությամբ կազմել 1.26 մլրդ դոլար` 2007 թ. վերջի 1.66 մլրդ դոլարի համեմատ:

Կենտրոնական բանկը 2008 թ.-ի ընթացքում ծախսել էր շուրջ 360 մլն դոլար ՀՀ դրամի փոխարժեքը ԱՄՆ դոլարի նկատմամμ 305 մակարդակի վրա պահելու և դրանով մասնակիորեն դոլարացված ֆինանսական համակարգի նկատմամբ վստահությունը դժվարին պայմաններում պահպանելու համար:

Կենտրոնական բանկը ներկայում թույլ է տալու փոխարժեքի ավելի մեծ տատանողականություն և ակնկալում է, որ ՀՀ դրամը կտատանվի 370ՀՀ դրամ/ԱՄՆ դոլար մակարդակի շուրջ:

Սակայն Կենտրոնական բանկը պաշտոնապես չի հավաստիացրել, որ ՀՀ դրամի փոխարժեքը գտնվելու է որոշակի մակարդակի կամ որևէ միջակայքի սահմաններում:

ԱՄՀ-ի վարկային ծրագիրը ներառում է աջակցություն բանկերին` հնարավորություն տալով նրանց չեզոքացնել ՀՀ դրամի արժեզրկման հետևանքները` բանկային համակարգի վարկերի ընդհանուր ծավալում 38%-ը արտարժութային վարկերի առկայության պայմաններում: Քանի որ մասնավոր հատվածին տրամադրված բանկային վարկերը 2008 թ. վերջի դրությամբ կազմել են ՀՆԱ-ի միայն 17%-ը, ցանկացած պրոբլեմ դեռևս բավականին լավ կապիտալիզացված բանկային հատվածում կլինի առավել կառավարելի, քան նույն տարածաշրջանում «BB» սուվերեն վարկանիշ ունեցող երկրների մեծ մասում:

Հայաստանի ՀՆԱ-ի աճը 2008 թ.-ին դանդաղել է և կազմել 6.8%` 2007 թ. 13.8%-ի համեմատ: 2008 թ. չորրորդ եռամսյակում գրանցվել է տնտեսական անկում 0.2 %, որը հիմնականում պայմանավորված էր շինարարության աճի տեմպերի շուրջ 11%-ով նվազմամբ:

2008 թ. չորրորդ եռամսյակում Ռուսաստանի տնտեսության կտրուկ անկումն ազդել է ստացվող դրամական փոխանցումների վրա, որն արտարժույթի և պահանջարկի ձևավորման կարևորագույն աղբյուր է: Համաձայն ԱՄՀ կանխատեսումների, 2009 թ.-ին Հայաստանի տնտեսությունը կկրճատվի 1.5%-ով, սակայն Հայաստանի իշխանություններն ակնկալում են շուրջ 2% տնտեսական աճ, պայմանավորված ֆիսկալ խթաններով, որոնք մասամբ ֆինանսավորվում են պաշտոնական աղμյուրներից:

Ի լրումն ԱՄՀ վարկային ծրագրի, Հայաստանը ստանալու է 500 մլն ԱՄՆ դոլարի վարկ Ռուսաստանից և մոտակա 3 տարիներիընթացքում մինչև 525 մլն ԱՄՆ դոլարի վարկային միջոցներ Համաշխարհային բանկից` փոքր և միջին ձեռնարկություններին ֆինանսավորելու համար:

ԱՄՀ վարկային ծրագրի հաստատումը և հաջողությամբ իրագործումը, ինչպես նաև երկրում վարվող կարգապահ քաղաքականության պահպանումը կաջակցի Հայաստանի վարկանիշին:

Աշխարհաքաղաքական ռիսկը մնում է կարևոր գործոն այս անկայուն տարածաշրջանում, թեև հարևան Ադրբեջանի հետ սառեցված հակամարտության լուծման գործում կա առաջընթաց: Ներքին քաղաքական ռիսկը թվում է թուլացել է ընտրությունների հետ կապված 2008 թ. մարտի անկայունության ժամանակահատվածից հետո, թեև տնտեսության անկումը կարող է հետագայում նորից անհանգստությունների պատճառ դառնալ:

Պետական ֆինանսները շարունակում են հանդիսանալ դրական վարկանիշային գործոն: Այսպես, Fitch-ի գնահատականներով, Հայաստանի պետական պարտքը 2008 թ. վերջի դրությամբ կազմել է ՀՆԱ-ի միայն 14%-ը:-0-

Loading...
Թեմատիկ նյութեր
Բաժնի այլ նյութեր
19:10
19 Հոկտեմբերի 2017
Թուրք հասարակական գործչին ձերբակալել են Ծիծեռնակաբերդ այցելելու համար
Ստամբուլի Աթաթուրքի անվան միջազգային օդանավակայանում ձերբակալվել է հայտնի թուրք գործարարներից մեկը։
14:57
19 Հոկտեմբերի 2017
Քսենիա Սոբչակը մտադիր է ՌԴ նախագահ դառնալ
Քսենիա Սոբչակը որոշել է մասնակցել 2018 թ.–ի մարտին կայանալիք ՌԴ նախագահական ընտրություններում։
13:30
19 Հոկտեմբերի 2017
Ադրբեջանցիները հուզվել են Հայաստանի քարտեզում Ղարաբաղի պատկերման պատճառով
Սոչիում անցկացվող Երիտասարդների և ուսանողների փառատոնին ադրբեջանցիները սկանդալ են հրահրել։
18:19
18 Հոկտեմբերի 2017
Անիմաստ է խոսել ղարաբաղյան կարգավորման մասին, քանի դեռ Երևանի և Բաքվի միջև չկա վստահություն
Անիմաստ է խոսել ղարաբաղյան հակամարտության կարգավորման մասին, քանի դեռ երկու երկրների հասարակությունների միջև չհայտնվի «վստահության ինչ–որ կետ»:
17:10
16 Հոկտեմբերի 2017
Հրապարակվել են Սարգսյան–Ալիև հանդիպման արդյունքները
Հրապարակվել են այսօր Ժնևում կայացած Սարգսյան–Ալիև հանդիպման արդյունքները:
16:01
16 Հոկտեմբերի 2017
Ավարտվեցին Սարգսյան–Ալիև բանակցությունները. Ալիևը լքեց բանակցությունների վայրը
Ժնևում քիչ առաջ ավարտվեցին ՀՀ նախագահ Սերժ Սարգսյանի և Ադրբեջանի նախագահ Իլհամ Ալիևի բանակցությունները։
15:38
16 Հոկտեմբերի 2017
Այս պահին ընթանում է Հայաստանի և Ադրբեջանի նախագահների առանձնազրույցը
Ժնևում մեկնարկել է Հայաստանի և Ադրբեջանի նախագահներ Սերժ Սարգսյանի ու Իլհամ Ալիևի առանձնազրույցը։
14:46
16 Հոկտեմբերի 2017
Հայաստանի և Ադրբեջանի նախագահների հանդիպումն է մեկնարկել Ժնևում
Հայաստանի և Ադրբեջանի նախագահներ Սերժ Սարգսյանի և Իլհամ Ալիևի հանդիպումն է մեկնարկել Ժնևում:
13:05
16 Հոկտեմբերի 2017
Սերժ Սարգսյանն արդեն Ժնև է ժամանել` հանդիպելու Ալիևի հետ
Հայաստանի նախագահ Սերժ Սարգսյանը ժամանել է Ժնև` իր ադրբեջանցի գործընկեր Իլհամ Ալիևի հետ հանդիպման։
23:51
15 Հոկտեմբերի 2017
ԵՄ-ն պահանջում է փակել հայկական ատոմակայանը
Հրապարակվել է Հայաստանի և Եվրամիության միջև համապարփակ և ընդլայնված համաձայնագրի տեքստը:
13:44
13 Հոկտեմբերի 2017
Հայտնի է Հայաստանի և Ադրբեջանի նախագահների հանդիպման օրը
ԵԱՀԿ Մինսկի խմբի համանախագահ երկրների նախաձեռնությամբ կկայանա Հայաստանի և Ադրբեջանի նախագահների հանդիպումը։
00:02
13 Հոկտեմբերի 2017
Աշոտյանը հայտնել է Հայաստանի և Ադրբեջանի նախագահների առաջիկա հանդիպման ամսաթիվը
Հայտնի է Հայաստանի և Ադրբեջանի նախագահների առաջիկա հանդիպման ամսաթիվը: